अजातशत्रु  हिन्दी देवनागरी में पढ़ें।

ajatashatru (493 ee.poo. se 461 ee.poo.) binbisar ka putr tha. usake bachapan ka nam 'kunik' tha. ajatashatru ne magadh ki rajagaddi apane pita ki hatya karake prapt ki thi. yadyapi yah ek ghrinit krity tha, tathapi ek vir aur pratapi raja ke roop men usane khyati prapt ki thi. apane pita ke saman hi usane bhi samrajy vistar ki niti ko apanaya aur samrajy ki simaon ko charamotkarsh tak pahuncha diya. sinhali anushrutiyon ke anusar ajatashatru ne lagabhag 32 varshon tak shasan kiya aur 461 ee.poo. men apane putr udayan dvara vah mara gaya.

samrajy vistar

ajatashatru ne ang, lichchhavi, vajji, kosal tatha kashi janapadon ko apane rajy men milakar ek vishal samrajy ko sthapit kiya tha. pali grnthon men ajatashatru ka nam anek sthanon par aya hai, kyonki vah buddh ka samakalin tha aur tatkalin rajaniti men usaka bada hath tha. gnga aur son nadi ke sngam par pataliputr ki sthapana usi ne ki thi. usaka mantri 'vassakar' ek kushal rajanitigy tha, jisane lichchhaviyon men phoot dalakar samrajy ko vistrit kiya tha. prasenajit ka rajy kosal ke rajakumar vidoodabh ne chhin liya tha. usake rajatvakal men hi vidoodabh ne shaky prajatntr ko samapt kiya tha.

kosal ke raja prasenajit ko harakar ajatashatru ne rajakumari 'vajira' se vivah kiya tha, jisase kashi janapad svatah hi use prapt ho gaya tha. is prakar usaki is niti se magadh shaktishali rashtr ban gaya. parntu pita ki hatya karane aur pitrighati kahalane ke karan itihas men vah sada abhishapt raha. pita ki hatya karane ke karan isaka man ashant ho gaya. yah ajivak dharm pracharak goshal aur jain dharm pracharak mahavir svami ke nikat bhi gaya, kintu ise shanti nahin mili. phir yah buddh ki sharan men gaya, jahan use atmik shanti mili. isake bad yah buddh ka param anuyayi ban gaya.[1]

pratham bauddh sngiti

ajatashatru ke samay ki sabase mahattvapoorn ghatana buddh ka mahaparinirvan (464 ee.poo.) thi. us ghatana ke avasar par buddh ki asthi prapt karane ke lie ajatashatru ne bhi prayatn kiya tha aur apana ansh prapt kar usane rajagrih ki pahadi par stoop banavaya tha. age chalakar rajagrih men hi vaibhar-parvat ki 'saptaparni guha' se bauddh sngh ki pratham bauddh sngiti huee, jisamen suttapitak aur vinayapitak ka snpadan hua. yah kary bhi isi naresh ke samay men snpadit hua tha.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. diksha ki bharatiy paramparaen (hindi), 87.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah