तुलसी विवाह  हिन्दी देवनागरी में पढ़ें।

tulasi vivah
tulasi ki pooja karati mahila
anuyayi hindoo
tithi kartik, shukl paksh, ekadashi
dharmik manyata is vivah men shaligram var aur tulasi kanya ki bhoomika men hoti hai. yah sara ayojan yajaman sapatnik milakar karate hain.
vishesh tulasi vivah ka sidha arth hai, tulasi ke madhyam se bhagavan ka ahavan.
any janakari kartik mas men snan karane vale striyan bhi kartik shukl ekadashi ko shaligram aur tulasi ka vivah rachati hai.

tulasi vivah (angrezi: Tulsi Vivah) kartik mah ki devotthan ekadashi ke din manaya jane vala vishuddh mangalik aur adhyatmik prasng hai. hindoo manyata ke anusar is tithi par bhagavan vishnu ke sath tulasi ka vivah hota hai, kyonki is din bhagavan vishnu char mahine tak sone ke bad jagate hain. bhagavan vishnu ko tulasi behad priy hain. tulasi ka ek nam vrinda bhi hai. devata jab jagate hain, to sabase pahali prarthana harivallabha tulasi ki hi sunate hain. isilie tulasi vivah ko dev jagaran ke pavitr muhoort ke svagat ka ayojan mana jata hai. tulasi vivah ka sidha arth hai, tulasi ke madhyam se bhagavan ka avahan. kartik, shukl paksh, ekadashi ko tulasi poojan ka utsav manaya jata hai. vaise to tulasi vivah ke lie kartik, shukl paksh, navami ki tithi thik hai, parantu kuchh log ekadashi se poornima tak tulasi poojan kar panchaven din tulasi vivah karate hain. ayojan bilkul vaisa hi hota hai, jaise hindoo riti-rivaj se samany var-vadhu ka vivah kiya jata hai.

dharmik manyata

mndap, var pooja, kanyadan, havan aur phir pritibhoj, sab kuchh paramparik riti-rivajon ke sath nibhaya jata hai. is vivah men shaligram var aur tulasi kanya ki bhoomika men hoti hai. yah sara ayojan yajaman sapatnik milakar karate hain. is din tulasi ke paudhe ko yani ladaki ko lal chunari-odhani odhaee jati hai. tulasi vivah men solah shrringar ke sabhi saman chadhave ke lie rakhe jate hain. shaligram ko donon hathon men lekar yajaman ladake ke roop men yani bhagavan vishnu ke roop men aur yajaman ki patni tulasi ke paudhe ko donon hathon men lekar agni ke phere lete hain. vivah ke pashchath pritibhoj ka ayojan kiya jata hai. kartik mas men snan karane vale striyan bhi kartik shukl ekadashi ko shaligram aur tulasi ka vivah rachati hai. samast vidhi vidhan poorvak gaje baje ke sath ek sundar mandap ke niche yah kary sampann hota hai vivah ke striyan git tatha bhajan gati hai .

tulasi
Tulsi

magan bhee tulasi ram gun gaike magan bhee tulasi.
sab kooo chali doli palaki rath judavaye ke..
sadhu chale pany paiya, chiti so bachaee ke.
magan bhee tulasi ram gun gaike..

tulasi vivah katha

prachin kal men jalndhar namak rakshas ne charon taraf bada utpat macha rakha tha. vah bada vir tatha parakrami tha. usaki virata ka rahasy tha, usaki patni vrinda ka pativrata dharm. usi ke prabhav se vah sarvajnyi bana hua tha. jalndhar ke upadravon se pareshan devagan bhagavan vishnu ke pas gaye tatha raksha ki guhar lagaee. unaki prarthana sunakar bhagavan vishnu ne vrinda ka pativrata dharm bhng karane ka nishchay kiya. udhar, usaka pati jalndhar, jo devataon se yuddh kar raha tha, vrinda ka satitv nasht hote hi mara gaya. jab vrinda ko is bat ka pata laga to krodhit hokar usane bhagavan vishnu ko shap de diya, 'jis prakar tumane chhal se mujhe pati viyog diya hai, usi prakar tum bhi apani stri ka chhalapoorvak haran hone par stri viyog sahane ke lie mrityu lok men janm loge.' yah kahakar vrinda apane pati ke sath sati ho gee. jis jagah vah sati huee vahan tulasi ka paudha utpann hua. ek any prasng ke anusar vrinda ne vishnu ji ko yah shap diya tha ki tumane mera satitv bhng kiya hai. at: tum patthar ke banoge. vishnu bole, 'he vrinda! yah tumhare satitv ka hi phal hai ki tum tulasi banakar mere sath hi rahogi. jo manushy tumhare sath mera vivah karega, vah param dham ko prapt hoga.' bina tulasi dal ke shaligram ya vishnu ji ki pooja adhoori mani jati hai. shaligram aur tulasi ka vivah bhagavan vishnu aur mahalakshmi ke vivah ka pratikatmak vivah hai.


panne ki pragati avastha
adhar
prarambhik
madhyamik
poornata
shodh

tika-tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah