वरूथिनी एकादशी  हिन्दी देवनागरी में पढ़ें।

varoothini ekadashi
bhagavan vishnu
any nam varoothini gyaras
anuyayi hindoo, bharatiy
uddeshy yah vrat sukh-saubhagy ka pratik hai. yah vrat karane se sabhi prakar ke pap v tap door hote hain, anant shakti milati hai aur svargadi uttam lok prapt hote hain.
prarambh pauranik kal
tithi vaishakh krishn paksh ekadashi
dharmik manyata dharmik grnthon men kaha gaya hai ki ann dan aur kanya dan ka mahattv har dan se zyada hai aur varoothini ekadashi ka vrat rakhane vale ko in donon ke yog ke barabar phal prapt hota hai.
any janakari aisa mana jata hai ki is vrat ko karane vale sabhi lokon men shreshth baikunth lok men jate hain. pushtimargi vaishnavon ke lie is ekadashi ka bahut mahattv hai. yah mahaprabhu vallabhachary ki jaynti hai.

varuthini ya varoothini ekadashi ko 'varoothini gyaras' bhi kaha jata hai. puranon ke anusar yah vaishakh krishn paksh ki ekadashi varoothini hai. yah punyadayini, saubhagy pradayini ekadashi vaishakh vadi ekadashi ko ati hai. yah vrat sukh-saubhagy ka pratik hai. yah vrat karane se sabhi prakar ke pap v tap door hote hain, anant shakti milati hai aur svargadi uttam lok prapt hote hain. supatr brahman ko dan dene, karodon varsh tak dhyan magn tapasya karane tatha kanyadan ke phal se badhakar 'varuthini ekadashi' ka vrat hai. hindoo varsh ki tisari ekadashi yani vaishakh krishn ekadashi ko 'varuthini ekadashi' ke nam se jana jata hai. 'varuthini' shabd snskrit bhasha ke 'varuthinh' se bana hai, jisaka matalab hai- pratirakshak, kavach ya raksha karane vala. vaishakh krishn ekadashi ka vrat bhakton ki har snkat se raksha karata hai, isalie ise varuthini gyaras kaha jata hain. padm puran ke anusar bhagavan shrikrishn is vrat se milane vale puny ke bare men yudhishthir ko batate hain, 'prithvi ke sabhi manushyon ke pap-puny ka lekha-jokha rakhane vale bhagavan chitragupt bhi is vrat ke puny ka hisab-kitab rakh pane men saksham nahin hain.'

vidhi

is din bhaktibhav se bhagavan madhusoodan ki pooja karani chahie. is vrat ko karane se bhagavan madhusoodan ki prasannata prapt hoti hain aur sampoorn papon ka nash hota hai v sukh-saubhagy ki vriddhi hoti hai tatha bhagavan ka charanamrit grahan karane se atmashuddhi hoti hai. vrati ko chahie ki vah dashami ko arthat vrat rakhane se ek din poorv havishyann ka ek bar bhojan kare. is vrat men kuchh vastuon ka poornataya nishedh hai, at: inaka tyag karana hi shreyaskar hai. vrat rahane vale ke lie us din pan khana, datoon karana, paraninda, krodh karana, asaty bolana varjit hai. is din jua aur nidra ka bhi tyag karen. is vrat men telayukt bhojan nahin karana chahie. ratri men bhagavan ka nam smaran karate hue jagaran karen aur dvadashi ko mans, kansyadi ka parityag karake vrat ka palan karen.

mahattv

aisi manyata hai ki is ekadashi ka phal sabhi ekadashiyon se badhakar hai. dharmik grnthon men kaha gaya hai ki ann dan aur kanya dan ka mahattv har dan se zyada hai aur varuthini ekadashi ka vrat rakhane vale ko in donon ke yog ke barabar phal prapt hota hai. is din jo poorn upavas rakhate hain, 10 hazar varshon ki tapasya ke barabar phal prapt hota hai. usake sare pap dhul jate hain. jivan sukh-saubhagy se bhar jata hai. manushy ko bhautik sukh to prapt hote hi hain, mrityu ke bad use moksh bhi prapt ho jata hai. aisa mana jata hai ki is vrat ko karane vale sabhi lokon men shreshth baikunth lok men jate hain. pushtimargi vaishnavon ke lie is ekadashi ka bahut mahattv hai. yah mahaprabhu vallabhachary ki jaynti hai.

katha

prachin kal men narmada nadi ke tat par mandhata namak raja rajy karata tha. vah atynt danashil tatha tapasvi tha. ek din jab vah jngal men tapasya kar raha tha, tabhi n jane kahan se ek jngali bhaloo aya aur raja ka pair chabane laga. raja poorvavat apani tapasya men lin raha. kuchh der bad pair chabate-chabate bhaloo raja ko ghasitakar pas ke jngal men le gaya. raja bahut ghabaraya, magar tapas dharm anukool usane krodh aur hinsa n karake bhagavan vishnu se prarthana ki, karun bhav se bhagavan vishnu ko pukara. usaki pukar sunakar bhaktavatsal bhagavan shri vishnu prakat hue aur unhonne chakr se bhaloo ko mar dala. raja ka pair bhaloo pahale hi kha chuka tha. isase raja bahut hi shokakul hua. use dukhi dekhakar bhagavan vishnu bole- 'he vats! shok mat karo. tum mathura jao aur varuthini ekadashi ka vrat rakhakar meri varah avatar moorti ki pooja karo. usake prabhav se pun: sudridh angon vale ho jaoge. is bhaloo ne tumhen jo kata hai, yah tumhare poorv janm ka aparadh tha.' bhagavan ki agya man raja ne mathura jakar shraddhapoorvak is vrat ko kiya. isake prabhav se vah shighr hi pun: sundar aur snpoorn angon vala ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah