राज की नीति -आदित्य चौधरी  हिन्दी देवनागरी में पढ़ें।

Bharatkosh-copyright-2.jpg

fesabuk par bharatakosh (nee shuruat) bharatakosh
fesabuk par adity chaudhari adity chaudhari

raj ki niti -adity chaudhari


Raj-ki-niti.jpg

-kya ap mujhe, apane makan men kirae par ek kamara de sakate hain?
nahin !... kyonki tum makan khali nahin karoge. hamare poore makan par qabza kar loge.
-kya ap mujhe naukari de sakate hain?
nahin !... kyonki pahali bat to padhe-likhe nahin ho; doosare tumhara vyavahar behooda hai.
-kya ap mujhe apane vyapar men shamil kar sakate hain?
nahin !... kyonki tum hamare vyapar men shamil hokar hamare vyapar par qabza kar loge. ho sakata hai mujhe marava bhi do.
-kya ap mujhe kuchh karza de sakate hain?
nahin !... kyonki tum kabhi vapas nahin karoge. tumako karza dene ka matalab hai paise doob jana.
-kya ap apani beti ki shadi mujhase kar sakate hain, main kunvara hoon?
nahin !... kyonki tumase beti ki shadi hone par usaka aur hamara jivan nark ho jaega. isase achchha hai ki vo zindagi bhar kunvari rahe.
-kya ap mujhe vot de sakate hain? main is bar ke chunav men khada ho raha hoon.
-han, ham tumhen vot denge, chnda denge aur tumhara zoradar svagat bhi karenge.
-"lekin kyon! apane mujhe kisi layaq nahin samajha to phir main netritv ke layaq kyon hoon?"
"kyonki ab ye hamare desh ki parampara ho gayi hai jise ham kisi yogy nahin manate use ham neta banane ke yogy to man hi lete hain. isaka karan hai ki ham har tariqe se hiro ko 'dabng' hi dekhana chahate hain aur neta ko bhi dabng hi dekhana chahate hain. isalie jao honahar naujavan! neta ban jao aur desh ka kalyan karo (aur meri jan chhodo)."

ye vartalap yahin samapt hua. ab age chalen...
        zahir hai panch rajyon ke chunavon se rajaniti ka vishay bhi garm raha. is bar aparadhiyon ki bhagidari satta men kam se kam ho; is bat ka kafi prachar raha. kee netaon ne apane-apane zor azamae hain... ye sab to thik lekin ye 'neta' hota kya hai? jis tarah kisi naukari ke lie bahut sari ahartaen poori honi chahie, usi tarah neta banane ke lie bhi kisi yogyata athava 'kvalifikeshan' ki zaroorat hai? ye saval anek bar uthate hain.
        bharatavasiyon ne mahatma gandhi ko yadi neta mana to netaji subhash ko bhi gandhi ji ke ummidavar ke khilaf kangres ka adhyaksh banaya. neharoo ji ko neta mana to saradar patel ko bhi pradhanamntri ke roop men dekhane ki ichchha karodon bharatavasiyon ke man men aj bhi hai ki kash! patel bane hote pradhanamntri.... aj bhi dil men karah uthati hai ki kash saradar bhagatasinh ko phansi n lagi hoti. lal bahadur shastri ko eemanadari aur paradarshita ka pratik mana gaya to indira gandhi ko lauh mahila ka khitab diya gaya. abdul kalam aur atal bihari vajapeyi janata men apani alag visheshataon se lokapriy ho gaye... lekin kyon... kya khas bat hai in netaon men? jisamen neta ke kuchh khas gun hon, vahi neta banata hai.
        kam se kam char gun to mukhy hain- sabase pahale to vah 'jananeta' ho; usake bhashanon men itani jan ho ki vah bhashan sunane aee huee bhid ko voton men badalane ki shakti rakhata ho. doosare vah 'rajaneta' ho; use snsadiy garima ka pata ho; padha likha ho aur vidvanon ke bich men kuchh bolane ki kshamata rakhata ho. tisare vah 'achchha prabandhak' ho; usaka prabandhan achchha ho aur viparit paristhiti men bhi saphal rajanitik gathajod ki kshamata ho. chauthe vah 'kushal prashasak' ho; use shasan prashasan ata ho. yahan yah dhyan dene vali bat hai ki in gunon men kahin bhi tyag karane ki kshamata, saty bolana, bhavuk ya dayalu hona adi nahin hai.
        asal men rajaniti men 'raj' ke sath 'niti' lagi huee hai. niti adami tabhi banata hai; jab vah kuchh prapt karana chahata hai. tyag ke lie nitiyon ki avashyakata nahin hoti. jab raj prapt karana chahate hain to raj ke sath men niti lagakar kam chalata hai. arth prapt karana chahate hain to arth ke sath men niti lagate hain, 'arthaniti' kar dete hain. chanaky aur chandragupt ka dhyey tha; magadh ka rajy prapt karana. chanaky ne niti banaee to 'chanaky-niti' kahalane lagi. kautily ka arthashastr bana; arthaniti bani.
        arth bahut arthapoorn hota hai: shasan ke lie; rajy ke lie. is snbndh men chanaky ki tarah hi maikiyaveli[1] ne bhi anek niyam raja ya shasak ke lie batae hain. maikiyaveli ne likha hai kisi bhi vyakti ko shasak banane se pahale arthik mamalon men udar hona chahie lekin shasan hath men ane par usaka kripan (knjoos) ho jana hi rajy ke hit men hai, kyonki rajy paison se hi chalata hai. yadi rajy prapt karane ke bad raja udar ho jayega to sara khazana luta dega aur rajy ki vyavasthaen kamazor pad jayengi. videshi taqaten qabza kar lengi aur arthik mndi a jayegi. is tarah ki nitiyan maikiyaveli ne apani kitab men likhi hain. maikiyaveli koee jan-priy lekhak nahin raha kyonki usako kroor shasan se sambandhit nitiyan batane ka aropi paya gaya. maikiyaveli ka prabhav nitshe (Friedrich Nietzsche) par pada aur nitshe ka hitalar par.
        udhar maikiyaveli ka thik ulta 'thaauro' (Henry David Thoreau 1817-62 ) hai. thaauro ki nitiyan bilkul alag hain aur usaki soch bilkul alag hai. thaauro kahata hai ki sarakar sabase achchhi vah hai: jo kam se kam shasan kare; use shasan men nyoonatam bhagidari karani pade; vah vikas karyon men adhik dhyan de. yani nyoonatam shasan-prashasan vali sarakar. isi tarah nyoonatam shasan karane vala raja sarvashreshth hai. ye thaauro mahashay vahi hain; jinake vicharon se prabhavit hokar mahatma gandhi ne 'savinay avgya andolan' chalaya. 'savinay avgya' asal men thaauro ki hi soch thi.
        thaauro ki mrityu ke bad 1863 men prajatntr ke praneta abraham linkan ka vishvaprasiddh bhashan gatisabarg (Gettysburg) men hua. gulami pratha ko khatm karane ka snkalp lekar linkan ne chunav prachar kiya aur amarika ke rashtrapati bane. das-pratha ke samarthak dakshini rajyon ke karan grihayuddh chhid gaya. yuddh men jit jane par linkan ka yah bhashan hua. yah vahi snbodhan hai jisamen unhonne prajatantrik sarakar ko paribhashit karate hue "janata ki, janata ke dvara, janata ke lie" kaha tha. (of the people, by the people, for the people). zara sochie ki yah bhashan matr 2 minat ka tha aur isamen vyakaran snbndhi bhoolen bhi thin lekin itane prabhavashali dhng se yah bhashan diya gaya tha ki isaka prabhav aj tak qayam hai.
        linkan ke pita kisan the aur sath hi badhee ka kam bhi karate the. abraham linkan se snsad men ek sadasy ne kaha ki apaki haisiyat hi kya hai mere samane? apake pita mere pita ke yahan farnichar par paaulish kiya karate the. linkan ne kaha ki yah sahi hai ki mere pita farnichar par paaulish karate the lekin unhonne kabhi bhi kharab paaulish nahin ki hogi. unhonne apana kam sarvashreshth tariqe se kiya aur isaka natija yah hua ki unhonne apane bete ko is yogy bana diya ki aj unaka beta amarika ka rashtrapati hai jabaki apake pita bahut adhik paise vale hone ke bavajood bhi apako ye nahin sikha paye ki snsad men sadasyon ke prati kis prakar se pesh ana chahie.

abraham linkan ne yah sabit kiya ki vah 'jananeta', 'rajaneta', 'prabndhak', 'prashasak' adi sabhi kuchh uttam shreni ke the aur isalie unhen aj bhi yad kiya jata hai.

is saptah itana hi... agale saptah kuchh aur...


-adity chaudhari
snsthapak evn pradhan sampadak


tika tippani aur sndarbh

  1. Niccolò Machiavelli. jo 'punarjagaran kal' (Renaissance 14vin se 17vin shatabdi) men apani vivadaspad pustak 'd prins' ke karan bahut charchit bhi raha aur ghrina ka patr bhi bana

bahari kadiyan


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah