रिपोर्ताज  हिन्दी देवनागरी में पढ़ें।

riportaj fransisi bhasha ka shabd hai aur angrezi shabd 'riport' se isaka gahara sambandh hai. riport kisi ghatana ke yathatathy sadhy varnan ko kahate hain. riport samanyat: samachar patr ke lie likhi jati hai aur usamen sahityikata nahin hoti. riport ke kalatmak aur sahityik roop ko hi 'riportaj' kahate hain. vastugat tathy ko rekhachitr ki shaili men prabhavotpadak dhng se ankit karane men hi riportaj ki saphalata hai.

arth evn uddeshy

jivan ki soochanaon ki kalatmak abhivyakti ke lie riportaj ka janm hua. riportaj patrakarita ke kshetr ki vidha hai. is shabd ka udbhav fransisi bhasha se mana jata hai. is vidha ko gady vidhaon men sabase naya kah sakate hain. dvitiy vishvayuddh ke samay yoorop ke rachanakaron ne yuddh ke morche se sahityik riport taiyar ki. in riporton ko hi bad men riportaj kaha gaya. vastutah yatharth ghatanaon ko snvedanashil sahityik shaili men prastut kar dene ko hi riportaj kaha jata hai.[1]

ghatana pradhan

ankhon-dekhi aur kanon-suni ghatanaon par riportaj likha ja sakata hai, kalpana ke adhar par nahin. lekin tathyon ke varnan matr se riportaj nahin bana karata, riport bhale hi ban sake. ghatana-pradhan hone ke sath hi riportaj ko kathatattv se bhi yukt hona chahie. riportaj lekhak ko patrakar tatha kalakar ki dohari zimmedari nibhani padati hai. sath hi usake lie avashyak hota hai ki vah janasadharan ke jivan ki sachchi aur sahi janakari rakhe aur utsavon, melon, badhon, akalon, yuddhon aur mahamariyon jaise sukh-du:kh ke kshanon men janata ko nikat se dekhe. tabhi vah akhabari riportar aur sahityik rachanakar ki haisiyat se jan-jivan ka prabhavotpadak byora likh sakega.

arnbhik yug

hindi khadi boli gady ke arnbh ke sath hi anek nee vidhaon ka chalan hua. in vidhaon men kuchh to sayas thin aur kuchh ke gun anayas hi kuchh gadyakaron ke lekhan men a ge the. vastavik roop men to riportaj ka janm hindi men bahut bad men hua, lekin bharatenduyugin sahity men isaki kuchh visheshataon ko dekha ja sakata hai. udaharanasvaroop, bharatendu ne svayn janavari, 1877 ki ‘harishchndr chndrika’ men dilli darabar ka varnan kiya hai, jisamen riportaj ki jhalak dekhi ja sakati hai. riportaj lekhan ka pratham sayas prayas shivadan sinh chauhan dvara likhit ‘lakshmipura’ ko mana ja sakata hai. yah san 1938 men ‘roopabh’ patrika men prakashit hua tha. isake kuchh samay bad hi ‘hns’ patrika men unaka doosara riportaj ‘maut ke khilaph zindagi ki ladaee’ shirshak se prakashit hua. hindi sahity men yah pragatishil sahity ke arnbh ka kal bhi tha. kee pragatishil lekhakon ne is vidha ko samriddh kiya. shivadan sinh chauhan ke atirikt amritaray aur prakashachnd gupt ne bade jivnt riportajon ki rachana ki.

rangey raghav ka yogadan

rangey raghav riportaj ki drishti se sarvashreshth lekhak kahe ja sakate hain. san 1946 men prakashit ‘toophanon ke bich men’ namak riportaj men inhonne bngal ke akal ka bada marmik chitran kiya hai. rangey raghav apane riportajon men vastavik ghatanaon ke bich men se sajiv patron ki srishti karate hain. ve garibon aur shoshiton ke lie pratibaddh lekhak the. is pustak ke nirdhan aur akal pidit nirih patron men unaki lekhakiy pratibaddhata ko dekha ja sakata hai. lekhak vipadagrast manaviyata ke bich snbal ki tarah khada dikhaee deta hai.

riportaj ki hindi shaili

dvitiy mahayuddh men riportaj sahityik gady roop pashchaty sahity aur visheshat: roosi sahity men bahut lokapriy aur vikasit hua. eliya eranabarg ko riportaj lekhak ke roop men badi khyati mili. hindi men riportaj sahity moolat: videshi sahity ke prabhav se aya, par hindi men riportaj ki shaili mnj nahin saki hai. bngal ke akal aur jan-andolan adi vishayon ko lekar kuchh riportaj likhe avashy gaye, par hindi men riportaj ko ek sunishchit sahity roop ki pratishtha abhi nahin mil saki hai. sarvashri prakashachandr gupt, rangey raghav, prabhakar machave, amritaray, renu adi ne hindi men riportaj likhe hain.[1]

svatntrayottar yug

svatntrata prapti ke bad ke riportaj lekhan ka hindi men chalan badha. is samay ke lekhakon ne abhivyakti ki vividh shailiyon ko adhar banakar ne prayog karane arnbh kar die the. ramanarayan upadhyay krit ‘amir aur garib’ riportaj sngrah men vyngyatmak shaili ko adhar banakar samaj ke shashvat vibhajan ko chitrit kiya gaya hai. phanishvaranath renu ke riportajon ne is vidha ko nee tajagi di. 'rin jal dhan jal’ riportaj sngrah men bihar ke akal ko abhivyakti mili hai aur ‘nepali krantikatha’ men nepal ke lokatantrik andolan ko kathy banaya gaya hai.

any mahatvapoorn riportajon men bhndat annd kausalyayan krit ‘desh ki mitti bulati hai’, dharmavir bharati krit ‘yuddhayatra’ aur shamasher bahadur sinh krit ‘plat ka morcha’ ka nam liya ja sakata hai. snkshep men yah kaha ja sakata hai ki apane samay ki samasyaon se joojhati janata ko hamare lekhakon ne apane riportajon men hamare samane prastut kiya hai, lekin hindi riportaj ke bare men yah bhi sach hai ki is vidha ko vah oonchaee nahin mil saki, jo ki ise milani chahie thi.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 hindi sahity kosh, bhag-1 |lekhak: dhirendr varma |snkalan: bharat diskavari pustakalay |prishth snkhya: 560 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah