गोपाल प्रथम  हिन्दी देवनागरी में पढ़ें।

gopal pratham
gopal pratham
poora nam gopal pratham
pita/mata pita-'vapyat'
dharmik manyata bauddh dharm
vnsh pal vnsh
shasan kal lagabhag 750 - 770 ee.
any janakari gopal ke shasan ki tulana prithu aur sagar ke shasanon se ki gee hai. dharmik vishvason men vah snbhavat: bauddh tha aur taranath ka kathan hai ki usane patana zile men sthit vihar ke pas nalendr (nalnda) vihar ki sthapana ki.

gopal pratham (angrezi-Gopala I) gaud (uttari bngal) pal vnsh ka pratham[1] raja tatha bngal aur bihar par lagabhag char shatabdi tak shasan karane vale pal vnsh ka snsthapak tha. gopal pratham ka shasan lagabhag 750 se 770 ee. tak tha. usake pita ka nam 'vapyat' aur pitamah ka nam 'dayitavishnu' tha. in donon ka sambandh sambhavat: kisi rajakul se nahin tha. pal vnsh ke adhikansh raja bauddh the. gopal pratham ke dvara sthapit pal vnsh ne dirghakal tak shasan kiya. 12vin shatabdi tak bngal-bihar par is vnsh ke rajaon ka shasan raha tha.

matsy nyay

shashank ki mrityu tatha harshavardhan ke pashchath bngal ki rajanitik sthiti kafi ast-vyast ho gayi thi. is sthiti ko abhilekhon men 'matsy nyay' ki sngya di gayi hai, isake antargat adhik shaktishali vyakti kamazor vyakti ka shoshan karata tha. 'khalimapur abhilekh' men kaha gaya hai ki 'matsy nyay' se chhutakara pane ke lie prakritiyon[2] ne gopal pratham ko lakshmi ka banh grahan karaee tatha use apana shasak niyukt kiya. isake dvara kahan-kahan vijay prapt ki geen, is bare men thik se kuchh bhi gyat nahin hai. tibbati lama evn itihasakar taranath ke anusar gopal pratham ne odantapur men ek math ka nirman karavaya tha tatha 1197 ee. men musalamanon ne is par vijay prapt kar li.

rajavnsh ki ninv

gupt aur pushyabhooti vnsh ke hras aur ant ke bad bharatavarsh rajanitik drishti se vichchhrinkhalit ho gaya aur koee bhi adhisattak shakti nahin bachi. rajanitik mahatvakankshiyon ne vibhinn bhagon men ne-ne rajavnshon ki ninv dali. gopal bhi unhin men ek tha. bauddh itihasakar taranath aur dharmapal ke khalimapur ke tamralekh se gyat hota hai ki janata ne arajakata aur matsyanyay ka ant karane ke liye use raja chuna. vastav men raja ke pad par usaka koee lokatantrik chunav hua, yah nishchit roop se sahi man lena to kathin hai, yah avashy pratit hota hai ki apane satkaryon se usane janamanas men apane liye uchchasthan bana liya tha. usaka kisi rajavnsh se koee snbndh nahin tha aur svayn vah sadharan parivar ka vyakti tha, jisaki kulinata age bhi kabhi svikrit nahin ki gee.[3]

matsyanyay ka ant

sndhyakar nndikrit ramapal charit men gopal ka mool shasan varendr arthath‌ uttari bngal bataya gaya hai. isamen sndeh nahin ki dhire dhire poore vng[4]par usaka adhikar ho gaya aur vah gaudadhipati kahalane laga. jaisa anushruti se gyat hota hai, usane matsyanyay ka ant kiya aur vnsh ki rajanitik pratishtha ki ninv achchhi tarah rakhi jo magadh ke bhi kuchh bhagon tak phail gee. usaki rajanitik vijayon aur sushasan ka labh usake putr dharmapal ne khoob uthaya aur usane badi asani se gaud rajy ko tatkalin bharat ki pramukh rajanitik shakti banane men saphalata paee.[3]

gopal ke shasan ki tulana

gopal ke shasan ki tulana prithu aur sagar ke sushasanon se ki gee hai. dharmik vishvason men vah snbhavat: bauddh tha aur taranath ka kathan hai ki usane patana jile men sthit vihar ke pas nalendr (nalnda) vihar ki sthapana ki. mnjushri moolakalp se bhi gyat hota hai ki usane anek vihar aur chaity banavae, bag lagavae, bandh aur pul banavae tatha devasthan aur gufaen nirmit karaee. usake shasanakal ka nishchit roop se nirnay nahin kiya ja saka hai. at: yah kahana bhi kathin hai ki gurjar pratihar shasak vatsaraj ka gaudadhipati shatru gopal tha athava usaka putr dharmapal tha.

gopal dvitiy

gopal dvitiy pal vnsh ki patanavastha ka raja tha. apane pita rajyapal ki mrityu ke bad 948 ee. men usane gaddi paee. usaki mata ka nam bhagy devi tha, jo rashtrakoot kanya thi. usaki kamazori ke parinam svaroop uttari aur pashchimi bngal palon ke hath se nikalakar himalay ke uttari kshetron se ane vali kanboj namak akramanakari jati ke hathon chala gaya. kadachit chndel vnsh ke yashovarma ne bhi 953-54 ee. ke as-pas, usake kshetron par dhava kar use haraya tha. usake kuchh abhilekh prapt hue hain, jinase magadh aur ang matr men usaka rajanitik adhikar gyat hota hai. usaki mrityu kab huee thi, yah gyat nahin hai.[3]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bhattachary, sachchidanand bharatiy itihas kosh, dvitiy snskaran-1989 (hindi), bharat diskavari pustakalay: uttar pradesh hindi snsthan, 134.

  1. 8vin sadi
  2. samany janata
  3. 3.0 3.1 3.2 gopal pratham (hindi) bharatakhoj. abhigaman tithi: 1 agast, 2015.
  4. dakshinapoorvi bngal

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah