एक अंत:कथा -गजानन माधव मुक्तिबोध  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"
ek ant:katha -gajanan madhav muktibodh
gajanan madhav muktibodh
kavi gajanan madhav 'muktibodh'
janm 13 navnbar, 1917
janm sthan shyaupur, gvaliyar
mrityu 11 sitnbar 1964
mrityu sthan dilli
mukhy rachanaen kavita sngrah- chand ka munh tedha hai, bhoori bhoori khak dhool kahani sngrah- kath ka sapana, vipatr, satah se uthata adami alochana- kamayani : ek punarvichar, nee kavita ka atmasngharsh, ne sahity ka saundaryashastr, samiksha ki samasyaen, ek sahityik ki dayari rachanavali- muktibodh rachanavali (6 khndon men)
inhen bhi dekhen kavi soochi, sahityakar soochi
gajanan madhav muktibodh ki rachanaen
  • ek ant:katha -gajanan madhav muktibodh

agni ke kashth
khojati man
binati nity sookhe dnthal
sookhi tahani, rookhi dalen
ghoomati sabhyata ke jngal
vah meri man
khojati agni ke adhishthan

mujhamen duvidha
par, man ki agya se samidha
ekatr kar raha hoon
main har tahani men dnthal men
ek-ek svapn dekhata hua
pahachan raha pratyek
jatan se jama raha

tokari utha, main chala ja raha hoon
tokari uthana... chalan nahin
vah phaishan ke viparit -
isalie nigahen bacha-bacha
ade-tirachhe chalata hoon main
snkuchit aur bhayabhit

ajib si tokari
ki usamen pranavan maya
gahari kimiya
sahaj ubhari phaili snvari
dnthal-tahani ki kathin sanvali rekhaen
apas men lag yon gunth jatin
mano akshar navasakshar khetihar ke-se
ve bedhab vaky phusaphusate
tokari vivar men se svar ate dabe-dabe
mano kalarav ga uthata ho dhime-dhime
athava manogy shat rng-birngi bihng gate hon

age-age man
pichhe main;
usaki dridh pith jara si jhuk
chun leti dnthal pal bhar ruk
vah jirn-nil-vastra
hai asthi-dridha
gatimati vyaktimatta
kar raha adhyayan main usaki majabooti ka
usake jivan se lage hue
varsha-garmi-sardi aur kshudha-trisha ke varshon se
main poochh raha -
tokari-vivar men pakshi-svar
kalarav kyon hai
man kahati -
'sookhi tahani ki agni kshamata
hi gati hai pakshi svar men
vah bnd ag hai khulane ko.'

main pata hoon
komal koyal atishay prachin
v ati navin
svar men pukarati hai mujhako
tokari-vivar ke bhitar se.
path par hi mere pair thirak uthate
komal lay men.
main sashrunayan, romanchit tan; prakashamay man.
upabhaen udghatit-vaksha mridu snehamukhi
ek-tak dekhatin mujhako -
priyatar musakatin...
moolyankan karate ek-doosare ka
ham ek-doosare ko snvarate jate hain
ve jagath-samiksha karate-se
mere pratik roopak sapane phailate hain
agami ke.
daravaje duniya ke sare khul jate hain
pyar ke sanvale kisson ki udas galiyan
gnbhir karun muskarahat men
apana ur ka sab bhed kholati hain.
anajane hath mitrata ke
mere hathon men pahunch mitrata bharate hain
main apanon se ghir uthata hoon
main vicharan karata-sa hoon ek phaintesi men
yah nishchit hai ki phaintesi kal vastav hogi.
mera to sir phir jata hai
au' mastak men
brahmand dipti-si ghir uthati
ravi-kiran-bindu ankhon men sthir ho jata hai.

sapane se jagakar pata hoon samane vahi
baragad ke tane-sarikhi vah atynt kathin
dridh pith agragayi man ki
yug-yug anubhav ka netritv
age-age,
main anugat hoon.
vah ek girastan atma
meri man
main chillakar poochhata -
ki yah sab kya
ki kaun si maya yah.

mudakar ke meri or sahaj musaka
vah kahati hai -
'adhunik sabhyata ke van men
vyaktitv-vriksh suvidhavadi.
komal-komal tahaniyan mar geen anubhav-marmon ki
yah nirupayog ke phalasvaroop ho gaya.
unaka vivekasngat prayog ho saka nahin
kalyanamayi karunaen phenki geen
raste par kachare-jaisi,
main chinh rahi unako.
jo gahan agni ke adhishthan
hain pranavan
main bin rahi unako
dekh to
unhen sabhyatabhiruchivash chhoda jata hai
unase munh moda jata hai
dam nahin kisi men
unako durdam kare
analopam svarnim kare.
ghar ke bahar angan men main sulagaoongi
duniyabhar ko unaka prakash dikhalaoongi.'

yah kah man musakaee,
tab samajha
ham do
kyon
bhataka karate hain, beganon ki tarah, raston par.
mil nahin kisi se pate hain
antasth hamare prarayitri anubhav
jam nahin kisi se pate hai ham
phit nahin kisi se hote hain
mano asng ki or yatra asng ki.
ve log bahut jo oopar-oopar chadhate hain
ham niche-niche girate hain
tab ham pate vithi susngamay ooshmamay.
ham hain samaj ki talachhat, keval isilie
hamako sarvojjval parnpara chahie.
man parnpara-nirmiti ke hit
khojati jindagi ke kachare men bhi
gyanatmak snvedan
par, rakhati unaka bhar kathin mere sir par

ajib anubhav hai
sir par tokari-vivar men manav-shishu
vah koee sadyojat
mridul-karkash svar men
ro raha;
sach, pyar umad ata us par
par, pratipalan-dayitv bhar se ghabarakar
main to vivek kho raha
vah shikayaton se bhara bal-svar mndarata
priy balak durbhar, durdhar hai - yah main vicharata, katarata
jhakhamar, jhink au' pyar gunth rahe apas men
vah sir par chadh ro raha, nahin mere bas men
badh raha bojh. vah manav shishu
bhari-bhari ho raha.

vah kaun? ki sahasa prashn kaundhata antar men -
'vah hai manav parnpara'
chinghadata hua uttar yah,
'sun, kalidas ka kumarasnbhav vah.'
meri ankhon men ashru aur abhiman
kisi karan
antar ke bhitar pighalati huee himalayi chattan
kisi karan;
tab ek kshan bhar
mere kndhon par khada hua hai dev ek durdhar
thamata nabhas do hathon se
bharanvit meri pith bahut jhukati jati
vah kuchal rahi hai mujhe dev-akriti.
hai dard bahut ridh men
pasaliyan pira rahin
panv men jam raha khoon
droh karata hai man
main janama jab se is sale ne kasht diya
ulloo ka pattha kndhe par hai khada hua.
ki itane men
gnbhir mujhe adesh
ki bilkul jame raho.
main apane kndhe kramashah sidhe karata hoon
tan gee pith
aur skndh nabhogami hote
itane oonche ho jate hain,
main ekakar ho gaya-sa devakriti se.
nabh mere hathon par ata
main ulka-phool phenkata madhur chndramukh par
meri chhaya girati hai door nebyoola men.
bas, tabhi talab lagati bidi pine ki.
main poorvakriti men a jata,
bas, chay ek kap mujhe garam koee de de
aisi-taisi us gaurav ki
jo chhin chale meri suvidha
mitron se gap karane ka maja aur hi hai.
ye garam chilachilati sadaken
sau baras jien
main paribhraman karata jaoonga jivan bhar
main jipsi hoon.

dil ko thokar
vah vikrit aeena man ka sahasa toot gaya
jisamen ya to chehara dikhata tha bahut bada
phoola-phoola
ya akasmat vikalang v chhota-chhota-sa
sitti gum hai,
nadi thndi.
dekhata hoon ki man vyngyasmit muskara rahi
dantati huee kahati hai vah -
'tab dev bina ab jipsi bhi,
keval jivan-kartavyon ka
palan n ho sake isilie
nij ko bahakaya karata hai.
chal idhar, bin rookhi tahani
sookhi dalen,
bhoore dnthal,
pahachan agni ke adhishthan
ja pahuncha svayn ke mitron men
kar grahan agni-bhiksha
logon se padosiyon se mil.'
chilachila rahi hain sadaken v dhool hai chehare par
chilachila raha besharm daliddar bhitar ka
par, semal ka ooncha-ooncha vah ped ruchir
snpann lal phoolon ko lekar khada hua
raktima prakashit karata-sa
vah gahan prem
usaka kapas resham-komal.
main use dekh jivan par mugdh ho raha !


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah