वैभाषिक दर्शन  हिन्दी देवनागरी में पढ़ें।

(sarvastivad)

  • inaka bahut kuchh sahity nasht ho gaya hai. inaka tripitak snskrit men tha. inake abhidharm men pramukh roop men sat granth hain, jo pray: mool roop men anupalabdh hain ya anshik roop men upalabdh hain.
  • chini bhasha men inaka aur inaki vibhasha tika ka anuvad upalabdh hai.
  • ve sat granth is prakar hain-
  1. gyanaprasthan,
  2. prakaranapad,
  3. vigyanakay,
  4. dharmaskandh,
  5. prgyptishastr,
  6. dhatukay evn
  7. sngitiparyay.
  • vaibhashik aur sarvastivadi donon abhidharm ko buddhavachan manate hain.

paribhasha

  • sarvastivad shabd men 'sarv' ka arth tinon kal tatha 'asti' ka arth dravyasatta hai arthat jo nikay tinon kalon men dharmon ki dravyasatta karate hain, ve sarvastivadi hain[1]
  • paramarth ke anusar jo atit, anagat, pratyutpann, akash, pratisnkhyanirodh aur apratisnkhyanirodh-in sabaka astitv svikar karate hain, ve sarvastivadi hain.
  • vasubandhu kahate hain ki jo pratyutpann aur atit karm ke us pradesh (hisse) ko, jisane abhi phal nahin diya hai, use sath manate hain tatha anagat aur atit karm ke us pradesh (hisse) ko, jisane phal pradan kar diya hai, use asath manate hain, ve vibhajyavadi hain, n ki sarvastivadi. unake matanusar jinaka vad yah hai ki atit, anagat, pratyutpann sabaka astitv hai, ve sarvastivadi hain. sarvastivadi agam aur yukti ke adhar par tinon kalon ki satta siddh karate hain. unaka kahana hai ki sootr men bhagavan ne atit, anagat aur pratyutpann tinon kalon men hone vale roop adi skandhon ki deshana ki hai (rupamanityamatitamanagatamh ityadi). yukti prastut karate hue ve kahate hai ki atit, anagat ki satta n hogi to yogi men atit, anagat vishayak gyan hi utpann n ho sakega, jabaki aisa gyan hota hai tatha yadi atit nahin hai to atit karm anagat men kaise phal de sakega? arthat nahin de sakega. at: in aur any anek yuktiyon ke adhar par siddh hota hai ki atit, anagat ki satta hai.

hetu-phalavad

  • ise vaibhashikon ka kary-karanabhav bhi kah sakate hain. inake mat men chhah hetu, char pratyay aur char phal mane jate hain.
  • chhah hetu is prakar hain-
  1. karanahetu,
  2. sahabhoohetu,
  3. sabhagahetu,
  4. samprayuktakahetu,
  5. sarvatragahetu evn
  6. vipakahetu.
  • char pratyay hain, yatha-
  1. hetu-pratyay,
  2. samanantar-pratyay,
  3. alamban-pratyay evn
  4. adhipati-pratyay.
  • char phal hain, yatha-
  1. vipakaphal,,
  2. adhipatiphal,
  3. nishyandaphal evn
  4. purushakaraphal.
  • karanahetu— sabhi dharm apane se any sabhi dharmon ke karanahetu hote hain. koee bhi dharm apana karanahetu nahin hota. arthat sabhi dharm utpann hone vale samast snskrit dharmon ke karanahetu hote hain, kyonki inaka unake utpad men avighnabhav se avasthan hota hai. ashay yah hai ki karyon ke utpad men vighn n karana karanahetu ka lakshan hai.
  • sahabhoohetu— sahabhoohetu ve dharm hain, jo paraspar ek-doosare ke phal hote hain. jaise charon mahabhoot paraspar ek doosare ke hetu aur phal hote hain, yatha-ek tipahi ke tinon panv ek-doosare ko khada rakhate hain. sabhi snskrit dharm yathasambhav sahabhoohetu hain, basharte ki ve anyoanyaphal ke roop men sambaddh hon.
  • sabhagahetu— sadrish dharm sabhagahetu hote hain. sadrish dharm sadrish dharmon ke sabhagahetu hote hain. yatha-kushal dharm kushal ke aur klisht dharm klisht dharmon ke sabhagahetu hote hain.
  • samprayuktakahetu— chitt aur chaitasik samprayuktak hetu hote hain. ve hi chitt-chaitasik paraspar samprayuktakahetu hote hain, jinaka ashray sam ya abhinn hota hai. jaise chakshurindriy ka ek kshan ek chakshurvigyan aur tatsamprayukt vedana adi chaitasikon ka ashray hota hai. isi tarah man-indriy ka ek kshan, ek manovigyan evn tatsamprayukt chaitasikon ka ashray hota hai. ve hetu samprayuktak kahalate hain, jinaki sam pravritti hoti hai. chitt aur chaitasik panch samataon se samprayukt hote hain, kyonki unake ashray, alamban aur akar ek hi hote hain. kyonki ve ek sath utpann hote hain. kyonki inaka kal bhi ek hi hota hai. in panch samataon men se yadi ek ka bhi abhav ho to unaki sam-pravritti nahin ho sakati. aisa sthiti men vah samprayukt nahin ho sakate.
  • sarvatragahetu— poorvotpann sarvatrag svabhoomik klisht dharmon ke sarvatragahetu hote hain. arthath poorvotpann arthath atit ya pratyutpann svabhoomik sarvatrag bad men utpann hone vale svabhoomik klisht dharmon ke sarvatragahetu hote hain. sarvatrag hetu klisht dharmon ke samany karan hain. ye nikayantariy klisht dharmon ke bhi hetu hote hain. arthath inake prabhav se any nikayon (shariron) men saparivar klesh utpann hote hain.
  • vipakahetu— akushal aur sasrav kushal dharm vipakahetu hote hain. kyonki vipak dena inaki prakriti hain avyakrit dharm vipakahetu nahin ho sakate, kyonki ve durbal hote hain.
  • phalavyavastha— vipakaphal antim vipakahetu se utpann hota hai. isake do arth kiye jate hain, yatha- ek vipak ka hetu aur doosara vipak hi hetu. vipak shabd ke donon arth yukt hain. pratham karan hetu ka adhipatiphal hota hai. sabhag aur sarvatrag hetu ka ni:shyand phal hota hai tatha sahabhoohetu aur samprayuktakahetu ka purushakar phal hota hai.

vaishishtay

vaibhashikon ko chhodakar any sabhi bauddh kary aur karan ko ekakalik nahin manate. kintu vaibhashikon ki yah visheshata hai ve ki hetu aur phal ko ekakalik bhi manate hain, yatha-sahajat (sahabhoo) hetu.

satyadvay vyavastha

  • vaibhashik bhi any bauddhon ki bhanti do satyon ki vyavastha karate hain. saty do hain, yatha-
  1. snvritisaty evn
  2. paramarthasaty.
  • snvritisaty— avayavon ka bhed arthat unhen alag-alag kar dene par jis vishay men tadabuddhi ka nash ho jata hai, use snvriti-saty kahate hain, jaise ghat ya ambu (jal). jab ghat ka mudgar adi se vinash kar diya jata hai aur jab vah kapal ke roop men parinat ho jata hai, tab us (ghat) men jo pahale ghatabuddhi ho rahi thi, vah nasht ho jati hai. isi tarah ambu ka buddhi dvara vishleshan karane par ambubuddhi bhi samapt ho jati hai. isi prakar upakaranon dvara ya buddhi dvara vishleshan karane par jin vishayon men tadavishayak buddhi ka vinash ho jata hai, ve dharm snvritisaty kahalate hain. sanvritik drishti se ghat ya ambu kahane vala vyakti saty hi bolata hai, mithya nahin, at: inhen 'snvritisaty' kahate hain.
  • paramarth saty- snvritisaty se viparit saty paramarthasaty hai. arthat upakaran ya buddhi dvara bhed kar dene par bhi jin vishayon men tadavishayak buddhi ka nash nahin hota, ve dharm 'paramarthasaty' yatha- roop, vedana, gyan, nirvan adi. roop ka paramanu men vibhajan kar dene par bhi roopabuddhi nasht nahin hoti. isi tarah any vishayon ke bare men bhi janana chahie. ye dharm paramarthat: saty hote hain, at: 'paramarthasaty' kahalate hain. athava jo dharm ary yogi ke samahit lokottar gyan dvara jaise grihit hote hain, usi roop men prishthalabdh gyan dvara bhi grihit hote hain, ve *'paramarthasaty' hain. yadi vaise hi grihit nahin hote to ve snvriti saty hain.

du:khasaty, samudayasaty, nirodhasaty evn margasaty-is tarah char saty hote hain. oopar jo do saty kahe gaye hain, unase inaka koee virodh nahin hai. char aryasaty do men ya do saty char men paraspar sngrahit kiye ja sakate hain. jaise nirodh saty paramarth saty hai tatha shesh tin snvritisaty.

paramanu vichar

vaibhashik mat men paramanu niravayav mane jate hain. snghat hone par bhi unaka paraspar sparsh nahin hota. paramanu dvividh hain, yatha-

  1. dravyaparamanu evn
  2. snghataparamanu.
  • akela niravayav paramanu dravyaparamanu kahalata hai.
  • snghat paramanu men kam se kam ath paramanu avashy rahate hain, yatha 4 mahabhooton (prithvi, aph, tejash aur vayu) ke tatha char upaday roopon (roop, gandh, ras, sprashtavy) ke paramanu ek kalap (snghat) men nishchit roop se rahate hain. yah vyavastha kamadhatu ke snghat ke bare men hai. kamadhatu ka ek paramanukalap, jisamen shabd aur indriy paramanu nahin hai, vah nishchay hi ashtadravyatmak hota hai.
  • sautrantik dravyaparamanu ki satta nahin manate, ve keval snghat paramanu hi manate hain.
  • achary vasubandhu bhi sautrantik ke is mat se sahamat hain.

gyanamimansa

vaibhashik bhi do hi praman manate hain, yatha-

  1. pratyaksh aur
  2. anuman.
  • pratyaksh inake mat men tin hi hain, yatha-
  1. indriyapratyaksh,
  2. manasapratyaksh evn
  3. yogipratyaksh.
  • ye svasnvedanapratyaksh nahin manate, jaisa ki sautrantik adi nyayanusari bauddh manate hain. isaka karan yah hai ki ye gyan men grahyakar nahin manate, isalie grahakakar (svasnvedan) bhi nahin manate. inake mat men gyan nirakar hota hai. svasnvedan nahin manane se inake anusar gyan ki satta ka nishchay paravarti gyan dvara hua karata hai. yah paravarti gyan smrityatmak ya kalpanatmak hi hota hai. ashay yah hai ki inake anusar gyan smrit hua karata hai. vah svaynprakash nahin hota.
  • indriyapratyaksh— indriyon se utpann gyan indriyapratyaksh hai. inake mat men yadyapi chakshushh hi roop ko dekhata hai, tathapi ye chakshurvigyan ko hi praman manate hain. indriyapratyaksh panch hain, yatha- #chakshurvigyan,
  1. shrotravigyan,
  2. ghranavigyan,
  3. vihravigyan evn
  4. kayavigyan.
  • manasapratyaksh— indriy vigyanon ke anantar unhin ke vishay ko grahan karata hua yah manasapratyaksh utpann hota hai. samanantar atit chhah vigyan arthat manodhatu isaka adhipatipratyay hota hai.
  • yogipratyaksh— yogi do prakar ke hote hen- laukik evn lokottar. inamen se lokottar yogi ka pratyaksh hi yogipratyaksh hota hai, ise lokottar marggyan bhi kah sakate hain. char aryasaty, nirvan evn nairatmy isake vishay hote hain. laukik yogi ki divyashrotr, divyachakshushh adi abhigyaen manasapratyaksh hi hain, yogipratyaksh nahin.
  • kalpana— jo gyan vastu se utpann n hokar shabd ko adhipatipratyay banakar utpann hota hai athava jo gyan chakshuradi pratyaksh vigyanon ke anantar adhyavasay karate hue utpann hota ha, vah 'kalpana' ya 'vikalp' hai.
  • gyanakar— inake mat men gyan men akar nahin mana jata. ye gyan ko sakar nahin, apitu nirakar manate hain. isi prakar ye vastu men bhi akar nahin manate. nirakar gyan paramanu-samooh ko dekhata hai. paramanu vastvakar nahin hote. yadi gyan sakar vastu ka grahan karega to akaramatr ka darshan karega, vastu ka nahin.
  • marg-phal-vyavastha— marg panch hote hain, yatha- prayogamarg, darshanamarg, bhavanamarg evn ashaikshamarg. pratham do marg prithagjan avastha ke marg hain aur ye laukik marg kahalate hain. shesh tin marg ary pudgalal ke marg hain aur lokottar hain ary ke marg hi vastut: 'margasaty' hain. pratham do marg yadyapi marg hain, kintu margasaty nahin.
  • ashaikshamarg— ashaikshamarg ke kshan men koee hey klesh avashisht nahin rahata. keval sharir hi avashisht rahata hai. ashaiksh marg lokottar prgya hai, jisaka alamban keval nirvan hota hai.
  • triyanavyavastha— shravakayan, pratyekabuddhayan evn bodhisattvayan-ye tin yan hote hain. shravakagotriy pudgal ka lakshy pray: pudgalanairatmy ka sakshatkar karane vali prgya dvara apane kleshon ka prahan kar chary aryasatyon ka sakshatkar karake shravakiy arhattv pad prapt karana hai. isake lie sarvapratham akritrim niryan chitt ka utpad avashyak hai. sambharamarg prapt hone ke anantar atyant tikshnaprgy pudgal tin janmon men arhattv prapt kar leta hai. stotrapatti marg prapt hone ke anantar alasi sadhak bhi kamadhatu men sat se adhik janmagrahan nahin karata.

buddh

vaibhashik matanusar bodhisattv jab buddhatv prapt kar leta hai, tab bhi usaka sharir sasrav hi hota hai tatha vah du:khasaty aur samudayasaty hota hai, kintu usaki santan men klesh sarvatha nahin hote. kleshavaran ke alava gyeyavaran ka astitv ye log bilkul nahin manate. buddh ke 12 charitr hote hain. unamen se

  1. tushit kshetr se chyuti,
  2. matrikrikshipravesh,
  3. lumbini udyan men avataran,
  4. shilp vishay men naipuny evn kaumaryochit lalit krida tatha
  5. raniyon ke parivar ke sath rajyagrahan-ye panch grihasthapakshik charitr hain tatha
  6. rogi, vriddh adi char nimitton ko dekhakar sasnveg pravrajya,
  7. nernjana ke tat par 6 varshon tak kathin tapashcharan,
  8. bodhivriksh ke mool men upasthiti,
  9. mar ka sena ke sath daman,
  10. vaishakh poornima ki ratri men buddhatvaprapt,
  11. dharmachakr pravartan tatha
  12. kushinagar men mahaparinirvan-ye sat charitr pravrajyapakshik hain.

shravak

arhath, pratyekabuddh arhath evn buddh in tinon ko jab anupadhisheshanirvan ki prapti ho jati hai, tab inaki jad santati evn chetan-santati donon dharaen sarvatha samapt ho jati hain. in donon dharaon ka abhav hi anupadhisheshanirvan hai aur isaki bhi dravyasatta vaibhashik svikar karate hain. inake mat men sabhi dharm dravyasath aur arthakriyakari mane jate hain. akash, nirvan adi sabhi dharm isi prakar ke hote hain. jo sarvatha nahin hote, jaise shashavishan, vandhyaputr adi asath hote hain. kuchh aise bhi vaibhashik the, jo nirudhisheshanirvan ke anantar bhi chetanadhara ka astitv manate the. vaibhashikon ke mat men sambhogakay evn dharmakay nahin hota. keval nirmanakay hi hota hai.

tika tippani aur sndarbh

  1. tadastivadath sarvastivada ishta:- abhidharmakoshabhashy

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah