माथा कुँवर मन्दिर कुशीनगर  हिन्दी देवनागरी में पढ़ें।

matha kunvar ka mandir uttar pradesh ke itihas prasiddh kushinagar men hai. yah mandir 'parinirvan mandir' se dakshin-pashchim disha men ek phalang chalane par milata hai. is sthan ke vishay men yah mana jata hai ki yahin buddh ne nirvan prapt kiya tha. mandir ek svatntr rachana n hokar ek bade vihar ka ang tha. yah vihar 114 phut (34.75 mitar) chaukor kshetr men vistrit tha. yahan utkhanan se bhagavan buddh ke jivan ki ghatanaon se snbaddh 10vin-11vin shatabdi ki mitti ki muharen bhi mili hain.

buddh ki pratima

is sthan ka utkhanan kary karlail ne kiya tha. yahin par buddh ne nirvan prapt kiya tha. isake khndaharon ko ajakal 'matha kunvar kot' ke nam se jana jata hai.[1] is mandir men bhoomi mudra men buddh ki 3.05 mitar oonchi vishal pratima sthapit thi. yah gaya ke kale patthar se nirmit thi. is moorti ki padapithika par 11vin shatabdi ka ek lekh hai. isase abhas hota hai ki yah moorti mandir men sthapit rahi hogi.[2] is moorti ko janaral kaningham ne 1861 ee. men paya tha. kalantar men 1876 ee. men karlail ne is mandir ka utkhanan karaya. pun: 1911 ki khudaee men isaka prachin sinhasan bhi mil gaya. is moorti ki marammat karane ke bad use pun: purane sthan par sthapit kar diya gaya aur 1927 ee. men isi sthan par vartaman mandir ka nirman kiya gaya.

snrachana

paravarti utkhananon se ab yah pray: nishchit ho gaya hai ki uparyukt mandir ek svatntr rachana n hokar ek bade vihar ka ang tha. yah vihar 114 phut (34.75 mitar) chaukor kshetr men vistrit tha. isamen 13.41 mitar vargakar angan aur 2.59 mitar chaude galiyare bane the. is poorvabhimukh vihar men angan ke charon or kamare bane hue the. pashchimi kinare par bich men bane ek kamare men uparyukt moorti sthapit thi. utkhanan se buddh ke jivan ki ghatanaon se snbaddh 10vin-11vin shatabdi ki mitti ki muharen mili hain. karlail ko isi kal ka ek shilapatt[3] bhi mila tha, jisase isake kalachuri vnsh ke kisi sthaniy shasak [4] dvara banavae jane ki pushti hoti hai.

yahan se utkhanan men mukhy stoop aur nirvan mandir ke charon or phaile anek sahayak math mile hain. is varg ke charon or bani ek divar se isaki pushti hoti hai. tooti eenton se nirmit 14.5687 hekteyar asaman chaturbhuj kshetraphal men vistrit yah divar poornat: bhoomi ke andar chhipi huee thi. isaki pratyek bhuja 381 mitar lnbi thi.[5]

navin mandir

adhunik kal men 'matha kunvar' nam se ek navin mandir ka nirman hua. is samay any prachin avasheshon ke atirikt yah mandir tatha stoop hi kushinagar ke mukhy darshaniy sthal hain. 1956 men bhagavan buddh ki 2500vin jaynti ke avasar par karlail dvara nirmit 'parinirvan mandir' ko todakar vistrit aur bhavy ne mandir ka nirman kiya gaya.

inhen bhi dekhen: parinirvan mandir kushinagar, prachin kushinagar ke puravashesh evn kushinagar ka itihas


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. e. kaningham, di ainshyenth jyographi aph indiya (indolajikal buk haus, varanasi, 1963), pri. 364
  2. debala mitra, buddhist manuments, pri. 71
  3. uddhrit abhilekh, vi.vi. mirashi, ‘insakripshns aph di chedi kalachuri era’, plet do, karpash insakripsanamh indikeram, bhag 4 (ootakasnd, 1955), pri. 375 aur age.
  4. snbhavat: bhim dvitiy
  5. smaraniy hai ki is vihar ka nirman paravarti hone ke karan isase bhi nishchit hota hai ki chini yatriyon ke yatra vivaranon men isaka koee ullekh nahin milata.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah