बल्लभीपुर गुजरात  हिन्दी देवनागरी में पढ़ें।

ballabhipur gujarat
ballabhipur, gujarat
vivaran 'ballabhipur' gujarat ka prachin nagar hai. kabhi is sthan ki prasiddhi takshashila aur nalanda ke saman hua karati thi.
rajy gujarat
zila bhavanagar
sthapana is nagar ki sthapana 'maitrak vnsh' ke senapati bhattarak ne 470 ee. men ki thi.
bhaugolik sthiti 'khambhat ki khadi' ke muhane par.
prasiddhi jain dharmik sthal.
snbndhit lekh gujarat, bhavanagar, takshashila, nalanda
vishesh itihas men doosari jain parishad ka ayojan ballabhipur men hua tha.
any janakari satavin sadi ke madhy men chini yatri hven tsang aur ant men 'aeechin ae' yahan aye the, jinhonne isaki tulana bihar ke nalanda se ki thi.

ballabhipur athava 'vallabhipur' bharat ke prachin nagaron men se ek hai, jo panchavin se athavin shatabdi tak 'maitrak vnsh' ki rajadhani raha tha. yah pashchimi bharat ke saurashtr men aur bad men gujarat rajy, bhavanagar ke bndaragah ke pashchimottar men 'khambhat ki khadi' ke muhane par sthit tha. ballabhipur gujarat men jain dharm ke pramukh tirth sthalon men gina jata hai. 770 ee. ke poorv yah nagar bharat men kafi prasiddh tha. prachin samay men yahan 'vallabhi vishvavidyalay' hua karata tha, jo takshashila tatha nalanda ki parampara men tha. is sthan se maitrakon rajaon ke tanbe ke abhilekh aur mudraen adi paee gee hain.

itihas

mana jata hai ki vallabhi ki sthapana lagabhag 470 ee. men maitrak vnsh ke snsthapak senapati bhattarak ne ki thi. yah vah kal tha, jab gupt samrajy ka vikhandan ho raha tha aur samrajy patan ki or agrasar tha. vallabhi lagabhag 780 ee. tak rajadhani bana raha, phir achanak itihas ke pannon se adrishy ho gaya. aisa pratit hota hai ki lagabhag 725-735 men saurashtr par hue arabon ke akramanon se yah bach gaya tha.

vidya ka kendr

tatkalin samay men ballabhipur gyan ka mahattvapoorn kendr tha. yahan kee pathashalaen aur bauddh math bhi the. yahan satavin sadi ke madhy men chini yatri hven tsang aur ant men aeechin ae the, jinhonne isaki tulana bihar ke nalanda se ki thi. ek jain parampara ke anusar panchavin ya chhathi shatabdi men doosari jain parishad vallabhi men ayojit ki gee thi. isi parishad men jain granthon ne vartaman svaroop grahan kiya tha. yah nagar ab lupt ho chuka hai, lekin 'val' namak ganv se isaki pahachan ki gee hai, jahan maitrakon ke tanbe ke abhilekh aur mudraen paee gee hain.

prasiddhi

prachin kal men vallabhi gujarat ke prayadvipiy bhag men sthit tha. vartaman samay men isaka nam 'vala' namak bhootapoorv riyasat tatha usake mukhy sthan 'valabhi' ke nam men surakshit rah gaya hai. 770 ee. ke poorv yah desh bharat men vikhyat tha. yahan ki prasiddhi ka karan 'vallabhi vishvavidyalay' tha, jo takshashila tatha nalanda ki parampara men tha. ballabhipur ya vallabhi se yahan ke shasakon ke uttar guptakalin anek abhilekh prapt hue hain. bundelon ke paramparagat itihas se soochit hota hai ki vallabhipur ki sthapana unake poorvapurush kanakasen ne ki thi, jo ramachandr ke putr lav ka vnshaj tha. isaka samay 144 ee. kaha jata hai.

jain parishad ka ayojan

jain anushruti ke anusar jain dharm ki doosari parishad ballabhipur men ayojit huee thi, jisake adhyaksh devardhigani namak achary the. is parishad ke dvara prachin jain agamon ka sampadan kiya gaya tha. jo sngrah sampadit hua, usaki anek pratiyan banakar bharat ke bade-bade nagaron men surakshit kar di gee thi. yahi parishad chhathi shati ee. men huee thi. jain granth 'vividhatirthakalp' ke anusar vallabhi gujarat ki param vaibhavashali nagari thi. valabhi naresh shiladity ne 'rnkaj' namak ek dhani vyapari ka apaman kiya tha, jisane afaganistan ke amir ya hammir ko shiladity ke viruddh bhadaka kar akraman karane ke lie nimntrit kiya tha. is yuddh men shiladity mara gaya tha.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah