लौंग  हिन्दी देवनागरी में पढ़ें।

laung
laung
laung
laung ka vriksh
laung ka vriksh
laung ka phool
laung ka phool
laung
laung

parichay

bharatiy rasoee ghar aur masale tatha iname laung aur laung ki upayogita ko kaun nahin janata. laung ko dadi nani ke nusko men ek vishesh sthan prapt hai. laung (Clove, Lawang, Devkusum) ka prayog masale ke taur par prachin kal se hota chala a raha hai. alag-alag sthanon evn bhashaon men laung ko bhinn-bhinn namon se jana jata hai. laung ko angreji men klovh / clove kaha jata hai jo ki laitin ke shabd clavus, jisaka arth nakhoon hota hai, ka angreji roopantar hai. laung ke nakhoon ke sadrish hone ke karan hi usaka yah angreji nam pada. laung ka rng kala hota hai. yah ek khushaboodar masala hai. jise bhojan men svad ke lie dala jata hai. laung ka udgam sthan indoneshiya ko mana jata hai. aitihasik roop se laung ka ped molukka dvipon ka deshi vriksh hai, jahan chin ne eesa se lagabhag tin shatabdi poorv ise khoja aur aleksaindriya men isaka ayat tak hone laga. aj jnjibar laung ka sabase adhik utpadan karane vala desh hai. laung ka adhik matra men utpadan jnjibar aur malakka dvip men hota hai. isaka upayog bharat aur chin men 2000 varshon se bhi adhik samay se ho raha hai. laung ka utpadan mukhy roop se indoneshiya, medagaskar, bharat, pakistan, shrilnka adi deshon men hota hai. apako shayad yah janakar ashchary ho ki atharahavin shatabdi men briten men laung ka mooly usake vajan ke sone ke barabar hua karata tha.

laung ka vriksh

laung madhyam akar ka sadabahar vriksh se paya jane vala, sookha, anakhula ek aisa pushp ankur hota hai jisake vriksh ka tana sidha aur ped bhi 10-12 mitar ki oonchaee vala hota hai aur jisake patte bade-bade tatha dirghavritakar hote hain. isake ped ko lagane ke ath ya nau varsh ke bad hi phal dete hai. laung ke pedon ke shakhon ke antim chhoron men laung ke phool samooh men khilate hain. laung ki kaliyon ka rng khilana arambh hote samay pila hota hai jo ki dhire-dhire hara hote jata hai aur poornatah khil jane par isaka rng lal ho jata hai. in kaliyon men char pnkhudiyon ke madhy ek vritakar phal hota hai.

laung ke prakar

laung, jise ki lavang ke nam se bhi jana jata hai, Myrtaceae parivar se sambandhit ek ped ki sookhi kali ko kahate hain jo ki khushaboodar hota hai. laung ushn prakriti ka masala hai. laung do prakar ke hote hain. ek kale rng ki evn doosari nile rng ki. amataur par gharon men masale ke taur par istemal hone vala laung kale rng ka hota hai. nile rng ka laung adhik tailiy hota hai at: inase mashin dvara tel nikala jata hai jinaka upayog chikitsa men kiya jata hai. isake patte bhi masale ke taur par istemal kiye jate hain. lavng ek khushaboodar masala hota hai.

laung ki pahachan

achchhe lavng ki pahachan hai usaki khushaboo evn tailiyapan. laung kharidate samay use daton men dabakar dekhana chahie isase lavng ki gunavatta pata chal jati hai. jo laung sugandh men tej, svad men tikhi ho aur dabane men tel ka abhas ho usi laung ko achchha manana chahie. vyapari laung men tel nikala hua laung mila dete hai. agar laung men jhurriya padi ho to samajhe ki yah tel nikali huee laung hai.

laung ke tatv

laung men maujood tatvon ka vishleshan kiya jae to isamen karbohaidret, nami, protin, vashpashil tel, gair-vashpashil eethar nichod (vasa) aur reshon se bana hota hai. isake alava khanij padarth, haidroklorik esid men n ghulane vali rakh, kailshiyam, phasphoras, loha, sodiyam, poteshiyam, thayamain, raibophlevin, niyasin, vitamin 'si' aur 'e' jaise tatv bhi laung men prachur matra men pae jate hain. isake alava kee tarah ke aushadhiy tatv hote hain. isaka ooshmiy man 43 digri hai aur isase kee tarah ke aushadhiy v bhautik tatv lie ja sakate hain.

laung ek aushadhi

ayurved men laung ka prayog anek prakar ki ayurvedik aushadhiyon ke banane men bhi kiya jata hai. bharat ke prachin chikitsa vigyan men laung ka upayog chikitsa ke lie kiye jane ka zikr hua hai. chin ke sath hi sath pashchim ke anek deshon men harbal davaiyan banane ke lie laung ka prayog kiya jata hai. bharatiy aushadhiy pranali men laung ka upayog kee sthitiyon men kiya jata hai. anek rogon ke nidan ke lie ayurved men laung ka prayog sabut, pisakar, choorn, kadha tatha tel ke roop men kiya jata hai. laung ka tel ek mahattvapoorn ayurvedik aushadhi hai. laung ke tel ko aushadhi ke roop men bhi upayog men laya jata hai. laung ke tel men bhi aise ansh hote hain jo rakt parisncharan ko sthir karate hain aur sharir ke tapaman ko niyntrit rakhate hain. laung ke tel ko bahari tvacha par lagane se tvacha par uttejak prabhav dikhaee dete hain. tvacha lal ho jati hai aur ushma utpann hoti hai. isake alava laung enjaim ke bahav ko badhava deti hai bhookh badhati hai aur pachan kriya ko bhi tej karati hai. laung ka tel pani ki tulana men bhari hota hai. isaka rng lal hota hai. sigaret ki tambakoo ko sugandhit banane ke lie laung ke tel ka upayog hota hai. isake tel ko tvacha par lagane se tvacha ke kide nasht hote hain.

ayurvedik gun

laung men anek prakar ke aushadhiy gun hote hain. ayurvedik matanusar laung tikha, laghu, ankhon ke lie labhakari, shital, pachanashaktivarddhak, pachak aur ruchikarak hota hai. yah pyas, hichaki, khansi, raktavikar, ti.bi adi rogon ko door karati hai. laung ka upayog munh se lar ka adhik ana, dard aur vibhinn rogon men kiya jata hai. yah danton ke dard men bhi labhakari hai. ye uttejana dete hain aur ainthanayukt avyavasthaon, tatha pet phoolane ki sthiti ko kam karate hain. dhime parisncharan ko tej karati hai aur hajama tatha chayapachay ko badhava deti hai. shodhakartaon ka kahana hai ki bharatiy masalon men laung sabase achh‍chha enti aaukh‍sident ka kam karata hai. bhojan men prakritik enti aaukh‍sident ka ish‍temal karana sh‍vash‍th ke lie behatar hai. yah kritrim enti aaukh‍sident se jh‍yada behatar hai. entiseptik gunon ke karan yah chot, ghav, khujali aur snkraman men kiton ke katane ya dnk marane par bhi kiya jata hai. yoonani chikitsa paddhati ke anusar : laung khushk, uttejak aur garm hai. isako khane se sir dard hota hai. yah pachanashakti ko badhata hai. danton ke masoodhon ko mazaboot banata hai. isako pisakar malish karane se zahar door hota hai. eeran aur chin men to aisa bhi mana jata tha ki laung men kamottejak gun hote hain.

laung ka khanapan men istemal

duniya bhar ke vyanjanon ko banane men prayah laung ka prayog ek masale ke roop men kiya jata hai. masale ke taur par laung ka istemal garam masala men hota hai. choonki laung ke prayog se bhojan susvadu ho jata hai, sampoorn bharat men prayah laung ka prayog vibhinn prakar ke vyanjan banane men hota hai. rasoeeghar men lavng ko pisakar rasadar sabjiyon men istemal kiya jata hai. pulav evn mit, machhali pakate samay bhi masale ke taur laung ka istemal kar sakate hain. ajakal bahut si mithaeeyon ko sajane ke lie bhi laung ka prayog kiya jane laga hai. koko, chaaukalet, aisakrim adi khady-padarthon men paya jane vala banavati venila esens laung se hi taiyar kiya jata hai. laung ko pan ke sath bhi khaya jata hai, prayah pan ke bide men laung ko khons diya jata hai jisase bide ki sundarata bhi badh jati hai. bharat ke kuchh kshetron men bina laung vala pan bida dene ko ashubh mana jata hai. laung ki tasir garm hone ke karan garmiyon ke dinon men isaka prayog kam kiya jata hai. masala chay banane ke lie bhi laung ka istemal kiya jata hai. laung ka asav banakar usamen se sugandhit padarth taiyar kiye jate hain. chin aur japan men bhi ek khushaboodar padarth ke roop men laung ko mahattvapoorn mana jata hai. yoorop, eshiya aur snyukt rajy amerika ke kee kshetron men laung ka prayog ek prakar ke sigaret, jise ki kritek (kretek) kaha jata hai, banane ke lie bhi kiya jata hai.

laung ka chikitsa men upayog

  • matali, hichaki, pet phoolana, asthama, bronkaitis, gathiya, dant dard, dayariya, snkraman, ke roop men upayogi yah entiseptik; kit nashak, uttejak, punahshakti dayak, sharirik garmidayak, kamoddipak taaunik bhi hai.
  • snkraman - entiseptik gunon ke karan yah chot, ghav, khujali aur snkraman men bhi kafi upayogi hota hai. isaka upayog kiton ke katane ya dnk marane par bhi kiya jata hai. lekin snvedanashil tvacha par ise nahin lagana chahie.
  • nasoor - laung aur haldi pis kar lagane se nasoor mitata hai.
  • laung ke tel ko tvacha par lagane se sardi, phloo aur pairon men hone val phngal inphekshan aur tvacha ke kide bhi nasht hote hain.
  • guheri - ankhon ke pas ya chehare par nikali chhoti-chhoti phunsiyon par laung ghis kar lagane se phunsiyan aur soojan bhi thik ho jati hain.
  • antr jvar - antr jvar men do kilo pani men panch laung adha rahane tak ubalakar chhanakar is pani ko din men kee bar pilaen.
  • jvar - ek laung pis kar garm pani se phnki len. do tin bar lene se hi samany bukhar utar jaega. char laung paudar pani men ghol kar pilane men tej bukhar bhi kam ho jata hai.
  • pitt jvar - char laung pis kar pani men ghol kar pilane men tej jvar kam ho jata hai.
  • kan men dard - laung ke tel ko til ke tel (sesami ayal) ke sath milakar dalane se kan ke dard men rahat milati hai.
  • tanav - laung manasik dabav aur thakan ko kam karane ka kam karata hai. yah anidra ke marijon aur manasik bimariyon jaise kam hoti yadadasht, avasad aur tanav men upayogi hota hai.
  • dayabitij - laung ka tel khoon ko saf karake blad shugar ko niyntrit karata hai. laung ka tel rakt snchar samany aur sharir ka tapaman niyntrit rakhata hain.
  • chot lagane par laung ki kuchh kaliyon ko sarason tel / kapoor ke tel men pakakar malish karane se labh milata hai. soojan hone par laung ke tel se malish karani chahie. mans peshiyon men ainthan ho to prabhavit kshetr par laung ke tel ki malis karane se aram milata hai.
  • jaldi-jaldi pyas lagane par mishri evn laung ko pisakar khane se jaldi pyas nahin lagati hai. pyas ki tivrata hone par ubalate pani men laung dal kar pilaen. isase pyas kam ho jati hai.
  • garbhavati striyon ko ulti hone par laung ko garm pani men bhigokar usaka pani pilane se labh hota hai. yadi bhune hue laung ke choorn ko shahad ke sath milakar le liya jae to ultiyon par kaboo paya ja sakata hai kyonki laung ke sngyahari prabhav se pet aur halak sunn ho jate hain aur ultiyan ruk jati hain.
  • ulti - char laung koot kar ek kap pani men dal kar ubalen. adha pani rahane par chhan kar svad ke anusar mitha mila kar pi kar karavat lekar so jaen. din bhar men aisi char matra len. ultiyan bnd ho jaengi.
  • haije ke upachar men bhi laung bahut upayogi siddh hoti hai. haije men pyas aur ulati men laung ka pani banakar dete hai isase pyas aur ulati kam hoti hai tatha peshab khulakar ata hai. isake lie char gram laung ko tin litar pani men tab tak ubala jata hai jab tak ki adha pani bhap banakar gayab n ho jae. is pani ko pine se rog ke tivr lakshan turnt kaboo men a jate hain.
  • khasara - khasara nikalane par do laung ko ghisakar shahad ke sath lene se khasara thik ho jata hai.
  • yah pet ke dard ko mitane vala mana jata hai. laung pachan kriya ko durust rakhata hai.
  • amlapitt - khana khane ke bad 1-1 laung subah, sham khane se ya sharbat men lene se amlapitt se hone vale sabhi rogon men labh hota hai aur amlapitt thik ho jata hai. 15 gram hare anvalon ka ras, panch pisi huee laung, ek chammach shahad aur ek chammach chini milakar rogi ko pilaen. aisi tin matra subah, dopahar, rat ko sote samay pilaen. kuchh hi dinon men ashatit labh hoga.
  • apach, gais - do laung pis kar ubalate hue adha kap pani men dalen, phir kuchh thnda hone par pi jaen. is prakar tin bar nity karen.
  • ji michalana - 2 laung pis kar adha kap pani men mila kar garm karake pilane se ji michalana thik ho jata hai. laung chabane se bhi ji michalana thik ho jata hai.
tvacha ki bimari
  • tvacha ke kisi bhi prakar ke rog men isaka chndan boora ke sath milakar lep lagane se fayada milata hai. laung ke tel ka istemal munhase ke upachar men bhi kiya jata hai.
munh aur gale ki bimari
  • gale men dard ho to kuchh laung ki kaliyon ko pani men ubalakar garara karane se gale ki kharabi aur payariya men labh milata hai. gale ki kharash men laung ka choosana asarakarak hota hai.
  • dant dard hone par laung ki ek kali dant ke niche rakhane se dard se turnt aram milata hai. aur isake entiseptik gun danton ke snkraman ko kam karata hai. laung ek aisa masala hai jo dnt kshay ko rokata hai aur munh ki durgndh ko door bhagata hai.
  • dant men kida hai to laung ko kide lage danton par rakhana chahie ya laung ka tel ki phureri lagana chahie, isase dant dard bhi mit jata hai. kati jibh par laung ko pisakar rakhane se kati jibh bhi thik ho jati hai.
  • laung ka tel dant men dard, masoodon men dard aur munh men alsar aur sanson ki badaboo ko door karane men ramaban dava hai. ek gilas pani men char-panch laung ubal kar is pani se kulla kare ya laung pis kar usamen niboo ka ras milaye ise danton par malane se danton ka dard khatm ho jata hai.
sans ki bimari
  • namak ke sath laung chabane se kaphotsaran (thookane) men asani hoti hai, gale ka dard kam ho jata hai aur grasani ki jalan bhi bnd ho jati hai. grasani shoth ke karan hone vali khansi ko door karane ke lie jale hue laung ko chabana achchha hota hai.
  • khansi hone par laung ko choosane se fayada hota hai. laung ko bhunakar chabane se ya laung ko namak ke sath chabakar khane se khansi kaph gale dard men turant aram milata hai. laung kaph-pitt nashak hoti hai.
  • laung munh men rakhane se kaph aram se nikalata hai tatha kaph ki durgandh door ho jati hai. munh aur sans ki durgandh bhi isase mitati hai. laung aur anar ke chhilake saman matra men pis kar chutaki bhar choorn shahad se nity tin bar chatane se khansi thik ho jati hai. do laung tave par senk kar choosen. isase khansi ke sath kaph (balagam) ana thik ho jata hai.
  • kshay rog, dama aur shravasani shoth se hone vali dardabhari khansiyon ko kam karane ke lie lahasun ki ek kali ko shahad ke sath milaen aur usamen tin se panch laung ke tel ki boonden dalen. sone se pahale ise ek bar lene se kafi aram milega. laung ka tel sans ki bimariyon men khansi, jukam, dama, asthama, tapedik, phephade men soojan men bahut upayogi hota hai.
  • laung se dame ka bahut prabhavi ilaj hota hai. dama ke rogi ko 4-6 laung ki kaliyon ko pisakar 30 mi.li. / ek kap pani men ubal kar isaka kadha bana le aur shahad ke sath din men tin bar pien. isase jami huee kaph nikal jaegi aur dama se rahat milegi. lahasun ki ek kali ko pise ise shahad ke sath milaen aur 4-5 laung ke tel ki boonden dalen, sone se pahale ise ek bar le dama sans ti bi ki takaliph bhari khansi men kafi aram milega.
  • kookar khansi - 2 laung ag men bhoon kar shahad men milakar chatane se kookar khansi thik ho jati hai.
sir ki bimari
  • namak ke kristal aur laung ko doodh men milakar taiyar vilep lagane se siradard thik ho jata hai. barauni ke asapas ki jalan ko thik karane ke lie bhi laung prabhavi hoti hai.
  • pani men laung ko ghisakar prabhavit jagah par lagane se sukoon milata hai.
  • nariyal tel men laung ke tel ki 8-10 boonden dale isamen ek chutaki namak milakar sir par malish kare jisase sir men thndak ati hai aur dard bhi jata rahata hai.
  • laung ke tel ki malish athava laung ko pis kar mathe par lagaye sir dard turant thik hota hai. 4-5 laung pis kar ek kap pani men mila kar adha pani rahane tak garm karen. chhan kar chini ya shahad mila kar subah aur sham pilaen isase sar ka dard thik ho jata hai.

hanikarak

laung ki pravritti behad garm hoti hai at: apane sharir ki prakriti ko samajhate hue hi isaka sevan karana chahie. at: adhik matra men isaka sevan karana nukasanadey ho sakata hai at: laung zaroorat se adhik nahin khana chahie. zyada laung khane se gurde aur anton ko nukasan pahunch sakata hai. babool ka gond, laung men vyapt doshon ko door karata hai. matra :- 1 gram se 3 gram tak.


vibhinn bhashaon men laung ke nam
bhasha nam
hindi laung.
angrezi klabj (CLOVES).
snskrit lavng, devakusum.
marathi lavng.
gujarati laving.
bngali lavng.
tailagi/telugu labngal,lavangam.
malayalam grampoo.
pharasi darakhte mehak.
arabi mikhakarkan, phool.
laitin kareyaphailaseron matikash.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah