विदेह  हिन्दी देवनागरी में पढ़ें।

videh uttari bihar ka prachin janapad tha, jisaki rajadhani mithila men thi. sthool roop se isaki sthiti vartaman tirahut ke kshetr men mani ja sakati hai. kosal aur videh ki sima par sadanira nadi bahati thi. brahman grnthon men videharaj janak ko samrat kaha gaya hai, jisase uttar vaidik kal men videh rajy ka mahatv soochit hota hai.[1]

pauranik ullekh

'shatapath brahman' men 'videgh' ya 'videh' ke raja mathav ka ullekh hai, jo moolaroop se sarasvati nadi ke tatavarti pradesh men rahate the aur pichhe videh men jakar bas ge the. inhonne hi poorvi bharat men ary sabhyata ka prachar kiya tha. shankhayan shrautasootr[2] men jalajatu karny namak videh, kashi aur kosal ke purohit ka ullekh hai. valmiki ramayan men sita ke pita mithiladhip janak ko 'vaideh' kaha gaya hai-

‘aiv muktva munishreshth vaideho mithiladhipah.'[3]
  • sita isi karan 'vaidehi' kahalati thin.
  • 'mahabharat' men bhi videh desh par bhim ki vijay ka ullekh hai tatha janak ko yahan ka raja bataya gaya hai, jo nishchiy poorv hi videh nareshon ka kulanam tha-
'sharmakanh varmakanshchaiv vyajayath santvapoorvakamh, vaidehakn rajann janakn jagatipapatimh.'[4]
'varshatrayante ch vabhroo grasen prabhritibhiryadavairn tadratnn krishnonapahritamiti kritavagatibhirvidehanagari gatva baladevassampratyayydvarakamanit.
  • bauddh kal men snbhavatah bihar ke vrijji tatha lichchhavi janapadon ki bhanti ki videh bhi ganarajy ban gaya tha. jain tirthnkar mahavir ki mata 'trishala' ko jain sahity men 'videhadatta' kaha gaya hai. is samay vaishali ki sthiti videh rajy men mani jati thi, jaisa ki 'acharangasootr'[8] soochit hota hai, yadyapi buddh aur mahavir ke samay men vaishali lichchhavi ganarajy ki bhi rajadhani thi. tathy yah jan padata hai ki is kal men videh nam snbhavatah sthool roop se uttari bihar ke snpoorn kshetr ke lie prayukt hone laga tha. yah tathy 'digghanikay' men ajatashatru[9] ke vaidehiputr nam se ullikhit hone se bhi siddh hota hai.[1]

katha

ek bar raja janak ne apani yaugik kriyaon se sthool sharir ka tyag kar diya. svargalok se ek viman unaki atma ko lene ke lie aya. dev lok ke raste se janak kalapuri pahunche, jahan bahut-se papi log vibhinn narakon se pratadit kiye ja rahe the . un logon ne jab janak ko chhookar jati huee hava men sans li to unhen apani pratadanaon ka shaman hota anubhav hua aur narak ki agni ka tap shitalata men badalane laga. jab janak vahan se jane lage, tab narak ke vasiyon ne unase rukane ki prarthana ki. janak sochane lage- "yadi ye narakavasi meri upasthiti se kuchh aram anubhav karate hain to main isi kalapuri men rahoonga, yahi mera svarg hoga."

aisa sochate hue ve vahin rook gaye. tab kal vibhinn prakar ke papiyon ko unake karmanusar dnd dene ke vichar se vahan pahunche aur janak ko vahan dekhakar unhonne poochha- "ap yahan narak men kya kar rahe hain?" janak ne apane thaharane ka karan batate hue kaha ki ve vahan se tabhi prasthan karenge, jab kal un sabako mukt kar dega. kal ne pratyek papi ke vishay men bataya ki use kyon pratadit kiya ja raha hai. janak ne kal se unaki pratadana se mukti ki yukti poochhi. kal ne kaha- "tumhare kuchh puny inako de den to inaki mukti ho sakati hai." janak ne apane puny unake prati de diye. unake mukt hone ke bad janak ne kal se poochha- "mainne kaun sa pap kiya tha ki mujhe yahan ana pada?" kal ne kaha- "he rajan! snsar men kisi bhi vyakti ke tumhare jitane puny nahin hain, par ek chhota-sa pap tumane kiya tha. ek bar ek gay ko ghas khane se rokane ke karan tumhen yahan ana pada. ab pap ka phal pa chuke so tum svarg ja sakate ho." videh (janak) ne kal ko pranam kar svarg ke lie prasthan kiya.[10] isi karan janak ko videh kaha jata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 aitihasik sthanavali |lekhak: vijayendr kumar mathur |prakashak: rajasthan hindi grnth akadami, jayapur |snkalan: bharatakosh pustakalay |prishth snkhya: 857 |
  2. shankhayan shrautasootr 16,295
  3. valmiki ramayan, balakand, 65,39
  4. mahabharat, sabhaparv, 30,13
  5. ank 6
  6. vayupuran 88,7-8
  7. vishnupuran 4,13107
  8. ayarng sootr, 2,15,17
  9. jo vaishali ke lichchhavi vnsh ki rajakumari chhalana ka putr tha.
  10. padm puran, 30-39.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah