vah ata--
do took kaleje ke karata pachhatata
path par ata.
pet pith donoan milakar haian ek,
chal raha lakutiya tek,
mutthi bhar dane ko - bhookh mitane ko
muanh phati purani jholi ka phailata-
do took kaleje ke karata pachhatata path par ata.
sath do bachche bhi haian sada hath phailaye,
bayean se ve malate hue pet ko chalate,
aur dahina daya drishti-pane ki or badhaye.
bhookh se sookh oth jab jate
data-bhagy vidhata se kya pate?--
ghooant aansuoan ke pikar rah jate.
chat rahe joothi pattal ve sabhi s dak par kh de hue,
aur jhapat lene ko unase kutte bhi haian a de hue!