ख़ालसा पंथ  हिन्दी देवनागरी में पढ़ें।

khalasa ka arth hai shuddh, khalasa shabd farasi shabd khalis se utpann hai. khalasa sikkh dharm ka pradhan pnth hai, yauvanarnbh ayu men pahunchane par adhikansh sikkh ladakon aur ladakiyon ko khalasa pnth men dikshit kiya jata hai. pahuloo namak yah samaroh khalasa ke panch sadasyon dvara kiya jata hai, jo bhajanon ke uchcharan ke sath-sath kripan ki madad se pani men shakkar milate hain. diksha prapt karane vale ek hi pyale se is pey ko pite hain, jo jati bhed ki samapti ko darshata hai. ladakon ko sinh aur ladakiyon ko kaur upanam pradan kiya jata hai.

diksha

purush dikshiton ko panch kakar dharan karane ki shapath leni padati hai. jo 'khalasa pnth' ke pratik hain-

  1. kesh
  2. kngha
  3. kachchha
  4. kada
  5. kripan
  • sath hi ve tnbakoo ya sharab ka sevan n karane ki bhi shapath lete hain.

itihas

san 1699 ee. men baisakhi ke din shri keshavagadh anndapur sahib (pnjab) ki dharati par shri guru govind sinh ji maharaj ne shri guru nanak dev ji maharaj ke nirmal pnth ki snpoornata karate hue khalasa pnth ki sthapana ki. jinhen pahale sikh kaha jata tha, ab amritapan karane ke bad usako khalasa kaha jane laga. sach to yah hai ki khalasa pnth ke nirman ke pichhe guru nanak dev ji ka, satanam ka gurumntr, satyata aur ekata ki bhavana, eeshvar bhakti ka sndesh, manav ko saty path par chalane ka adesh, guru annd dev ji seva, shalinata aur sntosh ka udaharan guru amaradas ki guru mahima se usake saty roop ka pratik, guru namadas ki sngat-pngat ki vyavastha guru arjunadev ji ke saty ke prati balidan aur namrata, guru harigobind ji ki lalakar, guru har ray ji ka guru ghar men ae ko ashirvad, guru harikrishn ji dvara garugaddi ki pratishtha men achal lila, guru tegabahadur ji dvara ji desh aur sanatan dharm ki raksha men dilli ke chandani chauk men apana sir dekar nee parnpara ka prakash hai.

achary hajari prasad dvivedi ke shabdon men 'khalasa men guruji ne alaukik shakti snchar kiya aur upadesh diya ki khalasa men oonch-nich koee nahin, sab ek svaroop hain. khalasa ka pahala dharm hai ki desh manav jati ki raksha ke lie tan-man-dhan sab kuchh nyauchhavar kar de. nirdhanon, anathon tatha asahayon ki raksha ke lie age rahe. sataguru ne khalasa sajakar amrit prachar ki ek anokhi pratha chalaee. amrit prachar dvara rashtriy sngathan paida kiya tatha ek paramatma ki upasana ka upadesh diya. guru dev ka yah lokatantrik nam snsar ke itihas men asadharan tatha alaukik hai.'

shri guru gobind sinh ji ne khalasa pnth ki rachana karake logon men yah vishvas utpann kiya ki ve log ek eeshvariy kary ko snpann karane ke lie utpann hue hain. unhonne ek naya jayaghosh diya.

vahiguru ji ka khalasa vahiguru ji ki phateh

(khalasa eeshvar ka hai aur eeshvar ki vijay sunishchit hai.)

sthapana

30 march, sanh 1699 ko guru govind sinh ne khalasa pnth ki sthapana anndapur, pnjab men ki thi. is pnth ke anuyayi akali hi the. tatkalin samay men mugal shasanakal men sikkhon par atyachar ho rahe the. kuchh hi dinon men lagabhag 80000 logon ko ne pnth men shamil kar liya gaya, jaldi hi is pnth ne sikkh dharm ke bhitar netritv ki kaman snbhal li, jo sikkh is pnth men shamil nahin hue aur hajamat banavate rahe, unhen sahajadhari[1] kaha jane laga; khalasa aur sahajadhariyon ke bich vibhed aj bhi barakarar hain.

aurngazeb ke atyacharon ka mukabala karane ke lie akali khalasa sena ke roop men samane ae. guru ne unhen nile vastr pahanane ka adesh diya aur panch kakar (kachchh, kada, kripan, kesh tatha kngha) dharan karana bhi unake lie anivary hua. akali sena ki ek shakha saradar manasinh ke netritv men nihng sinhi ke nam se prasiddh huee. farasi bhasha men nihng ka arth magaramachchh hai, jisaka tatpary us nirbhay vyakti se hai, jo kisi atyachar ke samaksh nahin jhukata. isaka snskrit arth nisarg hai arthath‌ poorn roop se aparigrahi, putr, kalatr aur snsar se virakt poora-poora aniketan.

nihng log vivah nahin karate the aur sadhuon ki vritti dharan karate the. inake jatthe hote the aur unaka ek agua jatthedar hota tha. piditon, arton aur nirbalon ki raksha ke sath-sath sikkh dharm ka prachar karana inaka punit kartavy tha. jahan bhi ye thaharate the, janata inaka adar karati thi. jis ghar men ye pravesh pate the, vah apane ko param saubhagyashali samajhata tha. ye keval apane khane bhar ko hi liya karate the aur adi n mila to upavas karate the. ye ek sthan par nahin thaharate the. kuchh log inaki pakshivritti dekhakar inhen vihngam bhi kahate the. sachamuch hi inaka jivan tyag aur tapasya ka jivan tha. vir ye itane the ki pratyek akali apane ko sava lakh ke barabar samajhata tha. kisi ki mrityu ki soochana bhi yah kahakar diya karate the ki vah chadhaee kar gaya, jaise mrityu lok men bhi mrit prani kahin yuddh ke lie gaya ho. sookhe chane ko ye log badam kahate the aur rupe aur sone ko thikara kahakar apani asng bhavana ka parichay dete the. pashchim se hone vale afaganon ke akramanon ka mukabala karana aur hindoo kanyaon aur taruniyon ko papi atatayiyon ke hathon se ubarana inaka dainik kary tha.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. grahan karane men dhime
  2. hindi vishvakosh,khand 1 |prakashak: nagari pracharini sabha, varanasi |snkalan: bharat diskavari pustakalay |prishth snkhya: 66 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah