vah pradip jo dikh raha hai jhilamil door nahian hai;
thak kar baith gaye kya bhaee manjil door nahian hai.
chingari ban gayi lahoo ki boond giri jo pag se;
chamak rahe pichhe mu d dekho charan-chihn jagamag se.
baki hosh tabhi tak, jab tak jalata toor nahian hai;
thak kar baith gaye kya bhaee manjil door nahian hai.
apani haddi ki mashal se hriday chirate tam ka;
sari rat chale tum du:kh jhelate kulish ka.
ek khey hai shesh, kisi vidh par use kar jao;
vah dekho, us par chamakata hai mandir priyatam ka.
akar itana pas phire, vah sachcha shoor nahian hai;
thakakar baith gaye kya bhaee! manzil door nahian hai.
disha dipt ho uthi prapt kar puny-prakash tumhara;
likha ja chuka anal-aksharoan mean itihas tumhara.
jis mitti ne lahoo piya, vah phool khilaegi hi;
ambar par ghan ban chhaega hi uchchhvas tumhara.
aur adhik le jaanch, devata itana kroor nahian hai;
thakakar baith gaye kya bhaee! manzil door nahian hai.