चंद्रगुप्त प्रथम  हिन्दी देवनागरी में पढ़ें।

Disamb2.jpg chndragupt ek bahuvikalpi shabd hai any arthon ke lie dekhen:- chndragupt (bahuvikalpi)

chandragupt pratham (319-335 ee.) bharatiy itihas ke sarvadhik prasiddh rajaon men se ek tha. vah gupt shasak ghatotkach ka putr tha. chandragupt ne ek 'gupt snvat' (319-320 ee.) chalaya, kadachit isi tithi ko chndragupt pratham ka rajyabhishek hua tha. chndragupt ne, jisaka shasan pahale magadh ke kuchh bhagon tak simit tha, apane rajy ka vistar ilahabad tak kiya. 'maharajadhiraj' ki upadhi dharan karake isane pataliputr ko apani rajadhani banaya tha.

nag rajaon ke shasan ke bad gupt rajavnsh sthapit hua jisane magadh men desh ke ek shaktishali samrajy ko sthapit kiya . is vnsh ke rajaon ko gupt samrat ke nam se jana jata hai. gupt rajavnsh ka pratham raja `shri gupt hua, jisake nam par gupt rajavnsh ka namakaran hua. usaka ladaka ghatotkach hua, jisaka putr chndragupt pratham 320 ee. men pataliputr ka shasak hua. ghatotkach ke uttaradhikari ke roop men sinhasanaroodh chandragupt pratham ek pratapi raja tha. usane 'maharajadhiraj' upadhi grahan ki aur lichchhivi rajy ki rajakumari kumaradevi ke sath vivah kar lichchhiviyon ki sahayata se shakti badhaee. isaki pushti do pramanon se hoti hai.

  1. svarn sikke jisamen 'chandragupt kumar devi prakar', 'lichchhavi prakar', 'rajarani prakar', 'vivah prakar' adi hain.
  2. doosara praman samudragupt ke prayag abhilekh hain jisamen use 'lichchhavidauhitr' kaha gaya hai.
  • kumar devi ke sath vivah kar chandragupt pratham ne vaishali ka rajy prapt kiya. chandragupt kumaradevi prakar ke sikke ke prishth bhag par sinhavahini devi durga ki akriti bani hai. vah ek shaktishali shasak tha, chndragupt ke shasan kal men gupt-shasan ka vistar dakshin bihar se lekar ayodhya tak tha . [1]
  • is rajy ki rajadhani pataliputr thi.
  • chndragupt pratham ne apane shasan kal men ek naya snvat chalaya ,jise gupt snvat kaha jata hai. yah snvat gupt samraton ke kal tak hi prachalit raha bad men us ka chalan nahin raha. chandragupt pratham ne ek snvat 'gupt snvat' (319-320 ee.) ke nam se chalaya. gupt snvat[2] tatha shak snvat (78 ee.) ke bich 240 varshon ka antar hai.
  • ghatotkach ke bad maharajadhiraj chndragupt pratham hue. gupt vnsh ke pahale do raja keval maharaj kahe ge hain. par chndragupt ko 'maharajadhiraj' kaha gaya hai. isase pratit hota hai, ki usake samay men gupt vnsh ki shakti bahut badh gee thi.
  • prachin samay men maharaj visheshan to adhinasth samant rajaon ke lie bhi prayukt hota tha. par 'maharajadhiraj' keval aise hi rajaon ke lie prayog kiya jata tha, jo poornataya svadhin v shaktishali hon. pratit hota hai, ki apane poorvajon ke poorvi bharat men sthit chhote se rajy ko chndragupt ne bahut badha liya tha, aur maharajadhiraj ki padavi grahan kar li thi. pataliputr nishchay hi chndragupt ke adhikar men a gaya tha, aur magadh tatha uttar pradesh ke bahut se pradeshon ko jit lene ke karan chndragupt ke samay men gupt samrajy bahut vistrit ho gaya tha. inhin vijayon aur rajy vistar ki smriti men chndragupt ne ek naya samvat chalaya tha, jo gupt samvat ke nam se itihas men prasiddh hai.
  • magadh ke uttar men lichchhaviyon ka jo shaktishali samrajy tha, chndragupt ne usake sath maitri aur sahayog ka sambandh sthapit kiya. kushan kal ke pashchath is pradesh men sabase prabal bharatiy shakti lichchhaviyon ki hi thi. kuchh samay tak pataliputr bhi unake adhikar men raha tha. lichchhaviyon ka sahayog prapt kie bina chndragupt ke lie apane rajy ka vistar kar sakana sambhav nahin tha. is sahayog aur maitribhav ko sthir karane ke lie chndragupt ne lichchhavikumari kumaradevi ke sath vivah kiya, aur any raniyon ke anek putr hote hue bhi 'lichchhavi-dauhitr' (kumaradevi ke putr) samudragupt ko apana uttaradhikari niyat kiya.
  • aisa pratit hota hai, ki is kal men lichchhavi gan ke raja vnshakramanugat hone lage the. ganarajyon ke itihas men yah koee anahoni bat nahin hai. kumaradevi lichchhavi raja ki putri aur uttaradhikari thi. isilie chndragupt ke sath vivah ho jane ke bad gupt rajy aur lichchhavi gan milakar ek ho ge the.
  • chndragupt ke sikkon par usaka apana aur kumaradevi donon ka nam bhi ek sath diya gaya hai. sikke ke doosari or 'lichchhavayah' shabd bhi utkirn hai. isase yah bhali-bhanti soochit hota hai ki, lichchhavi gan aur gupt vnsh ka parasparik vivah sambandh bade mahattv ka tha. isake karan in donon ke rajy milakar ek ho ge the, aur chndragupt tatha kumaradevi ka sammilit shasan in pradeshon par mana jata tha.
  • shrigupt ke vnshajon ka shasan kin pradeshon par sthapit ho gaya tha, is sambandh men puranon men likha hai, ki 'gnga ke sath-sath prayag tak v magadh tatha ayodhya men inhonne rajy kiya.
  • samudragupt ko apana uttaradhikari banane ke bad chandragupt pratham ne sannyas grahan kiya. 330 ee. chndragupt pratham ki mrityu ho gee.
  • chndragupt ke uttaradhikari samudragupt ne apane samrajy ko bahut badha liya tha. atah puranon ka yah nirdesh usake poorvajon ke vishay men hi hai. sambhavatah maharajadhiraj chndragupt pratham bngal se prarambh kar pashchim men ayodhya aur prayag tak ke vishal pradesh ka svami tha, aur lichchhaviyon ke sahayog se hi is par abadhit roop se shasan karata tha. is pratapi gupt samrat ka sambhavit shasan kal 315 ya 319 se 328 se 335 ee. tak tha.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 'anugngaprayagn ch saketn magadhanstatha.
    etanjanapadansarvanh bhokshyante guptavnshajah..'
  2. 319 rigved 320

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah