निर्जला एकादशी  हिन्दी देवनागरी में पढ़ें।

nirjala ekadashi
bhagavan vishnu
any nam bhimasen ekadashi ya pandav ekadashi
anuyayi hindoo
uddeshy yah vrat man ko snyam sikhata hai aur sharir ko nee oorja deta hai.
prarambh pauranik kal
tithi jyeshth shukl ekadashi
utsav is ekadashi ka vrat karake yatha samarthy ann, jal, vastr, asan, joota, chhatari, pnkhi tatha phaladi ka dan karana chahie.
anushthan is din jal kalash, gau ka dan bahut puny dene vala mana gaya hai. yah vrat purush aur mahilaon donon dvara kiya ja sakata hai.
dharmik manyata aisi dharmik manyata hai ki koee bhi vyakti matr nirjala ekadashi ka vrat karane se sal bhar ki pachchis ekadashi ka phal pa sakata hai.
prasiddhi nirjala yani yah vrat bina jal grahan kie aur upavas rakhakar kiya jata hai.
any janakari is din vidhipoorvak jal kalash ka dan karane valon ko varsh bhar ki ekadashiyon ka phal prapt hota hai. is ekadashi ka vrat karane se any teees ekadashiyon par ann khane ka dosh chhoot jaega tatha sampoorn ekadashiyon ke puny ka labh bhi milega.

nirjala ekadashi (angrezi: Nirjala Ekadashi) ka vrat hindoo dharm men visheshataur par manaya jata hai. hinduon men varsh men chaubis ekadashiyan ati hain, kintu in sab ekadashiyon men jyeshth shukl ekadashi sabase badhakar phal dene vali samajhi jati hai, kyonki is ek ekadashi ka vrat rakhane se varsh bhar ki ekadashiyon ke vrat ka phal prapt hota hai. nirjala ekadashi ka vrat atyant snyam sadhy hai. krishn paksh aur shukl paksh donon pakshon ki ekadashi men ann khana varjit hai.

mahattv

hindoo mah ke jyeshth mas ki shukl paksh ki ekadashi tithi ko nirjala ekadashi ka vrat kiya jata hai. nirjala yani yah vrat bina jal grahan kie aur upavas rakhakar kiya jata hai. isalie yah vrat kathin tap aur sadhana ke saman mahattv rakhata hai. hindoo pnchag anusar vrishabh aur mithun snkranti ke bich shukl paksh ki ekadashi nirjala ekadashi kahalati hai. is vrat ko bhimasen ekadashi ya pandav ekadashi ke nam se bhi jana jata hai. pauranik manyata hai ki bhojan snyam n rakhane vale panch pandavon men ek bhimasen ne is vrat ka palan kar suphal pae the. isalie isaka nam bhimaseni ekadashi bhi hua.

hindoo dharm men ekadashi vrat ka matr dharmik mahattv hi nahin hai, isaka manasik evn sharirik svasthy ke nazarie se bhi bahut mahattv hai. ekadashi ka vrat bhagavan vishnu ki aradhana ko samarpit hota hai. is din jal kalash, gau ka dan bahut puny dene vala mana gaya hai. yah vrat man ko snyam sikhata hai aur sharir ko nee oorja deta hai. yah vrat purush aur mahilaon donon dvara kiya ja sakata hai. varsh men adhikamas ki do ekadashiyon sahit 26 ekadashi vrat ka vidhan hai. jahan sal bhar ki any 25 ekadashi vrat men ahar snyam ka mahattv hai. vahin nirjala ekadashi ke din ahar ke sath hi jal ka snyam bhi zaroori hai. is vrat men jal grahan nahin kiya jata hai yani nirjal rahakar vrat ka palan kiya jata hai.

manyata

aisi dharmik manyata hai ki koee bhi vyakti matr nirjala ekadashi ka vrat karane se sal bhar ki pachchis ekadashi ka phal pa sakata hai. yahan tak ki any ekadashi ke vrat bhng hone ke dosh bhi nirjala ekadashi ke vrat se door ho jate hain. kuchh vrati is din ek bhukt vrat bhi rakhate hain yani sany dan-darshan ke bad phalahar aur doodh ka sevan karate hain.

pooja vidhi

is vrat men ekadashi tithi ke sooryoday se agale din dvadashi tithi ke sooryoday tak jal aur bhojan ka tyag kiya jata hai. isake bad dan, puny adi kar is vrat ka vidhan poorn hota hai. dharmik mahattv ki drishti se is vrat ka phal lnbi umr, svasthy dene ke sath-sath sabhi papon ka nash karane vala mana gaya hai. ekadashi ke din sarvapratham bhagavan vishnu ki vidhipoorvak pooja karen. pashchath 'Om namo bhagavate vasudevay mntr ka jap kare. is din vrat karane valon ko chahie ki vah jal se kalash bhare v safed vastr ko us par dhakakar rakhen aur us par chini tatha dakshina rakhakar brahman ko dan den.

dan

is ekadashi ka vrat karake yatha samarthy ann, jal, vastr, asan, joota, chhatari, pnkhi tatha phaladi ka dan karana chahie. is din vidhipoorvak jal kalash ka dan karane valon ko varsh bhar ki ekadashiyon ka phal prapt hota hai. is ekadashi ka vrat karane se any teees ekadashiyon par ann khane ka dosh chhoot jaega tatha sampoorn ekadashiyon ke puny ka labh bhi milega. is prakar jo is pavitr ekadashi ka vrat karata hai, vah samast papon se mukt hokar avinashi pad prapt karata hai. bhakti bhav se katha shravan karate hue bhagavan ka kirtan karana chahie.[1]

ekadashi vrat ki katha

nirjala ekadashi vrat ka pauranik mahattv aur akhyan bhi kam rochak nahin hai. jab sarvgy vedavyas ne pandavon ko charon purusharth- dharm, arth, kam aur moksh dene vale ekadashi vrat ka snkalp karaya tha.

yudhishthir ne kaha- janardan! jyeshth mas ke shuklapaksh men jo ekadashi padati ho, kripaya usaka varnan kijiye.

bhagavan shrikrishn ne kaha "he rajanh ! isaka varnan param dharmatma satyavati nandan vyasaji karenge, kyonki ye sampoorn shastron ke tattvgy aur ved vedangon ke parngat vidvanh hain.

tab vedavyasaji kahane lage- krishn paksh aur shukl paksh donon pakshon ki ekadashi men ann khana varjit hai. dvadashi ke din snan karake pavitr ho aur phoolon se bhagavan keshav ki pooja kare. phir nity karm samapt hone ke pashchath pahale brahmanon ko bhojan dekar ant men svayn bhojan kare.

yah sunakar bhimasen bole- param buddhiman pitamah! meri uttam bat suniye. raja yudhishthir, mata kunti, draupadi, arjun, nakul aur sahadev, ye ekadashi ko kabhi bhojan nahin karate tatha mujhase bhi hamesha yahi kahate hain ki bhimasen ekadashi ko tum bhi n khaya karo parantu main un logon se yahi kahata hoon ki mujhase bhookh nahin sahi jayegi.

bhimasen ki bat sunakar vyasaji ne kaha- yadi tum narak ko dooshit samajhate ho aur tumhen svargalok ki prapti abhisht hai aur to donon pakshon ki ekadashiyon ke din bhojan nahin karana.

bhimasen bole mahabuddhiman pitamah! main apake samane sach kahata hoon. mujhase ek bar bhojan karake bhi vrat nahin kiya ja sakata, to phir upavas karake main kaise rah sakata hoon. mere udar men vrik namak agni sada prajvalit rahati hai, at: jab main bahut adhik khata hoon, tabhi yah shant hoti hai. isalie mahamuni ! main poore varshabhar men keval ek hi upavas kar sakata hoon. jisase svarg ki prapti sulabh ho tatha jisake karane se main kalyan ka bhagi ho sakoon, aisa koee ek vrat nishchay karake bataiye. main usaka yathochit roop se palan karunga.

vyasaji ne kaha- bhim! jyeshth mas men soory vrish rashi par ho ya mithun rashi par, shuklapaksh men jo ekadashi ho, usaka yatnapoorvak nirjal vrat karo. keval kulla ya achaman karane ke lie mukh men jal dal sakate ho, usako chhodakar kisi prakar ka jal vidvanh purush mukh men n dale, anyatha vrat bhng ho jata hai. ekadashi ko sooryoday se lekar doosare din ke sooryoday tak manushy jal ka tyag kare to yah vrat poorn hota hai. tadanantar dvadashi ko prabhatakal men snan karake brahmanon ko vidhipoorvak jal aur suvarn ka dan kare. is prakar sab kary poora karake jitendriy purush brahmanon ke sath bhojan kare. varshabhar men jitani ekadashiyan hoti hain, un sabaka phal nirjala ekadashi ke sevan se manushy prapt kar leta hai, isamen tanik bhi sandeh nahin hai. shnkh, chakr aur gada dharan karanevale bhagavan keshav ne mujhase kaha tha ki ‘yadi manav sabako chhodakar ekamatr meri sharan men a jay aur ekadashi ko nirahar rahe to vah sab papon se chhoot jata hai."

ekadashi vrat karane vale purush ke pas vishalakay, vikaral akriti aur kale rngavale dand pashadhari bhaynkar yamadoot nahin jate. antakal men pitambaradhari, saumy svabhav vale, hath men sudarshan dharan karane vale aur man ke saman vegashali vishnudoot akhir is vaishnav purush ko bhagavan vishnu ke dham men le jate hain. at: nirjala ekadashi ko poorn yatn karake upavas aur shrihari ka poojan karo. stri ho ya purush, yadi usane meru parvat ke barabar bhi mahanh pap kiya ho to vah sab is ekadashi vrat ke prabhav se bhasm ho jata hai. jo manushy us din jal ke niyam ka palan karata hai, vah puny ka bhagi hota hai. use ek-ek prahar men koti-koti svarnamudra dan karane ka phal prapt hota suna gaya hai. manushy nirjala ekadashi ke din snan, dan, jap, hom adi jo kuchh bhi karata hai, vah sab akshay hota hai, yah bhagavan shrikrishn ka kathan hai. nirjala ekadashi ko vidhipoorvak uttam riti se upavas karake manav vaishnavapad ko prapt kar leta hai. jo manushy ekadashi ke din ann khata hai, vah pap ka bhojan karata hai. is lok men vah chandal ke saman hai aur marane par durgati ko prapt hota hai.

jo jyeshth ke shuklapaksh men ekadashi ko upavas karake dan karenge, ve param pad ko prapt honge. jinhonne ekadashi ko upavas kiya hai, ve brahmahatyare, sharabi, chor tatha gurudrohi hone par bhi sab patakon se mukt ho jate hain.

kuntinandan! nirjala ekadashi ke din shraddhalu stri purushon ke lie jo vishesh dan aur karttavy vihit hain, unhen suno- us din jal men shayan karane vale bhagavan vishnu ka poojan aur jalamayi dhenu ka dan karana chahie athava pratyaksh dhenu ya ghritamayi dhenu ka dan uchit hai. paryapt dakshina aur bhanti-bhanti ke mishthanon dvara yatnapoorvak brahmanon ko santusht karana chahie. aisa karane se brahman avashy sntusht hote hain aur unake sntusht hone par shrihari moksh pradan karate hain. jinhonne sham, dam, aur dan men pravrit ho shrihari ki pooja aur ratri men jagaran karate hue is ‘nirjala ekadashi’ ka vrat kiya hai, unhonne apane sath hi biti huee sau pidhiyon ko aur ane vali sau pidhiyon ko bhagavan vasudev ke param dham men pahuncha diya hai. nirjala ekadashi ke din ann, vastr, gau, jal, shaiyya, sundar asan, kamandalu tatha chhata dan karane chahie. jo shreshth tatha supatr brahman ko joota dan karata hai, vah sone ke viman par baithakar svargalok men pratishthit hota hai. jo is ekadashi ki mahima ko bhaktipoorvak sunata athava usaka varnan karata hai, vah svargalok men jata hai. chaturdashiyukt amavasya ko sooryagrahan ke samay shraddh karake manushy jis phal ko prapt karata hai, vahi phal isake shravan se bhi prapt hota hai. pahale dantadhavan karake yah niyam lena chahie ki "main bhagavan keshav ki prasannata ke lie ekadashi ko nirahar rahakar achaman ke siva doosare jal ka bhi tyag karunga." dvadashi ko deveshvar bhagavan vishnu ka poojan karana chahie. gandh, dhoop, pushp aur sundar vastr se vidhipoorvak poojan karake jal ke ghade ke dan ka snkalp karate hue nimnankit mntr ka uchcharan kare.

snsarasagar se tarane vale he dev hrashikesh! is jal ke ghade ka dan karane se ap mujhe param gati ki prapti karaiye. [2]

bhimasen! jyeshth mas men shukl paksh ki jo shubh ekadashi hoti hai, usaka nirjal vrat karana chahie. us din shreshth brahmanon ko shakkar ke sath jal ke ghade dan karane chahie. aisa karane se manushy bhagavan vishnu ke samip pahunchakar anand ka anubhav karata hai. tatpashchath dvadashi ko brahman bhojan karane ke bad svayn bhojan kare. jo is prakar poorn roop se papanashini ekadashi ka vrat karata hai, vah sab papon se mukt ho anndamay pad ko prapt hota hai. yah sunakar bhimasen ne bhi is shubh ekadashi ka vrat arambh kar diya. tabase yah lok men ‘pandav dvadashi’ ke nam se vikhyat huee.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. evn y: kurute poorna dvadashin papanasinimh. sarvapapavinirmukt: padn gachchhantyanamayamh॥
  2. devadev hrashikesh snsararnavatarak. udakumbhapradanen nay man paraman gatimh॥

snbndhit lekh