गुरु हर किशन सिंह  हिन्दी देवनागरी में पढ़ें।

guru har kishan sinh
guru har kishan sinh
poora nam guru har kishan sinh
janm 31 march, 1656
janm bhoomi kiratapur, pnjab
mrityu 30 march, 1664
mrityu sthan amritasar
abhibhavak guru har ray saheb aur kishan kaur
karm bhoomi bharat
bhasha pnjabi
puraskar-upadhi sikkhon ke athaven guru
nagarikata bharatiy
poorvadhikari guru hararay
uttaradhikari guru teg bahadur

guru har kishan sinh athava 'guru hari krishn ji' (angrezi: Guru Har Krishan Singh, janm: 7 julaee, 1656; mrityu: 30 march, 1664)[1] sikkhon ke athaven guru the. ve 6 aktoobar, 1661 ee. men guru bane the aur is pad par 1664 ee. tak rahe.

jivan parichay

guru har kishan saheb ji ka janm savan sudi 10 (8van savan) vikram snvat 1713 (7 julaee, 1656) ko kiratapur saheb men hua tha. ap guru har ray aur mata kishan kaur ke doosare bete the. 8 varsh ki chhoti-si ayu men hi apako guru gaddi prapt huee. inhonne sirf tin varsh tak shasan kiya, lekin vah bahut bade gyani the aur hindoo dharmagrnth bhagavadgita ke gyan se apane pas ane vale brahmanon ko chamatkrit kar dete the. inake bare men kee chamatkaron ka varnan milata hai. balak ke gyan ki pariksha lene ke uddeshy se raja jay sinh ne apani ek rani ko dasi ke vesh men guru ke charanon ke pas any dasiyon ke sath bitha diya. bataya jata hai ki guru har kishan ne turnt rani ko pahachan liya. har kishan ke bade bhaee ram ray, jo pahale se hi mugal badashah aurngazeb ke samarthak the, ne unhen guru niyukt kie jane ka virodh kiya. is mamale ka faisala karane ke lie aurngazeb ne ath varshiy har kishan ko dilli bulaya.

guru gaddi ka tilak

kiratapur men guru hararay ji ke do samay divan lagate the. hazaron shraddhalu vahan unake darshan ke lie ate aur apani manokamanaen poori karate. ek din guru hararay ji ne apana antim samay najadik paya aur desh paradesh ke sare masanadon ko huqmaname bhej diye ki apane sngat ke mukhiyon ko sath lekar shighr hi kiratapur pahunch jao. is tarah jab sab sikh sevak aur sodhi, bedi, bhalle, trihan, guru, ansh aur sant-mahant sabhi vahan pahunche. ap ne divan lagaya aur sab ko bataya ki hamara antim samay najadik a raha hai aur hamane guru gaddi ka tilak apane chhote saputr shri harikrishn ji ko dene ka nirnay kiya hai. isake uparant guru ji ne shri harikrishn ji ko samane bithakar unaki tin parikarma ki aur panch paise aur nariyal age rakhakar unako namaskar ki. unhonne sath-sath yah vachan bhi kiya ki aj se hamane inako guru gaddi de di hai. apane inako hamara hi roop samajhana hai aur inaki agya men rahana hai. guru ji ka yah hukm sunakar sari sngat ne yah vachan saharsh svikar kiya aur bhent arpan ki. is prakar sngat ne shri hari krishn ji ko guru svikar kar liya.


yah sab guru harikrishn ji ke bade bhaee shri ramaray ji bardasht na kar sake. unhonne krodh men akar bahar masanado ko patr likhe ki guru ki kar bhent ikatthi karake sab mujhe bhejo nahin to pachhatana padega. usane isake sath-sath dilli jakar aurngajeb ko kaha ki mere sath bahut anyay hua hai. guru gaddi par baithane ka haq to mera tha parantu mujhe chhodakar mere chhote bhaee ko guru gaddi par bithaya gaya. jisaki umr keval panch varsh ki hai. ap usako dilli men bulao aur kaho ki guru banakar sikkhon se kar bhent na le aur apane ap ko guru na kahalae. shri ramaray ke bahut kuchh kahane ke karan badashah ne majaboor hokar raja jayasinh ko kaha ki apana vishesh adami bhejakar guru ji ko dilli bulao. jayasinh ne aisa hi kiya. raja jayasinh ki chitthi padhakar aur mntri ki jubani sunakar guru hari krishn ji ne mata aur buddhiman sikkhon se vichar kiya aur dilli jane ki taiyari kar li.[2]

athavin padashahi guru

guru hararay ji ne 1661 men guru harakishan ji ko athavin padashahi guru ke roop men saunpi. bahut hi kam samay men guru har kishan sahib ji ne samany janata ke sath apane mitratapoorn vyavahar se rajadhani men logon men lokapriyata hasil ki. isi dauran dilli men haija aur chhoti mata jaisi bimariyon ka prakop mahamari lekar aya. mugal raj janata ke prati asnvedanashil tha. jat-pat evn oonch nich ko darakinar karate hue guru sahib ne sabhi bharatiy janon ki seva ka abhiyan chalaya. khasakar dilli men rahane vale muslim unaki is manavata ki seva se bahut prabhavit hue evn vo unhen 'bala pir' kahakar pukarane lage. janabhavana evn paristhitiyon ko dekhate hue aurngajeb bhi unhen nahin chhed saka. parantu sath hi sath aurngajeb ne ram ray ji ko shah bhi dekar rakhi, taki samajik matabhed ujagar hon. din rat mahamari se grast logon ki seva karate karate guru sahib apane ap bhi tej jvar se pidit ho gaye. chhoti mata ke achanak prakop ne unhen kee dinon tak bistar se bandh diya. jab unaki halat kuchh jyada hi gnbhir ho gayi to unhonne apani mata ko apane pas bulaya aur kaha ki unaka ant ab nikat hai. jab logon ne kaha ki ab guru gaddi par kaun baithega to unhen apane uttaradhikari ke lie keval 'baba- bakala' ka nam liya. yah shabd keval bhavishy guru, guru tegabahadur sahib, jo ki pnjab men vyas nadi ke kinare sthit bakala ganv men rah rahe the, ke lie prayog kiya tha jo bad men guru gaddi par baithe aur navami padashahi bane.[3]

mrityu

jab guru har kishan dilli pahunche, to vahan haize ki mahamari phaili huee thi. kee logon ko svasthy labh karane ke bad unhen svayn chechak nikal aee. 30 march san 1664 men marate samay unake munh se 'baba bakale' shabd nikale, jisaka arth tha ki "unaka uttaradhikari bakala ganv men dhoondha jae." apane ant samay men guru sahib ne sabhi logon ko nirdesh diya ki koee bhi unaki mrityu par royega nahin. balki guruvani men likhe sabadon ko gayenge. is prakar bala pir chaitr sudi 14 (tisara vaisakh) vikram samvat 1721 (30 march, 1664) ko dhire se vaheguru shabd ka uchcharan karate hue guru harakishan ji jyotijot sama gaye.


dasaven guru govind sahib ji ne apani shraddhajnli dete hue aradas men darj kiya ki-

"shri harakishan dhiyaiye, jis ditthe sab du:kh jae."


arthat- "inake nam ke smaran matr se hi sare duahkh door ho jate hain."


dilli men jis avas men vah rahate the. aj vahan ek shanadar aitihasik gurudvara ban gaya hai, jise sab shri bngala sahib gurudvara ke nam se janate hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. The Eighth Master Guru Harkrishan
  2. shri guru hari krishn ji guru gaddi milana (hindi) adhyatmik jagath. abhigaman tithi: 24 march, 2013.
  3. guru harakishan saheb ji (hindi) guru ki vani. abhigaman tithi: 24 march, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah