कोपनहेगन  हिन्दी देवनागरी में पढ़ें।

kopanahegan (angrezi: Copenhagen) denamark ki rajadhani aur vahan ka sabase bada nagar hai. yah jiland aur amagar namak dvipon par basa hua hai. kopanahegan ko barambar ek aise nagar ke roop men pahachan mili hai, jahan ka jivan star vishv men sarvashreshth mana jata hai. yah duniya ke sabase paryavaran-anukool nagaron men se ek hai.

itihas

kopanahegan ki sthapana 1000 ee. men sven phorkabiyard pratham dvara ki gee thi. 12vin sadi ke madhy tak yah ek matsyotpadak gram tha, jise 'hvan' kaha jata tha. jab yah 1167 ee. men absalon namak bishap ke adhikar men aya, tab ise aur adhik mahatv prapt hua. utkrisht bndaragah nagar ki vriddhi prabalit karane laga aur yah nagar vanijy ka ek mahatvapoorn kendr ban gaya. is prakar isaka nam kopanahegan pada, jisaka dainish bhasha men arth hai- "bandaragah ke vyapari". varsh 1254 ee. men kopanahegan ne nagar ka roop us samay dharan kiya, jab raja kristophar tritiy ne ise apani rajadhanin banaya. tab se isaki vastavik unnati huee. 1700 ee. men dach, svidan tatha angrezon ki bamavarsha se 1728 evn 1795 men agni se tatha 1807 men angrezon ki pun: bamavarsha se yah nagar atynt kshatigrast ho gaya. isaki vyaparik unnati ne, jo 19vin shatabdi ke madhy men mnd pad gee thi, 1894 ee. men karamukt bndaragah ke nirman se punarjivan prapt kiya.

is kshetr ke pratham likhit dastavej 11vin sadi ke hain aur kopanahegan 15vin sadi ke arambh men aur krischiyan chaturth ke shasanakal men denamark ki rajadhani bana. varsh 2000 men oresand setu ke poora hone ke sath hi kopanahegan oresand kshetr ka kendr ban gaya. is kshetr men kopanahegan aur svidan ka malmo nagar milakar ek am mahanagariy kshetr banane ki prakiya men hai.

bhoogol

kopanahegan jilaind dvip ke poorvi tat ki samatal bhoomi par sthit hai. yah poorvi kinare, amagar dvip par thoda sa bhag aur bahut-se chhote-chhote prakritik aur kritrim dvipon par basa hua hai. kopanahegan ke poorab ki or oresand namak ek jalarashi hai, jo denamark aur svidan ko prithakh karati hai aur jo uttari sagar aur baltik sagar ko jodati hai. 50 ki.mi. ke ardhavyas men 27 lakh logon ke sath kopanahegan uttari yoorop ke sabase saghan kshetron men se ek hai.

niryatak vastuen

yahan ek prakritik pattan tatha bndaragah hai. mukhy niryat mans, dugdh padarth, chini mitti, mitti ke saman, ghadiyan, mashinen, vastr rasayanik padarth, chini mady, dijel injan, jalapot, kashthapadarth, kagaz tatha chakalet ityadi hain.

sarvashreshth jivan star

kopanahegan ko bar-bar ek aise nagar ke roop men pahachan mili hai, jahan ka jivan star vishv men sarvashreshth men se ek hai. yah duniya ke sabase paryavaran-anukool nagaron men se ek mana jata hai. bhitari bandaragah ka pani itana saf hai ki usamen taira ja sakata hai. yahan ke 36 pratishat nivasi pratidin saikil se kam par jate hain, yani ki pratidin 11 lakh ki.mi. ki yatra saikil ke madhyam se poorn ki jati hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah