अवलोकितेश्वर  हिन्दी देवनागरी में पढ़ें।

avalokiteshvar
avalokiteshvar
vivaran 'avalokiteshvar' mahayan bauddh dharm sampraday ke sabase lokapriy bodhisatvon men se ek hain. dharm-kathaon men kaha gaya hai ki bina snsar ke samast praniyon ka uddhar kiye ve svayn nirvan labh nahin karenge.
any nam 'kuanh yinh'[1], 'kannon'[2], 'chanre zigh'[3], 'nidu-ber ujegaki'[4], 'lokeshvar'[5]
sat svaroop 'sho kannon', 'joo-ichi-main kannon', 'senju kannon', 'jan-tei-kannon', 'fuku-kenajaku-kannon', 'ba-to-kannon', 'nyo-i-rin kannon'.
vishesh theravadi deshon men avalokiteshvar ek aise mahayan bauddh aradhy dev hain, jinaki amataur par pooja ki jati hai.
snbndhit lekh buddh, bauddh dharm, bauddh chintan, bauddh sngiti
any janakari avalokiteshvar svaynbhoo shashvat buddh, amitabh ke avatar hain, jinaki akriti shirovastr pahane dikhaee jati hai aur jinhonne aitihasik gautam buddh ke prasthan aur bhavi buddh, maitrey ke prakat hone ke madhy kal men vishv ka kalyan kiya tha.

avalokiteshvar bauddh dharm ki mahayan shakha ke sabase lokapriy aradhy dev hain. inaki vishv bhar men manyata hai. unamen annt karuna hai. dharm-kathaon men kaha gaya hai ki bina snsar ke samast praniyon ka uddhar kiye ve svayn nirvan labh nahin karenge. kaha jata hai ki avalokiteshvar apani asim karuna men koee bhi roop dharan karake kisi du:khi prani ki sahayata ke lie a sakate hain. mahayan bauddh grnth 'saddharmapundarik' men 'avalokiteshvar bodhisatv' ke mahatmy ka chamatkarapoorn varnan milata hai. jab prasiddh chini yatri fahyan bharat yatra par aya tha, tab usane sabhi jagah avalokiteshvar ki pooja hote hue dekhi thi.

nam ka arth

'avalokit' ek snskrit shabd hai, jisaka arth hota hai- 'drishta' aur eeshvar' ya 'svami'. chini bhasha men 'kuanh yinh', japani bhasha men 'kannon', asimit karuna aur daya ke bodhisatv[6], snbhavat: bauddh aradhy devon men se sarvadhik lokapriy, jinaki vishv bhar men manyata hai. pratyek vyakti ko nirvan prapt karane men sahayata pahunchane tak apane buddhatv ko vilnbit karane ke karan unhen "bodhisatv ka sarvochch drishtant" mana jata hai.

vyakhya

avalokiteshvar ke nam ki alag-alag roop se vyakhya ki gee hai. aise svami, jo har disha men dekhate hain aur us vishv[7] ke svami, jise ham dekhate hain. tibbat men unhen 'chanre zigh'[8] aur mngoliya men 'nidu-ber ujegaki'[9] ke roop men mana jata hai. thaeelaind aur hind-chin men unhen 'lokeshvar'[10] ka nam diya gaya hai.

buddh ke avatar

avalokiteshvar svaynbhoo shashvat buddh, amitabh ke avatar hain, jinaki akriti shirovastr pahane dikhaee jati hai aur jinhonne aitihasik gautam buddh ke prasthan aur bhavi buddh, maitrey ke prakat hone ke madhy kal men vishv ka kalyan kiya tha. avalokiteshvar nauka durghatana, agni, hatyaron, dakaiton aur vany jivon se raksha karate hain. vah us chauthe vishv ke srijanakarta hain, jo vastavik brahmand hai aur jisamen ham rahate hain.

kinvadnti

kinvadnti ke anusar, ek bar unaka shish vishv men ab tak anuddhariton ki snkhya janakar du:kh se khndit ho gaya tha. amitabh buddh ne pratyek tukade ko ek alag poora sir bana diya aur unhen tin-tin ke tin staron men rakhakar 10ven tukade ko sabase oopar rakha. in sabake oopar unhonne apani pratikriti ko rakha. kabhi-kabhi 11 sir ke avalokiteshvar ko hazaron bhujaon ke sath dikhaya jata hai. bhujaen mor ke pnkhon ki tarah phaili huee dikhaee deti hain. chitron men unhen keval safed rng[11] men dikhaya gaya hai. unaki sahachari devi tara hain. unaka parnparik nivas 'potala parvat' hai aur unaki akriti ko pray: parvat shikharon par rakha jata hai.

sarvochch samman

uttari bharat men avalokiteshvar ko sarvochch samman tisari se satavin shatabdi ke bich men mila. chin men unaki pooja[12] pahali shatabdi ee. men shuroo huee aur chhathin shatabdi tak yah sabhi bauddh mndiron men pratishthapit ho ge. chin men 'sung vnsh' (960-1126 ee.) se pahale bodhisatv ko keval purush roop men dikhaya gaya. bad men unaki akritiyan donon lingon men banin. is parivartan ki ek vivechana yah bhi hai ki bodhisatv n to purush hain aur n hi nari, vah to laingik bhed se pare hain aur sansarik mndal men unamen any sabhi prakar ka duharapan hai. is drishtikon ke anusar, unake sharir ki komal rooparekha aur laharate vastr ko pradarshit karati moortiyon aur chitron men jan-boojhakar drishtigochar moonchhon ka samavesh kiya gaya, taki laingik parichay ki anupasthiti par bal diya ja sake.

isake alava 'padmasootr' se yah arth nikala hai ki avalokiteshvar ke pas kashton ke haran ke lie manachaha roop dharan karane aur sntan ka var dene ki kshamata hai. is darshanik siddhant ki vaidhata ko svikrit karate hue ek any drishtikon ke anusar, kam se kam 12 vin shatabdi se kuanh-yinh ke lokapriy bhakti mat ne ek devi man ke gunon ko boddhisatv par adhyaropit kiya. rakshak kuanh-yinh ki vyaktigat pooja ka kendr 'ning-po'[13] ke nikat pu'to dvip men hai.

pavitr bhoomi[14] mat ke anuyayiyon ke anusar, amitabh aur bodhisatv mahasthanaprapt[15] ke sath kuanh-yinh sarvashaktiman trimoorti ke ang hain. anuyayi buddh amitabh[16] ka punarjanm pashchimi svarg men manate hain. tribhoorti ki akriti pray: mndiron men pratishthapit hai aur kuanh-yinh ko chitr men pashchimi svarg men mritakon ka svagat karate dikhaya jata hai. kuanh-yinh ka vyaktitv 'pavitr bhoomi' shakha ke dharm grnthon par adharit hai, jinaka tisari se panchavin shatabdi ke bich chini bhasha men anuvad kiya gaya.

lamaon men lokapriy

bodhisatv ka tibbat men pravesh satavin shatabdi men hua, jahan vah shighr hi lamaon men sarvadhik lokapriy ban ge aur pratyek dalaee lama men bar-bar punarhavatarit hue. prarthana mntr 'om mani padmahum'[17] ki shuruat karane ka shrey tibbat ke logon ko prapt hai. kuanh-yinh ka vyaktitv japan men snbhavat: koriya[18] hokar pahuncha. nara men sabase pahale gyat madhy satavin shatabdi ki akritiyan 'horyo ji'[19] men hain. bodhisatv ki pooja kisi ek mat tak simit nahin thi aur poore japan men inaki vyapak taur par upasana ki jati rahi.

sat pramukh svaroop

chin ki tarah kannon ke ling ke vishay men kuchh bhram bana raha hai. japan men vibhinn svaroop dharan karane ki kannon ki kshamata se sat pramukh svaroop ubharakar samane ae-

  1. 'sho kannon' - sabase saral svaroop, pray: do hathon vali khadi ya baithi huee akriti, jo ek hath men kamal pakade hue hai.
  2. 'joo-ichi-main kannon' - 11 siron ke sath do ya char bhujaon vali akriti.
  3. 'senju kannon' - ek hazar bhujaon vale bodhisatv.
  4. 'jan-tei-kannon' - sabase kam milane vala 18 bhujaon ke sath baitha hua svaroop, kabhi-kabhi bharatiy devi kunti se snbndhit.[20]
  5. 'fuku-kenajaku-kannon' - tendee mat men lokapriy, jinaka vishesh pratik chihn 'kamnd' hai.
  6. 'ba-to-kannon' - balon men ghode ke sir se jatit, prachnd roop men, snbhavat: tibbat men ghodon ke rakshak 'hayagriva' se snbndhit.
  7. 'nyo-i-rin kannon' - chhah bhujaon ke sath baithi huee mudra men, hathon men ichchha poorn karane vala mani ya ratn dharan kie hue.

gun

avalokiteshvar ke gunon aur chamatkaron ka kee bauddh sootron men varnan hai. tisari shatabdi men avalokiteshvar sootr ko sarvadhik lokapriy 'saddharmapundarik sootr' ya 'padmasootr' men sammilit kiya gaya tha. halanki yah chin men ek svatntr grnth ke roop men bhi prachalit hai aur unaki vyaktitv pooja ka pramukh grnth hai.

theravadi deshon men avalokiteshvar ek aise mahayan bauddh aradhy dev hain, jinaki amataur par pooja ki jati hai. in deshon men pali dharmasootr par adharit pooja hoti hai aur yahan bodhisatv ki avadharana ko amataur par manyata nahin di jati. shrilnka men unhen nath-dev[21] ke roop men mana jata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. chin men
  2. japan men
  3. tibbat men
  4. mngoliya men
  5. hind-chin men
  6. buddh banana
  7. vastavik, srijit vishv
  8. karunamay drishti vale
  9. jo ankhon se dekhate hain
  10. vishv ke svami
  11. nepal men lal rng
  12. kuanh-yinh ke roop men
  13. bodhisatv ke parnparik parvatiy nivas potala se snbndhit
  14. pyor laind
  15. chini men taee-shih-chih
  16. chini men o-mi-to-pho; japan men amida
  17. jisaka pray: anuvad kiya gaya ki 'kamal men ratn hai'
  18. jahan bauddh dharm apani shuruat ke turnt bad pahunch chuka tha
  19. ji mndir
  20. sat lakh buddhon ki mata
  21. jinhen galati se snbhavi buddh, maitrey mana jata hai

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah