bharatakosh ke snsthapak/snpadak ke fesabuk laiv ke lie yahan klik karen.

किरणावली  हिन्दी देवनागरी में पढ़ें।

udayanachary ka samay

nyay ke saman vaisheshik men bhi udayanachary ka apana vishisht mahattv hai. udayanachary ne svayn lakshanavali ke nirmanakal ka ullekh karate hue yah kaha hai:—

tarkambarankapramiteshvatiteshu shakantat:.
varsheshoodayanashchakre subodhan lakshanavalimh॥

at: unaka samay 906 shak arthath 984 ee. mana ja sakata hai. is path ke adhar par vah shridhar ke kuchh poorvavarti ya samakalin siddh hote hain. yadyapi is uddharan ko kuchh vidvanh prakshipt manate hain, phir bhi isaki charcha m.m. gopinath kaviraj jaise anek adhunik vidvanon ne bhi sahamatipoorvak ki hai. udayan ka janm mithila men kanaka nadi ke tir par sthit mangarauni gram men hua tha.

di.si. bhattachary ka yah kathan hai ki uparyukt path shuddh nahin hai. vah udayanachary ka samay 976 shak arthath 1054 ee. manane ke paksh men hain. unaka tark yah hai ki udayan ke sath shriharsh ke pita ka shastrarth hua tha. shriharsh ka samay 1125 se 1150 ke bich hai. unake pita ka shastrarth udayan ke sath tabhi sambhav mana ja sakata hai, jabaki udayanachary ka samay 11vin shati ka uttarardh mana jae. yah to prasiddh hai ki shriharsh ne apane pita ki har ka badala chukane ke lie khandan khandakhady men udayan ke mat ka khandan kiya.

udayanachary ke granth

udayanachary ne nyay shastr par nyayavartik tatpary tika parishuddhi, nyay kusumanjali, atma tattv vivek jaise suprasiddh granth likhe aur bauddh darshanikon se shastrarth karake nyay darshan ko pratishthapit kiya. vaisheshik darshan ke sndarbh men udayanachary ke do granth prasiddh hain-

  1. kiranavali tatha
  2. lakshanavali.

kiranavali prashastapad bhashy ki praudh vyakhya hai aur lakshanavali ek svatntr vaisheshik granth. kiranavali buddhi prakaran tak hi prakashit huee hai. is par kee vyakhyaen likhi geen, jinamen se vardhaman ka kiranavali prakash aur padmanabhi mishr ka kiranavali-bhashkar prasiddh hai.

kiranavali ka vaishishty

kiranavali prashastapad bhashy ki ek mahattvapoorn vyakhya hai. isamen kshanabhngavad, parinamavad, arambhavad, sankhyamat, charvak mat, ayodvad tatha mimansak mat ka khandan kiya gaya hai. isamen vibhag niroopan ke avasar par bhasarvgy ke mat ka tatha niroopan ke avasar par bhooshanakar ke maton ka nirdesh upalabdh hota hai.

kiranavali ki tika-pratikaen

kiranavali prashastapad bhashy ki bahut praudh vyakhya hen isamen vaisheshik ke siddhanton ko bade pandityapoorn dhng se spasht kiya gaya hai. yah buddhi prakaran paryant hi upalabdh hoti hai. is par anek vyakhyaen likhi geen, jinamen vardhaman ka kiranavali prakash tatha padmanabh mishr ka kiranavalibhashkar prasiddh hai.

kiranavali-prakash

isake rachayita vardhamanopadhyay hain. vardhamanopadhyay ne is vyakhya men mimansakon, vedantiyon, bauddhon adi ke maton ka khandan tatha anvikshatattvabodh, nyayanibandhaprakash, atmatattvavivek jaise granthon evn apane pitricharan ke roop men gangeshopadhyay ka ullekh kiya hai. vardhamanopadhyay ka samay 1400 ee. mana jata hai.

vivekakhya kiranavali prakash vyakhya

mahadev mishr ke putr evn harimishr ke shishy pakshadhar mishr dvara vivekakhya ek vyakhya kiranavali prakash par likhi gee thi, jis par pakshadhar mishr ke shishy haridatt mishr ne 'kiranavali prakash vyakhya vivriti' likhi, jo ki dravy gun paryant hi mudrit hai. isi prakar pakshadhar ke ek any shishy bhagirath thakkur (1511 ee.) ne bhi bhavaprakashika nam ki ek vyakhya ki rachana ki. mathuranath tark vagish (1600 ee.) ne bhi rahasyanamni ek vyakhya kiranavali prakash par likhi. raghunath shiromani (1475 ee.) dvara bhi dikshiti namni ek vyakhya kiranavali prakash par rachi gee. mathuranath ne didhiti ki vyakhya vivritti ke roop men ki. padhunathashiromani ke shishy devidas ke putr, ramakrishn bhattachary ne kiranavali prakash didhiti par prakashakhya vyakhya ki rachana ki. rudranyayavachaspati (1700 ee.) ne kiranavali prakash didhiti ki parikshakhya vyakhya likhi. isi prakar madhusoodan thakkur ke shishy gunanand ne bhi kiranavali prakash par tatpary sndarbha vyakhya likhi. kul milakar yahan kaha ja sakata hai ki kiranavali prakash vyakhya par ek achchhe upatika-sahity ki rachana huee.

kiranavali vyakhya—rasasar

yah kiranavali ke gunakhand ka vyakhya granth hai. isake atmavichar prakaran men shridharachary ka tatha prithvi niroopan prakaran men bhooshanakar ka ullekh milata hai. isaki rachana shnkarakinkar apar nam se khyatavadindr guru (1200-1300 ee.) ne ki. rasasaranamni yah kiranavali vyakhya rayal eshiyatik sosaiti granthamala tatha sarasvati bhavan granthamala men prakashit hai. ramatarkalnkar ke putr shri raghunath shiromani ke shishy aur tattvachintamani ke vyakhyakar, mathuranath tarkavagish dvara (1600 ee.) bhi rahasyakhya kiranavali vyakhya ki rachana ki gee hai.

nyayarahasy ke rachayita jagadish bhattachary ke guru, bhavanath ke putr, ramabhadrasarvabhaum ne bhi kiranavali gun khand vyakhya rahasyakhya likhi. isaki bhi saramanjarinamni vyakhya madhavadev bhattachary (1700 ee.) ne likhi thi. saramnjari ki bhi vyakhya lakshman ke shishy, kisi agyatanama vyakti dvara likhi gee, jo ki tnjaur pustakalay men upalabdh hai.

udayanachary rachit lakshanavali

udayanachary dvara rachit is granth men bhav aur abhav ke bhed se padarthon ka vibhag kiya gaya hain. bhav ke antargat

  1. dravy
  2. gun
  3. karm
  4. samany
  5. vishesh aur
  6. samavay namak chh: padarthon ki ganana karake abhav ko alag hase padarth mana gaya hai aur usake pragabhav, pradhvnsabhav, atyantabhav aur anyonyabhav namak char bhed mane gaye hain. lakshanavali vaisheshik darshan ka ek praudh aur svatantr granth hai.

lakshanavali par jo vyakhyaen likhi gee hain. unaka vivaran is prakar hain-

  1. lakshanavali nyayamuktavali— is tika ke rachayita shesh sharnagadhar ka samay 1500 ee. mana jata hai. sanh 1900 ee. men isako sampadit kar varanasi se prakashit kiya gaya.
  2. lakshanavaliprakash – achary vishvanath jha dvara rachit is tika ka prakash darabhnga se 1822 shak (1897 ee.) men hua.
  3. lakshanavaliprakash – sarasvati bhavan pustakalay ke pandulipi vibhag men surakshit is tika ke lekhak mahadev hain.

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah