नरसिंह नृत्य  हिन्दी देवनागरी में पढ़ें।

narasinh nrity braj (mathura, uttar pradesh) ke prasiddh lok nrityon men se ek hai. is nrity men mukhy roop se narasinh lila prastut ki jati hai. yah lila 'narasinh chaturdashi' ki rat ko mathura aur vrindavan ke kee muhalle men ayojit hoti hai. narasinh lila nrity pradhan hoti hai, jisamen koee natak ya snvad nahin hota. narasinh nrity dakshin ke kathakali nrity se bahut samanata rakhata hai.

ayojan sthal

braj ke jin muhallon men yah narasinh lila hoti hain, vahan ki gali ka hi mnch ke roop men upayog kiya jata hai. gali ke do chhoron par do takht dal die jate hain aur pahale takht se doosare takht tak lagabhag dedh phalang ki lambaee men sajjit patr nrity karate hue chakkar lagate hain. nrity karane vale patron ki sngat ek samoohik vadyavrind dvara ki jati hai, jo nartak ke sath hi vady bajate hue usake pichhe chalate hain. is nrity men kee jodi bade jhanjh saman svar men bajae jate hain.[1]

lila

narasinh nrity men lavanasur, shatrughn, hiranyaksh, varah, brahma, mahadev adi devata kramash: akar gali men ek chhor se doosare chhor tak ek-ek karake nrity karate hain aur chale jate hain. yah kram thode-thode viram se poori ratri chalata hai. prat:kal sooryoday se poorv lnbe-lnbe keshapashon ko bikhere hue bhari mukhauta lagae tadaka ka patr nrity karata hai. bad men pile vastron men mala lie balak prahlad apane sakhaon ke sath akar nrity karata hai. isake uparant sooryoday ho jane par ratri ath baje ke lagabhag takht par kagaz ka bana ek vishalakay pola khnbh khada kar diya jata hai, jis par hiranyakashipu talavar chalata hai. aisa karate hi use phadakar usamen se narasinh bhagavan bhaynkar mudra men nrity karate hue prakat hote hain. yah narasinh veshabhoosha aur apani nrity mudraon se raudr ras ko sakar karate hue apani pheri poori karate hain. nrity samapt karane ke uparant narasinh hiranyakashipu ko pakadakar use apani jangho par litate hain aur isake uparant unaki arati hoti hai. prahlad unaki god men baithata hai aur yah lila samapt ho jati hai.

prachinata

yah lila mathura, vrindavan men kab se hoti a rahi hai, is vishay men kuchh kaha nahin ja sakata. parantu yah parampara bahut prachin hai. puranon men braj pradesh ko 'varah mndal' kaha gaya hai. at: varah aur hiranyaksh ka nrity svayn is lila ki prachinata ka dyotak hai. itihas se gyat hota hai ki mathura nagari 'madhu' namak daity dvara basaee gee thi aur usake atyachari putr 'lavan' ko bhagavan shriram ke chhote bhaee shatrughn ne marakar is nagar ko pun: sthapit kiya tha aur yahan apani rajadhani banaee thi. aisi dasha men jab narasinh lila men 'lavan' aur shatrughn ek doosare ke bad nrity karate hai, tab is lila ki prachinata svayn hi siddh ho jati hai.[1]

kathakali se samanata

narasinh nrity dakshin ki kathakali nrity shaili se bahut samy rakhata hai. nrity ki gati, pag-snchalan tatha nrity ke sath bajane vale bade-bade jhanjhon ka tumul ghosh jahan kathakali se samy rakhata hai, vahin bhagavan narasinh ka mukhauta kathakali ke mukhauton se bhi kahin adhik vishal aur bhaynkar hota hai. is mukhaute ko dharan karane ke lie patr ke mukh par pahale charon or kapadon ke kee than lapete jate hain, jab vah ise dharan kar pata hai. yah itana bhari hota hai ki nrity karate hue narasinh ko sadhane ke lie do vyakti unaki kamar ke idhar-udhar jhukate hue unhen sadhakar nrity karate hain tatha kuchh vyakti hath men pnkhe lie mukhamndal par vayu ka snchar karate rahate hain.

mukhaute ka poojan

narasinh lila ek dharmik anushthan ke ras men hoti hai. narasinh ka mukhauta, jise narasinh lila men dharan karaya jata hai, muhalle ke kisi mandir ya pavitr sthan par poore varsh virajit rahata hai aur usaki moorti ke saman hi pooja hoti hai bhog adi bhi lagaya jata hai. narasinh lila se pahale is mukhaute ka vishesh roop se poojan hota hai aur halua ka prasad poore muhalle men banta jata hai, jisase sabhi ko narasinh lila ke ayojan ki soochana bhi mil jati hai aur vyapak roop se lila ki taiyari hone lag jati hai. is prakar narasinh nrity apane ap men ek vishisht parampara snjoe hue hai.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 narasinh nrity (hindi). . abhigaman tithi: 10 aktoobar, 2012.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah