नरसिंह राव पी. वी.  हिन्दी देवनागरी में पढ़ें।

narasinh rav pi. vi.
Narsing-Rao.jpg
poora nam parabamul parthi venkat narasimha rav
janm 28 joon, 1921
janm bhoomi vangara gram, karim nagar, andhr pradesh
mrityu 23 disambar, 2004
mrityu sthan dilli, bharat
abhibhavak pita- pi. rnga
sntan tin putr v char putriyan
nagarikata bharatiy
parti kangres
kary kal 21 joon, 1991 se 16 mee, 1996
shiksha vidhi snkay men snatak tatha snatakottar
vidyalay 'usmaniya vishvavidyalay' tatha nagapur aur mumbee vishvavidyalay
bhasha hindi, angrezi, telugu, marathi, spenish, fransisi
vishesh yogadan lekhan, telugu upanyas ka hindi tatha marathi ki kritiyon ka telugu men anuvad.
rachanaen 'di insaidar'
any janakari aisa mana jata hai ki inhen rashtriy evn antarrashtriy star ki 17 bhashaon ka gyan tha tatha bhashaen sikhane ka junoon tha. vah spenish aur fransisi bhashaen bhi bol v likh sakate the.

pamulapati venkat narasinh rav (angrezi: Pamulaparti Venkata Narasimha Rao, janm- 28 joon, 1921, mrityu- 23 disambar, 2004) bharat ke nauven pradhanamntri ke roop men jane jate hain. inake pradhanamntri banane men bhagy ka bahut bada hath raha. 29 mee, 1991 ko rajiv gandhi ki hatya ho gee thi. aise men sahanubhooti ki lahar ke karan kangres ko nishchay hi labh prapt hua. 1991 ke am chunav do charanon men hue. pratham charan ke chunav rajiv gandhi ki hatya se poorv hue the aur dvitiy charan ke chunav unaki hatya ke bad. pratham charan ki tulana men dvitiy charan ke chunavon men kangres ka pradarshan behatar raha. isaka pramukh karan rajiv gandhi ki hatya se upaji sahanubhooti ki lahar thi. is chunav men kangres ko spasht bahumat nahin prapt hua, lekin vah sabase bade dal ke roop men ubhari. kangres ne 232 siton par vijay prapt ki thi. phir narasimha rav ko kangres snsadiy dal ka netritv pradan kiya gaya. aise men unhonne sarakar banane ka dava pesh kiya. sarakar alpamat men thi, lekin kangres ne bahumat sabit karane ke layaq sansad juta lie aur kangres sarakar ne panch varsh ka apana karyakal saphalatapoorvak poorn kiya.

janm evn parivar

pi. vi. narasimha rav ka janm 28 joon, 1921 ko andhr pradesh ke vangara gram karim nagar men hua tha. rav ka poora nam parabamul parthi venkat narasimha rav tha. inhen poore nam se bahut kam log hi janate the. inake pita ka nam pi. rnga tha. narasimha rav ne usmaniya vishvavidyalay tatha nagapur aur mumbee vishvavidyalay men shiksha prapt ki thi. unhonne vidhi snkay men snatak tatha snatakottar ki upadhiyan prapt kin. inaki patni ka nidhan inake jivan kal men hi ho gaya tha. vah tin putron tatha char putriyon ke pita bane the. pi. vi. narasimha rav vibhinn abhiruchiyon vale insan the. vah sngit, sinema aur thiyetar atyant pasand karate the. unako bharatiy snskriti aur darshan men kafi ruchi thi. inhen kalpanik lekhan bhi pasand tha. vah pray: rajanitik samikshaen bhi karate the. narasimha rav ek achchhe bhasha vidvani bhi the. unhonne telugu aur hindi men kavitaen bhi likhi thin. samagr roop se inhen sahity men bhi kafi ruchi thi. unhonne telugu upanyas ka hindi men tatha marathi bhasha ki kritiyon ka anuvad telugu men kiya tha.

narasimha rav men kee prakar ki pratibhaen thin. unhonne chhadm nam se kee kritiyan likhin. amerikan vishvavidyalay men vyakhyan diya aur pashchimi jarmani men rajaniti evn rajanitik sambandhon ko sarahaniy dhng se udaghatit kiya. narasimha rav ne dvimasik patrika ka sampadan bhi kiya. manav adhikaron se sambandhit is patrika ka nam 'kakatiya' tha. aisa mana jata hai ki inhen rashtriy evn antarrashtriy star ki 17 bhashaon ka gyan tha tatha bhashaen sikhane ka junoon tha. vah spenish aur fransisi bhashaen bhi bol v likh sakate the.

rajanitik jivan

narasimha rav ne svadhinata sngram men bhi bhag liya tha. azadi ke bad vah poorn roop se rajaniti men a ge lekin unaki rajaniti ki dhuri us samay andhr pradesh tak hi simit thi. narasimha rav ko rajy star par kafi khyati bhi mili. 1962 se 1971 tak vah andhr pradesh ke mntrimandal men bhi rahe. 1971 men rav pradesh ki rajaniti men kaddavar neta ban ge. vah 1971 se 1973 tak andhr pradesh ke mukhyamntri bhi rahe.

pi. vi. narasimha rav ne snkat ke samay men bhi indira gandhi ke prati vafadari nibhaee. 1969 men jab kangres ka vibhajan hua, to vah indira gandhi ke sath hi rahe. isase inhen labh prapt hua aur inaka rajanitik qad bhi badha. indira gandhi ne jab apatakal lagaya tab narasimha rav ki nishtha men koee bhi kami nahin aee. indira gandhi ka jab parabhav hua tab bhi inhonne pala badalane ka koee prayas nahin kiya. vah janate the ki parivartan sthayi nahin hai aur indira gandhi ka shasan pun: aega. unhonne rashtriy star par grih mntralay, videsh mntralay tatha suraksha mntralay bhi dekha. narasimha rav ne indira gandhi aur rajiv gandhi donon ka karyakal dekha tha. donon neta inaki vidvata aur yogyata ke karan hriday se inaka samman karate the.

pradhanamatri ke pad par

rajiv gandhi ke nidhan ke bad kangres men yah baval macha ki snsadiy dal ke neta ke roop men kise pradhanamntri ka pad pradan kiya jae. kafi logon ke nam vicharaniy the. lekin jis nam par sahamati thi, vah narasimha rav ka tha. us samay unaka svasthy anukool nahin tha. is karan vah itani badi zimmedari uthane se bachana chahate the. parantu in par diggaj netaon ka dabav tha. is karan anichchhuk hote hue bhi vah pradhanamntri banae ge. is prakar dakshin bharat ka pratham pradhanamntri desh ko prapt hua. snyogavash pradhanamntri banane ke bad narasimha rav men apekshit sudhar hota gaya. inake jivan men bimari ke karan jo nishkriyata a gee thi, vah pradhanamntri ke kartavyabodh se samapt ho gee. yahi inake svasthy labh ka karan bhi tha. inhonne apane jivan men itana kuchh 1991 tak dekha tha ki asvasth rahane ke karan svayn inhen bhi apane lambe jivan ki asha nahin thi. lekin pradhanamntri ka pad inake lie pranavayu banakar aya. pad ke dayitvon ko nibhate hue inake jivan ki dor bhi lambi ho gee.

pradhanamntri karyakal ke dauran

narasimha rav ke lie pradhanamntri ka pad pana to avashy sahaj raha lekin inako 5 varsh ke apane shasan kal men kafi sngharsh karana pada. parantu rajaniti aur koyale ki khadan men rahane vale vyakti par dag n lage, yah kabhi sambhav hi nahin tha. in par bhi bhrashtachar aur havala qarobar ke arop lage. inake viruddh harshad mehata ne yah dava kiya ki svayn par lage aropon se mukt hone ke lie usane rav ko ek karod rupayon ki rishvat di thi. yah arop kafi samay tak charcha ka vishay bana raha. kangres ne apane pradhanamntri narasimha rav par vishvas banae rakha aur harshad mehata ke aropon ko nakar diya. yadyapi is mamale ko midiya ne khoob uchhala tha. tab kangres ne yah tark diya tha ki jis prakar sootakes men ek karod rupaye bharakar dene ki bata harshad mehata ne kahi hai, usamen ek karod rupaya a hi nahin sakata. is par harshad mehata ne sootakes ke ek karod rupaye bharakar ti. vi. par dikhaya tha. lekin ek jalasaz vyakti par vishvas karane ka koee auchity nahin tha. harshad mehata ke viruddh is arop hetu karravaee nahin ki gee, isase logon ko kafi ashchary hua.

sansad kharidane ka arop

jab bura samay ata hai to vah charon taraf se ata hai. narasimha rav ke sath bhi yahi hua tha. rav sarakar ko bahumat sabit karane ke lie atirikt sansadon ki avashyakata thi. jharakhand mukti morcha dal ke sansadon ne rav sarakar ke paksh men apana samarthan diya. tab narasimha rav par yah arop laga ki sansadon ka samarthan hasil karane ke lie kharid-farokt ki gee hai. is par rav ke khilaf aparadhik prakaran darj kiya gaya. nichali adalat ne unhen saza bhi di lekin uchch nyayalay se narasimha rav ko rahat prapt ho gee. uparokt do bhrashtachar kandon ke atirikt 'sent kids' kand ne bhi narasimha rav ki alokapriy kar diya. sent kids dvip ke baink khate men poorv pradhanamntri vishvanath pratap sinh ke bete ka khata hone ke sambandh men khulasa kiya gaya tha. is vishay men ek patr ka bhi havala tha. vi. pi. sinh ne rajiv gandhi par bophors top kharid mamale men ghoos ka jo arop lagaya tha, vah usake viruddh kangres ka jabav tha. lekin bad men pramanit hua ki jo patr midiya ne jari kiya tha, vah jali tha aur vi. pi. sinh ke putr ka koee bhi khata sent kids dvip ke baink men nahin tha. aisi sthiti men yah mana gaya ki jali patr taiyar karane men narasimha rav ki hi bhoomika thi. isake atirikt rav par nyayalay men jhoothe dastavez banane ka abhiyog bhi chala. lekin narasimha rav is mamale men bhi bugunah sabit ho ge. isake alava lakkhoo bhaee pathak kand men mudra ke her-fer ka arop bhi in par laga, parantu pramanit kuchh bhi nahin hua. at: ek kathin daura narasimha rav ko jhelana pada. sabase badi bat to yah rahi ki kangres ekajut thi aur narasimha rav ke samarthan men khadi thi.

babari masjid ayodhya

ayodhya men babari masjid dhahae jane ke prakaran men bhi pradhanamntri narasimha rav ki kafi alochana huee. tab un par yah arop laga ki babari masjid dhahae jane ko lekar unaki udasinata hi unaki mook sahamati thi aur vah apani hindutvavadi soch par qayam the. isase kangres ki dharmanirapekshata ki chhavi bhi sndeh ke ghere men a gee aur musalaman unase bidakakar samajavadi parti ki or akrisht hue. ayodhya ke vivadit dhanche ko dhahae jane ke virodh men desh bhar men sampradayik dnge bhi hue aur kee bam kand bhi hue. inamen saikadon logon ki maut ho gee. anek rajyon ki arabon rupayon ki sarvajanik sampatti ko bhi dngaeeyon ne dhvast kar diya. desh ka sampradayik sauhard samapt hone ke kagar par pahunch gaya. vastut: pradhanamntri pi. vi. narasimha rav ne babari masjid ki suraksha ke lie prabhavi qadam nahin uthae the. vah chahate to babari masjid ko bacha sakate the. is prakar unaki adooradarshita ke karan hi sarvajanik dnge hue the. narasimha rav par yah bhi arop laga ki shrimati indira gandhi ki hatya ke bad desh men pratihinsa ke svaroop jo dnge bhadake the, unaki prabhavi rokatham nahin ki gee. is samay rav desh ke grihamntri the. inhen hindoo-sikh dngon ko rokane ke lie kade se kade qadam uthane chahie the. dilli tin din tak pratihinsa ki agni men jhulasati rahi. is karan bhi narasimha rav ki nishkriyata ki kafi alochana ki gee. yadi vah sakht qadam uthate to saikadon jivan bachae ja sakate the. grihamntri ke dayitv inhen har qimat par poorn karane chahie the.

nee arthik niti

parivartan hi shashvat hota hai, at: samay ke anusar parivartan hona chahie. sampoorn vishv ek svikary mndi ban gaya tha. is karan yah sambhav hi nahin tha ki bharat anudar arthik niti ke sath chipaka rahe. aisi sthiti men pradhanamntri pi. vi. narasimha rav ne arthik sudharon ka shriganesh kiya. bharatiy arthavyavastha ko vishv arthavyavastha ke anukool banane ke saragarbhit prayas kie. is samay vaishvikaran aur saral nijikaran ki dhoom machi huee thi. sarvajanik kshetron ke un upakramon ko rekhankit kiya gaya jo tamam arthik upachar ke bad bhi ghata hi ugal rahe the. is samay narasimha rav ke vittamntri manamohan sinh the, jo ki ek bemisal arthashastri bhi hain. narasimha rav ne apane vitt mntri ke arthik sudhar karyakramon par poornataya vishvas vyakt kiya. is karan ghate men chalane vale kee sarakari udyogon ke niji hathon men saunpane ka faisala kiya gaya. isake atirikt khuli arthik vyavastha men laisensikaran ko samapt kiya gaya.

isake poorv niji udyami ko kisi bhi udyog ki sthapana hetu laisens lena anivary tha. laisens raj ke karan udyamiyon ko kafi kathinaiyon ka samana karana padata tha. isase unaka samay aur oorja donon hi nasht hoti thi aur lalafita shahi ke doshon ke karan bhrashtachar ko bhi badhava mil raha tha. arthik sudhar lagoo hone se udyamiyon ke lie udyog sthapit karana asan ho gaya. is karan desh men ne niveshak samane ae. desh ka utpadan badhane ke sath hi rozagar vikendrit svaroop prakat hue. videshi niveshakon ko bhi bharat men udyam sthapit karane ki suvidha prapt ho gee. desh pragati ki rah par badha jisase bharatiy videshi mudra bhandar men akalpaniy vriddhi huee. lekin aisa bhi nahin hai ki arthik sudhar karyakramon ko sampoorn sarahana prapt huee ho. desh ki kee tred yooniyns ne nijikaran ka prabal virodh kiya. muddahin vipaksh unaki pith thonkane aur rav sarakar ki alochana karane men pichhe nahin raha. vipaksh ka kahana tha ki rav sarakar ke dvara bharat ko pun: gulami ki or dhakela ja raha hai. jis prakar eest indiya kampani ne vyapar ke nam par bharat men ghusapaith karake desh ko gulam bana liya tha, usi prakar videshi niveshak bharatiy udyogon par qabza kar lenge. lekin is dushprachar se aprabhavit rahate hue pradhanamntri narasimha rav evn vittamntri manamohan sinh ne arthik sudhar karyakram jari rakhe. in ne arthik upayon ke karan desh ki vikas dar men apekshit sudhar hua. yah vikas dar 7 pratishat ho gee, jo ki poorv men matr 1 pratishat ke asapas hi thi.

rupaye ka avamoolyan

bharatiy niryat men vriddhi karane ke lie yah avashyak tha ki rupaye ka avamoolyan kiya jae. avamoolyan karane ke alava rav sarakar ne kharchon ko bhi kam karane par zor diya. sarakari kharchon men kafi katauti ki gee. lekin yah sab asan nahin tha. rav sarakar ko viradhon ka samana karana pada. bharat ke shaktishali audyogik gharanon ko jab videshi nivesh ke karan apana ekadhikar dolata nazar aya to unhonne bhi rav sarakar ki alochana karani arambh kar di. unhonne virodh ke svaroop ek snstha ka bhi gathan kiya. lekin vittamntri ke prayason ko narasimha rav ka samarthan jari raha. desh men kee bahurashtriy kampaniyon ka agaman hua. bharatiy kampaniyon ko bhi sarakar ne chhoot pradan ki taki ve videsh men qarobar karane ka sapana phalibhoot kar saken. arthik sudhar karyakram anavarat chalata raha aur pratham tin varshon tak desh arthik pragati ke path par aroodh bhi raha. lekin bad ke kuchh varshon men kathinaiyan aeen aur ise baraqarar nahin rakha ja saka. kee rajyon men kangres ki sarakar jati rahi. babari masjid vidhvns ke karan bhi arthik nuqasan hue. rajyon men huee har ka karan vishleshakon ne arthik niti bataee. kuchh kangresi neta is ray se sahamat nahin nazar ae aur kuchh ne isaka virodh bhi kiya. lekin narasimha rav janate the ki arthik sudharon ke karan hi desh badahal arthik snkat se ubar saka hai. isake poorv bharat arthik roop se kngal ho chuka tha aur vishv ki arthavyavastha men usaka koee sthan nahin rahata. narasimha rav ne apane vittamntri manamohan sinh ki dhal banakar unaka bachav kiya. unake manobal ko ooncha rakha aur tamam virodhon ke bavajood manamohan sinh ki arthik niti par vishvas banae rakha.

kangres ki parajay

vi. pi. narasimha rav ki arthik saphalataen bhula di geen. 1996 ke am chunav men kangres ko parajay ka samana karana pada. snsad men unake pas itane sansad nahin the ki vah sarakar banane ka dava pesh kar saken. in chunavon men bharatiy janata parti hi sabase badi parti ke roop men ubharakar samane aee. is karan rashtrapati daauktar shnkar dayal sharma ne bhajapa ko sarakar banane aur bahumat siddh karane ka nyota diya. lekin yah usi samay tay ho chuka tha ki bhajapa avashyak bahumat pesh nahin kar sakegi. atal bihari vajapeyi pradhanamntri bane, lekin 13 din ke bad hi sarakar gir gee. is chunav men vibhinn karanon se kangres ki parajay ka zimmedar narasimha rav ko hi mana gaya aur parti men unaki sthiti dinon-din kamazor hone lagi. antat: jab soniya gandhi ka sakriy rajaniti men pravesh hua to parti sngathan unhin ke eed-gird mndarata nazar ane laga.

vibhinn upalabdhiyan

sanh 1996 men pradhanamntri ke pad se hatane ke bad se hi pi. vi. narasimha rav ka hashiy par jana arambh ho gaya tatha kangres sngathan ne inhen vismrit kar diya tathapi vah nimnavath upalabdhiyon ke lie sadaiv jane jaenge-

  • pi. vi. narasimha rav pratham dakshin bharatiy pradhanamntri bane aur unhonne apana karyakal sampoorn kiya.
  • narasimha rav par hindutvavadi shaktiyon ka prashray dene ka arop bhi laga.
  • rav par bhrashtachar ke bhi kee arop lage, lekin nyayalay men inhen antim roop se sabit nahin kiya ja saka.
  • ab tak neharoo-gandhi parivar ke sadasy hi pradhanamntri ke taur par apana karyakal poora karate rahe. lekin narasimha rav ne is parampara ko todate hue poore panch varsh ka samay pradhanamntri ke roop men guzara.
  • babari masjid prakaran ke bad narasimha rav ne muslimon ko sambodhit karate samay urdoo bhasha ka prayog kiya. lekin avashyakata padane par hindoo matavalambiyon ke samaksh unhonne snskritanishth shlokon dvara apani bat kahi.
  • narasimha rav ki rajanitik dakshata ke karan andhr pradesh men telugu desham parti aur janata parti ki sthiti kamazor tatha kangres ki sthiti mazaboot huee.
  • jab rajanitik vyakti apani parti men upekshit hota hai to vah samanyat: doosari parti se jud jata hai. lekin rav ne mrityu paryant kangres ko hi apana pratham aur antim ghar mana. yah kisi bhi vyakti ki charitrik mahanata hi kahi jani chahie ki vah apani parti ke sath men vafadari barate.

lekhan kary

rajanitik sannyas ka jivan jite hue bhi pi. vi. narasimha rav ne sarthak jivan guzara. is samay ka upayog unhonne lekhan aur anuvad karyon men kiya. unhonne telugu bhasha ke vishvanath satyanarayan jaise mahanh sahityakar ke upanyas 'sahastr phan' ka hindi men anuvad bhi kiya. jivan ke antim daur men rav ne ek rajanitik upanyas 'di insaidar' likha. sath hi sath ram mandir aur masjid prakaran par inaki ek pustak prakashit huee, jisamen inhonne tathyatmak evn vishleshanatmak sthitiyon ka chitran karate hue apani bhoomika ko spasht kiya tha.

nidhan

narasimha rav ka svasthy 2004 ke asapas kharab rahane laga tha. unhen 9 disambar ko ems men dakhil karaya gaya. inhen sans lene men kathinaee ho rahi thi. antat: 83 varsh poore karane ke bad 23 disambar, 2004 ki dopahar 2:40 par apana sharir tyag diya. antim samay men unake bete prabhakar rav unake pas upasthit the. is prakar desh ke nauven pradhanamntri ke roop men pi. vi. narasimha rav ne apana jivan saphar poorn kiya. lekin arthik sudharon ke lie inhen sadaiv yad rakha jaega. vibhinn bhashaon ka gyan rakhane vale vidvanh ke roop men bhi yah deshavasiyon ki smriti men sada bane rahenge.



bharat ke pradhanamntri
Arrow-left.png poorvadhikari
chandrashekhar
narasinh rav pi. vi. uttaradhikari
atal bihari vajapeyi
Arrow-right.png


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah