bharatakosh ke snsthapak/snpadak ke fesabuk laiv ke lie yahan klik karen.

सर्वात्मवाद  हिन्दी देवनागरी में पढ़ें।

sarvatmavad (angrezi: Animism) vah darshanik, dharmik ya adhyatmik vichar hai ki atma n keval manushyon men hoti hai, varanh sabhi jantuon, vanaspatiyon, chattanon, prakritik parighatanaon[1] men bhi hoti hai. isase bhi age jakar kabhi-kabhi shabdon, namon, upamaon, roopakon adi men bhi atma ke astitv ki bat kahi jati hai. sarvatmavad ka darshan mukhyat: adivasi samajon men paya jata hai, parantu yah hinduon ke kuchh sampradayon men bhi yah paya jata hai.[2]

prayog

hindi men sarvatmavad ka prayog nimnalikhit tin arthon men hota hai-

(k) kuchh log sarveshvaravad[3] ke arth men sarvatmavad ka prayog karate hai, jaise ramachandr shukl aur shyamasundar das ne kramash: jayasi aur kabir ke prasng men kiya hai. yah sarvatmavad ka sarvatha dooshit prayog hai. eeshvar aur atma ke pratyayon men mahanh antar hai. eeshvar eeshan ya shasan karata hai, atma se yah arth kathamapi nahin liya ja sakata. angrezi shabd 'painthijm' ke lie sarveshvaravad upayukt shabd hai, sarvatmavad nahin.
(kh) bharatiy darshan men shnkarachary ke advaitavad ke arth men bhi sarvatmavad ka prayog hota hai, kyonki unake anusar 'atmaivedn sarvamh', atma hi yah sab kuchh hai. bina atma ke kisi vastu ka grahan nahin ho sakata hai, at: atma hi sab kuchh hai- "atm- vyatireken agrahanath atmaivasarvamh". yahan atma hi ek aur advitiy sath hai, any kuchh jo atma se bhinn hai, vastut: mithya hai. atmapoorvak sab kuchh ko samajhane par 'sab kuchh' atma hi pratit hoga. at: yah sarv aur atma ka tattvavad ke anusar abhinn arth hai. yah sarvatmavad ka bharatiy arth hai. yah gadha hua shabd nahin hai. hindi sahity men sarvatmavad ka yah arth pray: nahin kiya jata.
(g) hindi men sarvatmavad ek naya tatha gadha hua shabd samajha jata hai. isaka vahi arth liya jata hai, jo angrezi shabd painasaikijm[4] ka hai. 'painasaikijm' ke anusar samast vishv chetan praniyon se hi bana hai. sabhi chetan prani manushy jaise hi hain. achetan koee vastu nahin hai tathakathit jad vastut: chaitanyavanh prani hai, par usaki chetana suptavastha men hai. yoorop men laibanij ka darshan is vad ka pramukh udaharan hai. bharat men aisa darshan kabhi vikasit nahin hua.[2]

sarvajivavad aur sarvatmavad

bharatiy darshan ke sarvatmavad se laibanij ke darshan ko prithakh rakhane ke lie doosare ko sarvatmavad n kahakar 'sarvajivavad' ya 'sarvachetanavad' kahana adhik upayukt hai. sarvajivavad aur sarvatmavad ka antar samajh lena avashyak hai. pahale men jad vastu mithya nahin hai, doosare men hai. pahale men jad vastu supt jiv ya chetan prani hai, doosare men vah mithya hai. pahale men chetan prani ya jiv anek hai, doosare men atma ek aur advitiy hai. is prakar sarvajivavad vaipulyavad hai to sarvatmavad advaitavad. sarvatmavad ki atma ka pratyayan bhi sarvajivavad ke jiv ya chetan prani ki chetanata se bhinn hai. pahale men atma 'neti-neti' ya 'sath chith anand' hai, to doosare men chetanata keval gyan, bhav aur ichchha prapt karane vali hai. atma gyata, karta aur bhokta nahin hai, sarvajivavad ya jiv gyata, karta aur bhokta hai.

shnkarachary ke darshan men prayog

hindi ke snt sahity men shnkarachary ke darshan ke arth men sarvatmavad ka prachur prayog hai, par usamen sarveshvaravad aur sarvatmavad ko prithakh karana kathin hai. vishuddh sarvatmavad praudh darshanikon ki hi kritiyon men paya jata hai. hindi darshan ke samrat nishchaladas ke 'vichar-sagar' aur 'vritti- prabhakar' men sarvatmavad usi arth me siddh kiya gaya hai, jis arth men vah advaitavedant ke grnthon men hai.[5][2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. bijali, varsha adi.
  2. 2.0 2.1 2.2 hindi sahity kosh, bhag 1 |prakashak: gyanamandal limited, varanasi |snkalan: bharatakosh pustakalay |snpadan: daau. dhirendr varma |prishth snkhya: 735 |
  3. pan-theism
  4. pan-psychism
  5. shri sngamalal pandey, darshan vibhag, ilahabad vishvavidyalay

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah