guloan mean rang bhare, bade-naubahar chale
chale bhi ao ki gulashan ka karobar chale
qafas udas hai yaro, saba se kuchh to kaho
kahian to bahare-khuda aj zikre-yar chale
kabhi to subh tere kuanje-lab se ho agaz
kabhi to shab sare-kakul se mushke-bar chale
b da hai dard ka rishta, ye dil garib sahi
tumhare nam pe aeange gamagusar chale
jo ham pe guzari so guzari magar shabe-hijraan
hamare ashk teri aqabat sanvar chale
huzoore-yar huee daftare-junooan ki talab
girah mean leke garebaan ka tar tar chale
maqam 'phaiz' koee rah mean jacha hi nahian
jo koo-e-yar se nikale to soo-e-dar chale