गवरी नृत्य  हिन्दी देवनागरी में पढ़ें।

gavari prastut karate kalakar

gavari nrity sadiyon se rajasthan ke anchalon men kiya jata raha hai. yah bhil logon dvara prastut ki jane vali ek prasiddh lok nrity natika hai. devataon ko prasann karane ke lie gavari nrity ek vritt banakar aur samooh men kiya jata hai. is nrity ke madhyam se kathaen prastut ki jati hai. yah nrity 'raksha bndhan' ke bad se shuroo hota hai. prativarsh ganv ke log gavari nrity ka snkalp karate hain. alag-alag ganvon men isaka mnchan hota hai. nrity men mahila kalakar koee nahin hoti. mahila ka kiradar bhi purush usaki veshabhoosha dharan kar nibhate hain. nrity men dakoo, chor-pulis adi kee tarah ke khel hote hain. gavari nrity karane vale kalakaron ko ganvon men amntrit bhi kiya jata hai.

lok nrity-natika

rajasthan ki samriddh lok parampara men kee 'lok nrity' evn 'lok naty prachalit' hai. in sabase anootha hai- 'gavari' namak 'lok nrity-natika'. yah bhil janajati ka naty-nrityanushthan hai, jo saikadon varshon se prativarsh shravan mas ki poornima ke ek din pashchath prarnbh hota hai, aur phir sava mah tak ayojit hota hai. isaka ayojan mukhyat: udayapur aur rajasamand zile men hota hai. isaka karan yah hai ki is khel ka udbhav sthal udayapur mana jata hai tatha adivasi bhil janajati is zile men bahutayat se paee jati hai.[1] 'gavari' bhilon ka samajik v dharmik nrity hai. is nrity ka prachalan doongarapur, bhilavada, udayapur v sirohi adi kshetron men pramukhata se dekhane milata hai. yah gauri pooja se sambndhit hai. isamen natakon ke sadrish veshabhoosha hoti hai tatha alag-alag patr hote hain.

anushthan snkalp

'gavari nrity' men jo gathaen sunane ko milati hain, unake anusar- "devi gauraja[2] dharati par ati hain aur dharati putron ko khushahali ka ashirvad dekar jati hain. gauraja bhilon ki pramukh devi hain. ve manate hain ki yah devi hi sarvakalyan tatha mngal ki pradatri hai. yah sabhi prakar ke snkaton se raksha karati hain v vivadon-jhagadon tatha du:kh-dardon se mukti dilati hai. isi devi ki aradhana men bhil gavari anushthan ka snkalp dharan karate hain. bhil log devi gauraja ke mndir men jakar gavari lene ki ichchha vyakt karate hain aur pati[3] mangate hain. 'pati mangana' ek parampara hai, jisame devi ki moorti ke samaksh ek thali rakhakar vinati ki jati hai. yadi moorti se phool ya pattiyan gir kar thali men a jati hain to ise devi ki agya mana jata hai. mndir men bhopa[4] ke sharir men mata prakat hokar bhi gavari ki ijajat deti hain. tab ganv ke pratyek bhil ke ghar se ek vyakti sava mah tak poore snyam ke sath gavari nachane ke lie ghar se nikal jata hai. in kalakaron ko 'khelye' kaha jata hai.

niyam

gavari ke sava mas dauran ye khelye matr ek samay bhojan karate hain. ye nahate bhi nahin hain tatha hari sabji, mans-madira ka tyag rakhate hain. panv men joote nahin pahanate hain. ek bar ghar se bahar nikalane ke bad sava mah tak apane ghar bhi nahin jate hain. ek ganv ka gavari dal keval apane ganv men hi nahin nachata hai, apitu har din us any ganv men jata hai, jahan unake ganv ki bahan-beti byahi gee hain. jis ganv men ye dal jata hai, us ganv ke log is dal ke bhojan ki vyavastha karate hai tatha nrity ke ant men gavari ko nyautane vali bahan-beti unhen kapade bhi bhent karate hai, jise 'paharavani' kahate hain.[1]

dal ka gathan

gavari dekhate darshak

'gavari nrity' ke lie dal ka gathan karate samay kalakaron ke lie kapadon, gahanon aur saj-sajja ityadi par ane vale kharch ko poore ganv ke sabhi jatiyon ke log mil-jul kar vahan karate hain. jo kalakar gavari men jis patr ka abhinay karata hai, aksar vah har samay usi ki veshabhoosha pahane rahata hai. gavari ka pradarshan jahan kahin bhi chauraha ya khula sthan hota hai, vahan kiya jata hai. yah khel prat: kal 8-9 baje se saynkal 5-6 baje tak chalata hai. isamen kam ayu se lekar adhik ayu varg ke chalis ya pachas log bhag lete hain. ganv men har tisare varsh gavari li jati hai. khamma ke phatakare lagate hain. annd ka utsav hota hai.

mukhy patr

gavari men do mukhy patr hote hai- 'raeeboodhiya' aur 'raeemata'. raeeboodhiya ko shiv tatha raeemata ko parvati mana jata hai. isalie darshak in patron ki pooja bhi karate hai. gavari ka mool kathanak bhagavan shiv aur bhasmasur se snbndhit hai. isaka nayak raeeboodhiya hota hai, jo shiv tatha bhasmasur ka pratik hai. raeeboodiya ki veshabhoosha vishisht hoti hai. isake hath men lakadi ka khanda, kamar men mote ghugharooon ki bndhi patti, janghiya tatha munh par vichitr kalatmak mukhauta hota hai. jahan isaki jata tatha bhagava pahanava shivaji ka pratik hai, vahin hath ka kada tatha mukhauta bhasmasur ka dyotak hai. yah boodhiya gavari ki gol ghere men nrity kar aur usake bahar rahakar usake viparit disha men ulte panv nrity karata hai. raeeboodhiya paramparagat pidhi-dar-pidhi pita putr ke uttaradhikar ke roop men banata hai. raeemata gavari ki nayika hoti hai. pratyek gavari men raeemata ki snkhya do hoti hain. donon shiv ki patniyan hain, jo shakti (sati) aur parvati ka pratinidhitv karati hain. gavari ke any patr shivaji ke gan hote hain. nayak raeeboodhiya mahadev shiv hai.[1]

manyata

puran men katha ka nayak 'chood' milata hai. yahi chood dhire-dhire 'bood' aur phir 'bood' se 'boodhiya' ban gaya hai. in graminon men yah manyata hai ki shiv hamare jnvaee hain aur gauraja arthath parvati hamari bahan-beti hain. kailash parvat se gauraja apane pihar mrityu lok men milane ati hain. gavari khelane ke bahane sava mah tak alag-alag ganv men yah sabase milati hain. gavari men sabhi kalakar purush hote hain. mahila patron ki bhoomika bhi purush hi nibhate hain. snpoorn gavari men nayak boodiya poori gavari ka netritv karata hai. donon raiyan lal ghaghara, choonari, choli tatha chooda pahane hoti hain. inaka dadhi-moonchh vale munh ke bhag ko kapade se dhnka rahata hain. gavari ke vishisht patron men jhamatiya patakatha ki prastuti deta hai tatha kutakadiya apani kutakadaee shaili se gavari me hasy vyngy ka mahaul banae rakhata hai.

vibhinn khel

gavari ke mukhy khelon men mina-bnjara, hathiya, kalaka, kanh-goojari, shnkariya, dani ji, baniyan chapalyachor, devi anbav, knjar, khetudi, badashah ki savari jaise kee khel atynt akarshak v manornjak hote hain. bhilon ke anusar shiv adidev hain. inhin se srishti bani hain. prithvi par pahala ped 'bad' arthath 'vatavriksh' patal se laya gaya tha. devi anba aur usaki saheli v any deviyon ke sath yah vriksh laya gaya aur pahali bar udayapur ke pas prasiddh ranakshetr haldighati ke pas oonavas ganv men sthapit kiya gaya tha.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 adivasi bhilon ka gavari nrity (hindi). . abhigaman tithi: 23 march, 2013.
  2. man parvati ya durga ya anbe
  3. patte
  4. pujari

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah