बांग्ला लिपि  हिन्दी देवनागरी में पढ़ें।

bangla aur asamiya lipiyon men bahut samanata hai aur in donon ka vikas ekasath hi hua hai. pn. gaurishnkar hirachnd ojha (ojhaji) ka mat tha ki,
"bangla lipi bharatavarsh ke poorvi vibhag arthath magadh ki taraph ki lipi se nikali hai aur bihar, bngal, mithila, nepal, asam tatha udisa se milane vale kitane ek shilalekh, danapatr, sikkon ya hastalikhit pustakon men paee jati hai."
kintu lagata hai ki kuchh puralipivid nagari lipi ke sath bangla lipi ka yah rishta pasand nahin karate hain. isalie poorvi bharat men 8vin shatabdi tak kutil lipi ka jo roop yatr-tatr dikhaee deta hai, usi men bangla ke ady roop vale kuchh akshar khojane ka prayatn ajakal kuchh puralipivid kar rahe hain. sachchaee to yah hai ki bharat ki lipiyon par prantiy ka vesh ham bahut dave ke sath nahin chadha sakate. lipiyon ke adhyayan ki suvidha ke lie hi ab tak ham inaka vargikaran karate chale ae hain; varana bharat ki sabhi lipiyan brahmi lipi se nikali hain. dasavin shatabdi ke asapas se hi bharat ki vartaman lipiyan ek-doosare se thodi-thodi door hatati dikhaee deti hain. ab yadi poorvi bharat ke 8vin shatabdi ke kisi abhilekh ko uthakar koee puravid kahe ki isake bahut se akshar nagari lipi se milate hain, to yah bat bhi hamen man leni padati hai. vastutah sabhi sndhikalin paristhitiyon men bhi isi prakar ki khinchatan hoti hai. isilie ham is prashn ki gaharaee men n jakar keval unhin lekhon men se kuchh ka ullekh karenge, jinamen bangla-asamiya lipiyon ka vikas dekhane ko milata hai.

poorvi bharat ke gyarahavin shatabdi ke lekhon men hamen pahali bar bangla lipi ki jhalak dekhane ko milati hai. 8vin shatabdi men gaudadesh (bngal) men pal rajaon ka shasan arambh hua. sabhi palavnshi raja bauddh the. narayanapal ke samay (lagabhag 860-915 ee.) ke bad stambhalekh ke keval kuchh akshar hi bangla jaise dikhaee dete hain. parantu vijayasen ke devapada-lekh ke aksharon ka jhukav spasht roop se bangla ki or dikhaee deta hai. yah lekh 11vin shatabdi ke uttarardh ka hai. is lekh men ‘p’ tatha ‘y’ aur ‘v’ tatha ‘b’ men vishesh antar nahin hai. isamen avagrah (a) ka bhi prayog dekhane ko milata hai, jo vahan nagari ke ‘i’ akshar-sa hai. 12vin shatabdi ke lekhon men to bangla lipi apani svatntr visheshataon ko grahan karane lagati hai. is shatabdi ke kuchh prasiddh abhilekh hain- gopal tritiy ke samay ka mnda-lekh, bngal ke raja lakshmanasen ka tarpanadighi-danapatr, madheenagar-shilalekh aur dhaka-moortilekh, ashokachall ka 1170 ee. ka buddhagaya-lekh, 1175 ee. ka gadadhar mandir lekh aur kaimbrij sngrahalay ki ‘pncharaksha’ ‘yogaratnamala’ tatha ‘guhyavali-vivritti’ hastalipiyan.

kamaroop ke rajaon ke bhi bahut-se danapatr, shilalekh tatha ankit mudraen mili hain. inamen raja vaidyadev ka danapatr sahityik drishti se vishesh mahattv ka hai, kyonki isake rachayita prasiddh kavi umapatidhar hain. samakalin kavi jayadev ne ‘git govind’ kavy men umapatidhar ke bare men kaha tha- vachah pallavayatyumapatidharah (umapatidhar apane shabdon ko pallav ki tarah prasphutit karate hain). umapatidhar dvara rachit is danapatr men bhi ‘avagrah’ ka prayog dekhane ko milata hai. yahan ham is danapatr ka namoona de rahe hain.

asam men vallabhadev ya vallabhendr ka 1185 ee. ka ek danapatr mila hai. is danapatr ke lekh men kahin-kahin ‘n’ aur ‘l’ men tatha ‘p’ aur ‘y’ men spasht antar nahin hai. ‘v’ aur ‘b’ men to bilkul bhed nahin hai. bad men any lipiyon se bhed spasht karane ke lie asam ki lipi ko ‘asamakshar’ ka nam diya gaya.

lipyntar

uchchitrani digambarasy vasananyardhanganasvamino
ratnalnkritibhirvvishoshitavapuah shobhaah shatnsubhruvah
pauradyashch puriah shmashanavasaterbhikshabhujosyakshayan
lakshmin s vyatanoddaridrabharane sugyo hi senanvayah..

12vin shatabdi ke bad bangla lipi ke tamrapatron, prastaron, bhoorjapatron aur vividh prakar ke kagazon par bahut-se abhilekh milate hain. udiya lipi 14vin shatabdi tak to bangla ke sath chalati hai, parantu usake bad isaka vikas svatntr roop se hota hai. usake akshar adhikadhik golakar hote jate hain aur unamen gundiyan banati jati hain. isaka karan yah hai ki udisa ke lipikar tadapatron par likhate the aur lohe ki shalaka ka prayog karate the.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah