जैन धर्म  हिन्दी देवनागरी में पढ़ें।

jain dharm
jain dharm ka pratik chihn
vivaran jain dharm arthath 'jin' bhagavan ka dharm. 'jain dharm' bharat ki shraman parampara se nikala dharm aur darshan hai.
jain evn jin 'jain' unhen kahate hain, jo 'jin' ke anuyayi hon. 'jin' shabd bana hai 'ji' dhatu se. 'ji' yani jitana. 'jin' arthath jitane vala. jinhonne apane man ko jit liya, apani vani ko jit liya aur apani kaya ko jit liya ho, ve 'jin' kahalate hai.
prachinata jain dharm ke anuyayiyon ki manyata hai ki unaka dharm 'anadi'[1] aur sanatan hai.
shakhaen digambar aur shvetambar
tirthnkar jain dharm men 24 tirthnkar mane ge hain, jinhen is dharm men bhagavan ke saman mana jata hai. vardhaman mahavir, jain dharm ke pravartak bhagavan shri rishabhanath[2] ki parampara men 24ven tirthnkar the.
dharm grnth bhagavan mahavir ne sirf pravachan hi die the. unhonne kisi grnth ki rachana nahin ki thi, lekin bad men unake ganadharon ne unake amrit vachan aur pravachanon ka sngrah kar liya. yah sngrah moolat: prakrit bhasha men hai.
jain anushruti mathura men vibhinn kalon men anek jain moortiyan mili hain, jo jain sngrahalay mathura men sngrahit hain.
any janakari jain parampara men 63 shalaka mahapurush mane ge hain. puranon men inaki kathaen tatha dharm ka varnan adi hai. prakrit, snskrit, apabhrnsh tatha any deshi bhashaon men anek puranon ki rachana huee hai.

jain dharm bharat ki shraman parampara se nikala dharm aur darshan hai. 'jain' unhen kahate hain, jo 'jin' ke anuyayi hon. 'jin' shabd bana hai 'ji' dhatu se. 'ji' yani jitana. 'jin' arthath jitane vala. jinhonne apane man ko jit liya, apani vani ko jit liya aur apani kaya ko jit liya, ve hain 'jin'. jain dharm arthath 'jin' bhagavan ka dharm. vastr-hin badan, shuddh shakahari bhojan aur nirmal vani ek jain-anuyayi ki pahali pahachan hai. yahan tak ki jain dharm ke any log bhi shuddh shakahari bhojan hi grahan karate hain tatha apane dharm ke prati bade sachet rahate hain.

prachinata

jain dharm ke anuyayiyon ki manyata hai ki unaka dharm 'anadi'[3] aur sanatan hai. samanyat: logon men yah manyata hai ki jain sampraday ka mool un prachin pnraparaon men raha hoga, jo aryon ke agaman se poorv is desh men prachalit thin. kintu yadi aryon ke agaman ke bad se bhi dekha jaye to rishabhadev aur arishtanemi ko lekar jain dharm ki parnpara vedon tak pahunchati hai.
antim anubaddh (kevali) shri 1008 jamboosvami
mahabharat ke yuddh ke samay is snpraday ke pramukh neminath the, jo jain dharm men many tirthnkar hain. ee. poo. athavin sadi men 23ven tirthnkar parshvanath hue, jinaka janm kashi (vartaman banaras) men hua tha. kashi ke pas hi 11ven tirthnkar shreyansanath ka janm hua tha. inhin ke nam par saranath ka nam prachalit hai. jain dharm men shraman snpraday ka pahala sngathan parshvanath ne kiya tha. ye shraman vaidik parnpara ke viruddh the. mahavir tatha buddh ke kal men ye shraman kuchh bauddh tatha kuchh jain ho ge the. in donon ne alag-alag apani shakhaen bana lin. bhagavan mahavir jain dharm ke 24ven tirthnkar the, jinaka janm lagabhag ee. poo. 599 men hua aur jinhonne 72 varsh ki ayu men dehatyag kiya. mahavir svami ne sharir chhodऩe se poorv jain dharm ki ninv kafi majaboot kar di thi. ahinsa ko unhonne jain dharm men achchhi tarah sthapit kar diya tha. sansarikata par vijayi hone ke karan ve 'jin' (jayi) kahalaye. unhin ke samay se is snpraday ka nam 'jain' ho gaya.[4]

matabhed tatha vibhajan

jain dharm ke 24 tirthnkar
kramank snkhya tirthakar ka nam
1. rishabhanath tirthnkar
2. ajitanath
3. sambhavanath
4. abhinandananath
5. sumatinath
6. padmaprabh
7. suparshvanath
8. chandraprabh
9. pushpadant
10. shitalanath
11. shreyansanath
12. vasupoojy
13. vimalanath
14. anantanath
15. dharmanath
16. shantinath
17. kunthunath
18. aranath
19. mallinath
20. munisubranath
21. naminath
22. neminath tirthnkar
23. parshvanath tirthnkar
24. vardhaman mahavir

maury samrat ashok ke abhilekhon se yah pata chalata hai ki usake samay men magadh men jain dharm ka prachar tha. lagabhag isi samay mathon men basane vale jain muniyon men yah matabhed shuroo hua ki tirthnkaron ki moortiyan kapade pahanakar rakhi jaen ya nagn avastha men. is bat par bhi matabhed tha ki jain muniyon ko vastr pahanana chahie ya nahin. age chalakar yah matabhed aur bhi badh gaya. eesa ki pahali sadi men akar jain matavalnbi muni do dalon men bnt ge. ek dal 'shvetambar' aur doosara dal 'digambar' kahalaya. 'shvetambar' aur 'digambar' in donon snpradayon men matabhed darshanik siddhanton se adhik charitr ko lekar hai. digambar acharan palan men adhik kathor mane jate hain, jabaki shvetambar kuchh udar hain. shvetambar snpraday ke muni shvet vastr dharan karate hain, jabaki digambar muni nirvastr rahakar sadhana karate hain. yah niyam keval muniyon par lagoo hota hai. digambar snpraday yah manata hai ki mool agam grnth lupt ho chuke hain, 'kaivaly gyan' prapt hone par siddh ko bhojan ki avashyakata nahin rahati aur stri sharir se 'kaivaly gyan' snbhav nahin hai; kintu shvetambar snpraday aisa nahin manate hain.

shakhaen

jain dharm ki digambar shakha men tin shakhaen hain-
  1. mndiramargi
  2. moortipoojak
  3. terapnthi
shvetambar men shakhaon ki snkhya do hai-
  1. mndiramargi
  2. sthanakavasi

digambar snpraday ke muni vastr nahin pahanate. 'digh‌' arthath disha. disha hi anbar hai, jisaka vah 'digambar'. vedon men bhi inhen 'vatarashana' kaha gaya hai. jabaki shvetambar snpraday ke muni safed vastr dharan karate hain. lagabhat tin sau varshon pahale shvetambaron men hi ek any shakha aur nikali 'sthanakavasi'. ye log moortiyon ki pooja nahin karate hain.

  • jainiyon ki any shakhaon men 'terahapnthi', 'bisapnthi', 'taranapnthi' aur 'yapaniy' adi kuchh aur bhi up-shakhaen hain. jain dharm ki sabhi shakhaon men thoda-bahut matabhed hone ke bavajood bhagavan mahavir tatha ahinsa, snyam aur anekantavad men sabaka saman vishvas hai.[5]

dharm ka prachar-prasar

eesa ki pahali shatabdin men kaling ke raja kharavel ne jain dharm svikar kiya. eesa ki arnbhik sadiyon men uttar men mathura aur dakshin men maisoor jain dharm ke bahut bade kendr the. panchavin se barahavin shatabdin tak dakshin ke gng, kadamb, chaluky aur rashtrakoot rajavnshon ne jain dharm ke prachar-prasar men bahut sahayog evn sahayata pradan ki. in rajaon ke yahan anek jain kaviyon ko ashray evn sahayata prapt thi. gyaharavin sadi ke as-pas chaluky vnsh ke raja siddharaj aur unake putr kumarapal ne jain dharm ko rajadharm bana diya tatha gujarat men usaka vyapak prachar-prasar kiya. hindi ke prachalan se poorv apabhrnsh bhasha ka prayog hota tha. apabhrnsh bhasha ke kavi, lekhak evn vidvanh hemachandr isi samay ke the. hemachandr raja kumarapal ke darabar men hi the. samanyat: jain matavalnbi shantipriy svabhav ke hote the. isi karan mugal kal men in par adhik atyachar nahin hue. us samay ke sahity evn any vivaranon se prapt janakariyon ke anusar akabar ne jain anuyaiyon ki thodi bahut madad bhi ki thi. kintu dhire-dhire jainiyon ke math tootane evn bikharane lage. jain dharm moolat: bharatiy dharm hai. bharat ke atirikt poorvi afrika men bhi jain dharm ke anuyayi milate hain.[4]

jain anushruti

mathura men vibhinn kalon men anek jain moortiyan mili hain, jo jain sngrahalay mathura men sngrahit hain. avaidik dharmon men jain dharm sabase prachin hai, pratham tirthnkar bhagavan rishabhadev mane jate hain. jain dharm ke anusar bhi rishabhadev ka mathura se snbndh tha. jain dharm ki prachalit anushruti ke anusar nabhiray ke putr bhagavan rishabhadev ke adesh se indr ne 52 deshon ki rachana ki thi. shoorasen desh aur usaki rajadhani mathura bhi un deshon men thi.[6] jain `harivnsh puran' men prachin bharat ke jin 18 maharajyon ka ullekh hua hai, unamen shoorasen aur usaki rajadhani mathura ka nam bhi hai. jain manyata ke anusar pratham tirthnkar rishabhadev ke sau putr hue the.

dharm grnth

jain dharm grnth par adharit dharm nahin hai. bhagavan mahavir ne sirf pravachan hi die the. unhonne kisi grnth ki rachana nahin ki thi, lekin bad men unake ganadharon ne unake amrit vachan aur pravachanon ka sngrah kar liya. yah sngrah moolat: prakrit bhasha men hai, vishesh roop se magadhi men. prophesar mahavir saran jain ka mat hai ki jain sahity ki drishti se digambar amnay ke achary gunadhar evn achary dharasen ke grnthon men magadhi prakrit ka nahin apitu shauraseni prakrit ka prayog hua hai. ye grnth gady men hain. achary dharasen ka samay sanh 87 eesavin ke lagabhag many hai. achary gunadhar ka samay achary dharasen ke poorv mana jata hai. achary gunadhar ki rachana kasay pahud sutt tatha achary dharasen evn unake shishyon achary pushpadnt tatha achary bhootabali dvara rachit shatakhndagam hai jinamen pratham shatabdi ke lagabhag ki shauraseni prakrit ka prayog hua hai.

dharmah sarv sukhakaro hitakaro, gharm budhashchinvate .
dharmenaiv samapyate shivasukhn, dharmay tasmai namah .
dharmannastyaparah suhridbhavabhritan, dharmasy mooln daya .
dharme chittamahn dadhe pratidinn, he dharm ! man palay ..1 ..

gomateshvar ki pratima, shravanabelagola, maisoor

samast agam grnthon ko char bhagon main banta gaya hai-

  1. prathamanuyog
  2. karananuyog
  3. chararnanuyog
  4. dravyanuyog.
12 angagrnth

achar, sootrakrit, sthan, samavay, bhagavati, gyata dharmakatha, upasakadasha, antakritadasha, anuttar upapatikadasha, prashn-vyakaran, vipak aur drishtivad. inamen 11 ang to milate hain, kintu barahavan drishtivad ang nahin milata.

12 upangagrnth

aupapatik, rajaprashniy, jivabhigam, prgyapana, jamboodvip prgypti, chndr prgypti, soory prgypti, nirayavali ya kalpik, kalpavatasika, pushpika, pushpachooda aur vrishnidasha.

10 prakirnagrnth

chatuahsharan, snstar, atur pratyakhyan, bhaktaparigya, tandul vaitalik, chndavithyay, devendrastav, ganitavidya, mahapratyakhyan aur virastav.

6 chhedagrnth

nishith, mahanishith, vyavahar, dashashataskndh, brihatkalp aur panchakalp.

4 moolasootr

uttaradhyayan, avashyak, dashavaikalik aur pindaniryyukti.

2 svatntr grnth

anuyog dvar aur nandi dvar.

jain puran parichay

jain parampara men 63 shalaka mahapurush mane ge hain. puranon men inaki kathaen tatha dharm ka varnan adi hai. prakrit, snskrit, apabhrnsh tatha any deshi bhashaon men anek puranon ki rachana huee hai. donon sampradayon ka puran sahity vipul pariman men upalabdh hai. inamen bharatiy itihas ki mahattvapoorn samagri milati hai. mukhy puran hain- jinasen ka 'adipuran' aur jinasen (dvi.) ka 'arishtanemi' (harivnshapuran), ravishen ka 'padmapuran' aur gunabhadr ka 'uttarapuran'. prakrit aur apabhrnsh bhashaon men bhi ye puran upalabdh hain. bharat ki snskriti, parampara, darshanik vichar, bhasha, shaili adi ki drishti se ye puran bahut mahattvapoorn hain.

any grnth

shatkhandagam, dhavala tika,shatkhandagam- siddhantachintamani tika, mahadhavala tika, kasayapahud, jayadhavala tika, samayasar, yogasar pravachanasar, panchastikayasar, barasanuvekkha, aptamimansa, ashtashati tika, ashtasahasri tika, ratnakarand shravakachar, tattvarthasootr, tattvartharajavartik tika, tattvarthashlokavartik tika, samadhitantr, ishtopadesh, bhagavati aradhana, moolachar, gommatasar, dravyasangrah, akalankagranthatrayi, laghiyastrayi, nyayakumudachandr tika, pramanasangrah, nyayavinishchayavivaran, siddhivinishchayavivaran, parikshamukh, prameyakamalamartand tika, purusharthasiddhyupay bhadrabahu snhita adi.[7]

ek prasng

jivndhar kumar nam ke ek rajakumar ne ek bar marate he kutte ko mahamntr namokar sunaya, jisase usaki atma ko bahut shanti mili aur vah marakar sundar devata yakshendr ho gaya. vahan janm lete hi use yad a gaya ki mujhe ek rajakumar ne mahamntr sunakar is devayoni ko dilaya hai| tab vah turnt apane upakari rajakumar ke pas aya aur unhen namaskar kiya. rajakumar tab tak us kutte ko liye baithe hue the, dev ne unase kahe- "rajanh ! main apaka bahut ahasan manata hoon ki apane mujhe is yoni men pahuncha diya." jivndhar kumar yah drishy dekhakar bade prasann hue aur use sadaiv us mahamntr ko padhane ki prerana di. dev ne unase kaha- "svaminh ! jab bhi apako kabhi meri zaroorat lage to mujhe avashy yad karana aur mujhe kuchh seva ka avasar avashy pradan karana. main apaka upakar hamesha smaran karoonga."

vah mahamntr is prakar hai-

namo arihntann.
namo siddhann.
namo airiyann.
namo uvajjhayann.
namo loe savvasahoonn॥

arthat- arihnto ko namaskar, siddhon ko namaskar, acharyon ko namaskar, upadhyayon ko namaskar, sarv sadhuon ko namaskar.

jain shastron ke anusar hastinapur tirth karodon varsh prachin mana gaya hai. shri jinasenachary dvara rachit adipuran granth ke anusar pratham tirthnkar bhagavan rishabhadev ne yug ki adi men yahan ek varsh ke upavas ke pashchath raja shreyans ke dvara jain vidhi se navadha bhakti poorvak padagahan karane ke bad ikshu ras ka ahar grahan kiya tha. unaki smriti men vahan jamboodvip tirth parisar men unaki ahar mudra ki pratima virajaman hain. usake darshan karake bhaktagan prachin itihas se parichit hote hain.

tirthnkar

jain dharm men 24 tirthnkar mane ge hain, jinhen is dharm men bhagavan ke saman mana jata hai. 'tirthnkar' shabd ka jain dharm men bada hi mahattv hai. 'tirth' ka arth hai- "jisake dvara snsar samudr tara jae, par kiya jae." jain dharm ahinsa pradhan dharm hai. isamen un 'jinon' evn mahatmaon ko tirthnkar kaha gaya hai, jinhonne pravartan kiya, upadesh diya aur asnkhy jivon ko is snsar se 'tar' diya. in 24 tirthnkaron ne apane-apane samay men dharmamarg se chyut ho rahe jan-samuday ko snbodhit kiya aur use dharmamarg men lagaya. isi se inhen dharmamarg aur mokshamarg ka neta tirth pravarttak 'tirthnkar' kaha gaya hai. jain siddhant ke anusar 'tirthnkar' nam ki ek puny karm prakriti hai. usake uday se tirthnkar hote aur ve tattvopadesh karate hain. achary vidyannd ne spasht kaha hai- "bina tirthnkaratven namna narthopadeshana" arthath bina tirthnkar-punyanamakarm ke tattvopadesh snbhav nahin hai.

tirthnkar rishabhadev

rishabhadev

jain tirthnkaron men pratham tirthnkar rishabhadev hain. jain sahity men inhen prajapati, adibrahma, adinath, brihaddev, purudev, nabhisoonu aur vrishabh namon se bhi samullekhit kiya gaya hai. yugarnbh men inhonne praja ko ajivika ke lie krishi[8], masi[9], asi[10], shilp, vanijy[11] aur seva- in shatkarmon (jivanavritiyon) ke karane ki shiksha di thi, isalie inhen ‘prajapati’[12], mata ke garbh se ane par hirany (suvarn ratnon) ki varsha hone se ‘hiranyagarbh’[13], vimalasoori-[14], dahine pair ke talue men bail ka chihn hone se ‘rishabh’, dharm ka pravartan karane se ‘vrishabh’[15], sharir ki adhik oonchaee hone se ‘brihaddev’[16]evn purudev, sabase pahale hone se ‘adinath’[17] aur sabase pahale mokshamarg ka upadesh karane se ‘adibrahma’[18]kaha gaya hai. rishabhadev ke pita ka nam nabhiray hone se inhen ‘nabhisoonu’ bhi kaha gaya hai. inaki mata ka nam marudevi tha. rishabhadev bhagavan ka janm koda kodi varsh poorv ayodhya nagari men chaitr krishn navami ke din mata marudevi ke garbh se hua tha. punah lakhon varshon tak rajy satta snchalan karane ke bad chaitr krishna navami ke din hi unhonne jaineshvari diksha dharan kar li thi, aisa jain shastron men kathan milata hai. unaki smriti men prativarsh dignbar jain samaj ki or se janmadin ka mela ayojit kiya jata hai. ayodhya dignbar jain tirthakshetr kameti ke vartaman adhyaksh svasti shri karmayogi pithadhish ravindrakirti svami ji - jamboodvip, hastinapur vale hain.unake netritv men poore desh ki jainasamaj ke shraddhalu bhakt mele men bhag lene hetu ayodhya pahunchate hain. vahan bhagavan rishabhadev ka mastakabhishek - rathayatra - sabha adi ka ayojan hota hai. is varsh yah varshik mela 4 aprail - 2013 chaitr krishna navami ko ayojit ho raha hai.[19]

mahavir

vardhaman mahavir ya mahavir, jain dharm ke pravartak bhagavan shri rishabhanath[20] ki parampara men 24ven tirthnkar the. inaka jivan kal 599 eesavi, eesa poorv se 527 eesvi eesa poorv tak mana jata hai. vardhaman mahavir ka janm ek kshatriy rajakumar ke roop men ek rajaparivar men hua tha. inake pita ka nam raja siddharth evn mata ka nam priyakarini tha. unaka janm prachin bharat ke vaishali rajy, jo ab bihar prant men hua tha. vardhaman mahavir ka janm din samast bharat men mahavir jayanti ke roop men manaya jata hai. digambar jain agam grnthon ke anusar bhagavan mahavir bihar prant ke kundalapur nagar men aj (san 2013) se 2612 varsh poorv maharaja siddharth ki maharani trishala ke garbh se chaitr krishn trayodashi ko janme the. vah kundalapur vartaman men nalnda zile men avasthit hai.

inhen bhi dekhen: tirthnkar, tirthnkar upadesh evn jain dharm ke siddhant

tirthnkar upadesh

jain dharm ke 24 tirthnkaron ne apane-apane samay men dharm marg se chyut ho rahe janasamuday ko snbodhit kiya aur use dharm marg men lagaya. isi se inhen 'dharm marg-moksh marg ka neta' aur 'tirth pravarttak' arthath 'tirthnkar' kaha gaya hai. jain siddhant ke anusar 'tirthnkar' nam ki ek puny, prashast karm prakriti hai. usake uday se tirthnkar hote aur ve tattvopadesh karate hain.

  • achary vidyannd ne spasht kaha hai[21] ki 'bina tirthnkaratven namna narthopadeshana' arthath bina tirthnkar-punyanamakarm ke tattvopadesh snbhav nahin hai.[22]
  • in tirthnkaron ka vah upadesh jin shasan, jinagam, jinashrut, dvadashang, jin pravachan adi namon se ullikhit kiya gaya hai. unake is upadesh ko unake pramukh evn pratibhashali shishy vishayavar bhinn-bhinn prakaranon men nibaddh ya grathit karate hain. atev use 'prabndh' evn 'granth' bhi kahate hain. unake upadesh ko nibaddh karane vale ve pramukh shishy jainavanamay men ganadhar kahe jate hain. ye ganadhar atyant sookshmabuddhi ke dharak evn vishisht kshayopasham vale hote hain. unaki dharanashakti aur smaranashakti asadharan hoti hai.

bharat rishabhadev putr

rishabhadev ke putr bharat bahut dharmik the. unaka vivah vishvaroop ki kanya pnchajani se hua tha. bharat ke samay se hi ajanabhavarsh namak pradesh bharat kahalane laga tha. rajy-kary apane putron ko saunpakar ve pulahashram men rahakar tapasya karane lage. ek din ve nadi men snan kar rahe the. vahan ek garbhavati hirani bhi thi. sher ki dahad sunakar mrigi ka nadi men garbhapat ho gaya aur vah kisi gufa men chhipakar mar gayi. bharat ne nadi men bahate asahay mrigashavak ko palakar bada kiya. usake moh se ve itane avritt ho gaye ki agale janm men mrig hi bane. mrig ke prem ne unake vairagy marg men vyaghat utpann kiya tha, kintu mrig ke roop men bhi ve bhagavat-bhakti men lage rahe tatha apani man ko chhodakar pulahashram men pahunch gaye. bharat ne agala janm ek brahman ke ghar men liya. unhen apane bhootapoorv janm nirntar yad rahe. brahman unhen padhane ka prayatn karate-karate mar gaya, kintu bharat ki adhyayan men ruchi nahin thi.

jain dharm ke pramukh siddhant

jain dharm ke pramukh siddhant nimnalikhit hain:-

  • nivrittimarg
  • eeshvar
  • srishti
  • karm
  • triratn
  • gyan
  • syadavad ya anekantavad ya saptabhngi ka siddhant
  • anekatmavad
  • nirvan
  • kayaklesh
  • nagnata
  • pnchamahavrat
  • pnch anuvrat
  • atharah pap
  • jain dharm ki prasngikata
  • jain grnth bhagavan mahavir evn jain darshan men jain dharm evn darshan ki yugin prasngikata ko vyakhyayit karate hue yah mat vyakt kiya hai ki aj ke manushy ko vahi dharm-darshan prerana de sakata hai tatha manovaigyanik, samajik, rajanitik samasyaon ke samadhan men prerak ho sakata hai jo vaigyanik avadharanaon ka paripoorak ho, lokatntr ke adharabhoot jivan moolyon ka poshak ho, sarvadharm samabhav ki sthapana men sahayak ho, anyonyashrit vishv vyavastha evn sarvabhaumikata ki drishti ka pradata ho tatha vishv shanti evn antarrashtriy sadbhavana ka prerak ho. lekhak ne in pratimanon ke adhar par jain dharm evn darshan ki mimansa ki hai.

vithika


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. annt samay pahale ka
  2. shri adinath
  3. annt samay pahale ka
  4. 4.0 4.1 aise janma jain dharm (hindi). . abhigaman tithi: 26 faravari, 2013.
  5. jain dharm- itihas ki najar men (hindi). . abhigaman tithi: 26 faravari, 2013.
  6. jinasenachary krit mahapuran- parv 16,shlok 155
  7. jain dharm grnth aur puran (hindi). . abhigaman tithi: 26 faravari, 2013.
  8. kheti
  9. likhana-padhana, shikshan
  10. raksha hetu talavar, lathi adi chalana
  11. vibhinn prakar ka vyapar karana
  12. achary samantabhadr, svayambhustotr, shlok 2|
  13. jinasen, mahapuran, 12-95
  14. pumachariyn, 3-68|
  15. a. samantabhadr, svayambhoo stotr, shlok 5|
  16. madanakirti, shasanachatustrinshika, shlok 6, snpa. daau. darabari lal kothiya.
  17. manatung, bhaktamar adinath stotr, shlok 1, 25 |
  18. manatung, bhaktamar adinath stotr, shlok 1, 25 |
  19. adyatan- dinank 20 march 2013
  20. shri adinath
  21. rishabhadimahavirantebhy: svatmopalabdhaye.
    dharmatirthnkarebhyoastu syadvadibhyo namonam:॥ akalnk, laghiyastray, 1
  22. aptapariksha, karika 16

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah