भीटा इलाहाबाद  हिन्दी देवनागरी में पढ़ें।

bhita, ilahabad
Bhita, Allahabad

prayag se lagabhag barah mil dakshin-pashchim ki or yamuna ke tat par kee vistrit khandahar hain, jo ek prachin samriddhashali nagar ke avashesh hain. in khandaharon se prapt abhilekhon men is sthan ka prachin nam sahajati hai. bhita, sahajati ilahabad se das mil par sthit hai.

utkhanan

1909-1910 men bhita men bharatiy puratattv vibhag ki or se marshal ne utkhanan kiya tha. vibhag ke prativedan men kaha gaya hai ki khudaee men ek sundar, mitti ka bana hua vartul patt prapt hua tha, jis par sambhavatah shakuntala-dushyant ki akhyayika ka ek drishy ankit hai. isamen dushyant aur unaka sarathi kanv ke ashram men pravesh karate hue pradarshit hain aur ashramavasi unase ashram ke hiran ko n marane ke lie prarthana kar raha hai. pas hi ek kuti bhi hai, jisake samane ek kanya ashram ke vrikshon ko sinch rahi hai. yah mritkhnd shugakalin hai[1] aur is par ankit chitr yadi vastav men dushyant v shakuntala ki katha [2] se sambandhit hain, to mahakavi kalidas ka samay is tathy ke adhar par, guptakal [3] ke bajae pahali ya doosari shati se bhi kafi poorv manana hoga. kintu puratattv vibhag ke prativedan men is drishy ki samanata kalidas dvara varnit drishy se avashyak nahin mani gee hai.

bhita se, khudaee men mauryakalin vishal eenten, paravartikal ki moortiyan, mitti ki mudraen tatha anek abhilekh prapt hue hain. jinase siddh hota hai ki mauryakal se lekar gupt kal tak yah nagar kafi samriddhashali tha. yahan se prapt samagri lakhanoo ke sngrahalay men hai. bhita ke samip hi manakunvar gram se ek sundar buddh pratima mili thi, jis par maharajadhiraj kumaragupt ke samay ka ek abhilekh utkirn hai. [4]

vyaparik nagar

sahajati ya bhita, gupt aur shung kal ke poorv ek vyast vyaparik nagar ke roop men bhi prakhyat tha kyonki ek mitti ki mudra par sahajatiye nigamas yah pali shabd tisari shati ee. poo. ki brahmilipi men ankit pae ge hain. isase pramanit hota hai ki itane prachin kal men bhi yah sthan vyapariyon ke nigam ya vyaparik sngathan ka kendr tha. vastav men yah nagar mauryakal men bhi kafi samunnat raha hoga, jaisa ki us samay ke avasheshon se soochit hota hai.

panne ki pragati avastha
adhar
prarambhik
madhyamik
poornata
shodh

tika tippani aur sndarbh

  • aitihasik sthanavali se pej snkhya 668-669 | vijayendr kumar mathur | vaigyanik tatha takaniki shabdavali ayog | manav snsadhan vikas mntralay, bharat sarakar
  1. 117-72 ee. poo
  2. jis prakar vah kalidas ke natak men varnit hai
  3. 5vin shati ee
  4. 129 gupt snvath=449
  • aitihasik sthanavali | vijayendr kumar mathur | vaigyanik tatha takaniki shabdavali ayog | manav snsadhan vikas mntralay, bharat sarakar


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah