गोरखनाथ  हिन्दी देवनागरी में पढ़ें।

gorakhanath
Blankimage.png
poora nam gorakhanath
any nam gorakshanath
guru matsyendr, jalndhar
mukhy rachanaen 'amavask', 'avadhoot gita','gorakshakaumudi', 'goraksh chikitsa', 'gorakshapaddhati','gorakshashatak,
bhasha snskrit, hindi
prasiddhi lekhak, sahityakar
nagarikata bharatiy
snbndhit lekh da. pitambar datt badathval, da. hajariprasad dvivedi
any janakari gorakshamat ke yog ko pntajali varnit 'ashtangayog' se bhinn batane ke lie 'shadng yog' kahate hain. isamen yog ke keval chh: angon ka hi mahatv hai. pratham do arthath yam aur niyam isamen gaun hai.

gorakhanath athava gorakshanath ek 'nath yogi' the. siddhon se sambaddh sabhi janashrutiyan is bat par ekamat hain ki nath sampraday ke adi pravartak char mahayogi hue hain. adinath svayn shiv hi hain. unake do shishy hue, jalndharanath aur matsyendranath ya machchhandaranath. jalndharanath ke shishy the- 'krishnapad'[1] aur matsyenndranath ke 'gorakh' athava 'goraksh' nath. is prakar ye char siddh yogishvar nath sampraday ke mool pravartak hain.

anushrutiyan

paravarti nath sampraday men matsyendranath aur gorakhanath ka hi adhik ullekh paya jata hai. in siddhon ke bare men sare desh men jo anushrutiyan aur dant kathaen prachalit hain, unase asani se in nishkarshon par pahuncha ja sakata hai-

  1. matsyendr aur jalndhar samasamayik gurubhaee the aur donon ke pradhan shishy kramash: gorakhanath aur krishnapad[2] the.
  2. matsyendranath kisi vishesh prakar ke yog marg ke pravartak the, parantu bad men kisi aisi sadhana men ja phnse the, jahan par striyon ka abadh snsarg mana jata tha, 'kaulgyan nirnay' se jan padata hai ki yah vamachari kaul sadhana thi, jise siddh kaushal mat kahate the; gorakhanath ne apane guru ka vahan se uddhar kiya tha.
  3. shuroo se hi matsyendr aur gorakh ki sadhana paddhati jalndhar aur krishnapad ki sadhana paddhati se bhinn thi.

samay kal

gorakhanath ke samay ke bare men nimn nishkarsh nikale ja sakate hain-

  1. matsyendranath dvara likhit kahe jane vale granth 'kaulgyan nirnay' ki prati ka lipikal daktar prabodhachandr bagachi ke anusar 11 shati ke poorv ka hai. yadi yah thik ho to matsyendranath ka samay eesvi 11vin shati se pahale hona chahie.
  2. suprasiddh kashmiri achary abhinavagupt ke tantralok men machchhand vibhu ko bade adar se smaran kiya gaya hai. abhinavagupt nishchith roop se sanh ee. ki dasavin shati ke ant aur gyaravin shati ke prarambh men vidyaman the. is prakar matsyendranath is samay se kafi samay pahale hue honge.
  3. matsyendranath ka ek nam 'minanath' hai. brajayani siddhon men ek minapa hain, jo matsyendranath ke pita bataye gaye hain. minapa raja devapal ke rajatvakal men hue the. davepal ka rajyakal 809 se 849 ee. tak hai. isase siddh hota hai ki matsyendr ee. sanh ki navin shatabdi ke uttarardh men vidyaman the.
  4. tibbati parampara ke anusar kanapa[3] raja devapal ke rajyakal men avirbhav hue the. is prakar matsyendranath adi siddhon ka samay ee. san ke navin shatabdi ka uttarardh aur dasavin shatabdi ka poorvarddh samajhana chahie.

kuchh aisi bhi dantakathaen hain jo gorakhanath ka samay bahut bad men rakhane ka snket karati hain, jaise kabir aur nanak se unaka snvad, parantu ye bahut bad ki baten hain. jab man liya gaya tha ki gorakhanath chirnjivi hain. goonga ki kahani, pashchimi nathon ki anushrutiyan, bngal ki dantakathaen aur dharmapooja sampraday ki prasiddhiyan, maharashtr ke sant gyaneshvar adi ki paramparaen is kal ko 1200 ee. ke poorv le jati hain. is bat ka aitihasik praman hai ki eesvi terahavin shatabdi men gorakhapur ka math dhaha diya gaya tha, isilie isake bahut se poorv gorakhanath ka samay hona chahie. bahut se poorvavarti mat gorakshanathi sampraday men antarbhukt ho gaye the. inaki anushrutiyon ka sambandh bhi gorakhanath se jod diya gaya hai. isalie kabhi-kabhi gorakshanath ka samay aur bhi pahale nishchith kiya jata hai. lekhak ne 'nath-sampraday' namak pustak men un sampradayon ke antarbhukt hone ki prakriya ka savistar vivechan kiya hai. sab baton par vichar karane se gorakhanath ka samay eesvi sanh ki navin shatabdi ke uttarardh men hi mana jana thik jan padata hai.

kritiyan

gorakshanath ke nam se bahut-si pustaken snskrit men milati hain aur anek adhunik bharatiy bhashaon men bhi chalati hain. nimnalikhit pustaken gorakhanath ki likhi batayi gayi hain-

(1)amavask, (2) avarodhashasanamh, (3) avadhoot gita, (4) gorakshakal, (5) gorakshakaumudi, (6) goraksh gita, (7) goraksh chikitsa, (8) gorakshapnchay, (9) gorakshapaddhati, (10) gorakshashatak, (11) gorakshashastr, (12) gorakshasnhita, (13) chaturashityasan, (14) gyan prakash shatak, (15) gyan shatak, (16) gyanamrit yog, (17) nadigyan pradipika, (18) maharthamnjari, (19) yogachintamani, (20) yogamartand, (21) yogabij, (22) yogashastr, (23) yogasiddhasan, paddhati, (24) vivek martand, (25) shrinathasootr, (26) siddhasiddhant paddhati, (27) hathayog, (28) hath snhita. isamen maharth mnjari ke lekhak ka nam paryay roop men maheshvarachary bhi likha hai aur yah prakrit men hai. baki snskrit men hain. kee ek doosare se milati hain; kee pustakon ke gorakshalikhit hone men sandeh hai.

  • hindi men sab milakar 40 chhoti-badi rachanaen gorakhanath ki kahi jati hain, jinaki pramanikata asandigdh nahin hai-

(1) sabadi, (2) pad, (3) sishyadarsan, (4) pranasnkali, (5) narave bodh, (6) atam bodh (pahala), (7) abhaimatra yog, (8) pandrah tithi, (9) sapnavad, (10) machhindragorakh bodh, (11) romavali, (12) gyanatilak, (13) gyan chauntis, (14) pnchamatra, (15) gorakhaganesh goshthi, (16) goradattagoshthi, (17) mahadevagorakh gusht, (18) sistapuran, (19) dayabodh, (20) jati bhauravali (chhand gorakh), (21) navagrah, (22) navaratr, (23) asht parachhaya, (24) raharas, (25)gyanamal, (26) atamabodh (doosara), (27) vrat, (28) nirnjan puran, (29) gorakhavachan, (30) indri devata, (31) mool garmavati, (32) khanavarooni, (33) gorakhasasat, (34) ashtamudra, (35) chaubi sidhi, (36) dakshari, (37) pnch agni, (38) ashtachakr, (39) avali silook, (40) qafir bodh.

in granthon se adhikansh gorakhanathi mat ke sngrahamatr hain. granth roop men svayn gorakhanath ne inaki rachana ki hogi, yah bat sndigdh hai. any bharatiy bhashaon men bhi, jaise-bngali, marathi, gujarati, pnjabi adi men isi prakar ki rachanaen prapt hoti hain.

shakhaen

gorakhanath dvara pravartit 'yogisampraday' mukhy roop se barah shakhaon men vibhakt hai. isilie ise 'barahapanthi' kahate hain. is mat ke anuyayi kan phadavakar mudra dharan karate hain. isilie unhen 'kanaphata', 'bhakataphatan' yogi bhi kahate hain. barah men se chh: to shiv dvara pravartit mane jate hain aur chh: gorakhanath dvara- (1) bhuj ke kntharanath, (2) pagalanath, (3) raval, (4) pnkh ya pnk, jisase satanath, dharamanath, garibanath aur hadibharng sambaddh hain, (5) van aur (6) gopal ya ram ke sampraday kahe jate hain aur (7) chandanath kapilani, jisase gnganath, mayanath, kapilani, nimanath, parasanath adi ke sambandh hain, (8) hethanath, jisase lakshmananath ya kalanath, dariyanth, nataseri, jafar pir adi ka sambandh bataya jata hai. (9) aee panth ke cholinath jisase mastanath, aee panth se chhoti daragah, badi daragah adi ka sambandh hai, (10) verag panth, jisase bhaeenath, premanath, ratananath adi ka sambandh hai aur kayanath ya kayamuddin pravartit sampraday bhi sambandhit hai, (11) jaipur ke pavanath, jisase papanth, kaniya, bararag adi ka sambandh hai aur (12) ghajanath, jo hanumanaji ke dvara pravartit kaha jata hai, gorakhanath ke sampraday kahe jate hain. isaka vishleshan karane se pata chalata hai ki inamen purane mat, jaise kapil ka yogamarg lakulishamat, kapalik mat, vamamarg adi sammilit ho gaye hain.

ang

gorakshamat ke yog ko pntajali varnit 'ashtangayog' se bhinn batane ke lie 'shadng yog' kahate hain. isamen yog ke keval chh: angon ka hi mahatv hai. pratham do arthath yam aur niyam isamen gaun hai. isaka sadhanapaksh ya prakriya-ang hathayog kaha jata hai. sharir men pran aur apan, soory aur chandr namak jo bahirmukhi aur antarmukhi shaktiyan hain, unako pranayam, asan, bandh adi ke dvara samarasy men lane se sahaj samadhi siddh hoti hai. jo kuchh pind men hai, vahi brahmand men bhi hai. isilie hathayog ki sadhana pind ya sharir ko hi kendr banakar vishv brahmand men kriyashil shakti ko prapt karane ka prayas hai.

gorakshanath ke nam par chalane vale granthon men vishesh roop se is sadhana prakriya ka hi vistar hai. kuchh ang darshan ya tattvavad ke samajhane ke uddeshy se likh gaye hain. avarodhashasan, siddh-siddhant paddhati, maharth mnjari[4] adi granth isi shreni men ate hain. avarodh shasan men[5] gorakhanath ne vedantiyon, mimansakon, kaulon, vrajayaniyon aur shakt tantrikon ke mokshasambandhi vicharon ko moorkhata kaha hai. asali moksh ve sahaj samadhi ko manate hain. sahaj samadhi us avastha ko bataya gaya hai, jisamen man svayn hi man ko dekhane lagata hai. doosare shabdon men svasnvedan gyan ki avastha hi sahaj samadhi hai. yahi charam lakshy hai.

pramanikata

adhunik deshi bhashaon ke purane roopon men jo pustaken milati hain, unaki pramanikata sndigdh hai. inamen adhikatar yogangon, unaki prakriyaon, vairagy, brahmachary, sadachar adi ke upadesh hain aur maya ki bhartsana hai. tark-vitark ko garhit kaha gaya hai, bhavasagar men pach-pachakar marane vale jivon par taras khaya gaya hai aur pakhandiyon ko fatakar batayi gayi hai. sadachar aur brahmachary par gorakhanath ne bahut bal diya hai. shnkarachary ke bad bharatiy lokamat ko itana prabhavit karane vala achary bhaktikavy ke poorv doosara nahin hua. nirgunamargi bhakti shakha par bhi gorakhanath ka bhari prabhav hai. nissandeh gorakhanath bahut tejasvi aur prabhavashali vyaktitv lekar aye the.[6]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. kanhapad, kanhapa, kanapha
  2. kanapa
  3. krishnapad
  4. trik darshan
  5. pri. 8-9
  6. sahayak granth-nath sampraday, daauktar hajariprasad dvivedi.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah