Makhanchor.jpg bharatakosh ki or se ap sabhi ko krishn janmashtami ki hardik shubhakamanaen Makhanchor.jpg

जाति व्यवस्था  हिन्दी देवनागरी में पढ़ें।

jati vyavastha hinduon ke samajik jivan ki vishisht vyavastha hai, jo unake acharan, naitikata aur vicharon ko sarvadhik prabhavit karati hai. yah vyavastha kitani purani hai, isaka uttar dena kathin hai. sanatani hindoo ise daivi ya eeshvar prerit vyavastha manate hain aur rigved se isaka sambndh jodate hain. lekin adhunik vidvanh ise manavakrit vyavastha manate hain jo kisi ek vyakti dvara kadapi nahin banayi gee varanh vibhinn kal ki paristhitiyon ke anusar vikasit huee. yadyapi prachin dharmik grnthon men manushyon ko char varnon men vibhajit kiya gaya hai- brahman, kshatriy, vaishy aur shoodr tatha pratyek varn ka apana vishisht dharm niroopit kiya gaya hai tatha antarjatiy bhoj athava antarjatiy vivah ka nishedh kiya gaya hai, tathapi vastavikata yah hai ki hindoo hazaron jatiyon aur upajatiyon men vibhajit hai aur antarjatiy bhoj tatha antarjatiy vivah ke pratibandh vibhinn samay men tatha bharat ke vibhinn bhagon men bhinn bhinn rahe hain. ajakal antarjatiy bhoj sambndhi pratibndh visheshakar shaharon men pray: samapt ho gaye hain aur antarjatiy vivah snbndhi pratibndh bhi shithil pad gaye hain. phir bhi jati vyavastha padhe-likhe bharatiyon men prachalit hai aur ab bhi is vyavastha ke karan hinduon ko any dharmavalambiyon se sahaj hi alag kiya ja sakata hai.

vargikaran

aitihasik drishti se jati vyavastha arambhik vaidik kal men bhi vidyaman thi, yadyapi us samay usaka roop aspasht tha. uttar vaidik yug aur sootrakal men yah pushtaini ban gayi aur vibhinn peshe vibhinn jatiyon ka pratinidhitv karane lage. vedapathi, karmakandi aur purohiti karane vale 'brahman' kahalaye. desh ka shasan karane vale tatha yuddh kala men nipun vyakti 'kshatriy' kahalae aur sarvasadharan, jinaka mukhy dhndha vyavasay aur vanijy tha, 'vaishy' kahalae. shesh log, jinaka dhandha seva karana tha, 'shoodr' nam se pukare jane lage. aitihasik kal men maury shoodr mane jate the. megasthanij ne, jo chndragupt maury ke samay men bharat aya tha, logon ko sat jatiyon men vibhajit kiya hai jo pushtaini jatiyan hone ke bajay vastav men peshon ke adhar par vargikrit jatiyan thin. usane likha hai, darshanikon ko chhodakar, jo samaj ke shirshasth sthan par the, any logon ke lie antarjatiy vivah athava pushtaini pesha badalana varjit tha. usake bad ke kal men jo videshi vijetaon ke roop men athava apravasiyon ke roop men bharat ae, un sabako hindoo dharm men angikar kar liya gaya aur unake dhndhon ke anusar unhen vibhinn jatiyon men sthan mil gaya. yuddh karane vale logon ko kshatriy jati men sthan mila aur ve 'rajapoot' kahalae. isi prakar gond adi adivasiyon ko bhi, jinhonne rajanitik drishti se mahattv prapt kar liya tha, kshatriyon ke roop men manyata prapt ho gayi. musalamanon ke akraman evn desh ko vijay kar lene ke samay tak bharatiy samaj men jati vyavastha ek gatishil snstha thi. musalamanon ke ane ke bad jati bndhan aur kade pad gaye. ladaee ke maidan men musalamanon ka mukabala karane men asamarth hone par hinduon ne apani raksha nishkriy roop se jatiy pratibndhon ki kadaee men aur vriddhi karate hue ki. is riti se bharat men musalamanon ke anek shatabdiyon ke shasanakal men hindoo tatha hindoo dharm ko jivit rakha gaya. adhunik kal men jati pratha ki kadaee hinduon men adhunik gyan aur vicharon ke prasar ke phalasvaroop kafi shithil pad gayi hai. bharatiy ganatntr ki niti dhire-dhire jatiy bhedabhav aur pratibndhon ko samapt karane ki hai.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. histri aauf kast in indiya ; ee. senart, 'kast in indiya' ; je. ech. hattan, 'kast in indiya', 1946
  • pustak- bharatiy itihas kosh |lekhak- sachchidanand bhattachary | prisht snkhya- 167 | prakashan- uttar pradesh hindi snsthan lakhanoo

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah