चम्पारन सत्याग्रह  हिन्दी देवनागरी में पढ़ें।

champaran satyagrah
daau. rajendr prasad aur bihar vibhooti daau. anugrah narayan sinha (baen se daen) apane sahapathiyon ke sath
vivaran champaran satyagrah gandhiji ke netritv men bihar ke champaran jile men sanh 1917-18 men hua. gandhiji ke netritv men bharat men kiya gaya yah pahala satyagrah tha.
kab aprail, 1917
uddeshy kisanon ki sthiti men sudhar lane hetu.
any janakari champaran satyagrah men gandhiji ke sath any netaon men rajendr prasad, brajakishor, mahadev desaee, narahari parikh tatha je. bi. kripalani the.

champaran satyagrah (angrezi: Champaran Satyagraha) gandhiji ke netritv men bihar ke champaran jile men sanh 1917 men hua. gandhiji ke netritv men bharat men kiya gaya yah pahala satyagrah tha. angrez bagan malikon ne champaran ke kisanon se ek anubandh kara liya tha, jisamen unhen nil ki kheti karana anivary tha. nil ke bazar men giravat ane se karakhane band hone lage. angrezon ne kisanon ki majaboori ka labh uthakar lagan badha diya. isi ke phalasvaroop vidroh prarambh ho gaya. mahatma gandhi ne angrezon ke is atyachar se champaran ke kisanon ka uddhar karaya. isaka parinam yah hua ki bihar valon ke lie ve dev tuty ban gaye. yahan unake sath andolan men pramukh the- daau. rajendr prasad, shrikrishn sinh, anugrah narayan sinha, janakadhari prasad aur brajakishor prasad.

itihas

champaran ke kisanon se angrez bagan malikon ne ek anubndh kara liya tha. is anubndh ke antargat kisanon ko zamin ke 3/20ven hisse par nil ki kheti karana anivary tha. ise 'tinakathiya paddhati' kahate the. 19vin shatabdi ke ant men rasayanik ragon ki khoj aur unake prachalan se nil ke bazar men giravat ane lagi, jisase nil bagan ke malik apane karakhane bnd karane lage. kisan bhi nil ki kheti se chhutakara pana chahate the. gore bagan malikon ne kisanon ki majaboori ka fayada uthakar anubndh se mukt karane ke lie lagan ko manamane dhng se badha diya, jisake parinamasvaroop vidroh shuroo hua.

'tinakathiya pranali' ki samapti

1917 ee. men champaran ke rajakumar shukl ne satyagrah ki dhamaki di, jisase prashasan ne apana adesh vapas le liya. champaran men gandhi ji dvara satyagrah ka sarvapratham prayog karane ka prayas kiya gaya. champaran satyagrah men gandhi ji ke sath any netaon men rajendr prasad, brajakishor, mahadev desaee, narahari parikh tatha je. bi. kripalani the. is andolan men gandhi ji ke netritv men kisanon ki ekajutata ko dekhate hue sarakar ne mamale ki janch ki.

julaee, 1917 ee. men 'champaran egreriyan kameti' ka gathan kiya gaya. gandhi ji bhi isake sadasy the. is kameti ke prativedan par 'tinakathiya pranali' ko samapt kar diya tatha kisanon se avaidh roop se vasoole ge dhan ka 25 pratishat vapas kar diya gaya. 1919 ee. men 'champaran egreriyan adhiniyam' parit kiya gaya, jisase kisanon ki sthiti men sudhar hua.

chnparan satyagrah ka shatabdi varsh

champaran satyagrah ki shatabdi par dak tikat
champaran satyagrah ki shatabdi par dak tikat
champaran satyagrah ki shatabdi par dak tikat

15 aprail, 1917 ko rajakumar shukl jaise ek anam-se adami ke sath mohanadas karamachnd gandhi nam ka adami chnparan, motihari pahuncha tha. baboo gorakh prasad ke ghar par unhen thaharaya gaya. bihar ke uttar-pashchim men sthit chnparan vah ilaka hai jahan satyagrah ki ninv padi. nil ki kheti ke nam par angreji shasan dvara kisanon ke shoshan ke khilaph yahan gandhi ke netritv men 1917 men satyagrah andolan chala tha.


mahatma gandhi ka 1917 ka chnparan satyagrah n sirph bharatiy itihas balki vishv itihas ki ek aisi ghatana hai, jisane british samrajyavad ko khuli chunauti di thi. ve 10 aprail, 1917 ko jab bihar ae to unaka ek matr makasad chnparan ke kisanon ki samasyaon ko samajhana, usaka nidan aur nil ke dhabbon ko mitana tha. ek sthaniy pidit kisan rajakumar shukl ne kangres ke lakhanoo adhiveshan (1916) men angrejon dvara jabaran nil ki kheti karae jane ke sndarbh men shikayat ki thi. shukl ka agrah tha ki gandhiji is andolan ka netritv karen. gandhiji ne is samasya ko n sirph gnbhiratapoorvak samajha, balki is disha men age bhi badhe. bihar men chnparan jile ko ye saubhagy prapt hai ki dakshin afrika se vapas akar mahatma gandhi ne satyagrah andolan ka prarambh yahin se kiya. chnparan satyagrah men gandhi ji ko saphalata bhi prapt huee. shantipoorn janavirodh ke madhyam se sarakar ko simit mangen svikar karane par sahamat kar lena ek mahattvapoorn upalabdhi thi. satyagrah ka bharat ke rashtriy star par yah pahala prayog is lihaj se kaphi saphal raha. isake bad nil ki kheti jamindaron ke lie labhadayak nahin rahi aur shighr hi chnparan se nil kothiyon ke malikon ka palayan prarnbh ho gaya.

shatabdi varsh ke dauran khadi aur gramodyog ayog, bharat sarakar ki or se 15 divasiy khadi mahotsav ka shubharnbh kiya gaya, jo 13 pharavari, 2017 tak jari raha. is mahotsav men bharat ke vibhinn rajyon se khadi evn gramodyogi snsthaen apane utpadon ke sath bhag liya. yahan yah ullekh karana avashyak hai ki mahatma gandhi ki prerana se sthapit khadi aur gramodyog ayog bharat sarakar dvara karyanvit khadi, sphoorti, kearadipi evn piemeejipi yojanaon ke madhyam se bharat ki garib se garib janata ko rojagar ka avasar pradan kar unhen svavalnbi bana raha hai tatha bharat ki arthik pragati men apana yogadan de raha hai.[1]

samachar

10 aprail, 2018

patana ke lie 1,000 karod ke sivej praaujekts laaunch karenge pradhanamntri narendr modi

mahatma gandhi ke chnparan satyagrah ke 100 varsh poore hone ke mauke par pradhanamntri narendr modi satyagrah se svachchhagrah karyakram ki shuruat karenge. piem modi is kainpen ki shuruat chnparan satyagrah ki dharati se hi karenge. vah motihari men is kainpen ki shuruat karate hue 1,100 karod rupaye ke sivarej praautekts ki laaunching karenge. somavar ko motihari pahunchane ke bad unhonne mahatma gandhi ko shraddhanjali arpit kar apane daure ki shuruat ki inamen se kee praaujekts bihar ki rajadhani patana ke lie laaunch kie jaenge. motihari men poorvi chnparan ka jila kendr hain. yahi se mahatma gandhi ne 10 aprail, 1917 ko satyagrah ki shuruat ki thi.

vibhinn sroton par yah samachar padhen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1917 - 2017 mahatma gandhi ke chnparan satyagrah ka shatabdi varsh (hindi) veb duniya. abhigaman tithi: 10 aprail, 2018.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah