अकबर का हिन्दुओं पर प्रभाव  हिन्दी देवनागरी में पढ़ें।

akabar vishay soochi
akabar ka hinduon par prabhav
akabar
poora nam jalaluddin muhammad akabar
janm 15 aktoobar san 1542 (lagabhag)
janm bhoomi amarakot, sindh (pakistan)
mrityu tithi 27 aktoobar, san 1605 (umr 63 varsh)
mrityu sthan fatehapur sikari, agara
pita/mata humayoon, mariyam maqani
pati/patni mariyam-uzh-zamani (haraka baee)
sntan jahangir ke alava 5 putr 7 betiyan
shasan kal 27 janavari, 1556 - 27 aktoobar, 1605 ee.
rajyabhishek 14 faravari, 1556 kalanapur ke pas guradasapur
yuddh panipat, haldighati
rajadhani fatehapur sikari agara, dilli
poorvadhikari humayoon
uttaradhikari jahangir
rajagharana mugal
maqabara sikandara, agara
snbndhit lekh mugal kal
kachhavaha rajakumari se vivah aur rajapooton ki ghanishthata ka asar akabar par hona hi tha. sath hi birabal bhi pahunch chuke the. akabar ne pichhale sal tirth kar samapt kar diya tha. ab usane ek aur bada qadam uthaya aur keval hinduon par jaziya ke nam se jo kar lagata tha, use apane sare rajy men band karava diya.

jaziya samapti

jaziya kar pahale-pahal dvitiy khalifa umar ne a-muslimon par lagaya tha, jo ki haisiyat ke mutabik 48, 24 aur 12 diraham[1] salana hota tha.

jaziya keval balig purushon se hi liya jata tha. jisase saltanat ko bhari amadani prapt hoti thi, par akabar ne is amadani ki koee paravah nahin ki. vah samajhata tha ki is prakar vah apani bahusnkhyak hindoo praja ke hriday ko jit sakega. aurngazeb ne 115 varsh ke bad raja jasavant sinh ke marane ke bad 1679 ee. men phir jaziya hinduon par laga diya. log samajhate the, abul fazal ke prabhav men akar akabar udar bana, lekin tirth kar aur jaziya ko abul fazal ke darabar men pahunchane se das sal pahale hi akabar ne band kar diya tha. 22 varsh ki ayu men hi vah samajh gaya tha ki, shasan men hindoo-musalaman ka bhed samapt karana hoga.

dharmasthalon ke nirman ki agya

akabaranama ke anusar, akabar ek ped ke niche baithakar apane darabariyon ko pashuvadh ke lie mana karate hue

samrat akabar ne sabhi dharm valon ko apane mndir−devalay adi banavane ki svatntrata pradan ki thi. jisake karan braj ke vibhinn sthanon men purane pooja−sthalon ka punarooddhar kiya gaya aur naye mndir−devalayon ko banavaya gaya tha.

go−vadh par rok

hindoo samuday men gau ko pavitr mana jata hai. musalaman hinduon ko antakit karane ke lie gau−vadh kiya karate the. akabar ne gau−vadh bnd karane ki agya dekar hindoo janata ke man ko jit liya tha. shahi agya se gau−hatya ke aparadh ki saza mrityu thi.

dharmik vidvanon ka satsng

jis samay akabar ne apani rajadhani fatehapur sikari men sthanantarit ki, us samay usaki dharmik jigyasa badi prabal thi. usane vahan rajakiy imaraton ke sath hi sath ek ibadatakhana (upasana grih) bhi san 1575 men banavaya tha, jahan vah sabhi dharmon ke vidvanon ke pravachan sun unase vichar−vimarsh kiya karata tha. vah apana adhikansh samay dharm−charcha men hi lagata tha. vah muslim dharm ke vidvanon ke sath hi sath hindoo eesaee, jain aur vaishnav dharmacharyon ke pravachan sunata tha aur kabhi−kabhi unamen shastrarth bhi karata tha. san 1576 se janavari, sanh 1579 tak lagabhag 3 varsh tak vahan dharmik vichar−vimarsh ka zor badhata gaya. us samay ke dharmachary shri vitthalanath ji ka nam vishesh roop se ullekhaniy hai. hiravijay soori shvetanbar jain dharm ke vidvanh achary the. akabar ne din-e-ilahi dharm banaya aur chalaya.


pichhe jaen
akabar ka hinduon par prabhav
age jaen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. dam, diraham ka hi apabhrnsh hai. moolat: yah grik sikka drakhama tha. drakhama aur diraham chandi ke sikke the, jabaki dam tanbe ka paisa tha, jo ek rupaye men 40 hota tha. ek dam men 315 se 325 gram tak tanba hota tha. akabar ke samay jaziya men kitana diraham liya jata tha, isaki janakari nahin hai. muhammad bin kasim ne 712 men sindh ko jitate samay hinduon par jaziya lagaya tha. firozashah tugalaq (1351-1388 ee.) ne 40, 42 aur 10 taka jaziya lagaya tha. brahmanon ko jaziya nahin dena padata tha, lekin usane un par bhi 10 taka 50 jital kar lagaya. diraham men 48 gren chandi hoti thi-rupaye men 180 gren ke qarib chandi rahati thi. ek dam men 25 jital mana jata tha, par jital ka koee sikka nahin tha, yah keval hisab ke lie prayog hota tha. firozashah ka chandi ka sikka 175 gren ka tha. kani chandi ke jital ko kahate the, jo paune tin gren ki hoti thi. ek taka men 64 kaniyan hoti thin, jaise rupaye men tanbe ka paisa. jan padata hai ki akabar ke samay chandi ke take ki jagah par chandi ka rupaya jaziya men liya jata tha, kyonki sherashah ne pray: ajakal ke hi vazan ka chandi ka rupaya chala diya tha.

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah