कृ. के. दामले केशवसुत  हिन्दी देवनागरी में पढ़ें।

kri. ke. damale keshavasut (1866-1905 ee.). adhunik marathi kavita ke pravartak. ve prathamik skool ke adhyapak rahe, klark bane aur vipannavastha men alpayu men hi svargavasi hue, kintu unaki kavyapratibha asadharan thi. samajasudhar ka jo kam haribhaoo apate ne upanyason dvara aur agarakar ne nibndhon dvara kiya, vahin kam keshavasut ne kavyasarjana dvara kiya. inhonne marathi kavita ko sachche arth men adhunik banaya.

keshavasut ki kavita sphut aur antarniroopini hai. usamen kavyarachana snbndhi ne ne prayog hain. unake vishay prakriti aur prem hain. unaki manovritti asapas ki samajik du:sthiti se udvelit huee aur yah kavy men ojasvita se prakat huee. unhonne apane krantikari samajik vichar. 1. tutari, 2. naiva shipayi, 3. sphoorti 4. gophan, 5. moortibhnjan ityadi ojapoorn aur saras giton men prakat kie. inhonne svatntrata, samata aur bndhuta ka udghosh kar kavita ko naya mod diya. prem aur atmabhivyakti unaki kavita ki doosari visheshata hai. ye pahale kavi the jinhonne vaiyaktik prem par lagabhag chalis pragiton ki rachana ki jinamen 1. ‘priyeche dhyan’, 2. ‘priti’, 3. ‘apar kavita daivat’ atynt saras rachanaen hain. inake kavy ki tisari visheshata hai, prakriti varnan. inhonne nisarg vishayak lagabhag bis giton ki rachana ki jinamen sooryoday, phoolen, sndhyakal, parjany, pushpaprat utkrisht hain. inhonne kranti vishayak kavitaon ki bhi rachana ki. isak atirikt inhonne rahasyatmak kavitaon ki bhi srishti ki. jiv, jagath‌ aur eeshvar ke snbndh men inaki 1.jhapurjha, 2. konikadoon koni kade, 3. harapalen shrey jaisi kavitaen hain jin men prem, sundarata, divyata, bhavyata, adi ke vishay men bhi ek prakar ki goodhata prakat huee hai.

keshavasut ne kavyavastu men jaise krantikari parivartan kie, vaise hi rachanashaili men bhi. inhonne varnik chhndon ki apeksha matrik chhndon ko adhik apanaya. matrik vritton men bhi inhonne roodhiyon ka ullnghan kiya sath hi pashchimi dhng ke sanet ko bhi apanaya. inaki sunit rachanaen prasiddh hain. inaki phulapakharoo aur satariche bol namak vyaktigat anubhavon ka saras chitran karanevali prabhavakari rachanaen anoothi evn asvady hain.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. hindi vishvakosh, khand 3 |prakashak: nagari pracharini sabha, varanasi |snkalan: bharat diskavari pustakalay |prishth snkhya: 124 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah