पद्मपादाचार्य  हिन्दी देवनागरी में पढ़ें।

padmapadachary 8vin shati ee. ke lagabhag adi shnkarachary ke char pramukh shishyon men se ek the. ye kashyapagotriy rigvedi brahman tatha chokadesh ke nivasi the. inake mata-pita ahobal kshetr men rahate the. narasinh ki kripa se padmapad ka janm hua tha. apane pita ke saman hi ye bhi narasinh ke hi bhakt the. narasinh ki prerana se ve vedavidya ke adhyayanarth kashi ge. vahan par vedadhyayan karate samay inaki bhent adi shnkarachary se huee thi. achary shri ne padmapad ki pariksha li, aur usamen bhali-bhanti uttirn hua dekhakar unhen sannyas ki diksha dekar unaka nam 'padmapadachary' rakh diya. age chalakar ye shnkarachary ke nissim bhakt ban ge.

namakaran anushruti

inake padmapad nam ke bare men ek rochak akhyayika bhi prasiddh hai-

ek bar unhen shnkarachary ji ki karun pukar sunaee di. pukar sunate hi padmapad apane gurudev ke pas pahunchane ke lie utavale ho uthe. marg men alakannda nadi thi. nadi par pul bhi tha, kintu vyagratavash pul se n jate hue, padmapad sidhe nadi ke patr men se hi gurudev ki or jane lage. nadi ka jal star ooncha tha. parantu padmapad ki bhakti ke samarthy ke age unake har pag ke niche kamal pushp utpann hote ge aur un pushpon par pair rakhate hue unhonne sahaj hi alakannda ko par kar liya. is prakar se unake pairon ke niche padmon ki utpatti hone ke karan unaka nam padmapad pada.

'pnchapadika' granth ki rachana

padmapadachary sadaiv shnkarachary ji ke sath bhraman kiya karate the. ek bar gurudev ki anugya prapt kar ve akele hi dakshin bharat ki yatra par nikale aur kalahastishvar, shivakanchi, ballalesh, pundarikapur, shivagnga, rameshvar adi tirthon ki yatra kar ve apane ganv laute. phir ve apane mama ke ganv jakar rahe. isase poorv ve brahmasootr bhashy par apana ‘pnchapadika’ namak tika granth likh chuke the. unake mama dvaiti the. apana bhanja vidyasampann hokar brahmasootr bhashy par tika granth likh saka, yah dekhakar mama bade hi prasann hue. kintu unhonne jab vah tika granth padha, to unhen vidit hua ki bhanje ne unake dvaitamat ka khndan karate hue advaitamat ka pratipadan kiya hai. isake parinamasvaroop mama ji ko bada bura laga aur ve man hi man padmapad ka dvesh karane lage.

mama ka dvesh

padmapad ko mama ke dvesh ke bare men janakari nahin thi. at: phir se tirthayatra par nikalate samay unhonne apana tika granth mama ke hi yahan par rakh chhoda. mamaji, jo ki is prakar ke avasar ki tak men hi the, ve chahate the ki bhanje ka tika granth to nasht ho, kintu tatsnbndhi dosharopan un par koee bhi n kar sake. is uddeshy se unhonne svayn ke ghar ko hi ag laga di. ghar ke sath hi bhanje ka tika granth bhi jal gaya. tirthayatra se lautane par padmapad ko vah ashubh ghatana vidit huee. mamaji ne bhi du:kh ka pradarshan karate hue nakrashru bahaye. padmapadachary ko is ghatana se du:kh to hua, kintu ve hatash nahin hue. ve bole-‘granth jal gaya to kya hua, meri buddhi to surakshit hai. main granth ka punarlekhan karoonga.’

pun: granth lekhan

tab padmapadachary ki buddhi ko bhi nasht karane ke uddeshy se unake mama ne un par vish prayog kiya. vish mishrit ann bhakshan ke karan unaki buddhi bekar ho gee. tab padmapad ne apane gurudev ke pas jakar vahin par rahane ka nishchay kiya. us samay shnkarachary keral men the. padmapad ne vahan pahunchakar unhen sara vrittant nivedan kiya. achary ji ne apane shishy ka santvan kiya aur usaki buddhi bhi use pun: prapt kara di. tab padmapad ne apana tika granth ek bar phir se likha.

dvaitamat ka prachar

padmapadachary ne shnkarachary ke advaitamat ka prabhavapoorn prachar karane ka mahanh kary kiya. vedant ke saman hi ve tntr shastr ke bhi prakand pndit the. unake dvara likhe ge granthon men, prastut 'pnchapadika' namak tika granth hi pramukh hai. shnkarachary ji ke brahmasootr bhashy par likhi gee, yah pahali hi tika hai. isamen chatu:sootri ka vistrit vivechan kiya gaya hai.

any rachanaen

'pnchapadika' tika granth par age chalakar anek mahattvapoorn vivaran granth likhe ge. isake atirikt 'vigyan dipika', 'vivaranatika', 'pnchaksharibhashy', 'prapnchasar' tatha 'atmanatmavivek' jaise any kuchh granth bhi padmapadachary ke nam par hain.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bharatiy snskriti kosh, bhag-2 |prakashak: yoonivarsiti pablikeshan, nee dilli-110002 |snpadan: profesar devendr mishr |prishth snkhya: 468 |

  1. sn.va.ko. (dvitiy khand), prishth 364

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah