khaee huee mitti nikalane ke lie
yashoda ne krishna se jab kaha,
muanh kholo _
to unhean putr ke muanh mean brahmaand dikha
to ise janie
ki brahmaand ke darshan
har bachche ke muanh kholane par hoange
zaroorat hai
ki bachche ko vaise pala jae
jaise yashoda ne krishna ko pala tha ___
use ek lathi aur ek kanbal dijie,
aur subah basi roti khilakar
agale char prahar ke lie
gayoan ko charane madhuvan bhejie,
vah baansuri bajae,
godhan gae,
makhan churae,
poochhane par jab jhooth bole
to maan ke hathoan okhali se baandha jae,
is dand ko vah mathe se lagae
tab pootana ki mrityu,
kaliya ke mardan
aur kans ke vadh ka
vah madhyam ban paega,
gita ke darshan ki bheant dega,
dvapar yug ka nayak kahalaega ___
par nahian,
use matr suvidhaoan mean tolakar
apane sapanoan ka lakshy thamakar
ap usako,
usaki asim kshamataoan ki anant dhara se
vichchhinn kar dete haian .....
yashoda ne apana koee sapana
putr ko nahian sauanpa
kya isilie nahian,
madhav mean aantarnihit thi,
virat roop lene ki shakti ?
putr ho ya putri,
usamean ek yug ke avirbhav ki kshamata hai
ise manie,
use dhoop mean chalane dijie,
use kathin paristhitayoan mean palane dijie,
inamean chhipa usake gunoan ka vistar hai
usamean natanagar sakar hai,
har ek ko prakat hona hai
kyoanki har ek
vishnu ka aprakat avatar hai.
nilam prabha
