द्रोण पर्व महाभारत  हिन्दी देवनागरी में पढ़ें।

mahabharat ke parv

dron parv men bhishm ke dharashayi hone par karn ka agaman aur yuddh karana, senapati pad par dronachary ka abhishek, dronachary dvara bhaynkar yuddh, arjun ka snshaptakon se yuddh, dronachary dvara chakravyooh ka nirman, abhimanyu dvara parakram aur vyooh men phnse hue akele ni:shastr abhimanyu ka kaurav maharathiyon dvara vadh, shodasharajakiyopakhyan, abhimanyu ke vadh se pandav-paksh men shok, snshaptakon ke sath yuddh karake laute hue arjun dvara jayadrathavadh ki pratigya, krishn dvara sahayog ka ashvasan, arjun ka dronachary tatha kaurav-sena se bhayanak yuddh, arjun dvara jayadrath ka vadh, donon pakshon ke vir yoddhaon ke bich bhishan ran, karn dvara ghatotkach ka vadh, dhrishtadyumn dvara dronachary ka vadh.

dronachary ke senapatitv men agale panch din ke yuddh ka nirnay

pitamah bhishm ke ahat hone par achary dron ko senapati banaya gaya. senapati banane ke bad dron ne pratigya ki ki main bhishm ki tarah hi kaurav-sena ki raksha tatha pandav-sena ka snhar karoonga. mujhe keval dhrishtadyumn ki chinta hai, kyonki usaki utpatti hi meri mrityu ke lie huee hai. duryodhan ne dronachary se prarthana ki ki yadi ap keval yudhishthir ko pakad len. to yuddh bhi ruk jaega aur janasnhar bhi n hoga.

yudhishthir ko pakadane ka shadyntr

dronachary ne vachan diya ki main poori shakti se yudhishthir ko bndi banane ki koshish karoonga par isake lie arjun ko yudhishthir ke pas se hatana hoga. is par trigart desh ke raja susharma tatha snsaptakon ne vishvas dilaya ki yuddh ke lie arjun ko chunauti denge aur ladate-ladate arjun ko door le jaenge. udhar pandavon ko krishn ne kaha ki kal karn bhi yuddh men bhag lega. atah ab yuddh chhal-pradhan hoga, isalie yudhishthir ki raksha ka poora prabndh hona chahie. is prakar gyaharaven din pratah kal donon senaen amane-samane a datin.

gyaharaven din ka yuddh

aj ke yuddh men achary dronachary senapati the. inhin ke sath duryodhan, dushasan, jayadrath, kritavarma, kripachary, ashvatthama aur karn bhi the. pandav-sena men sabase age arjun the. arjun ko dekhakar trigartaraj susharma age badhe. arjun ne satyaki ko bulakar kaha ki achary dron ki poorv rachana yudhishthir ko pakadane ke lie ki gee hai. tum savadhan rahana. hamari sena ka senapatitv dhrishtadyumn kar rahe hain, isase achary dron dare hue hain.

susharma aur snsaptakon ne tezi se age badhakar arjun ko chunauti di. arjun ne achary dron ko namaskar karane ke lie do tir chhode. achary ne apane shishy ko ashirvad diya. susharma arjun ko ladate-ladate kafi door le ge. shaly ne bhim ko roka, karn satyaki se joojh pade tatha shakuni ne sahadev ko lalakara. yudhishthir ke sath keval nakul rah ge. tabhi yah aphavah ud gee ki yudhishthir pakade ge. dharmaraj ke pakade jane ki khabar sunakar arjun tezi se yudhishthir ke pas pahunche, arjun ne dekha yudhishthir surakshit hain. arjun ke ate hi achary dron ne yudhishthir ko pakadane ki asha chhod di.

barahaven din ka yuddh

aj phir trigarton ne arjun ko lalakara aur ladate-ladate unhen door le ge. jab arjun ladate-ladate unhen door le ge. jab arjun yudhishthir ki or lautane lage to raste men raja bhagadatt ne hathi par savar hokar arjun ka rasta rok liya aur apashabd bhi kahe. bhagadatt ko mar dala. idhar dronachary ne yudhishthir ko pakadane ki bahut koshish ki. satyajit yudhishthir ke rakshak the. satyajit ne dronachary ke ghode mar die tatha rath ke pahie kat die. dronachary ne ardhachndr ban se satyajit ka sir kat diya. satyajit ke marane par yudhishthir ran-kshetr se laut ae. rat ko duryodhan ne dron se kaha ki apaki pratigya poori nahin huee. lagata hai pandavon ke prati apaka sneh hai, nahin to yudhishthir ko pakad lena apake lie koee badi bat nahin.

chakravyooh ki rachana

duryodhan ki bat se dronachary kshobh se bhar uthe. unhonne kaha ki hamane koee kasar nahin utha rakhi, par arjun ajey hai. kal ham chakravyooh ki rachana karenge. yadi arjun ko door le jaya jae to yudhishthir ko pakada ja sakata hai, kyonki chakravyooh ka bhed keval arjun ko hi pata hai.

terahaven din ka yuddh, abhimanyu ka vadh

aj phir trigarton aur snsaptakon ne arjun ko lalakara. arjun unaka pichha karate hue bahut door chale ge. usi samay kauravon ke doot ne yudhishthir ko chakravyooh ke yuddh ka sndesh patr diya. yudhishthir chintit ho ge. isi samay abhimanyu ne akar yudhishthir ko pranam kiya tatha bataya ki jab main man ke garbh men tha, pitaji ne chakravyooh ke yuddh ka varnan kiya tha. main garbh se hi sun raha tha. chhah dvaron tak ke yuddh ka varnan mainne suna. sataven dvar ke yuddh sunate-sunate man ko nind a gee. main is yuddh ke lie taiyar hoon. yudhishthir ne chakravyooh bhedan ka nimntran svikar kar liya. mata subhadra ne svayn apane putr ko astr-shastron se sajaya par abhimanyu ki patni uttara ne unhen ran-kshetr men jane ko mana kiya. abhimanyu ne apani patni uttara ko samajhaya aur chakravyooh ke dvar ge. chakravyooh ke pahale dvar par jayadrath the. abhimanyu ne jayadrath par ban chalaya tatha vyooh ko bhedakar bhitar pahunch gaya. bhim tatha any pandav vir bhitar n ja sake. abhimanyu ne doosare dvar par dronachary ko, tisare par karn ko tatha chauthe dvar par ashvatthama ko hatakar panchaven dvar par badh gaya. karn ki salah par saton rathiyon ne abhimanyu ko gher liya. abhimanyu ne ghor sngram kiya, par charon or se prahar hone par vah ghayal ho gaya, usaka sarathi mara gaya, ghode bhi ghayal hokar gir pade. vah talavar lekar age badha, par usaki talavar kat gee. ab vah rath ka chakr lekar toot pada. tabhi duryodhan- ke putr lakshman ne abhimanyu ke sir par gada phenkakar mari. abhimanyu ghayal ho gaya, par usane vahi gada lakshman ki or phenki. abhimanyu tatha lakshman donon ke pran ek sath nikal ge. kauravon ko abhimanyu ke vadh ka harsh tatha lakshman ki mrityu ka shok hua. abhimanyu ki mrityu se pandav shok men doob ge. yah samachar pakar subhadra aur uttara vilap karati huee chakravyooh ke sataven dvar par pahunch geen. subhadra apane putr ka sir god men lekar bilakh-bilakhakar ro padi. uttara ne sati hone ki ichchha prakat ki par usake garbhavati hone ke karan subhadra ne mana kar diya.

us din ke yuddh trigarton aur snsaptakon ko poori tarah nasht karake arjun laute to chakravyooh ke yuddh men abhimanyu ke mare jane ka samachar mila. ve atynt vyakul ho uthe. shrikrishn ne arjun ko santvana di tatha kaha ki abhimanyu ki mrityu ka karan jayadrath hai, kyonki use shnkar se yah varadan mila hua hai ki arjun ko chhodakar baki charon pandav tumhen nahin jit sakate. isilie use pahale dvar par rakha gaya tha ki bhim adi chakravyooh men pravesh n kar saken. tab arjun ne pratigya ki ki kal sooryast se pahale yadi jayadrath ka vadh main nahin kar saka to apana sharir bhi agni ko samarpit kar doonga. arjun ki pratigya sunakar jayadrath kanpane laga. dronachary ne ashvasan diya ki ve aisa vyooh banaenge ki arjun jayadrath ko n dekh sakega. ve svayn arjun se ladate rahenge tatha vyooh ke dvar par svayn rahenge.

chaudahaven din ka yuddh, jayadrath ka vadh

is din dronachary ne shakat vyooh banaya tatha jayadrath ko bich men rakha. arjun aj bade avesh men the. unhonne dronachary se ghanaghor yuddh kiya, par jit ki asha n dekhakar unaki bagal se vyooh ke bhitar pravesh kar ge. yudhishthir ne arjun ki raksha ke lie satyaki tatha bhim ko bheja. isi samay bhoorishrava ne satyaki par hamala kiya. vah satyaki ko marana chahata tha ki arjun ke banon se usake hath kat ge. vah gir pada tatha satyaki ne usaka sir kat diya. dekhate-hi-dekhate soory doob gaya. arjun ne apana gandiv utar liya. duryodhan bahut prasann tha. arjun ke bhasm hone ke lie chita banaee gee. duryodhan ne arjun ke chita men jalane ka drishy dekhane ke lie jayadrath ko bhi bula liya. arjun bina shastron ke chita par chadhane lage to krishn ne kaha ki kshatriy apane astr lekar chita par chadhate hain. jaise hi arjun ne akshan-toonir bandhakar apana dhanush liya, tabhi krishn ne kaha-shatru samane hai, vah badalon men chhipa hai. krishn ke kahate hi arjun ka ban chhoota tatha jayadrath ka sir akash men le gaya. kauravon men gahara shok chha gaya tatha pandavon men harsh. ab pandavon men agale din ke yuddh ka vichar hone laga. krishn ne kaha ki kal ho sakata hai karn arjun par indr se mili amogh shakti ka prayog kare.

ghatotkach ki mrityu

krishn ne prastav rakha ki bhim ka putr ghatotkach rakshasi svabhav ka hai. vah andhere men bhi bhaynkar yuddh kar sakata hai. yadi vah kal rat ke samay kauravon par akraman kare to karn ko us par amogh shakti chalani hogi. ghatotkach ne rat ke andhere men hi kauravon par hamala kar diya. dhool se akash dhnk gaya. varsha hone lagi, knkad-patthar akash se girane lage. duryodhan ghabarakar karn ke pas gaya. karn pahale to talate rahe, par duryodhan ko atynt vyakul dekhakar amogh shakti lekar nikala tatha usane ghatotkach par amogh shakti ka prayog kar diya. ghatotkach mara gaya, par karn ko yah chinta huee ki ab usake pas arjun ke vadh ke lie koee shakti nahin rahi.

pndrahaven din ka yuddh dronachary ka nidhan

rat ke akraman se kaurav bahut krodhit the. aj dronachary bhi bahut krodhit the. unhonne hazaron pandav-sainikon ko mar dala tatha yudhishthir ki raksha men khade drupad tatha virat donon ko mar diya. dronachary ke is roop dekhakar krishn bhi chintit ho uthe. unhonne socha ki pandavon ki vijay ke lie dronachary ki mrityu avashyak hai. unhonne arjun se kaha ki achary ko yah samachar dena ki ashvatthama ka nidhan ho gaya hai. arjun ne aisa jhooth bolane se inkar kar diya. shrikrishn ne kaha ki avntiraj ke hathi ka nam ashvatthama hai, jise bhim ne abhi mara dala hai. krishn ne yudhishthir ke pas rath le jakar kaha ki yadi dronachary ashvatthama ke marane ke bare men poochhen to ap han kah dijiega. abhi bhim ne ashvatthama hathi ko mara hai. tabhi charon or se shor mach gaya ki ashvatthama mara gaya. dronachary ne yudhishthir se poochha jinhonne kaha-han. par nar nahin, kunjar.

nar kahate hi krishn ne zor se shnkh baja diya, dronachary age ke shabd n sun sake. dron ne astr-shastr phenk die tatha rath par hi dhyan-magn hokar baith ge. tabhi drupad-putr dhrishtadyumn ne khadg se dronachary ka sir kat diya. dronachary ke nidhan se kauravon men hahakar mach gaya tatha ashvatthama ne krodh men akar bhishan yuddh kiya, jisake samane arjun ke atirikt aur koee n tik saka. sndhya ho gee thi, atah ladaee bnd ho gee.

dron parv ke antargat 8 (up) parv aur 202 adhyay hain. in athon (up) parvon ke nam hain-

  • dronabhishek parv,
  • snshaptakavadh parv,
  • abhimanyuvadh parv,
  • pratigya parv,
  • jayadrathavadh parv,
  • ghatotkachavadh parv,
  • dronavadh parv,
  • narayanastramoksh parv.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah