गयाप्रसाद शुक्ल 'सनेही'  हिन्दी देवनागरी में पढ़ें।

gayaprasad shukl 'sanehi'
pn. gayaprasad shukl 'sanehi'
poora nam pn. gayaprasad shukl 'sanehi'
any nam 'trishool' (upanam) 'tarngi', 'alamast'
janm 1883 ee. (snvat 1940)
janm bhoomi hadaha ganv, unnav zila, uttar pradesh
mrityu 20 mee, 1972 ee. (umr- 89 varsh)
mrityu sthan kanapur
abhibhavak pita- pn. akserilal shukl
karm-kshetr adhyapan, kavi, sampadan
mukhy rachanaen prem pachchisi, kusumanjali, krishak krndan, trishool tarng, rashtriy mantr, snjivani, rashtriy vani, kalame trishool, karuna-kadambini aadi
vishay samaj sudhar aur svadhinata prem
bhasha brajabhasha, khadiboli
nagarikata bharatiy
any janakari vartaman ke anek prasiddh kavi apane ko sanehi ji ka shishy kahane men gaurav ka anubhav karate hain. inhonne kavi sammelanon ki parnpara ka bhi vikas kiya aur jivan men anek kavi sammelanon ka sabhapatitv bhi kiya.
inhen bhi dekhen kavi soochi, sahityakar soochi

pn. gayaprasad shukl 'sanehi' (angrezi: Pt. Gayaprasad Shukla 'Sanehi', janm: 1883 ee. - mrityu: 20 mee, 1972 ee.) brajabhasha ke prasiddh kavi the.

jivan parichay

pn. gayaprasad shukl 'sanehi' ji ka janm shravan shukl trayodashi, snvat 1940 men unnav zile ke hadaha namak gram men hua. yah ganv baisavada kshetr ke antargat hai. sanehi ji ke pita pn. akserilal shukl bade sahasi aur deshabhakt vyakti the. 1850 ee. ke svatntry sngram men unhonne bhi jamakar bhag liya aur british sarakar ke kopabhajan bane. deshabhakti aur virabhav ki yah parnpara sanehi ji ko apane pita se hi prapt huee. sanehi ji arambh se hi medhavi chhatr rahe. kavyarachana ka shauk inhen bachapan se hi tha. kavyashastr ka samyak anushil inhonne hadaha nivasi lala giradhari lal ke charanon men baithakar kiya. lalaji ritishastr ke bade pndit aur brajabhasha ke siddhast kavi the.

karyakshetr

sanehi ji ne apani jivika ke lie shikshak ki vriti apanaee. san 1902 men ye shikshan paddhati ka prashikshan prapt karane ke lie do varsh lakhanoo akar rahe. yahan inaki pratibha ka aur bhi vikas hua tatha ye brajabhasha, khadiboli evn urdoo ke kaviyon ke snpark men aye. sanehi ji in tinon bhashaon men kavyarachana karate the parantu rasasiddh kavita ki drishti se ye pramukhatah brajabhasha ke hi kavi the. inaki prasiddhi hone par pn. mahavir prasad dvivedi ne inhen khadiboli kavyarachana ki or prerit kiya aur is kshetr men bhi sanehi ji ka advitiy sthan raha parantu brajabhasha men bhi ye ajivan likhate rahe. shiksha vibhag men naukari karane ke karan inhonne apani rashtriy kavitayen 'trishool' upanam se likhin. sanehi nam se ye parnparagat aur rasasiddh kavitayen karate the aur trishool upanam se ye samajasudhar aur svadhinata prem ki rachanaen likhate the. 'tarngi' aur 'alamast' ye donon bhi sanehi ji ke upanam hain. asahayog andolan ke samay inhonne taun skool ki hed mastari se tyagapatr de diya aur kanapur ko apana karmakshetr banakar svadhinata ke karyon men apane ko khapa diya.[1]

sahityik parichay

sanehi ji ki arnbhik rachanaen 'rasik rahasy', 'sahity sarovar', 'rasikamitr ' adi patron men prakashit hoti thi. bad men sarasvati men bhi likhane lage the. 'pratap' men inaki krantikari rachanaen prakashit hoti thi. 'dainik vartaman' ke snsthapakon men se ye ek the. gorakhapur se nikalane vale 'kavi' ka snpadan inhonne varshon kiya. san 1928 men inhonne kavita pradhan patr 'sukavi' nikala. snpadan, snchalan sanehi ji 22 varshon tak karate rahe. is patr men purane aur ne - donon shreniyon ke kaviyon ki rachanaen prakashit hoti thin. samasyapoorti isaka sthayi stambh tha, jisake karan kavita ka prachar, prasar to hua hi, n jane kitane sahridayon ko sanehi ji ne rachanakar bhi bana diya. sanehi ji ne apane jivan men asnkhy kaviyon ko kavyabhyas karakar satkavyarachana men pravrit kiya. vartaman ke anek prasiddh kavi apane ko sanehi ji ka shishy kahane men gaurav ka anubhav karate hain. inhonne kavi sammelanon ki parnpara ka bhi vikas kiya aur jivan men anek kavi sammelanon ka sabhapatitv bhi kiya.[1]

rachanakal evn rachanaen

sanehi ji ka rachanakal aur rachana ka vishay kshetr atynt vistrit hai. inaki prakashit rachanaon men prem pachchisi, kusumanjali, krishak krndan, trishool tarng, rashtriy mantr, snjivani, rashtriy vani, kalame trishool tatha karuna-kadambini hain. spasht hai ki sanehi ji ka rasasiddh vyaktitv unake brajabhasha kavy men hi paragat hua hai. achary pn. ramachndr shukl ne likha bhi hai -
pn gayaprasad shukl 'sanehi' ke prabhav se kanapur men brajabhasha kavy ke madhustrot ab bhi barabar vaise hi chal rahe hain, jaise 'poorn' ji ke samay men chalate the.

sanehi ji ki pratham kriti 'prem pachchisi' ka prakashan san 1905 ke as-pas hua tha. isamen shrringar ras ke brajabhasha men likhe pachchis chhndon ka snkalan kiya gaya tha. 'premapachchisi' ka ek chhnd yahan prastut hai -

jehi chah son chahyo tumhen prathamai
abahoon tehi chah son chahanau hai.

tum chahau n chahau lala hamako
kachhu dibo n yakau urahanau hai.

duahkh dijai ki kijai daya dil men
har rng tiharau sirahanau hai.

man bhavai karau manabhavan so
hamen neh kau natau nibhavanau hai.[1]

sahityik visheshataen

samay ke sath sanehi ji ka brajabhasha kavy bhav aur kala donon hi drishtiyon se samriddhatar hota gaya. premavynjana ko inhonne brajabhasha kavy men sarvapramukh sthan diya hai. is premavarnan men ye bhaktikal ke kaviyon ki apeksha ritikal ke kaviyon se adhik prabhavit hain. itana avashy hai ki inamen ritikal ke adhikansh kaviyon ke saman hridyanubhooti ka abhav aur keval kalatmakata hi nahin hai, apitu inaki rachanaen prasad gun lie hue anubhootiyon ka vishad varnan hi hai. prem ke vishay men shrikrishn ki nissngata ko adhar banakar sanehi ji ne virahani gopiyon ki sthiti ko kis prakar amane - samane rakhakar is chhnd ko prastut kiya hai, yah dekhate hi banata hai-

nav neh kau nem nibahat chatak, kanan hi men mavasau rahai
rat 'pi kahan ' 'pi kahan ' ki hi lage, bharo nir rahai pai upasau rahai
taji poorabi paun n sngi kooo, kachhu det hie kaun dilasau rahai
lagi dor sadaiv piya son rahai, chahe barahu maaus piyasau rahai[1]

bhasha-shaili

saral aur sahaj abhivyakti hote hue bhi brajabhasha kaviyon ki alnkar priyata ki riti sanehi ji ne bhi nibahi hai. ukt chhnd men 'piyasau' men yamak alnkar kitana svabhavik dhng se a baitha hai. sanehi ji ke kavy men kalatmakata bhi kam nahin hai. samasyapoorti ke nimitt likhi gayi rachanaon men chamatkar ka pradarshan svabhavatah adhik hota hai parantu sanehi ji ka yah pandity keval shabdon men n hokar unaki kalpanashilata men hai, parinamatah inake chhnd anubhooti ko hi vishesh roop se jagrat karane men samarth hote hain. sanehi ji ki brajabhasha ki rachanaon men shrringar ras ke atirikt shant, vir, karun, hasy evn any rason ki bhi kavitayen hain. inaki bhasha men avadhi, baisavadi, bundelakhndi prayogon ke sath arabi-farasi ke shabd bhi prayapt matra men pae jate hain isalie inaki bhasha vishuddh brajabhasha nahin kahi ja sakati. yahi nahin khadi boli ka put bhi jahan tahan inaki bhasha men milata hai. in sab prayogon se inaki brajabhasha saral aur prasadagun yukt bhi bani hai yahi sanehi ji ki visheshata hai. inaki kathan bhngimaen sahaj aur vividh hain, inaka alnkar vidhan svabhavik hai, chhnd yojana men ye prayah ritikal ke anuvarti hain. arthath is vivechy yug men bhi sanehi ji braj se bahar rahakar bhi brajabhasha ke ek bahut bade stambh mane jate hain.[1]

nidhan

pn. gayaprasad shukl 'sanehi' ji ka nidhan 20 mee, 1972 ko 89 varsh ki avastha men kanapur ke usrala aspatal men ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 1.4 pn. gayaprasad shukl 'sanehi' (hindi) rajabhasha hindi blaaug. abhigaman tithi: 1 joon, 2015.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah