स्वप्न  हिन्दी देवनागरी में पढ़ें।

Disamb2.jpg svapn ek bahuvikalpi shabd hai any arthon ke lie dekhen:- svapn (bahuvikalpi)

svapn adhunik manovaigyanikon ke anusar sote samay ki chetana ki anubhootiyon ko kahate hain. svapn ke anubhav ki tulana mrigatrishna ke anubhavon se ki gee hai. 'svapn' mukhayatah 'svapn nidra' ki avastha men ate hain. sushupti avastha men dekhe gaye svapn prayah subah tak yad nahin rahate. yah avashyak nahin ki svapn men dekha gaya sab kuchh arthapoorn ho. manas aur chikitsa shastriyon ke anusar jo vyakti anavashyak ichchhaon, chnchal bhavanaon, uchch akankshaon aur bhoot-bhavishy ki chinta se apane ko mukt rakhate hain, vahi gahari nidra le pate hain. gahari nidra svasth jivan ke lie param avashyak hai.

dharmik manyata

hindoo dharm shastron - atharvaved, yogasootr, puran, upanishadon ityadi men svapnon ka adhyatmik vishleshan milata hai, jisake anusar svapn ki kriya manushy ki atma se judi hai aur atma paramatma se. man ki kalpana shakti asim hai. maharshi vedavyas 'brahmasootr' men batate hain ki mastishk men pichhale janmon ka gyan sushupt avastha men rahata hai. shuddh acharan vale dharmik aur shant chitt vyakti ke sapane, daivik sndeshavahak hone ke karan, saty hote hain. parntu chintagrast ya rogi vyakti ka man ashant hone ke karan usake svapn nishphal hote hain. svapn bhavi jivan yatra se jude shubh aur ashubh prasng, yahan tak ki vipatti, bimari aur mrityu ki poorv soochana dete hain. gautam buddh ke janm se kuchh din pahale unaki mata rani maya ne svapn men ek soory sa chamakila, 6 danton vala saphed hathi dekha tha, jisaka arth rajy ke manishiyon ne ek uchch koti ke jagat prasiddh rajakumar ke janm ka soochak bataya, jo saty hua.

vaigyanik shodh

pashchaty deshon men svapn par shodh kary sarvapratham sharirik aur phir manasik star par kiya gaya. unnisavin shatabdi ke ant men chikitsakon ke matanusar apriy svapnon ka karan asvasthata, sote samay sans lene men kathinaee aur mastishk men aauksijan ki kami hona tha. manovaigyanikon ke anusar talak, naukari chhootana, vyapar men ghata, ya parivar men kisi sadasy ki achanak mrityu ke karan utpann manasik tanav bar-bar ane vale svapnon men parilakshit hote hain. pashchaty shodh ke anusar jagrat avastha men sansarik vastuon aur ghatanaon ka manav mastishk par prabhav padata hai, jisase anek vicharon aur ichchhaon ka janm hota hai. jo prasng man men apoorn rahate hain, ve nidra ki avastha men, vyavasthit ya avyavasthit roop men, abhivyakt hote hain. adhunik vigyan men pashchaty vicharak sigamnd phraauyad ne apani pustak 'thyori aauph drims' men kaha hai ki svapn manav ki dabi huee ichchhaon ka prakashan karate hain jinako hamane apani jagrat avastha men kabhi-kabhi vichar kiya hota hai. arthat svapn manushy ki ichchhaen (mukhayatah kam vasanaen) jo kisi bhi prakar ke bhay (samaj ke bhay) se jagrat avastha men poorn nahin ho patin, ve svapn men sakar (charitarth) ho kar vyakti ko manasik tripti deti hain aur usako tanavamukt aur sntulit rahane men sahayata karati hain. parntu yah siddhant andhe vyakti dvara dekhe gaye svapnon ko samajhane men asamarth tha. kuchh samay bad phraauyad ne apane vicharon men parivartan kiya. 'drim telipaithi' ke lekhak daau. stainali ke anusar svapnon ki punaravritti ka snbndh vartaman men hone vali samasyaon aur ghabarahat se hi nahin, apitu atit se bhi ho sakata hai. bachapan men ghati koee bhayanak ghatana ka mastishk par gahara prabhav padane se usase snbndhit svapn adhik dikhaee dete hain. svapn ki prakriya par prakash dalate hue daau. stainali ne bataya ki manushy ka mastishk chhoti-chhoti ghatanaon evn janakariyon ko sngathit roop de kar ek aise nishkarsh (svapn) par pahunchata hai, jo kabhi-kabhi bahut sahi hota hai.

aitihasik tathy

rom ke samrat jooliyas sizar ki patni ne unaki hatya ki pichhali rat sapane men dekha tha ki vah apane bal bikhere pati ka lahooluhan sharir uthaye phir rahi hai. usane sizar ko sinet jane se mana kiya, par vah nahin mana aur sinet pahunchane par brootas ne usaki hatya kar di. isi prakar ameriki rashtrapati abraham linkan ne apani hatya ko kuchh din pahale svapn men dekha tha. pashchaty shodhakarta ab bharatiy vicharadhara se sahamat ho rahe hain. phraauyad ne naye anubhavon ke adhar par agali pustak 'intaraprateshan aaunph drims' men svikar kiya ki svapn kabhi-kabhi manushy ki dabi ichchhaon aur man ki udan se bahut age ki soochana dene men saksham hote hain. daau. haivalaauk elaees apani pustak 'di varld aauph drims' men manate hain ki svapn men sushupt mastishk aur 'ekastra sensari parasepshan' ki badi bhoomika hoti hai. 'buch sosaeeti phaaur saeekik risarch' haaulaind, ke shodhakary ne yah pramanit kiya hai ki kuchh svapn bhavishy ki ghatanaon ki sahi-sahi poorvasoochana dete hain. prasiddh manovaigyanik daau. haiphanar mors ke anusar satat prayatn dvara sushupt mastishk ko jaga kar sapanon dvara 'divy drishti' prapt ki ja sakati hai. yoonan ke prasiddh darshanik hippokretas ka manana tha ki nidra ke samay atma sharir se alag hokar vicharan karati hai aur aise men jo dekhati hai ya sunati hai, vahi svapn hai. arastoo ne apani pustak 'pashuon ke itihas' men likha hai ki keval manushy hi nahin, apitu bhed, bakariyan, gay, kutte, ghode ityadi pashu bhi svapn dekhate hain. prachin bharatiy darshanikon ke anusar, atma chaurasi lakh yoniyon men janm lene aur bhraman karane ke bad manushy yoni prapt karati hai. svapn ke madhyam se vah vibhinn yoniyon men arjit anubhavon ka punah smaran karati hai.

svapn ka vigyan

adi kal se hi manav mastishk apani ichchhaon ki poorti karane ke prayatnon men sakriy hai. parntu jab kisi bhi karan isaki kuchh adhoori ichchhaen poorn nahin ho pati (jo ki mastishk ke kisi kone men jagrat avastha men rahati hai) to vah svapn ka roop le lati hain. sapane ya svapn ate kyon hai? is prashn ka koee thos pramanik uttar aj tak khoja nahin ja saka hai. prayah yah mana jata hai ki svapn ya sapane ane ka ek karan 'nind' bhi ho sakata hai. vigyan manata hai ki nind ka hamare mastishk men hone vale un parivartanon se snbndh hota hai, jo sikhane aur yadadasht badhane ke sath-sath mans peshiyon ko bhi aram pahunchane men sahayak hote hain. is nind ki hi avastha men nyooraaun (mastishk ki koshikaen) punah sakriy ho jati hain.

ar. ee. em. arthath raipid aee moovament

isamen adhikatar sapane ate hain. isamen sharir shithil parntu ankhen teji se ghoomati rahati hain aur mastishk jagrat avastha se bhi zyada gatishil hota hai. is ar. ee. em. ki avadhi 10 se 20 minat ki hoti hai tatha pratyek vyakti ek rat men char se chhah bar ar. ee. em. nind leta hai. yah sthiti nind ane ke lagabhag 1.30 ghnte arthat 90 minat bad ati hai. is adhar par ganana karen to ratri ka antim prahar ar. ee. em. ka hi samay hota hai (yadi vyakti samanyatah 10 baje rat sota hai to) jisase sapanon ke ane ki snbhavana badh jati hai.

kaise banate hain sapane

din bhar vibhinn sroton se hamare mastishk ko sphuran (siganal) milate rahate hain. prathamikata ke adhar par hamara mastishk hamase pahale udhar dhyan dilavata hai jise karana ati zaroori hota hai aur jin sphuran sndeshon ki avashyakata turnt nahin hoti unhen vah apane men darj kar leta hai. isake alava pratidin bahut si bhavanaon ka bhi ham par pratyaksh prabhav padata hai. jo bhavanaen ham kisi karan vash daba lete hain (gussa adi) vah bhi hamare avachetan mastishk men darj ho jati hain. rat ko jab sharir aram kar raha hota hai mastishk apana kam kar raha hota hai. (is dauran hamen chetanavastha men koee skuran snket bhavanaen adi nahin mil rahi hoti) us samay mastishk din bhar mile snketon ko lekar sakriy hota hai jinase svapn pradarshit hote hain. yah vah svapn hote hain jo mastishk ko dinabhar mile sphuran, bhavanaon ko darshate hain jinhen din men hamane kisi karan vash rok liya tha. jab tak yah pradarshit nahin ho pata tab tak bar-bar najar ata rahata hai tatha in par niyntran chahakar bhi nahin kiya ja sakata.

sapanon ka sach

har insan svapn dekhata hai. kuchh hamen yad rahate hain aur kuchh bhool jate hain. yadi ap apane vicharon ko vyakt kar sakate hain, kisi kary ko kushalata se kar sakate hain to ap svapn dekhate hain. sapane hamare manasik sntulan ko banaye rakhane men sahayata karate hain. yadi ham svapn n dekhen to hamara mastishk itane vicharon se bhar jaega ki ham sochane samajhane ki shakti kho denge. svapnon ko samajhane ke lie hamen apane chitt ko samajhana hoga. mashahoor manochikitsak karl gustav jng ne chitt ko tin bhagon men banta hai- sachet, vaiyaktik achet man aur samoohik achet man. sochane, samajhane, mahasoos karane ka kary sachet man se karate hain. kintu hamare kee avyakt vichar v bhavanaen, jivan ke anubhav, bhay adi achet man men rahate hain jo jane anajane hamare vyaktitv ko nirdharit karate hain. manochikitsak phrayad ka aisa manana hai ki hamare svapn achet man ke vicharon ko vyakt karate hain. lekin svapn isake atirikt aur bhi kee uddeshayon ke lie upayog kiye ja sakate hain. hamen hamare jivan ke kee prashanon ka uttar inamen mil sakata hai. svapn snketon ki bhasha bolate hain jise samajhane ke lie hamen un snketon ko samajhana padata hai. inhen samajhane ka sabase achchha tarika hai svapn ko likhana. ap jis prashn ka uttar chahate hain ya jivan ki kisi sthiti ko samajhana chahate hain to rat ko sone se pahale apane prashn ko man men ya bolakar spasht kijiye. apane jo svapn dekha use uthate hi sabase pahale snkshep men likhie. phir barikiyan jo apako yad hon vah likhie. yadi apako svapn yad n rahate hon, to sone se pahale yah bhi bolie ki apako svapn yad rahen. hamara mastishk bahut hi vichitr yntr hai. ham jaisa sochate hain vah vaise hi kam karane lagata hai. yahi adhar hai reki jaisi kee chikitsa paddhatiyon ka. svapn likhane se hamen usaki bahut si barikiyon ka pata chalega jo shayad keval manan karane se n pata chale. zaroori nahin ki hamen ek hi bar men poorn uttar mil jaye. aisa bhi hota hai ki kee svapn ek hi javab ke alag-alag hisse hon. svapnon ki sanketik bhasha ko samajhane ke lie hamen nishpakshata se un snketon aur apane vicharon ko samajhana hoga. ajakal svapn vishaleshan vishashgy hamari sahayata bhi kar sakate hain. kyonki ve ek nishpaksh vishaleshan kar sakate hain v kee snketon ko samajhane ki kshamata rakhate hain. ajakal intaranet par svapn samajhane ke kee srot hain. kintu samanyatah yah snket bahut hi vyaktigat hote hain aur har sthiti men alag arth bhi ho sakata hai. jaise naujavan ke lie gadi azadi ka soochak ho sakati hai, lekin yadi kisi ki gadi se koee durghatana ho chuki ho, usake lie gadi ek bhayanak yad bhi ho sakati hai. isalie hamare svapnon ko samajhane ke lie hamase behatar koee nahin. kuchh svapn bahut saral hote hain jo asani se samajh a jate hain. kintu kuchh jatil bhi hote hain. hamane jo svapn likhe hain, unhen kuchh din bad padhane par hamen ek paitarn najar aega. us paitarn ka vishaleshan ek bahut hi satik v poorn uttar de sakata hai. udaharan ke liye, ek vyakti kuchh samay se bimar tha aur usaka ilaj chal raha tha. ek din usane svapn dekha ki ek chidiya usake ghar men phns gee hai aur bahar nikalane ke lie pnkh phadaphada rahi hai. lekin jaise hi vah chidiya ghar se bahar nikali, niche gir gayi. us vyakti ne dekha ki vah chidiya itani kamazor thi ki vah ud nahin pa rahi thi. is svapn ka matalab tha ki vah vyakti apani bimari se bahut pareshan ho gaya tha v bahar jana chahata tha. lekin vah bahut kamazor bhi ho gaya tha. use poornataya se thik hone ke lie abhi aur kuchh din chikitsa ki avashyakata thi. is prakar svapn hamare man ke prashanon ke uttar dekar hamen kee bar kee karyon ke prati sachet bhi kar sakate hain. isalie apane svapnon ko samajhana ana chahie aur yah ek bahut hi rochak kary bhi hai. kaun nahin chahata ki usake pas ek khud ka margadashan karane ka srot ho. sapane dekhana aur samajhana apane ap ko samajhane jaisa hai. ham jitana apane ap ko samajhenge, hamara jivan utana hi saral aur sakaratmak hoga.

svapnon ke prakar

bharatiy darshanashastr ke anusar bhoot, vartaman aur bhavishy ka sookshm akar har samay vayumndal men vidyaman rahata hai. jab vyakti nidravastha men hota hai to sookshmakar hokar apane bhoot aur bhavishy se snpark sthapit karata hai. yahi snpark svapn ka karan aur svapn ka madhyam banata hai. jo vyakti sakriy hai, vah svapn avashy dekhata hai. sabhi praniyon men manushy hi ek matr aisa prani hai jo svapn dekh sakata hai. arthath jo manushy svapn nahin dekhata, vah jivit nahin rah sakata. isaka abhipray yah hai ki jo jivit aur sakriy hai, vah svapn avashy dekhata hai. keval janm se andhe vyakti svapn nahin dekh sakate lekin ve bhi svapn men dhvaniyan to sunate hi hain. arthat svapn to unako bhi ate hain. svapn sote hue hi nahin, jagate hue bhi dekhe ja sakate hain. is prakar svapn ko do bhagon men vibhajit kiya ja sakata hai.

  1. jagrit avastha ke svapn
  2. nidravastha ke svapn

jagrit avastha ke svapn kaviyon, darshanikon, premi-premikaon, avivahit kishor, yuvak-yuvatiyon ko adhik ate hain. ye svapn kalatmak hote hain. jis vyakti vishesh ki sadhana itani prabal hoti hai ki vah jagritavastha men ya dhyanavastha men in bhoot-bhavishy ke sookshm akaron se snpark kar leta hai, vahi yogi aur bhavishyadrishta kahalata hai. avachetan man ki pahunch hamare sharir tak hi simit nahin, varanh vah vishv ke kisi bhi bhag men jab chahe pahunch sakata hai. usake dvara tinon lokon ke kone-kone ka samachar prapt ho sakata hai. atah bhoot, bhavishy aur vartaman tinon kalon ka gyan avachetan man se hi snbhav hai. niche kuchh mukhy-mukhy svapnon ke bhavon phalon ka snkshipt varnan kiya ja raha hai. svapn phalon ke snbndh men nimn baton ko dhyan men rakhana avashyak hai. svapn jyotish ke anusar rat ke pratham prahar men jo svapn dikhate hain usaka ek varsh men shubh ya ashubh phal milata hai. doosare prahar men jo svapn dikhate hain unaka nau mah men, tisare prahar men dekhe ge sapane ka tin mah men, chauthe prahar men dekhe sapane ka ek mah men aur prat:kal (subah bhor kal) ke svapn shighr hi phal dete hain. din nikalane ke bad dekhe jane vale svapnon ka phal adhe mah ke bhitar hi mil jate hai. athava ratri men tin baje se sooryoday ke poorv ke svapn sat din men, madhy ratri ke svapn 1 mah men, madhy ratri se pahale ke svapn 1 varsh men apana phal pradan karate hain. din ke svapn mahatvahin hote hain. ek rat men ek se adhik svapn aen to antim svapn hi phaladayak hoga.

  • drisht- jo jagrat avastha men dekha gaya ho use svapn men dekhana.
  • shrut- sone se poorv suni gee baton ko svapn men dekhana.
  • anubhoot- jo jagate hue anubhav kiya ho use dekhana.
  • prarthit- jagrat avastha men ki gee prarthana ki ichchha ko svapn men dekhana.
  • doshajany- vat, pitt adi dooshit hone se svapn dekhana.
  • bhavik- jo bhavishy men ghatit hona hai, use dekhana. uparyukt sapanon men keval bhavik hi vicharaniy hote hain.

svapnon ka arth (svapn phal)

prakriti apane dhng se bhavi shubhashubh snket deti hai. svapn bhi isaka madhyam hote hain. svapnon ke phalon ki vivechana ke sndarbh men bharatiy grnthon men inake dekhe jane ke samay, tithi v avastha ke adhar par inake parinamon ka sookshm vishleshan kiya gaya hai. inake anusar -

  • shukl paksh ki shashthi, saptami, ashtami, navami aur dashami tatha krishn paksh ki saptami tatha chaturdashi tithi ko dekha gaya svapn shighr phal dene vala hota hai.
  • poornima ko dekhe ge svapn ka phal avashy prapt hota hai.
  • shukl paksh ki dvitiya, tritiya v krishn paksh ki ashtami, navami ko dekha gaya svapn viparit phal pradan karata hai.
  • shukl paksh ki pratipada, krishn paksh ki dvitiya ke svapn ka deri se phal prapt hota hai.
  • shukl paksh ki chaturthi v pnchami ko dekhe ge svapn ka phal do mah se do varsh ke andar prapt hota hai.
  • ratri ke pratham, dvitiy, tritiy v chaturth prahar ke svapnon ka phal kramashah ek varsh, ath mah, tin mah v chhah din men milata hai.
  • ushakal men dekhe ge svapn ka phal das din men milata hai.
  • sooryoday se poorv dekhe jane vale svapn ka phal atishighr prapt hota hai.

svapnon ke shubh v ashubh phalon ki avadharanaen

manav man ka svapnon ke sath gahara snbndh hai nidra ki avastha men bhi mastishk sakriy rahata hai. avachetan man ki ichchhaen, din pratidin ke tanav evn chintaen svapn ke roop men dikhaee deti hain. manovaigyanik yah bhi manate hain ki kabhi-kabhi svapn bhavishy men hone vali ghatanaon ka bhi snket dete hain. svapnon se bhavishy snket ki pushti kee prachin grnthon dvara hoti hai. nanihal men bharat ne ek svapn dekha tha jisaka parinam samane aya. trijata ne bhi lnka ke vidhvns hone ka svapn dekha tha. sapanon ka jivan men vishesh mahatv hai. sapane bhavishy men hone vali ghatanaon ki poorv soochana dete hain. inaka apana gopaniy mahatv hota hai. svapn jyotish ke vidvanon ke anusar svapn do prakar ke hote hain ek isht phal dene vala tatha doosara dusht phal dene vala. isht tatha dusht phal dene vale svapn ki janakari niche di gee hai -

shubh svapn phal vichar

  • svapn men jis purush ko apane sir par ghar jalata dikhaee de, use rajy pad milata hai.
  • jo purush svapn men kanon men kundal, mathe par mukut aur gale men motiyon ka har dharan karata hai vah nishchit hi rajyapad ko prapt karata hai.
  • jo purush svapn men apane shatruon ko parajit hote hue dekhata hai, vah purush padonnati prapt karata hai.
  • jo purush svapn men gay, bail, pakshi, hathi par chadhakar apane apako samudr ko par karata hua dekhata hai vah raja hai.
  • jo purush svapn men kamal ke patte par baithakar khir khata hai vah rajyapad ko prapt karata hai.
  • yadi koee stri svapn men apani yoni ke kshetr ko vikasit dekhati hai to use kisi purush ke dhan ki prapti hoti hai.
  • jis purush ke svapn men sare bal jhad jate hain ya vah apane apako kesh vihin dekhata hai to use atuly dhan ki prapti hoti hai.
  • jo purush svapn men kumhar ko ghada banate dekhata hai usake shok ka nash hota hai aur use bahut dhan ki prapti hoti hai.
  • jo purush svapn men apane apako oonchi divar par baitha dekhe to usako sukh-snpatti prapt hoti hai.
  • yadi koee purush svapn men apane ko apani ayu se bada dekhe to usako man-samman ki prapti hoti hai.
  • jo vyakti svapnavastha men ghoda, hathi, saphed bail, joote, rath men svayn ko savar dekhata hai - use gram, nagar, rajy athava desh se avashy hi samman ki prapti hoti hai.
  • kisi bade jalashay, sarovar, nadi athava sagar men svayn ko tairata dekhane vala manushy sabhi prakar ke snkaton se mukt ho jata hai.
  • svapn men ulloo dekhane se bhagavati lakshmi ki kripa prapti hoti hai.
  • jo vyakti svapnavastha men til, chaval, gehoon, sarason, jau, ann ka dher, pushp, chhata, dhvaj, dahi, pan, kamal, kalash, shnkh aur sone ke gahane dekhata hai use sabhi prakar ka sukh milata hai.
  • svapn men devi lakshmi ki moorti dekhane se dhan ki prapti hoti hai.
  • gauraiya, nilaknth, kabootar, saras, tota v titar dikhaee dene se grihasth jivan khushahal hota hai.
  • svapn men svayn ko kisi mahal ke oonche burj par khade dekhana bhavi jivan men unnati ka snket hai.
  • yadi koee rogi svapn men davaee ki botal tooti huee dekhata hai to vah shighr hi rog mukt ho jata hai.
  • svapn men phal dekhana bahut shubh hota hai.
  • yadi ap svayn ko kisi oonchaee par chadhata dekhen to yah bhavishy men unnati ka snket hai.
  • yadi ap svapn men ne vastr pahane dikhate hain to apako koee mangalik kary ka sndesh milane vala hai.
  • yadi ap kisi vriddh vyakti athava sadhu ko dekhate hain to apako bada labh athava samman milane vala hai.
  • nadi ya samudr men tairana, akash men udana, sooryoday, prajvalit ag, soory adi dekhana, mahal, mndir, shikhar chadhane ka sapana dekhen to har kary saphal v siddh hota hai.
  • svapn men sharab pina, mans khana, kide khana, sharir par vishtha (mal) lagana, sharir par rakt lagana v dahi-bhat khana shubh v labhadayak hota hai.
  • svapn men shvet chndan lagana, alnkar pahanana athava pahane hue dekhana, yah sab dekhane vale jatak ko shubh samachar milata hai.
  • svayn ko svapn men parvat par chadhate hue denkhe to uchchapad ki prapti hoti hai.
  • jo vyakti svapn men genhoo ka dher dekhata hai to use achanak dhan labh hota hai.
  • svapn men yadi dant girate hue dikhen to ayu badhati hai.

ashubh svapn phal vichar

  • yadi koee stri apane apako svapn men gnja dekhe to use garibi ka samana karana padega.
  • yadi purush svapn men dekhe ki usake sath durghatana ghat gayi hai to use shighr hi bimari jakad leti hai.
  • yadi koee svapn men yatra ke lie vahan dvara jane ki taiyari men hai to use yatra chhod deni chahie, kyonki yatra men usaki mrityu ho sakati hai.
  • yadi koee svapn men apane apako shisha todate hue dekhata hai to usake parivar men shighr hi kisi sadasy ki mrityu ho jati hai.
  • yadi koee purush svapn men chitiyon ko mare to vyapar ka nash hota hai.
  • jo purush apani nav ko toofan men phnsate dekhata hai to ane vala samay durbhagy ki soochana deta hai.
  • yadi koee purush svapn men kadavi dava leta hai to vah anek prakar ki kathinaeeyon men pad jata hai.
  • svapn men rota bachcha dekhana bimari aur nirasha ki soochana deta hai.
  • yadi svapn men kisi bachche ka janm hota dikhaee de to savadhan hona chahie kyonki yah agami durghatana ka snket hai.
  • yadi svapn men kisi rote bachche ko dekhen to koee snkat ane vala hai.
  • svapn men jis vyakti ko dakshin disha men khade pitar bulate hain usako apana antim samay aya hua jan lena chahie.
  • svapn men koee khndahar, sunasan jagah dekhana, bhatak jana aur nikalane ka koee marg n milana hani karak hota hai.
  • svapn men yadi koee kisi ke panvon ko kata hua dekhega to usake jivan men anek prakar ki arthik aur vyavasayik badhaen ane vali hain.
  • svapn men yadi koee pani men doobata ja raha hai to yah ane vale snkaton ka soochak hai.
  • yadi koee vyakti svapn men svayn ko dori se bndha hua dekhata hai to use shighr hi kisi aparadh men bndi banaya ja sakata hai.
  • svapn men yadi aisa pratit ho ki koee vyakti svapn dekhane vale ki patni ka apaharan karake le ja raha hai to shighr hi usake dhan ki hani hoti hai.
  • svapn men kisi barat men shamil hona ashubh hai.
  • svapn men kisi ki hatya hote dekhane ka arth hai ki koee apak khilaf bagavat kar raha hai.
  • svapn men yadi koee sona, chandi adi dhatuon ki chori karata hai to yah ashubh hai. is ka prabhav vyavasay par pad sakata hai.
  • soory ya chndr ko svapn men nistej dekhana, dhruv ya any taron ko girate hue dekhane par manushy maran athava shok ko prapt hota hai.
  • svapn men yadi svayn ko nav men baithakar nadi par karate dekhate hain to door ki yatra ka yog banata hai.
  • yadi svapn men gnde nale men svayn ko girate hue denkhe to bimari hoti hai aur ek mahine ke bhitar hi kisi badi musibat ka samana karana padata hai.
  • yadi svapn men sarp dikhe to anisht hone ki snbhavana rahati hai tatha vnsh vriddhi men bhi pareshani ati hai.
  • svapn men ghar ka daravaza girate hue dekhen to kul ka nash ho jata hai.
  • sapane men khud ko thookate hue denkhe to anisht phal milata hai.
  • atynt vriddh aur kale sharir vali stri ka nach dekhana, athava nngadhadng fakir ko nachate, hnsate, apani or kroor drishtipat karate dekhana, kale vastr pahane, hath men lauh ka dnda liye kisi ko dekhana mrityu ke soochak hote hain.

pranay snbndhi svapn phal vichar

  • yadi koee yuvati svapn men kisi ratn jadi angoothi athava naikales ko dekhati hai to usaka danpaty jivan sukhi vyatit hota hai.
  • yadi yuvati svapn men kisi mitr ke diye hue kngan pahanati hai to usaka shighr hi vivah ho jata hai.
  • yadi purush svapn men koee sundar vastr dekhata hai to use madhur svabhav vali vidushi patni ki prapti hoti hai.
  • yadi purush svapn men aurat ko ghoonghat nikalate dekhata hai to usaka danpaty jivan sukhamay vyatit hota hai.
  • jab koee purush svapn men apani khoee huee vastu prapt karata hai to use agami jivan men sukh milata hai.
  • yadi koee yuvati svapn men apane apako mele athava numaish men ghoomati dekhe to use yogy pati ki prapti hoti hai.
  • yadi koee purush svapn men indradhanush dekhata hai to usaka vastavik jivan sukhamay vyatit hota hai.
  • yadi avivahit yuvati apane premi ko kisi any yuvati se vivah karata dekhe to vivah shighr ho jata hai.
  • yadi koee purush svapn men kisi sundar v svasthy navajat shishu ko dekhata hai to usako sntan prapt hoti hai.
  • yadi kisi stri ko koee purush svapn men angoothi bhent men de to usaka pati use atynt prem karega.

mishrit svapn phal vichar

  • jo purush svapn men jivit giddh ko dekhata hai usake saubhagy men vriddhi hoti hai. yadi giddh akash men oonchaee par udata dikhaee de to atyadhik saubhagyashali hota hai.
  • yadi koee purush svapn men saph-suthari shmashan bhoomi ko dekhe to usake vyapar men vriddhi hoti hai.
  • yadi koee purush svapn men apane apako pustak padhate dekhata hai to usaka samaj men man-samman badhata hai.
  • svapn men mashin dvara ghas katana saubhagy vriddhi ka pratik hai.
  • yadi koee purush svapn men kisi yuvati ko karnaphool pahane dekhe to use koee shubh samachar milata hai.
  • yadi koee purush svapn men khatamalon ko athava machchharon ko marata hai to usake kary saphal ho jate hain.
  • jo purush svapn men anaj ka dher dekhata hai use apane parishram se saphalata prapt hoti hai.
  • jo purush svapn men kaauphi athava chay pita hai, use jivan men harshollas aur samriddhi milati hai.
  • yadi koee purush svapn men apane pairon-hathon men dard ka anubhav kare to use dhan ki prapti hoti hai.
  • yadi koee purush svapn men karigar banakar makan banata hai to usako jivan men apar saphalata milati hai.

anisht phal nashak upay

yadi man yah svikar kare ki dekhe ge svapn ka parinam anishtakari ho sakata hai to usake nivaran ka upay avashy kiya jana chahie. chitrakoot vas ke samay shriram ne bhi ek svapn dekha tha jisake anisht phal ke nivaran hetu unhonne bhagavan shiv ki pooja ki thi. uchit upay karane se bure svapn se hone vala dushprabhav atyant kshin athava samapt ho jata hai. yadi svapn adhik bhayanak aur ratri 12 se 2 baje dekha je to turnt shri shiv ka nam smaran karen. 'oon namah shivay' ka jap karate hue so jaen. tatpashchath brahmamuhoort men uthakar snanadi karake shivamndir men jakar jal chadhaen pooja karen v pujari ko kuchh dan karen. isase snkat nasht ho jata hai.

  • yadi svapn 4 baje ke bad dekha gaya hai aur svapn bura hai, to pratah uthakar bina kisi se kuchh bole tulasi ke paudhe se poora svapn kah dalen. koee dushparinam nahin hoga. snan ke bad 'oon namah shivay' ka 108 bar jap karen.
  • hanuman ji sab prakar ka anisht door karane vale hain. bure svapn ka anisht door karane ke lie sundarakand, bajarng ban, snkatamochan stotr athava hanuman chalisa ka path bhi sanyakal ke samay kiya ja sakata hai.
  • yadi svapn bahut bura hai aur apake ghar men tulasi ka paudha nahin hai, to subah uthakar saphed kagaz par svapn ko likhen phir use jala den. rakh nali men pani dal kar baha den. phir snan karake ek mala shiv ke mntr 'oon namah shivay' ka jap karen. dushprabhav nasht ho jaega.

duahsvapn : karan-prabhav-nivaran

kya ap janate hain ki lagabhag 5 pratishat logon ko aise sapane roj dikhaee dete hain? any sapanon ki bhanti in bure sapanon ke karan achanak atyadhik pasine ka nikalana, galon ka lal ho jana, nadi ka teji se chalane lagana adi sharirik lakshan dikhaee dete hain. yah kahana kathin hai ki bure sapane ya phir sapane kyon ate hain. karan kee ho sakate hain. doosaron ke vicharon aur maton ke prati snvedanashal logon ko aise sapane zyada dikhaee dete hain. yadi koee unaki buraee ya alochana kare, to ve vichalit ho uthate hain aur unaka yah vichalit hona bure sapane ka ek karan ho sakata hai. gahari nakaratmak soch ya phir din men man men uthane vale tarah-tarah ke nakaratmak vichar bure sapanon ka karan ho sakate hain. ye bure sapane lnbe hote hain aur aksar rat ke pichhale pahar men dikhaee dete hain. koee bura sapana dekhane par vyakti ko apani jan ka khatara satata hai. bure sapane zyadatar bachchon ko ate hain, badhati umr ke sath inaka ana kam hota jata hai. bure sapanon ka talluk vyakti ki snvegatmak avastha se hota hai. kisi vyakti ko usake gnbhir manasik avasad tatha tanav ke dinon men ya phir hal men huee kisi priyajan ki maut par aksar aise sapane dikhaee dete hain. agar sapane men apako pariksha men asaphalata dikhaee de ya ap svayn ko kisi aisi vikat sthiti men jakada hua paen jisase ap chahakar bhi nikal n pa rahe hon, to isaka arth hai ki ap yatharth jivan men snbhavatah avasad ke shikar hon. agar ap bite dinon hatasha se gujare hon, to snbhav hai ki apaki yah manasik avastha apako sapane men dikhaee de. bharatiy jyotish men sapanon ki vishad vyakhya ki gee hai. is vyakhya ke anusar sapanon men vibhinn vastuon, pashu-pakshiyon adi ke kin avasthaon men dikhaee dene ka kya ashubh phal ho sakata hai isaka snkshipt vivaran yahan prastut hai.

  • prarthana : yadi koee vyakti svapn men yah dekhe ki vah akela hi apane isht dev ki prarthana kar raha hai, to yah samajhana chahie ki usaki sahayata ke sabhi daravaze bnd ho ge hain. yadi koee prarthana se alag rahane ka svapn dekhe, to usake parivar ke kisi sadasy ko kasht prapt hona snbhav hai.
  • chita : svapn men chite ka dikhaee dena vyakti ki saphalata ke marg men kathinaiyon ka soochak hota hai. svapn men chita vyakti par akraman karata dikhaee de, to vyakti ki kathinaiyan shighr hi badh jati hain. yadi svapn men chita kisi doosare vyakti par akraman karata hua dikhaee de, to kisi gabhir durghatana ke karan, bade snkat men padata hai.
  • dholak : yadi vyakti kisi utsav men svayn ko dhol bajata hua dekhe, to use kathinaiyon ka samana karana padata hai.
  • mashin : yadi kisi vyapari ko svapn men pnching mashin ko chhod kar any mashinen dikhaee den, to vyavasay men asaphalata milati hai.
  • titali : yadi koee ladaki svapn men kisi titali ko pakade kintu vah titali pakad se bahar nikal jae, to us ladaki ka vivah ichchhit ladake se nahin hota.
  • dastavej : yadi svapn men koee dastavej, athava band par hastakshar kare, to use dhan ki hani hoti hai.
  • ankhen : yadi svapn men vyakti ko apani ankhen lal dikhaee den, to use koee rog hota hai.
  • billi : yadi svapn men billi dikhaee de, to vyakti ke acharan ke vishay men kharab
  • chhipakali : yadi vyakti ko svapn men apane sharir par chhipakali girati dikhaee de, to use koee rog ho sakata hai. yadi koee stri apane kapadon par chhipakali girati huee dekhe, to kisi karanavash kuchh dinon ke lie usaka pati se viyog khabaren phailati hain, log usase ghrina karate hain. sath hi usake ghar chori adi hone ke karan use arthik hani bhi hoti hai.
  • bhojan : yadi vyakti svapn men svayn ko bhojan karata hua dekhe, to use koee rog hota hai. ho sakata hai. yadi svapn men 2 chhipakaliyan ladati huee dikhaee den, to parivar par bhari vipatti a sakati hai.
  • chooha : svapn men chooha dikhaee de, to vyakti ke anekanek shatru ho sakate hain. svapn men choohe ka phnsana dikhaee dena vyakti ke shatruon ke shadyntr ke shikar hone ka soochak hai. yadi svapn men bahut se choohe dikhaee den, to vyakti ko pratyek kshetr men asaphalata milati hai.

shubhashubh svapnon ke puranokt phal

jagritavastha men dekhen, sune evn anubhoot prasngon ki punaravritti, sushuptavastha men manushy ko kisi n kisi roop men evn kabhi-kabhi bina kisi taratamy ke shubh aur ashubh svapn ke roop men digdarshit hoti hai, jisase svapn drishta svapn men hi ahladit, bhayabhit aur vismit hota hai. vaigyanik ya chikitsakiy drishti se manasik udvignata, pachan vikar, thakan, chinta evn ahlad ke adhiky par bhi svapn adharit hote hain. baharahal, shubh svapnon se shubh karyon ke adhikadhik prayas se karyasiddhi men snlagn hone ka snket milata hai aur ashubh svapnon men agami snbhavit dukhad sthiti ke prati sachet rahane ki nasihat lena vidvanon dvara shreyashkar bataya gaya hai. tadanusar -

lakshan svapn shubhashubh, kahyo, matsy bhagavan. shubh prayasarat, ashubh se honhi sachet sujan॥

shri matsy puran ke 242 ven adhyay men bataya gaya hai ki satayug men jab bhagavan annt jagadishvar ne matsyavatar liya tha, to manu maharaj ne unase manushy dvara dekhe gaye shubhashubh svapn phal ka vrittant batane ka agrah kiya tha. manu maharaj ne, apani jigyasa shant karane hetu, matsy bhagavan se poochha ki he bhagavan! yatra, ya anushthan ke poorv, ya vaise bhi samanyataya jo anek prakar ke svapn manushy ko samay-samay par dikhayi dete hain, unake shubhashubh phal kya hote hain, batane ki kripa karen, yatha-

svapnakhayann kathn dev gamane pratyupasthite. drishynte vividhakaraah kashn teshan phaln bhaveth॥

matsy bhagavan ne svapnon ke phalibhoot hone ki avadhi ke vishay men batate huye kaha :

kalkasnann tilairhomo brahmananan ch poojanamh. stutishch vasudevasy tatha tasyaiv poojanamh॥16॥
nagendramokshashravann gyeyn duahsvapnashanamh. svapnastu prathame yame snvastaravipakinah॥17॥
shadbhirbhasairdvitiye tu tribhirmasaistritiyake. chaturthe masamatren pashyato natr snshayah॥18॥
arunodayavelayan dashahen phaln bhaveth. ekasyan yadi va ratraushubhnva yadi vashubhamh॥19॥
pashchadh drishristu yastatr tasy pakn vinirdisheth. tasmachchhobhanake svapne pashchath svapnonashasyate॥20॥

arthat, ratri ke pratham prahar men dekhe gaye svapn ka phal ek snvatsar men avashy milata hai. doosare prahar men dekhe gaye svapn ka phal 6 mah men prapt hota hai. tisare pahar men dekhe gaye svapn ka phal 3 mah men prapt hota hai. chauthe pahar men jo svapn dikhayi deta hai, usaka phal 1 mah men nishchit hi prapt hota hai. arunoday, arthat sooryoday ki bela men dekhe gaye svapn ka phal 10 din men prapt hota hai. yadi ek hi rat men shubh svapn aur duahsvapn donon hi dekhe jaen, to unamen bad vala svapn hi phaladayi mana jana chahie, arthath bad vale svapn phal ke adhar par margadarshan karana chahie. kyonki bad vala svapn phalibhoot hota hai, atah yadi ratri men shubh svapn dikhayi de, to usake bad sona nahin chahie.

shailaprasadanagashvavrishabharohann hitamh. drumanan shvetapushpanan gamane ch tatha dvij॥21॥
drumatrinaravo nabhau tathaiv bahubahuta. tathaiv bahushirshatvn phalitodbhav evn ch॥22॥
sushuklamalyadharitvn sushuklanbaradharita. chndrarkataragrahann parimarjanamev ch॥23॥
sakradhvajalingnn ch taduchchhrayakriya tatha. bhoonynbudhinan grasann shatrunan ch vadhakriya॥24॥

arthat, shubh svapnon ke phal batate hue shri matsy bhagavan ne manu maharaj ko bataya ki parvat, rajaprasad, hathi, ghoda, bail adi par arohan hitakari hota hai tatha jin vrikshon ke pushp shvet, ya shubh hon, unapar chadhana shubhakari hai. nabhi men vriksh evn ghas-phoos ugana tatha apane sharir men bahut si bhujaen dekhana, ya anek shir, ya mastak dekhana, phalon ko dan karate dekhana, udbhijon ke darshan, sundar, shubh arthath shvet mala dharan karana, shvet vastr pahanana, chndrama, soory aur taron ko hath se pakadana, ya unake parimarjan ka svapn dikhayi dena, indradhanush ko hriday se lagana, ya use oopar uthane ka svapn dikhayi dena aur prithvi, ya samudr ko nigal lena evn shatruon ka vadh karana, aise svapn dekhana sarvatha shubh hota hai. isake atirikt bhi jo svapn shubh hote hain, ve nimn hain :

jayo vivade dyoote v sngrame ch tatha dvij. bhakshann chardramansanan matsyanan payasasy ch॥25॥
darshann rudhirasyapi snann va rudhiren ch. surarudhiramadyanan pann kshirasy chath va॥26॥
antrairva veshrinn bhoomau nirmaln gagann tatha. mukhen dohann shastn mahishinan tatha gavamh॥27॥
sinhinan hastininan ch vadavanan tathaiv ch. prasado devaviprebhyo gurubhyashch tatha shubhah॥28॥

matsy bhagavan ne, manu maharaj se ukt taratamy men svapnon ke shubh phalon ki charcha karate hue, bataya ki svapn men sngram, vad-vivad men vijay, jue ke khel men jitana, kachcha mans khana, machhali khana, khoon dikhaee dena, ya rudhir se nahate hue dikhaee dena, surapan, raktapan, athava dugdhapan, apani anton se prithvi ko bandhate hue dekhana, nirmal nabh dekhana, bhains, gay, sinhani, hathini, ya ghodi ke than men munh laga kar doodh pina, devata, guru aur brahman ko prasann dekhana sabhi shubh phaladayi evn shubh soochak hote hain. matsy bhagavan ne aur bhi shubh svapnon ki charcha karate hue manu maharaj ko bataya :

anbhasa tvabhishekastu gavan shrrigsuten va. chndradh bhrashtena varajashasheyosajyaprado hi sah॥29॥
rajyabhishekashch tatha chhedann shirasastatha. marann chahnidahashch vahnidaho grihadishu॥30.
labdhishch rajyalign tntrivadyabhivadanamh. tathodakanan tarann tatha vishamaladaghanamh॥31॥
hastinivadavanan ch gavan ch prasavon grihe. arohanamathashvanan rodann ch tatha shubhamh॥32॥
varasrinan tatha labhastathalignamev ch. nigadairbndhann dhanyn tatha vishthanulepanamh॥32॥
jivatan bhoomipalanan suhdamapi darshanamh. darshann devatanan ch vimalanan tathanbhasamh॥34॥
shubhanyathaitani narastu hashtva prapnotyayatvadh dhruvamarthalabhamh. svapnani vai dharmabhritan varishth vyadhervimokshn ch tathaturoapi॥35॥

aur bhi adhik shubh svapnon ke phal manu maharaj ko batate hue shri matsy bhagavan ne kaha ki rajan! gauvon ke sing se sravit jal, ya chndrama se girate hue jal se snan ka svapn sarvatha shubh evn rajy ki prapti karane vala hota hai. rajyarohan ka svapn, mastak katane ka svapn, apani mrityu, prajjvalit agni dekhana, ghar men lagi ag ka svapn dekhana, rajy chihnon ki prapti, vina vadan, ya shravan, jal men tairana, durooh sthanon ko par karana, ghar men hastini, ghodi tatha gau ka prasav dekhana, ghode ki savari karate dekhana, svayn ko rote dekhana adi svapn shubh aur mngal shakun ke dyotak hote hain. isake atirikt sundariyon ki prapti tatha unaka alingan, jnjir men svayn ko bndha dekhana, sharir men mal ka lep dekhana, jo raja maujood hain, unhen svapn men dekhana, mitron ko svapn men dekhana, devataon ka darshan, nirmal jal dekhane ke svapn bhi sarvatha shubhakari hote hain, jisase bina prayas ke dhan-aishvary ki prapti hoti hai tatha rugn vyakti rogamukt ho jata hai. ashubh svapnon evn unake phalon ke vishay men shri matsy bhagavan manu maharaj ko batate hue kahate hain :

idanin kathayishyami nimittn svapnadarshane. nabhin vinanyagatreshu trinavrikshasamuravah॥2॥
choornann moodhnin kansyanan mundann nagnata tatha. malinanbaradharittvamabhyagah patadigdhata॥3॥
uchchath prapatann chaiv dolarohanamev ch. arjann patalohanan hayanamapi maranamh॥4॥
raktapushpadrumanan ch mndalasy tathaiv ch. varaharkshakharoshtranan tatha charohanakriya॥5॥
bhakshann pakshimatsyanan tailasy krisarasy ch. nartann hasann chaiv vivaho gitamev ch॥6॥
tntrivadyavihinanan vadyanamabhivadanamh. srotoavagahagamann snann gomayavarina॥7॥
patodaken ch tatha mahitoyen chapyath. matuah pravesha jathare chitarohanamev ch॥8॥
shakradhvajabhipatann patann shashisooryayoah. divyantarikshabhaumanamutpatanan ch darshanamh॥9॥

arthat, matsy bhagavan ne vibhinn svapnon ke ashubh phalon ki or ingit karate hue manu maharaj se kaha ki he rajan! svapn men nabhi ke atirikt, sharir ke any angon men ghas, phoos, ped-paudhe uge hue dekhana, sir par kanse ko kutata dekhana, mundan dekhana, apane ko nagn dekhana, svayn ko maile kapade pahane hue dekhana, tel lagana, kichad men dhnsana, ya kichad lipata dekhana, oonche sthan se girana, jhoola jhoolana, kichad aur loha adi ekatrit karana, ghodon ko marana, lal phoolon ke ped par chadhana, ya lal pushpon ke pedon ka mndal, sooar, bhaloo, gadhe aur oonton ki savari karana, pakshiyon ka bhojan karana, machhali, tel aur khichadi khana, nrity karana, hnsana, vivah evn gana-bajana dekhana, vina ke alava any vadyon ko bajana, jal srot men nahane jana, gobar laga kar jal snan, kichadayukt uthale jal men nahana, mata ke udar men pravesh karana, chita par chadhana, indr pataka ka girana, chndrama evn soory ko girate dekhana, antariksh men ulka pindon ke utpat adi svapn men dekhana sarvatha ashubh hai.

devadvijatibhoopalagurunn krodh evn ch. alignn kumarinan purushanan ch maithunamh॥10॥
hanishchaiv svagatranan virekavamanakriya. dakshinashabhigamannvyadhinabhibhavastatha॥11॥
phalapahanishch tatha pushpahanistathaiv ch. grihanan chaiv patashch grihasammarjann tatha॥12॥
krida pishachakravyadvanararkshanararaipi. paradabhibhavashchaiv tasmanch vyasanaravah॥13॥
kashayavasradharitvn tadvath strikridann tatha. snehapanavagahau ch raktamalyanulepanamh॥14॥
evamadini chanyani duahsvapnani vinirdisheth. esha. snkathann dhanyn bhooyah prasvapann tatha॥15॥

arthat, shri matsy bhagavanh, svapnon ke ashubh phalon ke vishay men manu maharaj ko batate hue punah kahate hain ki devata! raja aur gurujanon ko krodh karate dekhana, svapn men kumari kanyaon ka alingan karana, purushon ka maithun karana, apane sharir ka nash, kai-dast karate svayn ko dekhana, svapn men dakshin disha ki yatra karana, apane ko kisi vyadhi se grast dekhana, phalon aur pushpon ko nasht hote dekhana, gharon ko girate dekhana, gharon men lipaee, putaee, saphaee hote dekhana, pishach, mansahari pashuon, vanar, bhaloo evn manushyon ke sath krida karana, shatru se parajit hona, ya shatru ki or se prastut kisi vipatti se grast hona, svayn ko malin vastr svayn pahane dekhana, ya vaise hi vastr pahane stri ke sath krida karana, tel pina, ya tel se snan karana, lal pushp, ya lal chndan dharan karane ka svapn dekhana adi sab duahsvapn hain. aise duahsvapnon ko dekhane ke bad turnt so jane se, ya any logon ko aise duahsvapn bata dene se unaka dushprabhav kam ho jata hai. duahsvapnon ke dushprabhav ke shaman ka upay batate huye matsy bhagavan manu maharaj se kahate hai :

kalakasnann tilairhomo brahmananan ch poojanamh. stutishch vasudevasy tathatasyaiv poojanamh॥ nagendramoksh shravann gyeyn duahsvapnashanamh॥

arthat, aise duahsvapn dekhane par kalk snan karana chahie, til ki samidha se havan kar ke brahmanon ka poojan, satkar karana chahie. bhagavan vasudev ki stuti (poojan dvadash aksharamntr 'namo bhagavate vasudevay' ka jap) karani chahie aur gajendr moksh katha ka path, ya shravan karana chahie. inase duahsvapnon ke dushprabhav ka shaman hota hai.

svapneshvari devi sadhana

svapn men prashn ka uttar prapt karane ke uddeshy se shastron men svapneshvari devi sadhana ka vidhan varnit hai. jivan men kee bar akasmik v thos nirnay lene padate hain. kabhi aauphis se snbndhit, nirnay lene hote hain, kabhi vyavasay se, kabhi ghar parivar se, to kabhi rishtedaron se snbndhit. ek asamnjas ki sthiti hoti hai. ek man kahata hai ki hamen yah kary kar lena chahiye to ek man kahata hai nahin. kisi kary ko karen ya nahin karen, aj karen ya kal karen, yah kam labhadayak hoga ya hanikarak, kuchh samajh men nahin ata. aise samay men svapn hamare liye samadhan ka madhyam ban sakate hain. ji han, svapnon ke madhyam se hamen snket mil sakata hai ki amuk kary hamen karana chahiye ya nahin, yadi vah kary hamare liye labhadayak hoga to kary karane ke snket mil jayenge. yadi aisi sthiti utpann ho jae to us snbndh men svapn dvara nishchit uttar prapt kiya ja sakata hai. svapn men prashn ka uttar prapt karane ke uddeshy se shastron men svapneshvari devi sadhana ka vidhan varnit hai. svapneshvari devi sadhana ki vidhi is prakar hai - jis samay nirnay lene ki samasya ki sthiti utpann ho, us samay snan karake shuddh dhule hue vastr pahan len. yadi ap snan n kar pane ki sthiti men hain to hath-munh dho kar, saphed dhule vastr pahan kar ek svachchh saphed kagaz par apane prashn ko spasht aksharon men likh kar rakh len. phir sany kal punah shuddh jal se snan kar, shuddh dhule vastr dharan kar, shreshth kusha ya oon ke asan par baithakar svapneshvari devi ka dhyan karate hue nimn mntr ko tab tak japate rahen jab tak ki nind n a jae. mntr -

svapneshvari namastubhyn phalay varaday ch. mam siddhimasiddhin va svapne sarvn pradarshay॥

arthath - he phal aur varadan ko dene vali svapneshvari devi ! apako namaskar hai. meri siddhi athava asiddhi ke vishay men sab bat dikhaie. is prakar jap karate-karate jab sone ki ichchha ho, tab prashn likhe hue kagaz ko sirahane rakhakar so jayen to svapn men usaka sahi uttar prapt ho jayega. yadi sanyakal ke samay hi samasya utpann ho to snan karana avashyak hoga, kapade badalana bhi avashyak hoga. sanyakal snan ke bad dhule vastr pahan kar asan par baithakar kagaz par likhakar age rakh len tatha svapneshvari devi ka dhyan karake jap karen. mntr -

shukle mahashukle hrin shrin shrin avatar svaha.

  • vidhi : is mntr ko 1008 bar jap kar ke, phir sote samay 108 bar jap kar ke sone par svapn men shubhashubh gyat hota hai. uparyukt yntr ko bhoj patr par likh kar sirahane rakh kar soain, to svapn nahin ate hain.
  • vishesh : ashubh svapn ane par, turnt kya-kya kary karane se unaki ashubhata dhoomil athava nasht ho jati hai, isaka snkshep men varnan kiya hai par isake sath yadi shubh svapn a jae aur shubh svapn dekhane ke bad turnt ankhen khul jayen, to us vyakti ko chahie ki vah punah shayan n kare, apitu shesh ratri jag kar vyatit kar deni chahie tatha jagate hue bhagavan ka dhyan karana chahie.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah