प्रश्नोपनिषद  हिन्दी देवनागरी में पढ़ें।

atharvaved ki pippalad shakha ke brahman bhag se sambandhit is upanishad men jigyasuon dvara maharshi pippalad se chhah prashn poochhe gaye hain.
pahala prashn
katyayan kabandhi-'bhagavan! yah praja kisase utpann hoti hai?'
maharshi pippalad-'praja-vriddhi ki ichchha karane vale prajapati brahma ne 'rayi' aur 'pran' namak ek yugal se praja ki utpann karaee.'
vastut: pran gati pradan karane vala chetan tattv hai. rayi use dharan karake vividh roop dene men samarth prakriti hai. is prakar brahma mithun-karm dvara srishti ko utpann karata hai.
doosara prashn
rishi bhargav-'he bhagavan! praja dharan karane vale devataon ki snkhya kitani hai aur unamen varishth kaun hai?'
maharshi pippalad-'prithvi, jal, agni, vayu aur akash tatha man, pran, vani, netr aur shrotr adi sabhi dev hain. ye jiv ke ashrayadata hai. sabhi devataon men pran hi sarvashreshth hai. sabhi indriyan pran ke ashray men hi rahati hain.'
tisara prashn
kausaly ashvalayan—'he maharshi! is 'pran' ki utpatti kahan se hoti hai, yah sharir men kaise pravesh karata hai aur kaise bahar nikal jata hai tatha kaise donon ke madhy rahata hai?'
maharshi pippalad—' is pran ki utpatti atma se hoti hai. jaise sharir ki chhaya sharir se utpann hoti hai aur usi men sama jati hai, usi prakar pran atma se prakat hota hai aur usi men sama jata hai. vah pran man ke snkalp se sharir men pravesh karata hai. maranakal men yah atma ke sath hi bahar nikalakar doosari yoniyon men chala jata hai.'
chautha prashn
gargy rishi-' he bhagavan! is purush deh men kaun-si indri shayan karati hai aur kaun-si jagrat rahati hai? kaun-si indri svapn dekhati hai aur kaun-si sukh anubhav karati hai? ye sab kisamen sthit hai?'
maharshi pippalad—'he gargy! jis prakar soory ki rashmiyan soory ke ast hote hi soory men simat jati hain aur usake udit hote hi pun: bikhar jati hain usi prakar samast indriyan paramadev man men ekatr ho jati hain. tab is purush ka bolana-chalana, dekhana-sunana, svad-asvad, soonghana-sparsh karana adi sabhi kuchh rook jata hai. usaki sthiti soye hue vyakti-jaisi ho jati hai.'
'sote samay pran-roop agni hi jagrat rahati hai. usi ke dvara any soee huee indriyan keval anubhav matr karati hain, jabaki ve soee huee hoti hain.'
panchavan prashn
satyakam—'he bhagavan! jo manushy jivan bhar 'Om' ka dhyan karata hai, vah kis lok ko prapt karata hai?'
maharshi pippalad—'he satyakam! yah 'Omkar' hi vastav men 'parabrahm' hai. 'Om' ka smaran karane vala brahmalok ko hi prapt karata hai. yah tejomay sooryalok hi brahmalok hai.'
chhatha prashn
sukesha bharadvaj—'he bhagavan! kausal desh ke rajapurush hiranyanabh ne solah kalaon se yukt purush ke bare men mujhase prashn kiya tha, parantu main use nahin bata saka. kya ap kisi aise purush ke vishay men janakari rakhate hain?'
maharshi pippalad—'he saumy! jis purush men solah kalaen utpann hoti hain, vah is sharir men hi virajaman hai. us purush ne sarvapratham 'pran' ka srijan kiya. taduparant pran se 'shraddha', 'akash', 'vayu', 'jyoti', 'prithvi', 'indriyan', 'man' aur 'ann' ka srijan kiya. ann se 'viry' , 'tap', 'mantr', 'karm', 'lok' evn 'nam' adi solah kalaon ka srijan kiya.'

snbndhit lekh

shrutiyan

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah