गोर  हिन्दी देवनागरी में पढ़ें।

gor herat tatha helaman ghati ke bich men sthit vah bhag, jisamen adhunik hazaristan sammilit hai. yah sthan chandi tatha sone ki khadanon ke lie prasiddh raha hai. aitihasik drishtikon se bhi yah sthan kafi mahattv ka raha hai.

itihas

10vin sati ee. men ibne hokal namak bhoogolavetta ke anusar yah sthan bada hi abad evn chandi tatha sone ki khanon ke liye prasiddh tha. 1148 tatha 1215 ee. ke madhy 'sam' ke vnshaj gori sultanon ke karan is sthan ko badi prasiddhi prapt huee. 1149 ee. men bahauddin sam ne gor par adhikar jama liya aur zakoh ne qile ko poora karava kar use sena ke rahane ke yogy banaya. shighr hi usaki mrityu ho gee aur usake sthan par usaka bhaee alauddin sinhasanaroodh hua. usane gazani par akraman kar use nasht-bhrasht kar aur gazanavi sultanon ki qabron se unaki haddiyan khod-khodakar jalava dalin, isi karan usaka nam alauddin jahansoz (snsar ko jalane vala) pad gaya.[1]

kuchh samay uparant sultan sajar salajook ne us par akraman kar use parajit kar diya. alauddin bndi bana liya gaya, kintu snjar ne kuchh samay uparant use mukt kar gor ka rajy use vapas kar diya. usane apani shakti uttar ki or garajistan men badha li aur toolak namak qile ko apane adhikar men kar liya. 1156. ee. men usaki mrityu ho gee aur usake sthan par usaka putr saifuddin muhammad firozakoh men sinhasanaroodh hua. usane sam ke donon putron gayasuddin tatha mueejuddin ko mukt kar diya aur malahida athava ismaeeliyon ki shakti ko bhi nasht karane ka prayatn kiya; kintu 1162 ee. men guz turkon se yuddh karata hua marv ke samip mara gaya. sena gayasuddin bin sam ke sath firozakoh laut aee aur use vahan sinhasanaroodh kar diya. usaka bhaee mueenuddin usaka mukhy sahayak ban gaya. 1173 ee. men mueejuddin ne gazanaviyon ke poore rajy ko apane adhikar men kar liya. gayasuddin ne herat par bhi akraman kie, jo us samay sultan snjar ke turk das tugaril ke adhin tha aur 1175 ee. men us par adhikar jama liya. kintu tugaril nirntar apane rajy ke liye sngharsh karata raha.[1]

bharatiy itihas se sambndh

mueejuddin ne gazani men apani satta badhakar bharat par akraman karane prarnbh kar die. us samay lahaur men gazanaviyon ka antim badashah khusaro malik rajy karata tha aur multan karamatiyon ke adhikar men tha. mueejuddin ne 1174 ee. men multan aur usake uparant uchch par adhikar kar liya. uchch us samay bhatti vnsh ke raja ke adhin tha. 1178 ee. men anhilavada (gujarat) ke raja bhimadev par akraman kar diya kintu sultan ko vapas hona pada. 1179 ee. men usane peshavar par adhikar kiya. 1182 ee. men usane sindh ke samudri tat par sthit deval ko jita. 1186 athava 1187 ee. men usane khusaro malik ko parajit kar lahaur par kabja kar liya. 1191 ee. men bhatinda ke dridh qile par adhikar kar usane prithviraj chauhan par chadhaee ki. tarain ke yuddh men prithviraj ne mueejuddin ko buri tarah parajit kar diya aur sultan svayn badi kathinaee se ranakshetr se bhag saka. prithviraj bhatinda tak badhata chala gaya, kintu 1192 ee. men sultan ne pun: prithviraj par akraman kiya aur tarain ke yuddh men use parajit kar diya.

sultan gazani vapas chala gaya. 1193 ee. men usane kannauj par akraman kiya. itava ke samip chndavar men ghor yuddh hua. jayachnd mara gaya. doosare varsh usane 'thanakir' (bayana) tatha gvaliyar par bhi adhikar kar liya. 1204 ee. men usane khvarijm par pun: akraman kiya, kintu use parajit hokar gazani vapas ana pada. isi bich men pnjab ke kabilon, visheshakar khokkharon ne lahaur ke samip vidroh kar diya. sultan unhen dnd dene ke liye pun: bharat pahuncha, kintu vapas hote samay sindh nadi par sthit 'damiyak' namak sthan par mulahidon ne 1206 men usaki hatya kar di. usaki mrityu ke uparant gor vnsh ki bhi shakti chhinn-bhinn ho gee aur 1215 ee. men khvarijmashahiyon ne unaka poornat: ant kar diya.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 gor (hindi). . abhigaman tithi: 28 march, 2014.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah