nar ho, n nirash karo man ko
kuchh kam karo, kuchh kam karo
jag mean rah kar kuchh nam karo
yah janm hua kis arth aho
samajho jisamean yah vyarth n ho
kuchh to upayukt karo tan ko
nar ho, n nirash karo man ko
sanbhaloan ki suyog n jay chala
kab vyarth hua sadupay bhala
samajho jag ko n nira sapana
path ap prashast karo apana
akhileshvar hai avalanban ko
nar ho, n nirash karo man ko
jab prapt tumhean sab tattv yahaan
phir ja sakata vah sattv kahaan
tum svattv sudha ras pan karo
uthake amaratv vidhan karo
davaroop raho bhav kanan ko
nar ho n nirash karo man ko
niz gaurav ka nit jnan rahe
ham bhi kuchh haian yah dhyan rahe
maranoanthtar guanjit gan rahe
sab jay abhi par man rahe
kuchh ho n tazo nij sadhan ko
nar ho, n nirash karo man ko
prabhu ne tumako dan kie
sab vaanchhit vastu vidhan kie
tum prapht karo unako n aho
phir hai yah kisaka dosh kaho
samajho n alabhy kisi dhan ko
nar ho, n nirash karo man ko
kis gaurav ke tum yogy nahian
kab kaun tumhean sukh bhogy nahian
jan ho tum bhi jagadishvar ke
sab hai jisake apane ghar ke
phir durlabh kya usake jan ko
nar ho, n nirash karo man ko
karake vidhi vad n khed karo
niz lakshy nirantar bhed karo
banata bas udhyam hi vidhi hai
milati jisase sukh ki nidhi hai
samajho dhikh nishkriy jivan ko
nar ho, n nirash karo man ko
kuchh kam karo, kuchh kam karo