maianne chhutapan mean chhipakar paise boye the,
socha tha, paisoan ke pyare pe d ugeange,
rupayoan ki kaladar madhur phasalean khanakeangi
aur phool phalakar mai mota seth banooanga!
par banjar dharati mean ek n aankur phoota,
bandhya mitti ne n ek bhi paisa ugala!-
sapane jane kahaan mite, kab dhool ho gaye!
maian hatash ho bat johata raha dinoan tak
bal-kalpana ke apalak paanvade bichhakar
maian abodh tha, maianne galat bij boye the,
mamata ko ropa tha, trishna ko siancha tha!
arddhashati laharati nikal gayi hai tabase!
kitane hi madhu patajhar bit gaye anajane,
grishm tape, varsha jhooli, sharadean musakaee;
si-si kar hemant kanpe, taru jhare, khile van!
au' jab phir se gadhi, oodi lalasa liye
gahare, kajarare badal barase dharati par,
maianne kautoohal-vash aangan ke kone ki
gili tah yoan hi uangali se sahalakar
bij sem ke daba diye mitti ke niche-
bhoo ke aanchal mean mani-manik baandh diye ho!
maian phir bhool gaya is chhoti-si ghatana ko,
aur bat bhi kya thi yad jise rakhata man!
kintu, ek din jab maian sandhya ko aangan mean
tahal raha tha- tab sahasa, maine dekha
use harsh-vimoodh ho utha maian vismay se!
dekha-aangan ke kone mean kee navagat
chhote-chhote chhata tane kh de hue haian!
chhata kahooan ki vijay patakaean jivan ki,
ya hatheliyaan khole the ve nanhian pyari-
jo bhi ho, ve hare-hare ullas se bhare
pankh marakar u dane ko utsuk lagate the-
dimb to dakar nikale chidiyoan ke bachchoan se!
nirnimesh, kshan bhar, maian unako raha dekhata-
sahasa mujhe smaran ho aya-kuchh din pahile
bij sem ke maine rope the aangan mean,
aur unhian se baune paudho ki yah palatan
meri aankhoan ke sammukh ab kh di garv se,
nanhean nate pair patak, badhati jati hai!
tab se unako raha dekhata dhire-dhire
anaginati pattoan se lad, bhar gayi jha diyaan,
hare-bhare tang gaye kee makhamali chandove!
belean phail gayi bal kha, aangan mean lahara,
aur sahara lekar ba de ki tatti ka
hare-hare sau jharane phoot p de oopar ko-
maian avak rah gaya - vansh kaise badhata hai!
chhote taroan-se chhitare, phooloan ke chhitean
jhagoan-se lipate laharoan shyamal lataroan par
sundar lagate the, mavas ke hansamukh nabh-se,
choti ke moti-se, aanchal ke bootoan-se!
oh, samay par unamean kitani phaliyaan phooti!
kitani sari phaliyaan, kitani pyari phaliyaan-
patali chau di phaliyaan! uph unaki kya ginati!
lambi-lambi aanguliyoan - si nanhian-nanhian
talavaroan-si panne ke pyare haroan-si,
jhooth n samajhean chandr kalaoan-si nit badhati,
sachche moti ki l diyoan-si, dher-dher khil
jhund-jhund jhilamilakar kachapachiya taroan-si!
ah itani phaliyaan tooti, ja doan bhar khaeean,
subah sham ve ghar-ghar pakian, p dos pas ke
jane-anajane sab logoan mean bantavaeean
bandhu-baandhavoan, mitroan, abhyagat, mangatoan ne
ji bhar-bhar din-rat mahulle bhar ne khaeean !-
kitani sari phaliyaan, kitani pyari phaliyaan!
yah dharati kitana deti hai! dharati mata
kitana deti hai apane pyare putroan ko!
nahian samajh paya tha maian usake mahatv ko,-
bachapan mean chhiah svarth lobh vash paise bokar!
ratn prasavini hai vasudha, ab samajh saka hooan.
isamean sachchi samata ke dane bone hai;
isamean jan ki kshamata ka dane bone hai,
isamean manav-mamata ke dane bone haian,-
jisase ugal sake phir dhool sunahali phasalean
manavata ki - jivan shram se hanse dishaean-
ham jaisa boyeange vaisa hi payeange.
