कैलाश मानसरोवर  हिन्दी देवनागरी में पढ़ें।

kailash manasarovar (Kailash Mansarovar)

kailash manasarovar (Kailash Mansarovar) ko shiv-parvati ka ghar mana jata hai. pauranik kathaon ke anusar manasarovar ke pas sthit kailash parvat par shiv-shnbhoo ka dham hai. yahi vah pavan jagah hai, jahan shiv-shnbhoo virajate hain. puranon ke anusar yahan shivaji ka sthayi nivas hone ke karan is sthan ko 12 jyetirlingon men sarvashreshth mana gaya hai. kailash barf se achchhadit 22,028 phut oonche shikhar aur usase lage manasarovar ko 'kailash manasarovar tirth' kahate hai aur is pradesh ko manas khnd kahate hain. har sal kailash-manasarovar ki yatra karane, shiv-shnbhoo ki aradhana karane, hazaron sadhu-snt, shraddhalu, darshanik yahan ekatrit hote hain, jisase is sthan ki pavitrata aur mahatta kafi badh jati hai. kailash-manasarovar utana hi prachin hai, jitani prachin hamari srishti hai. is alaukik jagah par prakash tarngon aur dhvani tarngon ka samagam hota hai, jo ‘Om’ ki pratidhvani karata hai. is pavan sthal ko 'bharatiy darshan ke hriday' ki upama di jati hai, jisamen bharatiy sabhyata ki jhalak pratibinbit hoti hai.[1]

kailash parvat

kailash parvat par Om

param pavan kailash parvat hindoo dharm men apana vishisht sthan rakhata hai. hindoo dharm ke anusar yah bhagavan shnkar evn jagath mata parvati ka sthayi nivas hai. kailas parvatamala kashmir se lekar bhootan tak phaili huee hai. lha choo aur jhong choo ke bich kailash parvat hai jisake uttari shikhar ka nam kailash hai. kailash parvat ko 'ganaparvat aur rajatagiri' bhi kahate hain. kadachit prachin sahity men ullikhit meru bhi yahi hai. manyata hai ki yah parvat svaynbhoo hai. kailash parvat ke dakshin bhag ko nilam, poorv bhag ko kristal, pashchim ko roobi aur uttar ko svarn roop men mana jata hai. kailash parvat samudr satah se 22,028 phit ooncha ek patthar ka piramid jaisa hai, jisake shikhar ki akriti virat shivaling ki tarah hai. parvaton se bane shodashadal kamal ke madhy yah sthit hai. yah sadaiv barf se achchhadit rahata hai. isaki parikrama ka mahattv kaha gaya hai. yah himalay ke uttari kshetr men tibbat pradesh men sthit ek tirth hai. choonki tibbat chin ke adhin hai, atah kailash chin men ata hai. jo char dharmon tibbati dharm, bauddh dharm, jain dharm aur hindoo ka adhyatmik kendr hai. kailash parvat ki char dishaon se eshiya ki char nadiyon ka udgam hua hai brahmaputr, sindhu nadi, satalaj v karanali. kailash ke charon dishaon men vibhinn janavaron ke mukh hai, jisamen se nadiyon ka udgam hota hai, poorv men ashvamukh hai, pashchim men hathi ka mukh hai, uttar men sinh ka mukh hai, dakshin men mor ka mukh hai.[2]

kailash parvat aur manasarovar jhil

manasarovar jhil

manasarovar jhil tibbat men sthit ek jhil hai. yah jhil lagabhag 320 varg kilomitar ke kshetr men phaili huee hai. isake uttar men kailash parvat tatha pashchim men rakshatal jhil hai. puranon ke anusar vishv men sarvadhik samudratal se 17 hazar phut ki unchaee par sthit 120 kilomitar ki paridhi tatha 300 phut gahare mithe pani ki manasarovar jhil ki utpatti bhagirath ki tapasya se bhagavan shiv ke prasann hone par huee thi. aisi adbhut prakritik jhil itani oonchaee par kisi bhi desh men nahin hai. puranon ke anusar shnkar bhagavan dvara prakat kiye gaye jal ke veg se jo jhil bani, kalantar men usi ka nam 'manasarovar' hua. manasarovar jhil se ghira hona kailash parvat ki dharmik mahatta ko aur adhik badhata hai. prachinakal se hi vibhinn dharmon ke lie is sthan ka vishesh mahattv hai. is sthan se jude vibhinn mat aur lok-kathaen keval ek hi saty ko pradarshit karati hain, jo hai sabhi dharmon ki ekata. hindoo dharm men ise pavitr mana gaya hai. isake darshan ke lie hazaron log prativarsh kailash manasarovar yatra men bhag lete hain. hamare shastron ke anusar paramapita parameshvar ke anand ashruon ko bhagavan brahma ne apane kamandal men rakh liya tha tatha is bhoolok par "triyashtakn" (tibbat) svarg saman sthal par "manasarovar" ki sthapana ki . shakt grnth ke anusar, devi sati ka danya hath isi sthan par gira tha, jisase yah jhil taiyar huee. isalie yahan ek pashan shila ko usaka roop manakar pooja jata hai. isalie ise 51 shaktipithon men se ek mana gaya hai. garmi ke dinon men jab manasarovar ki barf pighalati hai, to ek prakar ki avaz bhi sunaee deti hai. shraddhalu manate hain ki yah mridng ki avaz hai. manyata yah bhi hai ki koee vyakti manasarovar men ek bar dubaki laga le, to vah 'rudralok' pahunch sakata hai. kailash parvat, jo svarg hai jis par kailashapati sadashiv viraje hain, niche mrityalok hai, isaki bahari paridhi 52 kimi hai. manasarovar pahadon se ghiri jhil hai, jo puranon men 'kshir sagar' ke nam se varnit hai. kshir sagar kailash se 40 kimi ki doori par hai v isi men shesh shaiyh‌ya par vishnu v lakshmi virajit ho poore snsar ko snchalit kar rahe hai. aisa mana jata hai ki maharaj mandhata ne manasarovar jhil ki khoj ki aur kee varshon tak isake kinare tapasya ki thi, jo ki in parvaton ki talahati men sthit hai.

rakshas tal

rakshas tal lagabhag 225 varg kilomitar kshetr, 84 kilomitar paridhi tatha 150 phut gahare men phaila hai. prachalit hai ki rakshason ke raja ravan ne yahan par shiv ki aradhana ki thi. isalie ise rakshas tal ya ravanahrid bhi kahate hain. ek chhoti nadi gnga-choo donon jhilon ko jodati hai.

pauranik manyataen

hindoo ke alava, bauddh aur jain dharm men bhi kailash manasarovar ko pavitr tirthasthan ke roop men dekha jata hai. pauranik manyataon ke anusar yah jagah kuber ki nagari hai. yahin se mahavishnu ke karakamalon se nikalakar gnga kailash parvat ki choti par girati hai, jahan prabhu shiv unhen apani jataon men bhar dharati men nirmal dhara ke roop men pravahit karate hain. hindoo dharm ki manyataon ke anusar, jo vyakti manasarovar jhil ki dharati ko chhoo leta hai, vah brahma ke banaye svarg men pahunch jata hai aur jo vyakti jhil ka pani pi leta hai, use bhagavan shiv ke banaye svarg men jane ka adhikar mil jata hai. ramayan ki kahaniyan kahati hain ki himalay jaisa koee doosara parvat nahin hai, kyonki yahan kailash aur manasarovar sthit hain. pauranik anushrutiyon ke anusar shiv aur brahma adi devagan, marich adi rishi evn lnkapati ravan, bhasmasur adi aur chakravarti mandhata ne yahan tap kiya tha. pandavon ke digvijay prayas ke samay arjun ne is pradesh par vijay prapt ki thi. yudhishthir ke rajasooy ygy men is pradesh ke raja ne uttam ghode, sona, ratn aur yak ke poonchh ke bane kale aur safed chamar bhent kie the. is pradesh ki yatra vyas, bhim, krishn, dattatrey adi ne ki thi. inake atirikt any anek rishi muniyon ke yahan nivas karane ka ullekh prapt hota hai. kuchh logon ka kahana hai ki adi shnkarachary ne isi ke asapas kahin apana sharir tyag kiya tha. hindoo dharm ke anuyayiyon ki manyata hai ki kailash parvat meroo parvat hai jo brahmnd ki dhuri hai. puranon ke anusar is pavitr jhil ki ek parikrama se ek janm tatha das parikrama se hazar janmon ke papon ka nash aur 108 bar parikrama karane se prani bhavabndhan se mukt hokar eeshvar men samahit ho jata hai. shiv puran ke anusar kuber ne isi sthan par kathin tapasya ki thi, jisase prasann hokar bhagavan shiv ne kailas parvat ko apana sthayi nivas tatha kuber ko apana sakha banane ka varadan diya tha. shastron men isi sthan ko prithvi ka svarg aur kuber ki alakapuri ki sngya di gee hai.

kailas par ravan ki shiv stuti
shiv mahapuran ke anusar ek bar lnkapati ravan ne kee varshon tak lagatar shiv stuti ki, lekin usaki stuti ka koee prabhav bhagavan shnkar ki samadhi par nahin pada, tab usane kailas parvat ke niche ghusakar use hilane ki koshish ki taki bhagavan shnkar uthakar usaki ichchhanusar varadan pradan karen. usaki is ichchha ko janakar shiv ne use pahale hi kailas ke niche daba diya, jisase vah bahar n nikal sake. parvat ke niche dab jane ke bad ravan shiv ka pyara tandav nrity karate hue ek stotr rachakar gane laga, jisase prasann hokar bhagavan shnkar ne use ichchhanusar varadan diya.[3]

manasarovar ki utpatti-
puranon ke anusar ek samay ki bat hai ki sanak, sanndan, sanat kumar v sanat sujat rishi kailas parvat par shiv shnkar ko prasann karane ke lie tapasya kar rahe the, usi dauran 12 varshon tak varsha n hone ke karan sari nadiyan sookh gayi thi, aur in rishiyon ko snan adi karane ke lie bahut door mndakini tak jana padata tha. rishiyon ki prarthana par brahmaji ne apane manasik snkalp se parvat ke nikat ek sarovar ka nirman kiya aur bad men svayn hnsaroop men hokar isamen pravesh kiya tha. is prakar yah jhil sarvapratham bhagavan brahma ke man men utpann hua tha. isi karan ise 'manas manasarovar' kahate hain. darasal, manasarovar snskrit ke manas (mastishk) aur sarovar (jhil) shabd se bana hai. jisaka shabdik arth hota hai - man ka sarovar. manyata hai ki brahmamuhurt (prat:kal 3-5baje) men devatagan yahan snan karate hain.

tibbatiyon ki manyata hai ki vahan ke ek snt kavi ne varshon gupha men rahakar tapasya ki thi, tibbati (bhotiya) log kailas manasarovar ki tin athava terah parikrama ka mahattv manate hain aur puranon ke anusar is pavitr jhil ki ek parikrama se ek janm tatha das parikrama se hazar janmon ke papon ka nash aur 108 bar parikrama karane se prani bhavabndhan se mukt ho kar eeshvar men samahit ho jata hai. vahin jain dharm men bhi is sthan ka mahattv hai. ve kailash ko 'ashtapad' kahate hain. kaha jata hai ki pratham tirthakar rishabhadev ne yahin adhyatmik gyan (nirvan) prapt kiya tha. jainiyon ki manyata hai ki adinath rishabh dev ka yah nirvan sthal kailash (ashtapad) hai. kahate hain rishabh dev ne ath pag men kailash ki yatra ki thi. jain dharm tatha tibbat ke sthaniy bonapa log bhi manasarovar jhil ko pavitr manate hain. is jhil ke tat par kee math bhi hain.

  • kalidas ne bhi kiya kailas ka varnan- kavi kalidas ne bhi apane sahity lekhan ke madhyam se meghadoot[4] men kailas ka varnan kiya hai. meghadoot ki alakapuri kailas par hi basi thi.
  • manas manasarovar men hnson ka vas- sthaniy logon ke anusar is manas manasarovar men hamesha kee darjan hnson ke jode rahate hain.[5]

kailash manasarovar yatra

kailash manasarovar manachitr

antarrashtriy nepal tibbat chin se lage uttarakhand ke simavarti pithauragadh ke dharachoola se kailas manasarovar ki taraph jane vale durgam parvatiy sthanon par sadaken n hone aur 75 kilomitar paidal marg ke atyadhik khataranak hone ke karan himalay ke madhy tirthon men sabase kathinatam bhagavan shiv ke is pavitr dham ki yah romanchakari yatra bharat aur chin ke videsh mntralayon dvara ayojit ki jati hai. kailas ki yatra par keval bharat hi nahin any deshon ke shraddhalu bhi jate hain. varsh 1962 ke bharat-chin yuddh ke bad bnd huye is marg ko dharmik bhavanaon ke maddenazar donon deshon ki sahamati se varsh 1981 men punah khol diya gaya tha. samudratal se 25 hazar phut ki oonchaee par sthit kailas parvat par pahale bina kisi kagazat ke hi avagaman hota tha.[6]

bharat sarakar ke saujany se har varsh mee-joon men saikadon tirthayatri kailash manasarovar ki yatra karate hain. isake lie unhen bharat ki sima langhakar chin men pravesh karana padata hai, kyonki yatra ka yah bhag chin men hai. kailash parvat ki oonchaee samudr tal se lagabhag 20 hazar phit hai. isalie tirthayatriyon ko kee parvat-rinkhalaen par karani padati hain. yah yatra atynt kathin mani jati hai. hindoo dharm ke anusar kahate hai ki jisako bhole baba ka bulava hota hai, vahi is yatra ko kar sakata hai. samanyataya yah yatra 28 din men poori hoti hai. yatra ka kathin bhag chin men hai. bharatiy bhoo-bhag men chauthe din se paidal yatra arambh hoti hai. bharatiy sima men kumaun mndal vikas nigam is yatra ko snpann karati hai. kailash manasarovar ki yatra karane se pahale tirthayatriyon ko kuchh baton ko dhyan men rakhana padata hai. unhen kisi bhi prakar ki svasthy snbndhi samasya nahin honi chahie. choonki yah tirthasthan chin ki sima men sthit hai, isalie unhen videsh mntralay men apana prarthanapatr dena hota hai. chin se vija milane ke bad hi ap kailash manasarovar ki yatra kar sakate hain. dilli ke sarakari aspatal men do din tak apake phijikal phitanes ki janch ki jati hai. janch men phit hone ke bad hi apako is yatra ki anumati mil pati hai. darasal, kailash manasarovar ki yatra ke dauran apako 20 hazar phit ki oonchaee tak bhi jana pad sakata hai. isi karan is yatra ko dharmik yatra ke sath hi prakritik roop se prakriti se roobaroo v prakritik saundary ko janane ke lie bhi jana jata hai.[7] is sthan tak pahunchane ke lie kuchh vishesh tathyon ka dhyan rakhana avashyak hai. jaise isaki oonchaee 3500 mitar se bhi adhik hai. yahan par aauksijan ki matra kafi kam ho jati hai, jisase siradard, sans lene men takaliph adi pareshaniyan prarnbh ho sakati hain. in pareshaniyon ki vajah sharir ko ne vatavaran ka prabhavit karana hai. [8] ichchhuk shraddhaluon se sarakar janavari se avedan lena prarambh kar deti hai. kailas men chini logon ki bhasha, snskriti aur rahan-sahan bhinn hone ke karan bharatiy shraddhaluon ko vahan kafi pareshani ka samana karana padata hai. shraddhaluon ko kailas manasarovar men 12 din bitane ka mauqa milata hai. chinashasit tibbat ke durgam parvatiy kshetron men lagatar 12 din tak rahane vale pratyek shraddhalu ke sath vahan kisi prakar ki sachal svasthy seva upalabdh nahin rahati hai. 25 hazar phut ki oonchaee par barf jame hone ke karan shraddhaluon ko khas tarah ka anubhav hota hai. pratyek yatri dal kailas yatra ke ek mah bad vapas dilli pahunchata hai. chin men kailas ki parikrama sabase pavitr hai. chin ki sima men bharat se dharachen, tibbat, adhar se pravesh kiya jata hai. prakritik adbhut najaron aur parvaton ki rng-birngi shrinkhalaon ke madhy hokar jane vale shraddhaluon ko kailas manasarovar ki hazaron phut sidhi chadhaee bhi jokhim bhari nahin lagati hai.[6] kathamandoo se sthal marg dvara manasarovar 940 ki.mi. uttar-pashchim disha men sthit hai. kailash parvat manasarovar ke pashchim men lagabhag 60 ki.mi. doori par sthit hai. vartaman samay men pichhale kuchh hi varshon se kuchh atyant bhagyashali vyaktiyon ko in tirthasthalon ki yatra ka puny labh prapt hua hai. sadakon ki sthiti kafi achchhi nahin hai. sau-sau ki.mi. chalane ke bad bhi manav nivas nahin dikhaee deta. yah ek marubhoomi hai, jahan vrikshon ka to prashn hi nahin hai. ghas bhi kahin-kahin drishh‍tigochar hoti hai. at: is yatra men jal, bhojan evn nivas tak ki vyavastha svayn karani hoti hai. phalasvaroop sahayatriyon se namr nivedan kiya jata hai ki samany roop se prapt jivan ki suvidhaon ki bhi apeksha yahan n karen.

marg

bharat se kailash manasarovar kaise pahunchen?

  1. bharat se sadak marg

bharat sarakar sadak marg dvara manasarovar yatra prabndhit karati hai. yahan tak pahunchane men qarib 28 se 30 dinon tak ka samay lagata hai. yahan ke lie sit ki buking edavans bhi ho sakati hai aur nirdharit logon ko hi le jaya jata hai, jisaka chayan videsh mntralay dvara kiya jata hai.

  1. vayu marg

vayu marg dvara kathamandoo tak pahunchakar vahan se sadak marg dvara manasarovar jhil tak jaya ja sakata hai. kailash tak jane ke lie helikaauptar ki suvidha bhi li ja sakati hai. kathamandoo se nepalagnj aur nepalagnj se simikot tak pahunchakar, vahan se hilasa tak helikaauptar dvara pahuncha ja sakata hai. manasarovar tak pahunchane ke lie laindakroojar ka bhi prayog kar sakate hain. kathamandoo se lhasa ke lie ‘chaina eyar’ vayuseva upalabdh hai, jahan se tibbat ke vibhinn kasbon - shingate, gyantase, lahatse, prayag pahunchakar manasarovar ja sakate hain.

bharat se kailas-manasarovar ki yatra ka marg --
kailash manasarovar

haldvani-- ' kausani--- ' bageshvar--- ' dharachoola--- ' tavaghat--- ' pangoo--- ' sirakha--- ' gala--- ' malpa--- ' budhi--- ' gunji--- 'kalapani--- ' lipoo lekh darra--- ' takalakot--- ' jaidi--- ' barakha maidan--- ' tarachen--- ' deraphuk--- 'shri kailas

kailas-manasarovar jane ke anek marg hain kintu uttar pradesh ke almoda sthan se askakot, khel, garviang, lipooleh, khind, takalakot hokar janevala marg apekshakrit sugam hai. yah bhag 338 mil lnba hai aur isamen anek chadhav utar hai. jate samay saralakot tak 44 mil ki chadhaee hai, usake age 46 mil utaraee hai. marg men anek dharmashala aur ashram hain, jahan yatriyon ko thaharane ki suvidha prapt hai. garviang men age ki yatra ke nimitt yak, khachchar, kuli adi milate hain. takalakot tibbat sthit pahala gram hai jahan prativarsh jyeshth se kartik tak bada bazar lagata hai. takalakot se tarachen jane ke marg men manasarovar padata hai. shraddhalu dilli se uttarakhnd ke kathagodam hote hue adhar shivir dharachoola pahunchane ke bad pahale padav pangla se paidal yah yatra prarnbh karate hain. dharachoola aur nabhidhang hote hue kul 75 kilomitar durgam parvatiy kshetron ko paidal par karake vibhinn yatri dal lipupas se chinashasit tibbat men pravesh karate hain. gunji ke bad bharat ke sadhe 16 hazar phut ki unchaee par sthit lipupas se chin sarakar is yatra ko apane hath men le leti hai. is marg par 'aee.ti.bi.pi.' (bharat tibbat sima pulis bal) bhi shraddhaluon ko sahayog deti hai.

kailash parikrama
gaurikund jhil

kailash parvat kul 48 kilomitar kshetr men phaila hua hai. kailas parikrama marg 15500 se 19500 phut ki oonchaee par sthit hai. manasarovar se 45 kilomitar door tarachen kailas parikrama ka adhar shivir hai. kailas ki parikrama kailash ki sabase nichali choti tarachen se shuroo hoti hai aur sabase oonchi choti deshaphoo gompa par poori hoti hai. tarachen se yatri yamadvar pahunchate hain. ghode aur yak par chadhakar brahmaputr nadi ko par karake kathin raste se hote huye yatri derapuph pahunchate hain. jahan thik samane kailas ke darshan hote hain, yahan se kailash parvat ko dekhane par aisa lagata hai, manon bhagavan shiv svayn barf se bane shivaling ke roop men virajaman hain. is choti ko 'himaratn' bhi kaha jata hai. derapuph men ratri vishram ke bad shraddhalu sabase kathin aur dil dahala dene vali sadhe 19 hazar fut khadi oonchaee par sthit drolma ki taraph badhate hain. drolma men hi shiv aur parvati ki pooja-archana karake dharm pataka phaharaee jati hai. takalakot se 25 mil par mandhata parvat sthit gurlala ka darra 16,200 phut ki oonchaee par hai. isake madhy men pahale baeen or manasarovar aur daeen or rakshas tal hai. uttar ki or door tak kailas parvat ke himachchhadit dhaval shikhar ka ramaniy drishy dikhaee padata hai. bhaktagan vahan drolmapas tatha manasarovar tat par khule asaman ke niche hi shivashakti ka poojan bhajan karate hain. yahan kahin kahin bauddhamath bhi dikhate hain jinamen bauddh bhikshu sadhanarat rahate hain. darra samapt hone par tirthapuri namak sthan hai jahan garm pani ke jharane hain. in jharanon ke asapas choonakhadi ke tile hain. kaha jata hai ki yahin bhasmasur ne tap kiya aur yahin vah bhasm bhi hua tha. isake age dolamala aur devikhind oonche sthan hai, unaki oonchaee 18,600 phut hai. drolma se niche barf se sada dhaki rahane vali lhadoo ghati men sthit ek kilomitar paridhi vala panne ke rng jaisi hari abha vali jhil, gaurikund hai. yah kund hamesha barf se dhnka rahata hai, magar tirthayatri barf hatakar is kund ke pavitr jal men snan karana nahin bhoolate. sadhe sat kilomitar paridhi tatha 80 fut gaharaee vali isi jhil men mata parvati ne bhagavan shiv ko pati roop men pane ke lie ghor tapasya ki thi. marg men sthan sthan par tibbati lamaon ke math hain. yatra men samanyat: do mas lagate hain aur barasat arnbh hone se poorv jyeshth mas ke ant tak yatri almoda laut ate hain. is pradesh men ek suvasit vanaspati hoti hai, jise 'kailas dhoop' kahate hain. log use prasad svaroop late hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. kailash manasarovar yatra:uttarakhand ki prasiddh dharmik yatra (hindi) (pi.ech.pi) merapahadforum.com. abhigaman tithi: 20 janavari, 2011.
  2. kailash-manasarovar yatra (hindi) (ech.ti.em.el) vebaduniya hindi. abhigaman tithi: 20 janavari, 2011.
  3. kailas-manasarovar yatra (hindi) (ech.ti.em.el) aj ki khabar. abhigaman tithi: 20 janavari, 2011.
  4. meghadoot, ke poorvaddh, 60
  5. himalay ki kandaraon men hai kailas-manasarovar (hindi) (ech.ti.em.el) indlive.com. abhigaman tithi: 20 janavari, 2011.
  6. 6.0 6.1 kailas manasarovar yatra har hindoo ka lakshy (hindi) (pi.ech.pi) deshabandhu. abhigaman tithi: 18 march, 2011.
  7. kailash manasarovar yatra (hindi) (pi.ech.pi) Haldwani Blogs. abhigaman tithi: 18 march, 2011.
  8. shiv-parvati ka ghar hai kailash manasarovar (hindi) (ech.ti.em.el) dharm-yatra. abhigaman tithi: 18 march, 2011.

snbndhit lekh


suvyavasthit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah