साक्षरता दिवस  हिन्दी देवनागरी में पढ़ें।

saksharata divas
antarrashtriy saksharata divas ka pratik chihn
vivaran 'saksharata' ka tatpary sirf padhana-likhana hi nahin balki yah samman, avasar aur vikas se juda vishay hai. duniya men shiksha aur gyan behatar jivan jine ke lie zaroori madhyam hai.
tithi 8 sitambar
uddeshy saksharata divas ka pramukh uddeshy nav saksharon ko utsahit karana hai.
any janakari nalanda, vikramashila aur takshashila jaisi vishv prasiddh shiksha snsthanon ki sthapana ne shiksha ke prachar men aham bhoomika nibhaee. logon men vyavasayik kaushal vikasit karane ke lie saksharata ek badi zaroorat hai.

antarrashtriy saksharata divas (angrezi: International Literacy Day) vishv men 8 sitnbar ko manaya jata hai. vartaman yug men shiksha bahut zaroori hai. shiksha ke bina kisi karyakram ka niyojan sambhav nahin hai. shiksha hamare jivan ka avashyak ang hai. sarakar sarvashiksha abhiyan chalakar pratyek vyakti ko sakshar banane ke lie vibhinn yojanayen snchalit kar rahi hai. ek vyakti ka shikshit hona usake svayn ka vikas hai, vahin ek balika shikshit hokar poore ghar ko snvar sakati hai. jab desh ka har nagarik sakshar hoga tabhi desh ki taraqqi ho sakegi. [1]

tatpary

saksharata ka tatpary sirf padhana-likhana hi nahin balki yah samman, avasar aur vikas se juda vishay hai. duniya men shiksha aur gyan behatar jivan jine ke lie zaroori madhyam hai. aj anapadhata desh ki taraqqi men bahut badi badha hai. jisake abhishap se garib aur garib hota ja raha hai.

uddeshy

saksharata divas ka pramukh uddeshy nav saksharon ko utsahit karana hai. antarrashtriy saksharata divas hamare liye aham divas hai, kyonki hamare jivan men shiksha ka bahut adhik mahattv hai. hamare desh men purushon ki apeksha mahila saksharata kam hai. hamen aj ke din yah snkalp lena hoga ki har vyakti sakshar banen, nirakshar koee n rahe. hamen apane yahan se nirakshata ko bhagana hoga.

shaikshik itihas

bharat ka shaikshik itihas atyadhik samriddh hai. prachin kal men rishi-muniyon dvara shiksha maukhik roop men di jati thi. shiksha ka prasar varnamala ke vikas ke pashchath bhoj patr aur pedon ki chhalon par likhit roop men hone laga. is karan bharat men likhit sahity ka vikas tatha prasar hone laga. desh men shiksha jan sadharan ko bauddh dharm ke prachar ke sath-sath upalabdh hone lagi. nalanda, vikramashila aur takshashila jaisi vishv prasiddh shiksha snsthanon ki sthapana ne shiksha ke prachar men aham bhoomika nibhaee. logon men vyavasayik kaushal vikasit karane ke lie saksharata ek badi zaroorat hai.

shiksha ka prasar

bharat men angrezon ke agaman se yooropiy mishanariyon ne angrezi shiksha ka prachar kiya. isake bad se bharat men pashchimi paddhati ka nirantar prasar hua hai. vartaman samay men bharat men sabhi vishayon ke shikshan hetu anek vishvavidyalay aur unase jude़ haja़ron mahavidyalay hain. bharat ne uchch koti ki uchchatar shiksha pradan karane vale vishv ke agrani deshon men apana sthan bana liya hai.

shulk men vriddhi

shiksha ke shulk men anek karanon se (vishesh roop se vyavasayik shiksha) nirantar vriddhi ho rahi hai. is karan garib parivar ke bachchon ko uchch shiksha prapt karane men kathinaee hone lagi hai.[2]

sakshar bharat

poorv pradhanamntri manamohan sinh ne desh ki sabhi mahilaon ko agale panch salon men sakshar banane ke lakshy ke sath antarrashtriy saksharata divas ke mauke par mahilaon ke lie vishesh taur par ‘sakshar bharat’ mishan ka shubharnbh kiya tha. is avasar par pradhanamntri ne ummid jataee thi ki ‘sakshar bharat’ mishan, rashtriy saksharata mishan se bhi zyada saphal sabit hoga. unhonne kaha tha ki- "desh ki ek tihaee abadi nirakshar hai. desh ki adhi mahilaen abhi bhi padh-likh nahin sakatin. saksharata ke mamale men ham vishv men sabase pichhade deshon men shumar hain."


pradhanamntri ne kaha ki- "anusoochit jati, anusoochit janajati, alpasnkhyak aur any vnchit v pichhade vargo ki mahilaon ka sakshar n hona hamare lie bahut badi chunauti hai aur hamen is chunauti se par pana hoga. yadi hamen sabhi nagarikon ko sashakt karana hai aur tezi se vikas karana hai to desh ko poori tarah se sakshar karana hoga. jis ‘sakshar bharat’ mishan ki aj ham shuruat kar rahe hain vah saksharata ke prati hamari rashtriy pratibaddhata ko zahir karata hai. yah mishan khasakar mahilaon men saksharata ki dar badhane ki hamari koshish men madadagar sabit hoga."

unhonne kaha ki- "saksharata ke mamale men azadi ke bad se hamane lagatar vriddhi ki hai. varsh 1950 men saksharata ki dar 18 fisadi thi, jo varsh 1991 men 52 fisadi aur varsh 2001 men 65 fisadi pahunch gayi."[3]

saksharata abhiyan

bharat bhi ban sakata hai, shat pratishat sakshar

saksharata divas ka din hamen sochane ko majaboor karata hai, ki ham kyo 100% sakshar nahin hain. yadi keral ko chhod diya jae to baki rajyon ki sthiti bahut achchhi nahin kahi ja sakati hai. sarakar dvara saksharata ko badhane ke lie sarv shiksha abhiyan, mid de mil yojana, praudh shiksha yojana, rajiv gandhi saksharata mishan adi n jane kitane abhiyan chalaye gaye, magar saphalata asha ke anuroop nahin mili. mid de mil men jahan bachcho ko akarshit karane ke lie skoolon men bhojan ki vyavastha ki gayi, isase bachche skool to ate hain, magar padhane nahin khana khane ate hain. shikshak log padhaee ki jagah khana banavane ki phikar men lage rahate hain. hamare desh men sarakari taur par jo vyakti apana nam likhana janata hai, vah sakshar hai. ankade jutane ke samay jo ghotala hota hai, vo kisi se chhupa nahin hai. agar sahi tariqe se saksharata ke ankade jutae jae to desh men 64.9% log shayad sakshar n ho. sarakari ankado par vishvas kar bhi liya jae to bharat men 75.3% purush aur 53.7% mahilayen hi sakshar hain.

sakshar kaise bane

bharat 100% sakshar kaise bane. bharat men sabase zyada vishvavidyalay hai. hamare desh men har sal lagabhag 33 lakh vidyarthi snatak hote hain. usake bad berozagaron ki bhid men kho jate hain. ham har sal snatak hone vale vidyarthiyo ka sahi upayog saksharata ko badhane men kar sakate hain. snatak ke pathyakram men ek atirikt vishay joda jae, jo sabhi ke lie anivary ho. is vishay men sabhi chhatron ko ek vyakti ko sakshar banane ki zimmedari leni hogi. shikshakon ke dvara isaka moolyankan kiya jaega. antim varsh men moolyankan ke adhar par ankasoochi men isake ank bhi jode jae. isase har sal lagabhag 33 lakh log sakshar honge. vo bhi kisi sarakari kharch ke bina.[4]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. saksharata divas par manav shrinkhala (hindi) (ech.ti.em.el) jagaran. abhigaman tithi: 5 sitnbar, 2010.
  2. bharatiy kendr ke lakshy aur uddeshy (hindi) viki aijuketar. abhigaman tithi: 5 sitnbar, 2010.
  3. panch sal men har mahila ko sakshar banane ka lakshy (hindi) (ech ti em el) laiv hindustan daaut kaaum. abhigaman tithi: 5 sitnbar, 2010.
  4. bharat bhi ban sakata hai, shat pratishat sakshar (hindi) (ech ti em el) mukesh pandey "chandan". abhigaman tithi: 5 sitnbar, 2010.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah