हिन्दी देवनागरी में पढ़ें।

Om
Om
vivaran Om hindoo dharm ka pratik chihn hi nahin balki hindoo parampara ka sabase pavitr shabd hai.
onkar dhvani onkar dhvani 'Om' ko duniya ke sabhi mntron ka sar kaha gaya hai. yah uchcharan ke sath hi sharir par sakaratmak prabhav chhodati hai.
uchcharan Om ko om kaha jata hai. usamen bhi bolate vaqt 'o' par zyada zor hota hai. ise pranav mntr bhi kahate hain.
dharmik manyata isake jap se sabhi rogon men labh v dushkarmon ke snskaron ko shaman hota hai. atah o3mh‌ ki chamatkarik dhvani ka uchcharan (jap) yadi manushy atoot shraddha v poorn vishvas ke sath kare to apane lakshy ko prapt kar jivan ko sarthak kar sakata hai.
any janakari abhi hal hi men haravard vishvavidyalay ke profesar harabart bensan ne apane labe samay ke shodh kary ke bad ‘o3mh‌’ ke vaigyanik adhar par prakash dala hai.

o3mh‌ ki dhvani ka sabhi sampradayon men mahattv hai. Om hindoo dharm ka pratik chihn hi nahin balki hindoo parampara ka sabase pavitr shabd hai. hamare sabhi vedamntron ka uchcharan bhi o3mh‌ se hi prarnbh hota hai, jo eeshrvariy shakti ki pahachan hai. paramatma ka nij nam o3mh‌ hai. angrezi men bhi eeshrvar ke lie sarvavyapak shabd ka prayog hota hai, yahi srishti ka adhar hai. yah sirf astha nahin, isaka vaigyanik adhar bhi hai. pratidin Om ka uchcharan n sirf oorja shakti ka snchar karata hai, sharir ki rog pratirodhak kshamata ko badhakar kee asadhy bimariyon se door rakhane men madad karata hai. adhyatm men Om ka vishesh mahattv hai, ved shastron men bhi Om ke kee chamatkarik prabhavon ka ullekh milata hai. aj ke adhunik yug men vaigyanikon ne bhi shodh ke madhyam se Om ke chamatkarik prabhav ki pushti ki hai. pashchaty deshon men bharatiy ved puran aur hazaron varsh purani bharatiy snskriti aur parampara kafi charchaon aur vichar vimarsh ka kendr rahe hain doosari or vartaman ki vaigyanik upalabdhiyon ka prerana srot bharatiy shastr aur ved hi rahe hain, halaki spasht roop se ise svikar karane se bhi vaigyanik bachate rahe hain. yogiyon men yah vishvas hai ki isake andar manushy ki samany chetana ko parivartit karane ki shakti hai. yah mntr manushy ki buddhi v deh men parivartan lata hai. Om se sharir, man, mastishk men parivartan hota hai aur vah svasth ho jata hai. Om ke uchcharan se phephadon men, hriday men svasthata ati hai. sharir, man aur mastishk svasth aur tanavarahit ho jata hai. Om ke uchcharan se vatavaran shuddh ho jata hai.

Disamb2.jpg om ek bahuvikalpi shabd hai any arthon ke lie dekhen:- om (bahuvikalpi)

sabhi dharmo men Om

o3mh (Om) nam men hindoo, muslim ya eesaee jaisi koee bat nahin hai. yah sochana ki o3mh kisi ek dharm ki nishani hai, thik bat nahin, apitu yah to tab se chala aya hai jab koee alag dharm hi nahin bana tha. balki o3mh to kisi na kisi roop men sabhi mukhy snskritiyon ka pramukh bhag hai. yah to achchhaee, shakti, eeshvar bhakti aur adar ka pratik hai. udaharan ke lie agar hindoo apane sab mantron aur bhajanon men isako shamil karate hain to eesaee aur yahoodi bhi isake jaise hi ek shabd amen ka prayog dharmik sahamati dikhane ke lie karate hain. muslim isako amin kah kar yad karate hain, bauddh ise on manipadme hoon kah kar prayog karate hain. sikh mat bhi ik onkar arthat ek o3m ke gun gata hai. angrezi ka shabd omni, jisake arth annt aur kabhi khatm n hone vale tattvon par lagae jate hain (jaise omnipresent, omnipotent) bhi vastav men is o3mh shabd se hi bana hai. itane se yah siddh hai ki o3mh kisi mat, mazahab ya sampraday se n hokar poori insaniyat ka hai. thik usi tarah jaise ki hava, pani, soory, eeshvar, ved adi sab poori insaniyat ke lie hain n ki keval kisi ek sampraday ke lie.

vibhinn bhashaon men Om

adbhut chihn

om ka yah chihn 'Om' adbhut hai. yah snpoorn brahmand ka pratik hai. bahut-si akash gngaen isi tarah phaili huee hai. brahm ka arth hota hai vistar, phailav aur phailana. onkar dhvani 'Om' ko duniya ke sabhi mntron ka sar kaha gaya hai. yah uchcharan ke sath hi sharir par sakaratmak prabhav chhodati hai. bharatiy sabhyata ke prarnbh se hi onkar dhvani ke mahattv se sabhi parichit rahe hain. shastron men onkar dhvani ke 100 se bhi adhik arth die ge hain. yah anadi aur annt tatha nirvan ki avastha ka pratik hai. kee bar mntron men aise shabdon ka prayog kiya gaya hai jisaka koee arth nahin hota lekin usase nikali dhvani sharir par apana prabhav chhodati hai.[1]

uchcharan

hindoo ya sanatan dharm ki dharmik vidhiyon ke prarnbh men 'Om' shabd ka uchcharan hota hai, jisaki dhvani gahan hoti hai. Om ka hindoo dharm ke alava any dharmon men bhi mahattv hai. Om ko om kaha jata hai. usamen bhi bolate vaqt 'o' par zyada zor hota hai. ise pranav mntr bhi kahate hain. prachin bharatiy dharm vishvas ke anusar brahmand ke srijan ke pahale pranav mntr ka uchcharan hua tha. is mntr ka prarnbh hai ant nahin. isake anekon chamatkar hai. pratyek mntr ke poorv isaka uchcharan kiya jata hai. yog sadhana men isaka adhik mahattv hai. isake nirntar uchcharan karate rahane se sabhi prakar ke manasik rog mit jate hain. Om ko anahat dhvani (nad) kahate hain jo pratyek vyakti ke bhitar aur is brahmand men satat goonjata rahata hai. isake goonjate rahane ka koee karan nahin. samanyat: niyam hai ki dhh‍vani utpann hoti hai kisi ki takarahat se, lekin anahat ko utpann nahin kiya ja sakata. anahat arthat kisi bhi prakar ki takarahat ya do chizon ya hathon ke snyog ke utpann dhvani nahin. ise anahad bhi kahate hain. snpoorn brahmand men yah anavarat jari hai.[2] sadharan manushy us dhvani ko sun nahin sakata, lekin jo bhi om ka uchcharan karata rahata hai usake asapas sakaratmak oorja ka vikas hone lagata hai. phir bhi us dhvani ko sunane ke lie to poornat: maun aur dhyan men hona zaroori hai. jo bhi us dhvani ko sunane lagata hai, vah paramatma se sidha judane lagata hai. paramatma se judane ka sadharan tarika hai, Om ka uchcharan karate rahana.

Blockquote-open.gif jo vyakti Om aur brahm ke pas rahata hai, vah nadi ke pas lage vrikshon ki tarah hai jo kabhi nahin murjhate. -- hindoo niyam pustika. Blockquote-close.gif

kya karen ?
  • om - pratah uthakar onkar dhvani ka uchcharan karen. isase sharir aur man ko ekagr karane men madad milegi. dil ki dhadakan aur rakt snchar vyavasthit hoga.
  • om namo - om ke sath namo shabd ke judane se man aur mastishk men namrata ke bhav paida hote hain. isase sakaratmak oorja teji se pravahit hoti hai.
  • om namo ganesh - ganesh adi devata hain jo nee shuruat aur saphalata ka pratik hain. at: om gn ganapataye nam: ka uchcharan vishesh roop se sharir aur man par niyntran rakhane men sahayak hota hai.
Om ka bhasha arth
ved shastron men Om
  • tridev aur treloky ka pratik - Om shabd tin dhvaniyon se bana hua hai - a, u, m in tinon dhvaniyon ka arth upanishad men bhi ata hai. yah brahma, vishnu aur mahesh ka pratik bhi hai aur yah bhoo: lok, bhoov: lok aur svarg log ka pratik hai.
  • o, u aur m - ukt tin aksharon vale shabd ki mahima aparampar hai. yah nabhi, hriday aur agya chakr ko jagata hai. o3mh‌ shabd tin aksharon evn do matraon se milakar bana hai jo varnamala ke samast aksharon men vyapt hai. pahala shabd hai ‘a’ jo knth se nikalata hai. doosara hai ‘u’ jo hriday ko prabhavit karata hai. tisara shabd ‘mh‌’ hai jo nabhi men kampan karata hai. is sarvavyapak pavitr dhvani ke gunjan ka hamare sharir ki nas nadiy़on par bahut gahara prabhav padata hai visheshakar mastishk, hriday v nabhi kendr men kampan hone se unamen se zaharili vayu tatha vyapt avarodh door ho jate hain, jisase hamari samast nadiyan shuddh ho jati hain. jisase hamara abhamandal shuddh ho jata hai aur hamare andar chhipi huee sookshm shaktiyan jagrit hoti v atm anubhooti hoti hai.
  • Om shabd tin dhvaniyon se bana hua hai. jinaka uchcharan ek ke bad ek hota hai. o, u, m in tinon dhvaniyon ka arth upanishad men bhi ata hai, jisake anusar sadhak ya yogi isaka uchcharan dhyan karane ke pahale v bad men karata hai. Om 'o' se prarnbh hota hai, jo chetana ke pahale star ko dikhata hai. chetana ke is star men indriyan bahirmukh hoti hain. isase dhyan bahari vishv ki or jata hai. chetana ke is abhyas v sahi uchcharan se manushy ko sharirik v manasik labh milata hai. age 'u' ki dhvani ati hai, jahan par sadhak chetana ke doosare star men jata hai. ise tejas bhi kahate hain. is star men sadhak antarmukhi ho jata hai aur vah poorv karmon v vartaman asha ke bare men sochata hai. is star par abhyas karane par jivan ki gutthiyan sulajhati hain v use atmgyan hone lagata hai. vah jivan ko maya se alag samajhane lagata hai. hriday, man, mastishk shant ho jata hai. 'm' dhvani ke uchchar se chetana ke tritiy star ka gyan hota hai, jise 'prgya' bhi kahate hain. is star men sadhak sapanon se age nikal jata hai v chetana shakti ko dekhata hai. sadhak svayn ko snsar ka ek bhag samajhata hai aur is annt shakti srot se shakti leta hai. isake dvara sakshatkar ke marg men bhi ja sakate hain. isase sadhak ke sharir, man, mastishk ke andar ashcharyajanak parivartan ata hai. sharir, man, mastishk, shant hokar tanavarahit ho jata hai.
Om uchcharan ki vidhi
  • pranayam ya koee vishesh asan karate vaqt isaka uchcharan kiya jata hai. keval pranav sadhana ke lie Om (omh) ka uchcharan padmasan, ardhapadmasan, sukhasan, vajrasan men baithakar kar sakate hain. sadhak baithane men asamarth ho to letakar bhi isaka uchcharan kar sakata hai. isaka uchcharan 5, 7, 10, 21 bar apani suvidhanusar kar sakate hain.
  • Om zor se bol sakate hain, dhire-dhire bol sakate hain. bolane ki zaroorat jab samapt ho jae to ise apane antaraman men sunane ka abhyas badhaen. Om jap mala se bhi kar sakate hain. uchcharan karate vaqt lay ka vishesh dhh‍yan rakhen.
  • isaka uchcharan suprabhat ya sndhyakal men hi karen. uchcharan aur asan karane ke lie koee ek ekant khula sthan niyukt ho. har kahin isaka uchcharan n karen. uchcharan karate vaqt pavitrata aur saphaee ka vishesh dhyan rakhen.
  • kisi bhi dhvani ka prabhav tabhi utpann hota hai jab use vishesh layabaddhata v shraddha ke sath vyakt kiya jaye. ‘o3mh‌’ dhvani karate hue svar ki madhurata tatha uchcharan kare tab sab or se vikritiyon ko hatakar ekagrachit hokar ke us prabhu ka prem, shraddha aur dridh vishvas se dhyan karen. aisi bhavana banaye ki vahi hamara sachcha pita, mata, bhaee, bndhu hamara sarvasv, hamare jivan ka adhar hai, achchha hi karata hai duahkh dvara bhi hamare pap karmon ka shaman karata hai v hamen pap ke bojh se halka karata hai. isalie duahkh ane par bhi usaka hi dhanyavad karen.
  • o3mh ke uchcharan ke lie kisi nishchit sthan par ekant jagah par asan bichhakar padamasan, sukhasan men baithe. hath gyan mudra men ghutanon par rakhe. netr komalata se bnd karen tatha do-tin bar gahare lambe shvas len aur shvas gahara bhare, bina munh kholakar v bolakar o ka uchcharan karen. knth se spndan ho aur isake bad hoth bnd karate hue m ka gunjan kare. dhire-dhire lnba gunjan ka abhyas kare. jab tak anand milata rahe to us asan ko karate raho. ise niyamit shraddhabhav aur prasann-chitt hokar karen. brahm-muhoort men karane par anand milata hai. ant men kuchh der ke lie shant baithe. isase sharir ko anek prakar se labh hota hai tatha sharir ke koshanuon ka nav nirman hota hai. sharir svasth, sundar tatha pavitr banata hai. knth nali men svar tantu ki tyooning hoti hai, phephadon ki kary kshamata badhati hai. asanon ke karane se anek prakar ke vikar door hote hain tatha rakt ki shuddhi hoti hai. hriday ko kam kam karana padata hai. usase vishram bhi milata hai. pachan kriya sudharati hai tatha nikasan pranali sucharu roop se kary karati hai. grnthiyon se sntulit strav nikalata hai. man ki shakti badhati hai, man halka, prasann v pavitr banata hai. ek mngalamay vatavaran nirmit hota hai tatha har prakar ka tanav door hota hai. dama, raktachap adi thik ho jate hain. nar ko narayan ki or badhane ki kshamata onkar dhvani men hai. buddhi tivr, smaran shakti ka vikas tatha nirnayak kshamata ki vriddhi hoti hai aur tan, man, buddhi ko svasth rakhati hai.

Om uchcharan se labh

vibhinn bhashaon men Om
  • snsar ki samast dhvaniyon se adhik shaktishali, mohak, divy aur sarvashreshth annd se yukt nad brahm ke svar se sabhi prakar ke rog aur shok mit jate hain. isase hamare sharir ki oorja sntulan men a jati hai. isake sntulan men ane par chitt shant ho jata hai. dil ki dhadakan aur raktasnchar vyavasthit hoti hai. isase sharir aur man ko ekagr karane men madad milati hai. vyarth ke manasik dvndv, tanav aur nakaratmak vichar mitakar man ki shakti badhati hai. man ki shakti badhane se snkalp aur atmavishvas badhata hai. sammohan sadhakon ke lie isaka nirntar jap karana uttam hai. isaka uchcharan karane vala aur ise sunane vala donon hi labhanvit hote hain.
  • bimari door bhagaen :-- tntr yog men ekakshar mntron ka bhi vishesh mahattv hai. devanagari lipi ke pratyek shabd men anusvar lagakar unhen mntr ka svaroop diya gaya hai. udaharan ke taur par kn, khn, gn, ghn adi. isi tarah shrin, klin, hrin, hoon, phath adi bhi ekakshari mntron men gine jate hain. sabhi mntron ka uchcharan jibh, honth, taloo, dant, knth aur phephadon se nikalane vali vayu ke sammilit prabhav se snbhav hota hai. isase nikalane vali dhvani sharir ke sabhi chakron aur haramon srav karane vali grnthiyon se takarati hai. in grnthinyon ke srav ko niyntrit karake bimariyon ko door bhagaya ja sakata hai.
  • Om uchcharan se sharir men avegon ka utar-chadhav  :-- shabdon se utpann dhvani se shrota ke sharir aur mastishk par sidha prabhav padata hai. bolane vale ke munh se shabd nikalane se pahale usake mastishk se vidyut tarngen nikalati hain. inhen shrota ka mastishk grahan karane ki cheshta karata hai. uchcharit shabd shrota ke karn-rndhron ke madhyam se mastishk tak pahunchate hain. priy ya apriy shabdon ki dhvani se shrota aur vakta donon harsh, vishad, krodh, ghrina, bhay tatha kamechchha ke avegon ko mahasoos karate hain. apriy shabdon se nikalane vali dhvani se mastishk men utpann kam, krodh, moh, bhay lobh adi ki bhavana se dil ki dhadakan tez ho jati hai jisase rakt men 'taauksik' padarth paida hone lagate hain. isi tarah priy aur mngalamay shabdon ki dhvani mastishk, hriday aur rakt par amrit ki tarah alhadakari rasayan ki varsha karati hai.
  • o3mh ke uchcharan / dhvani se manushy ka kee sharirik, manasik, aur atmik vikas hota hain. sath hi isake abhyas se anek prakar ke rogon se bhi mukti milati hai. yahan tak ki yadi apako arth bhi maloom nahin to bhi isake uchcharan se sharirik labh to hoga. isase manasik bimariyan door hoti hain. kam karane ki shakti badh jati hai. o3mh is brahmand men usi tarah bhar raha hai ki jaise akash. o3mh ka uchcharan karane se jo annd aur shanti anubhav hoti hai, vaisi shanti kisi aur shabd ke uchcharan se nahin ati. yahi karan hai ki sab jagah bahut lokapriy hone vali asan pranayam ki kakshaon men o3m ke uchcharan ka bahut mahattv hai. bahut manasik tanav aur avasad se grasit logon par kuchh hi dinon men isaka jadoo sa prabhav hota hai. yahi karan hai ki ajakal daauktar adi bhi apane marizon ko asan pranayam ki shiksha dete hain.
  • o3mh ke uchcharan ke sharirik labh -
  1. anek bar o3mh ka uchcharan karane se poora sharir tanav-rahit ho jata hai.
  2. agar apako ghabarahat ya adhirata hoti hai to o3mh ke uchcharan se uttam kuchh bhi nahin.
  3. yah sharir ke vishaile tattvon ko door karata hai, arthat tanav ke karan paida hone vale dravyon par niyntran karata hai.
  4. yah hriday aur khoon ke pravah ko sntulit rakhata hai.
  5. isase pachan shakti tez hoti hai.
  6. isase sharir men phir se yuvavastha vali sphoorti ka snchar hota hai.
  7. thakan se bachane ke lie isase uttam upay kuchh aur nahin.
  8. nind n ane ki samasya isase kuchh hi samay men door ho jati hai. rat ko sote samay nind ane tak man men isako karane se nishchit nind aegi.
  9. kuchh vishesh pranayam ke sath ise karane se phephadon men mazabooti ati hai. ityadi ityadi.
o3mh‌
  • o3mh ke uchcharan se manasik labh -
  1. jivan jine ki shakti aur duniya ki chunautiyon ka samana karane ka apoorv sahas milata hai.
  2. ise karane vale nirasha aur gusse ko janate hi nahin.
  3. prakriti ke sath behatar talamel aur niyntran hota hai. paristhitiyon ko pahale hi bhanpane ki shakti utpann hoti hai.
  4. apake uttam vyavahar se doosaron ke sath sambandh uttam hote hain. shatru bhi mitr ho jate hain.
  5. jivan jine ka uddeshy pata chalata hai jo ki adhikansh logon se ojhal rahata hai.
  6. ise karane vala vyakti josh ke sath jivan bitata hai aur mrityu ko bhi eeshvar ki vyavastha samajh kar hns kar svikar karata hai.
  7. jivan men phir kisi bat ka dar hi nahin rahata.
  8. atmahatya jaise kayarata ke vichar as pas bhi nahin phatakate. balki jo atmahatya karana chahate hain, ve ek bar o3mh ke uchcharan ka abhyas 4 din tak kar len. usake bad khud nirnay kar len ki jivan jine ke lie hai ki chhodane ke lie.
  • o3mh ke uchcharan ke adhyatmik (roohani) labh -
  1. ise karane se eeshvar / allah se sambandh judata hai aur lambe samay tak abhyas karane se eeshvar/allah ko anubhav (mahasoos) karane ki takat paida hoti hai.
  2. isase jivan ke uddeshy spasht hote hain aur yah pata chalata hai ki kaise eeshvar sada hamare sath baitha hamen prerit kar raha hai.
  3. is duniya ki andhi daud men kho chuke khud ko phir se pahachan milati hai. ise janane ke bad adami duniya men daudane ke lie nahin daudata kintu apane lakshy ke pane ke lie daudata hai.
  4. isake abhyas se duniya ka koee dar asapas bhi nahin phatak sakata mrityu ka dar bhi aise vyakti se darata hai kyonki kal ka bhi kal jo eeshvar hai, vo sab kalon men meri raksha mere karmanusar kar raha hai, aisa soch kar vyakti dar se sada ke lie door ho jata hai. jaise mahayogi shrikrishn mahabharat ke yuddh ke vatavaran men bhi niyamapoorvak eeshvar ka dhyan kiya karate the. yah bal v nidarata eeshvar se unaki nikatata ka hi praman hai.
  5. isake abhyas se vah karm phal vyavastha spasht ho jati hai ki jisako eeshvar ne hamare bhale ke lie hi dharan kar rakha hai. jab pavitr o3mh ke uchcharan se hriday nirmal hota hai tab yah pata chalata hai ki hamen milane vala sukh agar hamare lie bhojan ke saman sukhadayi hai to duahkh kadava hote hue bhi aushadhi ke saman sukhadayi hai jo atma ke rogon ko nasht kar dobara ise svasth kar deta hai. is tarah eeshvar ke dnd men bhi usaki daya ka jab bodh jab hota hai to us param dayalu jagat mata ko dekhane aur pane ki ichchha prabal ho jati hai aur phir adami use pae bina chain se nahin baith sakata. is tarah vyakti mukti ke raston par pahala qadam dharata hai.

Om ka vaigyanik mahattv

  • ainstain yahi kah kar ge hain ki brahmand phail raha hai. ainstain se poorv bhagavan mahavir ne kaha tha. mahavir se poorv vedon men isaka ullekh milata hai. mahavir ne vedon ko padhakar nahin kaha, unhonne to dhyan ki atal gaharaiyon men utar kar dekha tab kaha.
  • khagol vaigyanikon ne pramanit kiya hai ki hamare antariksh men prithvi mandal, saur mandal, sabhi grah mandal tatha anek akashagngaen, lagatar brahmand ka chakkar laga rahi hain. ye sabhi akashiy pind kee hazar mil prati sekend ki gati se annt ki or bhage ja rahe hain, jisase lagatar ek kampan, ek dhvani athava shor utpann ho raha hai isi dhvani ko hamare tapasvi aur rishi - maharshiyon ne apani dhyanavastha men suna. jo lagatar sunaee deti rahati hai sharir ke bhitar bhi aur bahar bhi. har kahin, vahi dhvani nirntar jari hai aur use sunate rahane se man aur atma shanti mahasoos karati hai to unhonne us dhvani ko nam diya brahmanad athava Om kaha . yani antariksh men hone vala madhur git ‘o3mh‌’ hi anadikal se anant kal tak brahmand men vyapt hai. o3mh‌ ki dhvani ya nad brahmand men prakritik oorja ke roop men phaila hua hai jab ham apane mukh se ek hi sans men o3mh‌ ka uchcharan mastishk dhvani anunad takanik se karate hain ton manav sharir ko anek labh hote hain aur vah asim sukh, shanti v anand ki anubhooti karata hai.
o3mh‌
  • o3mh‌ ke snbndh men yah prashn utpann hota hai ki kya o3mh‌ shabd ki mahima ka koee vaigyanik adhar hain? kya isake uchcharan se is asar snsar men bhi kuchh labh hai? is snbndh men briten ke ek saeetist jarnal ne shodh parinam bataye hain jo yahan prastut hain. risarch end instith‌yoot aauph nyooro sains ke pramukh profesar je. margan aur unake sahayogiyon ne sat varsh tak ‘o3mh‌’ ke prabhavon ka adhyayan kiya. is dauran unhonne mastishk aur hriday ki vibhinn bimariyon se pidi़t 2500 purusho aur 200 mahilaon ka parikshan kiya. inamen un logon ko bhi shamil kiya gaya jo apani bimari ke antim charan men pahunch chuke the. in sare marizon ko keval ve hi davaeeyan di gee jo unaka jivan bachane ke lie avashyak thin. shesh sab bnd kar di gee. subah 6 - 7 baje tak yani ki ek ghnta in logon ko saph, svachchh, khule vatavaran men yogy shikshakon dvara ‘o3mh‌’ ka jap karaya gaya. in dinon unhen vibhinn dhvaniyon aur avritiyo men ‘o3mh‌’ ka jap karaya gaya. har tin mah men hriday, mastishk ke alava poore sharir ka ‘skain’ karaya gaya. char sal tak aisa karane ke bad jo riport samane aee vah ashcharyajanak thi. 70 pratishat purush aur 85 pratishat mahilaon se ‘o3mh‌’ ka jap shuroo karane ke pahale bimariyon ki jo sthiti thi usamen 90 pratishat kami darj ki gee. kuchh logon par matr 20 pratishat hi asar hua. isaka karan profesar margan ne bataya ki unaki bimari antim avastha men pahunch chuki thi. is prayas se yah parinam bhi prapt hua ki nashe se mukti bhi ‘o3mh‌’ ke jap se prapt ki ja sakati hai. isaka labh uthakar jivan bhar svasth raha ja sakata hai. Om ko lekar profesar margan kahate hain ki shodh men yah tathy paya ki Om ka jap alag alag avrittiyon aur dhvaniyon men dil aur dimag ke rogiyon ke lie behad asar karak hai yahan ek bat behad gaur karane layaq yah hai jab koee manushy Om ka jap karata hai to yah dhvani juban se n nikalakar pet se nikalati hai yahi nahin Om ka uchcharan pet, sine aur mastishk men kampan paida karata hai vibhinn avritiyo (tarngon) aur ‘o3mh‌’ dhvani ke utar chadhav se paida hone vali kampan kriya se mrit koshikaon ko punarjivit kar deta hai tatha nee koshikaon ka nirman karata hai rakt vikar hone hi nahin pata. mastishk se lekar nak, gala, hriday, pet aur pair tak tivr tarngon ka snchar hota hai. rakt vikar door hota hai aur sphurti bani rahati hai. yahi nahin ayurved men bhi Om ke jap ke chamatkarik prabhavon ka varnan hai. is tarah ke kee prayogon ke bad bharatiy adhyatmik pratik chihnon ko ke prati pashchim deshon ke logon men bhi khulapan dekha gaya.[3]
  • abhi hal hi men haravard vishvavidyalay ke profesar harabart bensan ne apane labe samay ke shodh kary ke bad ‘o3mh‌’ ke vaigyanik adhar par prakash dala hai. thodi prarthana aur o3mh‌ shabd ke uchcharan se janaleva bimari edh‌s ke lakshanon se rahat milati hai tatha banjhapan ke upachar men dava ka kam karata hai. isake alava ap svayn ‘o3mh‌’ jap karake o3mh‌ dhvani ke parinam dekh sakate hain. isake jap se sabhi rogon men labh v dushkarmon ke snskaron ko shaman hota hai. atah o3mh‌ ki chamatkarik dhvani ka uchcharan (jap) yadi manushy atoot shraddha v poorn vishvas ke sath kare to apane lakshy ko prapt kar jivan ko sarthak kar sakata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. om ka yah chihn 'Om' adbhut hai (hindi) (pi.ech.pi.) himalay gaurav uttarakhand. abhigaman tithi: 17 faravari, 2011.
  2. Om ke uchcharan ka rahasy (hindi) (pi.ech.pi.) veb duniya hindi. abhigaman tithi: 17 faravari, 2011.
  3. o3mh‌ ki dhvani men chhipi hai chamatkari shaktinh (hindi) (pi.ech.pi.) jagaran jnkshan. abhigaman tithi: 17 faravari, 2011.

sambndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah