yaro suno ! ye dadhi ke lutaiya ka balapan .
aur madhupuri nagar ke basaiya ka balapan ..
mohan-saroop nirat karaiya ka balapan .
ban-ban ke ghval gauean charaiya ka balapan ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..1..
zahir mean sut vo nand jasoda ke ap the .
varana vah ap maee the aur ap bap the ..
parade mean balapan ke yah unake milap the .
joti saroop kahie jinhhean so vah ap the ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..2..
unako to balapan se n tha kam kuchh zara .
sansar ki jo riti thi usako rakha bacha ..
malik the vo to api unhhean balapan se khya .
vaan balapan, javani, budhapa, sab ek sa ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..3..
malik jo hove usako sabhi thath yaan sare .
chahe vah nange paanv phire ya mukut dhare ..
sab roop haian usi ke vah jo chahe so kare .
chahe javaan ho, chahe l dakapan se man hare ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..4..
bale ho braj raj jo duniyaan mean a ge .
lila ke lakh rang tamashe dikha ge ..
is balapan ke roop mean kitanoan ko bha ge .
ik yah bhi lahar thi ki jahaan ko jata ge ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..5..
yooan balapan to hota hai har tifl ka bhala .
par unake balapan mean to kuchh aur bhed tha ..
is bhed ki bhala ji, kisi ko khabar hai kya .
kya jane apane khelane ae the kya kala ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..6..
radharaman to yaro ajab jayegaur the .
l dakoan mean vah kahaan hai, jo kuchh unamean taur the ..
ap hi vah prabhoo nath the ap hi vah daur the .
unake to balapan hi mean tevar kuchh aur the ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..7..
vah balapan mean dekhate jidhar nazar utha .
patthar bhi ek bar to ban jata mom sa ..
us roop ko jnani koee dekhata jo a .
dandavat hi vah karata tha matha jhuka jhuka ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..8..
parada n balapan ka vah karate agar zara .
khya tab thi jo koee nazar bhar ke dekhata ..
jha d aur paha d dete sabhi apana sar jhuka .
par kaun janata tha jo kuchh unaka bhed tha ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..9..
mohan, madan, gopal, hari, bans, man haran .
balihari unake nam pai mera yah tan badan ..
giradhari, nandalal, hari nath, govaradhan .
lakhoan kie banav, hazaroan kie jatan ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..10..
paida to madhu puri mean hue shyam ji murar .
gokul mean ake nand ke ghar mean liya qarar ..
nand unako dekh hove tha ji jan se nisar .
maee jasoda piti thi pani ko var var ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..11..
jab tak ki doodh pite rahe gval braj raj .
sabake gale ke kathule the aur sabake sar ke taj ..
sundar jo nariyaan thian ve karati thian kamo-kaj .
rasiya ka un dinoan to ajab ras ka tha mizaj ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..12..
badashakl se to roke sada door hatate the .
aur khoobaroo ko dekhake hans-hans chimatate the ..
jin nariyoan se unake gamo-dard bantate the .
unake to dau d-dau d gale se lipatate the ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..13..
ab ghutaniyoan ka unake maian chalana bayaan karooan .
ya mithi batean muanh se nikalana bayaan karooan ..
ya balakoan mean is tarah se palana bayaan karooan .
ya godiyoan mean unaka machalana bayaan karooan ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..14..
pati pak d ke chalane lage jab madan gopal .
dharati tamam ho gee ek an mean nihal ..
basuk charan chhoone ko chale chho d kar patal .
akas par bhi dhoom machi dekh unaki chal ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..15..
thi unaki chal ki jo a़jab, yaro chal-dhal .
paanvoan mean ghuangharoo bajate, sar par jhandoole bal ..
chalate thumak-thumak ke jo vah dagamagati chal .
thaanbe kabhi jasoda kabhi nand lean sanbhal ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..16..
pahane jhaga gale mean jo vah dakhini chir ka .
gahane mean bhar raha goya l daka amir ka ..
jata tha hosh dekh ke shahi vazir ka .
maian kis tarah kahooan ise chॊra ahir ka ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..17..
jab paanvoan chalane lage bihari n kishor .
makhan uchakke thahare, malaee dahi ke chor ..
muanh hath doodh se bhare kap de bhi shor-bor .
dala tamam braj ki galiyoan mean apana shor ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..18..
karane lage yah dhoom, jo giradhari nand lal .
ik ap aur doosare sath unake gval bal ..
makhan dahi churane lage sabake dekh bhal .
ki apani dadhi ki chori ghar ghar mean dhoom dal ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..19..
the ghar jo gvalinoan ke lage ghar se ja-baja .
jis ghar ko khali dekha usi ghar mean ja phira ..
makhan malaee, doodh, jo paya so kha liya .
kuchh khaya, kuchh kharab kiya, kuchh gira diya ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..20..
kothi mean hove phir to usi ko dhandhorana .
goli mean ho to usamean bhi ja muanh ko borana ..
ooancha ho to bhi kaandhe pai chadh kar n chho dana .
pahuancha n hath to use murali se pho dana ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..21..
gar chori karate a gee gvalin koee vahaan .
aur usane a pak d liya to usase bole haan ..
maian to tere dahi ki u data tha makkhiyaan .
khata nahian maian usaki nikale tha chooantiyaan ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..22..
gar marane ko hath uthati koee zara .
to usaki aangiya pha date ghoose laga-laga ..
chillate gali dete, machal jate ja baja .
har tarah vaan se bhag nikalate u da chhu da ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..23..
gusse mean koee hath pak dati jo an kar .
to usako vah saroop dikhate the muralidhar ..
jo api lake dharati vah makhan katori bhar .
gussa vah unaka an mean jata vahian utar ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..24..
unako to dekh gvalinean ji jan pati thian .
ghar mean isi bahane se unako bulati thian ..
zahir mean unake hath se vah gul machati thian .
parde mean sab vah kishan ke balihari jati thian ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..25..
kahatian thian dil mean doodh jo ab ham chhipaeange .
shrikishan isi bahane hamean muanh dikhaeange ..
aur jo hamare ghar mean yah makhan n paeange .
to unako kya garaz hai yah kahe ko aeange ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..26..
sab mil jasoda pas yah kahati thi ake bir .
ab to tumhara kanh hua hai b da sharir ..
deta hai hamako galiyaan phir pha data hai chir .
chho de dahi n doodh, n makhan, mahi n khir ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..27..
mata jasoda unaki bahut karati minatiyaan .
aur kanh ko darati utha ban ki saantiyaan ..
jab kanha ji jasoda se karate yahi bayaan .
tum sach n jano mata, yah sari haian jhootiyaan ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..28..
mata kabhi yah meri chhuangaliyaan chhupati haian .
jata hooan rah mean to mujhe chhe d jati haian ..
ap hi mujhe ruthatian haian api manati haian .
maro inhean ye mujhako bahut sa satati haian ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..29..
mata kabhi yah mujhako pak d kar le jati haian .
gane mean apane sath mujhe bhi gavati haian ..
sab nachati haian ap mujhe bhi nachati haian .
ap hi tumhare pas yah farayadi ati haian ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..30..
ek roz muanh mean kanh ne makhan jhuka diya .
poochha jasoda ne to vahian muanh bana diya ..
muanh khol tin lok ka alam dikha diya .
ek an mean dikha diya aur phir bhula diya .
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..31..
the kanh ji to nand jasoda ke ghar ke mah .
mohan naval kishor ki thi sabake dil mean chah ..
unako jo dekhata tha so kahata tha vah-vah .
aisa to balapan n hua hai kisi ka ah ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..32..
sab milakar yaro kishan murari ki bolo jai .
gobind chhail kuanj bihari ki bolo jai ..
dadhichor gopi nath, bihari ki bolo jai .
tum bhi 'nazir' kishan bihari ki bolo jai ..
aisa tha baansuri ke bajaiya ka balapan .
kya-kya kahooan maian kishan kanhaiya ka balapan ..33..