vida ho gee saanjh, vinat mukh par jhina aanchal dhar,
mere ekaki aangan mean maun madhur smritiyaan bhar!
vah kesari dukool abhi bhi phahara raha kshitij par,
nav asadh ke meghoan se ghir raha barabar aanbar!
maian baramade mean leta, shaiyya par, pi dit avayav,
man ka sathi bana badaloan ka vishad hai nirav!
sakriy yah sakarun vishad,--meghoan se um d um d kar
bhavi ke bahu svapn, bhav bahu vyathit kar rahe aantar!
mukhar virah dadur pukarata utkanthit bheki ko,
barhabhar se mor lubhata megh-mugdh keki ko;
alokit ho uthata sukh se meghoan ka nabh chanchal,
aantaratam mean ek madhur smriti jag jag uthati pratipal!
kampit karata vaksh dhara ka ghan ganbhir garjan svar,
bhoo par hi agaya utar shat dharaoan mean aanbar!
bhini bhini bhap sahaj hi saansoan mean ghul mil kar
ek aur bhi madhur gandh se hriday de rahi hai bhar!
nav asadh ki sandhya mean, meghoan ke tam mean komal,
pi dit ekaki shayya par, shat bhavoan se vihval,
ek madhuratam smriti pal bhar vidyut si jal kar ujjval
yad dilati mujhe hriday mean rahati jo tum nishchal!