भक्तिकालीन साहित्य में मीरां  हिन्दी देवनागरी में पढ़ें।

bhaktikalin sahity men miran
miran
poora nam miranbaee
janm 1498
janm bhoomi medata, rajasthan
mrityu 1547
abhibhavak ratnasinh
pati/patni kunvar bhojaraj
karm bhoomi vrindavan
mukhy rachanaen barasi ka mayara, git govind tika, rag govind, rag sorath ke pad
vishay krishnabhakti
bhasha brajabhasha
nagarikata bharatiy
inhen bhi dekhen kavi soochi, sahityakar soochi
miranbaee ki rachanaen

madhyakalin bhakti kavyadhara men miranbaee ke padon ka vishisht sthan hai. ye pad apani marmikata evn madhurima ke karan itane lokapriy hue hain ki hindi-bhasha-bhashiyon ne bhi inhen atmasath kar liya hai. bngal se lekar gujarat tak aur dakshin ke maharashtr se lekar tamilanadu tak in giton ka prachalan jan-jan men hain. in padon ke jo snskaran isake poorv upalabdh the, unase adhyetaon ki avashyakataon ki poorti nahin ho pati thi. hindi sahity ke pratishthit vidvanh achary parashuram chaturvedi ne shodhapoorn bhoomika ke sath-sath adhyayanashil vidyarthiyon ki suvidha ke lie upayogi parishisht jode hain.

miran ke pad

miranbaee ki mahanata aur unaki lokapriyata unake padon aur rachanaon ki vajah se bhi hai. ye pad aur rachanaen rajasthani, braj aur gujarati bhashaon men milate hain. hriday ki gahari pida, virahanubhooti aur prem ki tanmayata se bhare hue mirabaee ke pad anamol snpatti hain. ansuon se bhare ye pad gitikavy ke uttam namoone hain. mirabaee ne apane padon men 'shrringar ras' aur 'shant ras' ka prayog vishesh roop se kiya hai.

main to giradhar ke rng rati
sakhi ri main to giradhar ke rng rati॥
pacharng mera chola rnga de, main jhuramut khelan jati॥
jhuramut men mera sanee milega, khol adambar gati॥
chnda jaega, suraj jaega, jaega dharan akasi.
pavan pani donon hi jaenge, atal rahe abinasi॥
surat nirat ka divala snjo le, manasa ki kar bati.
prem hati ka tel bana le, jaga kare din rati॥
jinake piy paradesh basat hain, likhi likhi bhejen pati॥
mere piy mo mahin basat hai, kahoon n ati jati॥
pihar basoon n basoon sasaghar, sataguru sabd sngati.
na ghar mera na ghar tera, mira hari rng rati॥

bhavarth

is pad ke madhyam se mirabaee ne krishnabhakti ki apratim bhavanaon ko vyakt kiya hai. atma-paramatma ke milan ko vah bahut sahaj dhng se vyakt karati hai. mirabaee kahati-suno sakhi! atma panch antarik dhunon ke rng men rnga chola pahanakar netron ke kendr roopi jhuramut men khelane jati hai. karmakand aur bahari kriyaon ke vastr usake antar men jane ki rah men badhaen utpann karate hain. unhen vah utar phenkati hai. phir avashy hi hari ko dhoondh leti he. panchon tatv, soory, chndr aur taramndal se bhi age atma daiviy mndalon men bhraman karane lagegi. paramatma atma ke roop men nij-sharir men hi vas karata hai. vah prem ke dipak ke prakash se hi antar men prakat hota hai. mirabaee kahati hai ki jinake pati paradesh basate hain unaki priyatama patr ke madhyam se sndesh bheja karati hai lekin mere priyatam (paramatma) to mere man (atma) men hi basate hain, kahin ate-jate nahin.

pyare darshan dijo ay
pyare darshan dijo ay, tum bin rahyayo n jay.
jal bin kamal, chnd bin rajani, aise tum dekhyan bin sajani॥
akul vyakul phiroon rain din, virah kaleja khay॥
divas n bhookh nind nahin raina, mukh ke kathan n ave bainan॥
kaha karoon kuchh kahat n avai, mil kar tapat bujhay॥
kyon tarasao atnrajami, ay milo kirapa kar svami.
mira dasi janam janam ki, pari tumhare payn॥

bhavarth

virah vedana men tadapati mira hari ke darshan ko utavali hai. bina hari darshan ke vah hamesha bechain rahati hai. prabhu ke darshan ki ichchha ne usaki bhookh, pyas aur nind bhi chhin li hai. mira samajh nahin rahi ki kaise vah apani vyatha ka varnan kare. giradhari se kya chhipa hai. mira yachak banakar kahati hai ki he prabhu! mere du:kh aur sntap ko dekhakar ab to chale ao.

avan ki manabhavan ki
koee kahiyau re prabhu avan ki, avan ki man bhavan ki.
ap n avai likh nahin bhejai, bann padi lalachavan ki.
ai doee naina kahyau nahin manain, nadiyan bahai jaise savan ki.
kaha karoon kachhu nahin bas mero, pankh nahin ud javan ki.
mira kahai prabhu kab rai miloge, cheri bhee hoon ter davnn ki॥

bhavarth

mira apane pritam shrikrishn ki yad men tadap rahi hai. vah kahati hai ki he eeshvar n to svayn ap meri- sudhi lete hain aur n hi koee sndesh bhejate hain. mujhe pratit hota hai ki apako mujhe satane ki adat si pad gee hai. mira kahati hai ki usaka koee vash nahin chalata hai. pnkh hota to apane priyatam se milane ke liye udakar chali ati.

charan knval avanasi
bhaj man charan knval avanasi.
jetaee disan dharan gagan man, tetaee uth jasi.
tirath baratan gyann kathnta, kaha liyan karavat kasi.
yo dehi ro garab na karana mati man mil jasi.
yo snsar chahar ri baji, sanjh padyan uth jasi.
kahan bhayan than bhagavan paharyan, ghar taj layan snnyasi.
jogi hoyan jugat nan jana, ulat janam phir phansi.
araj kara abala kar joraya, syam tumhari dasi.
mira re prabhu giradharanagar, katyan mharo gansi॥

bhavarth

mirabaee jagath ki mithya se poori tarah parichit thin. eeshvar ko ekamatr sahara manane vali mirabaee kahati hain ki-he mere man, too nirntar avinashi ke charanakamalon ki vndana kar. is dharati v gagan men jo kuchh dikh raha hai, vah sab nashavan hai. tirthayatraen, vrat ya gyan charcha karana athava kashi men jakar ashray lena vyarth hai. bas, man se vndana karana hi paryapt hai. is deh par kabhi garv mat karana, yah to ek din mitti men mil jani hai. is snsar ko to yon jan, jaise yah chidiya ki baji (khel) ho, jise sanjh padate hi ud jana hai. kya hua jo toone bhagava dharan kar liya ya ghar tyag kar sannyas le liya. isase mukti nahin milati, mukti ke lie man se vndana karana hi paryapt hai. aise jogi hone ka kya tuk ki siddhi ki vidhi hi nahin jani ja sake aur janm-janmantar ke avagaman ki phansi gale men lagi rahe. he shyam! main tumhari dasi hoon, mujh par daya drishti banae rakhana. he mira ke prabhu giradharanagar! tumhin duniyadari ke bndhanon ko kat kar mujhe mukt kar dena.

ram nam ras pijai
ram nam ras pijai, ram nam ras pijai.
taj kusng satasng baith nit, hari characha sun lijai.
kam krodh mad lobh moh koon baha chitt se dijai.
mira re prabhu giradharanagar, tahi ke rng bhijai॥

bhavarth

mira jan-jan ko paramarsh deti hai ki tum ram nam ka ras piyo, isaka bada chamatkari parinam hota hai. nity kusngat ka tyag karake satsng men jakar baitho aur hari charcha sunakar jivan ko sarthak banao. chitt men kam, krodh, mad, lobh aur moh ki jo kupravritiyan ghar kar gee hain, unako vahan se bahakar nirmal ho jao. he mira ke prabhu giradharanagar! main to tumhare rng men bhig gee hoon.

darad n janyan koy
heri mhan darade divani mharan darad n janyan koy.
ghayal ri gat ghail janyan, hivado agan snjoy.
jauhar ki gat jauhari janai, kya janyan jin khoy.
darad ki maryan dar dar dolyan baid milya nahin koy.
mira ri prabhu pir mitangan jab baid sanvaro hoy॥

bhavarth

bhagavanh ke prem men vyakul hokar mirabaee kahati hain ki- he sakhi! mujhase virah ki pida sahi nahin jati. main virah ke mare divani huee ja rahi hoon kintu mere dard ko koee samajh nahin pata. ise to vahi samajh sakata hai, jisake hriday men virahagni sulag rahi ho. mujh ghayal ki gati to koee ghayal hi samajh sakata hai. jauhari hi rath‍‌n ka moolyankan kar sakata hai, vah kya karega jisane apana rath‍‌n gnva diya ho. main viyog men dard ki mari-mari dar-dar dol rahi hoon, kintu aisa koee vaidy nahin mila jo mera ilaj kar sake. he mira ke prabhu! meri pida to tabhi mitegi jab mera sanvara vaidy krishn akar mera ilaj karega.

hari nam lau lagi
ab to hari nam lau lagi.
sab jag ko yah makhanachor, nam dharyo bairagi.
kahn chhodi vah mohan murali, kahn chhodi sab gopi.
moond mundaee dori kahn bandhi, mathe mohan topi.
matu jasumati makhan karan, bandhyo jako panv.
syam kishor bhaye nav gora, chaitany tanko nanv.
pitambar ko bhav dikhavai, kati kopin kasai.
das bhakt ki dasi mira, rasana krishn rate॥

bhavarth

mirabaee kahati hain ki- ab to mainne hari ke nam se lagan laga li hai. sare jag men vah makhanachor ke nam se vikhyat hai jabaki use vairagi kaha jata hai. pata nahin vah apani mohak murali kahan chhod aya aur usaki sari gopiyan kaha gee. sir mundava kar n jane kahan dor bandhi, ab mathe par man mohane vali topi bhi nahin hai. kabhi vah khoob makhan churata tha, is karan mata yashomati usake panv bandhati thi. vahi shyam kishor ab gore ho ge aur unaka nam chaitany ho gaya. unake pitanbar ko bhav dikhakar kamar par kaupin (lngoti) kas liya. mira to bhakton ke das hari ki dasi hai, meri jihva sada usi ka nam ratati hai.

ram ratan dhan payo
payo ji mhe to ramaratan dhan payo. ...poora padhen

bhavarth

bhakti ki mahima ka gunagan karate huye mirabaee kahati hain ki - mainne to ramanam ke rath‍‌non ka dhan pa liya. mere sataguru ne mujhe kripapoorvak yah anamol vastu pradan ki hai jise mainne khushi-khushi apana liya. janam-janam ki poonji kya pa gee hoon ki jag ki sari moh-maya n jane kahan lupt ho gee. yah poonji kabhi kharch nahin hogi aur n hi koee chor utha kar le jaega, balki din b din isamen savaya vriddhi hoti hai. saty ki nav ka khevanahar sataguru hota hai, is prakar mainne bhavasagar par kar liya. he mira ke prabhu giradharanagar! tumhari maya aparnpar hai. tumhara yashagan karate hue main atynt harshit hoti hoon.

hari charanan ki cheri
palak n lagai meri syam bina.
hari binoo mathura aisi lagai, shashi bin rain andheri.
pat pat vrindavan dhoondhyo, kunj kunj braj keri.
oonche khade mathura nagari, tale bahai jamana gahari.
mira re prabhu giradharanagar, hari charanan ki cheri.

bhavarth

mirabaee kahati hain ki - he mere shyam! tujhase aisi lagan lagi hai ki tere viyog men meri palaken ek pal ko bhi nahin jhapakatin. hari ke bina mujhe mathura nagari aisi lagati hai jaise chndr ke bina rat ko andhera chha gaya ho. mainne vrindavan jakar patte-patte men use dhoondha aur braj jakar kunj-kunj men jhank liya, magar vah mujhe kahin bhi nahin mila. mathura nagari oonchaee par khadi hai aur usake niche gahari yamuna nadi bah rahi hai. he mira ke prabhu giradharanagar! main to hari ke charanon ki dasi hoon, at: mujhe darshan dekar kritarth karo.

mhara jivan pran adhar
hari mhara jivan pran adhar.
aur asiro na mhara then bin, tinoon lok mnjhar.
then bin mhano jag n suhavan, nirakhyan sab snsar.
mira re prabhu dasi ravali, lijyo nek nihar॥

bhavarth

mira is saty ko bharibhanti janati thi ki eeshvar hi sabhi jivon ke pran ke adhar hain. vah kahati hai ki mere hari, too hi mere jivan v pran ka adhar hai, tere bina main nirashrit hoon. sach kahati hoon, in tin lokon men tumhare bina mera koee any asara hai hi nahin, tumhare bina mujhe yah jag nahin suhata. mainne sara snsar dekh liya, ek tumhin mere sarvasv ho, anyatr kahin man nahin lagata. he mira ke prabhu giradharanagar! yah dasi keval tumhari hai, at: mera hal-chal lene ke liye meri or bhi nihar lena.

hari bin kachhoo n suhavai
param sanehi ram ki niti oloonri avai.
ram mhare ham hain ram ke, hari bin kachhoo n suhavai.
avan kah ge ajahun n aye, jivada ati ukalavai.
tum darasan ki as ramaiya, kab hari daras dilavai.
charan knval ki lagani lagi nit, bin darasan du:kh pavai.
mira koon prabhu darasan dijyau, annad baranyoon n javai॥

bhavarth

mirabaee kahati hai ki-paramasnehi ki riti-niti ki mujhe bahut yad ati hai. ram hamara aur ham ram ke hain, ek-doosare ke ekadam abhinn. sach to yah hai ki hari ke bina kuchh bhi nahin suhata. mujhase ane ki kah ge the, kintu samajh men nahin ata, ab tak kyon nahin ae. unake bina hriday bahut akul rahata hai. mere ramaiya, tumhare darshanon ki as men hoon, pata nahin hari kab darshan dilaenge. nity charanakamal se lagan lagae baithi hoon aur tumhare darshan ke bina du:kh pa rahi hoon. he mira ke prabhu! darshan do, tumhare darshan se jo annd mil sakata hai, usaka main bakhan nahin kar sakati.

holi khelya syam sng
rng bhari rag bhari ragasoon bhari ri.
holi khelya syam sng rng soon bhari, ri.
udat gulal lal badala ro rng lal, pichakan udavan.
rng rng ri jhari, ri.
chova chandan aragaja mha, kesar no gagar bhari ri.
mira dasi prabhu giradharanagar, cheri charan dhari ri.

bhavarth

mirabaee apane priyatam shrikrishn ke sath holi khelana chahati hai. unaki ichchha hai ki rng, ras aur prit bhari main shyam ke sng holi kheloon aur rngon se nahaoon. chaturdik lal gulal ud raha hai aur badalon ka rng bhi lal ho gaya hai pichakariyon se rng ud rahe hain. jahan dekho, vahan rng-hi-rng ki jhadi lagi huee hai. meri gagar men chova, chndan, aragaja aur kesar ki sungadhiyan bhari huee hain. mira to giradharanagar ki dasi hai. is dasi ne tere charanon ki sharan li hai. prabhu apani kripadrishti banae rakhana.

koee kahai kulanasi
mere man ram basi.
tere karan syam sundar, sakal jogan hansi.
koee kahai mira bhee bavari, koee kahai kulanasi.
koee kahai mira dip ag ri, nam piya soon rasi.
khand dhar bhakti ki nyari, kati hai jam ki phansi॥

bhavarth

mira kahati hain-mere man men ram basa hua hai. mere shyamasundar, tere karan jag vale meri hnsi udate hain. koee kahata phirata hai ki mira bavari ho gee hai to koee yahan tak kah deta hai ki mira kul-nashi hai. koee kahata hai ki mira agni ki bhanti dahak rahi hai. jisako jo kahana hai kahata rahe, main to apane piya ka nam lene men hi lin hoon. yah jo bhakti ki talavar ki dhar hai, usaki shan nirali hai. yahi yam ke phnde se sadaiv ke lie mukti dila deti hai arthath moksh prapt karati hai.

hori khelat hai giradhari
hori khelat hai giradhari. ...poora padhen

bhavarth

krishn ki apratim bhakti se otaprot mira apane priyatam ke holi khelane ka annd le rahi hai. vah kahati hain-mera giradhari holi khel raha hai. murali, chng aur daph ke nirale svar goonj rahe hain, inaki tal par braj ki yuvatiyan v nariyan ga aur nach rahi hain. apane hi hathon se mohan bihari chndan v kesar chhidak raha hai. apani mutthiyon men lal gulal bhar-bhar kar charon or sab par dal raha hai. chhail-chhabile naval kanha ke sath pran pyari radha bhi hain. sab hathon se taliyan baja-bajakar dhamar rag ki dhun par ga rahe hain. rasik sanvara jhoom-jhoomakar jis vidhi se phag khel raha hai usake karan braj men bhari ullas chha gaya hai. he mira ke prabhu giradharanagar! kanha ki chhavi badi adbhut hai. vah mohane vala hai, vah lal bhi hai. usaki abha arunik hai aur vah bihari bhi hai, yani ras chhidakata chalata hai.

jago more pyare
jago bnsi vare lalana, jago more pyare. ...poora padhen

bhavarth

balakrishn ke manamohak chhavi ko apane man men basakar mirabaee ne is pad ki rachana ki. jago mere bnsivale lal, jago mere pyare. rat bit gee aur subah ho gee hai. ghar-ghar ke daravaze khul ge hain aur log kam-kaj men jut ge hain. gopiyan dahi math rahi hain. unake knganon ki jhnkar sunaee deti hai. utho mere lalaji, subah ho gayi hai. tumhare dvar par devata v manushy darshanon ke liye khade hain. sare gval-bal jama hokar kolahal kar rahe hain aur tumhari jay-jayakar ke nare laga rahe hain. gooon ke rakhavale, main tumhare lie hathon men makhan-roti lekar khadi hoon, jaldi se uthakar a jao. he mira ke prabhu giradharanagar! jo tumhari sharan men ata hai tum use avashy tarate ho.

mharan ri giradhar gopal
mharan ri giradhar gopal doosaran na kooyan.
doosaran nan kooyan sadhan sakal lok jooyan.
bhaya chhannayan, vandha chhandyan sagan bhooyan.
sadhan dhig baith baith, lok laj sooyan.
bhagat dekhyan raji hyan, hyan jagath dekhyan rooyan
doodh math ghrit kadh layan dar daya chhooyan.
rana visharo pyala bhejyan, piy magan hooyan.
mira ri lagan lagyan hona ho jo hooyan॥

bhavarth

bhagavath prem men magan mirabaee kahati hain ki-mere to bas ek giradhar gopal hi hain, doosara koee nahin hai. mainne sara snsar chhan mara, kintu usake jaisa mujhe koee aur najar nahin aya. usane mujhe is prakar vashibhoot kar liya ki mainne bhaee-bndhu aur sare sage-snbndhiyon tak ko chhod diya. sadhuon ke sath baith-baithakar lok-laj bhi tyag di. bhakt par najar padate hi harsh hota hai. jagath ki apharataphari dekhakar man khinn hota hai. mainne to doodh mathakar ghi nikal liya aur chhachh phenk di hai. rana ne vish ka pyala bheja to use pikar main magan ho gee hoon. mira ne to giradhar gopal se lagan laga li, ab to jo hona ho, hone do.

liyo ramaiya mol
maee main to liyo ramaiya mol.
koee kahai chhani, koee kahai chori, liyo hai bajata dhol.
koee kahai karo, koee kahai goro, liyo hai akhin khol.
koee kahai halka, koee kahai mahnga, liyo hai tarajoo tol.
tan ka gahana main sabakuchh dinha, diyo hai bajooband khol.
mira re prabhu giradharanagar, poorab janam ka kol॥

bhavarth

bhakti ki parakashtha ka parichayak hai yah pad. bhagavanh to hamesha bhakt ke vash men hote hain. mira kahati hai ki-mainne to ramaiya ko mol liya hai. koee kahata hai ki mainne luk-chhip kar mol liya hai. koee kahata hai ki chori ki hai, jabaki mainne dhol bajakar khuleam liya hai. koee kahata hai ramaiya kala hai, koee kahata hai ki gora hai, jabaki kan kholanakar bhalibhanti parakh liya hai. koee kahata hai ki halaka hai, koee kahata hai ki mahnga hai, jabaki mainne tarajoo men taulakar liya hai. jisake pas ramaiya ho use kisi aur chij ki avashyakata nahin hoti. at: mainne tan ke gahane ramaiya ke badale men de die. bajoobnd bhi khol diya hai. he mira ke prabhu giradharanagar! tum poorvajanm ka vachan nibhate hue meri laj rakh lo.

jhoothi jagamag joti
avo sahelya rali karan he, par ghar gavan nivari.
jhootha manik motiya ri, jhoothi jagamag joti.
jhootha sab abhooshan ri, sanchi piyaji ri poti.
jhootha pat patnbarare, jhootha dikhani chir.
sanchi piyaji ri goodadi, jame niramal rahe sarir.
chhapp bhog buhaee de hai, in bhogin men dag.
loon aloono hi bhalo hai, apano piyaji ko sag.
dekhi biranai nivann koon he, kyoon upajavai khij.
kalar apano hi bhalo hai, jamen nipajai chij.
chhail birane lakh ko he apane kaj n hoi.
take sng sidharatan he, bhala n kahasi koi.
var hinon apanon bhalo he, kodhi kushti koi.
jake sng sidharatan hai, bhala kahai sab loi.
abinasi soon balavan he, jipasoon sanchi prit.
mira koon prabhu milya he, aihi bhagati ki rit॥

bhavarth

jagath ke mithya svaroop se bhalibhanti parichit mira apani sakhiyon ko bhi yah raj batana chahati hain. vah kahati hai-ao saheliyon, ham khele-kooden, paraye ghar ane-jane ka parityag karen. apani atma ka mnthan karen taki kaya ke avagaman ka silasila samapt ho. ye manik-moti sab mithya hain. jagamag karati jyoti bhi mithya hai. bhautik padartho men ulajhane ka koee labh nahin hai. sabakuchh nashavan hai. ye sare abhooshan bhi mithya hain. sach hai to sirph piya yani bhagavanh ki priti. ye reshami kapade v dakshini sadiyan bhi mithya hain. bas piyaji ki goodadi hi sach hai, jisamen sharir nirmal bana rahata hai. chhappan bhogon ka tyag karo, in bhogon se dag lagata hai. apane piya ji ka namak ya bina namak ka sag hi bhala hai. doosare ki ghi chupadi roti dekhakar khijana nahin chahie. apani noni mitti jamin hi bhali, jisase koee chij to banaee ja sakati hai. paraya chhail-chhabila lakh ka ho kintu apane kam ka nahin hota. usake sath mel-jol kiya jae to use koee bhala nahin kahata. apana var chahe hin, kodhi ya kushth rogi hi kyon n ho, vahi bhala hota hai. usake sath mel-jol kiya jae to sab use bhala kahate hain. mere balam to avinashi hain. usaki prit sachchi hai. mira ko to prabhu mil gaya, vahi mera sarvasv hai, usaki prit mujhe bhali lagati hai. baki sabakuchh mithya hai, yahi bhakti ki rit bhi hai.

nit uth darasan jasyan
maee mhan govind, gun gasyan.
charanamrati ro nem sakare, nit uth darasan jasyan.
hari mandir man nirat karavan ghoongharyan chhamakasyan.
syam nam ro jhanjh chalasyan, bhosagar tar jasyan.
yo snsar bidaro kanto, gel pritam atakasyan.
mira re prabhu giradharanagar, gun gavan sukh pasyan॥

bhavarth

mira kahati hain ki meri maee, log kuchh bhi kahate rahen, main to sada govind ke gun hi gaoongi. charanamrit ka niyam nibhane nity prat:kal uthakar usake darshan karane jaya karoongi. hari mndir men jakar nrity karoongi aur ghungharoo chhamakaoongi. shyam nam ka jhanjh bajaoongi aur is prakar bhavasagar tar jaoongi. yah snsar to mujhe beri ke kanton-sa chubhata hua pratit hota hai. pritam mujhe aise snsar men atakakar n jane kahan chala gaya hai. he mira ke prabhu giradharanagar! tere gun gate hue mujhe sukh ki prapti hoti hai, main to sada tere gun gaoongi.

charan kamal lapatani
ranaji ne jahar diyo mhe jani.
jaise kanchan dahat agani me, nikasat barabani.
lokalaj kul kan jagath ki, di bahay jas pani.
apane ghar ka parada karale, main abala baurani.
tarakas tir lagyo mere hiyare, garak gayo sanakani.
sab sntan par tan man varon, charan knval lapatani.
mira ko prabhu rakhi lee hai, dasi apani jani॥

bhavarth

mirabaee kahati hain ki rana ji, apane mujhe jahar diya tha, yah main janati hoon. isake bavajood mainne use chupachap pi liya. phir kya hua? jaise sona ag men jalakar chamakata hua bahar nikalata hai, usi prakar jahar pikar meri prit aur adhik pragadh v hardik ban gee. ab mere lie jagath ki lok-laj aur kul ke samman ka koee mahatth‍‌v nahin raha. mainne in sabako vaise hi baha diya hai jaise pani ka rela baha diya. ranaji main to kahati hoon ki apane ghar ka parada kar lo, mera koee bharosa nahin, main abala baura gee hoon. meri kaun-si harakat tumhare kul ko ahat kar de, main nahin janati. hari prit ke tarakas ka tir mere hriday men bindh gaya hai aur main pagala gee hoon. mainne apana tan-man, sarvasv snton par var diya hai aur hari ke charanakamalon se lipat gee hoon. he mira ke prabhu! mujhe apani dasi janakar apane charanon men sthan de do, ab aur kahin man nahin lagata.

giradhar ke ghar jaoon
main to giradhar ke ghar jaoon.
giradhar mhanro sancho pritam, dekhat roop lubhaoon.
rain padai tab hi uthi jaoon, bhor gaye uthi aoon.
rainadina bake seng kheloon, jyoon tyoon vahi rijhaoon.
jo pahiravai hoee pahiroon, jo de soee khaoon.
meri unaki prit purani, un bin pal n rahaoon.
jahan baithaven titahi baithoon, beche ko bik jaoon.
mira re prabhu giradharanagar, bar bar bali jaoon॥

bhavarth

krishn ke prem sarovar men doobi mira kahati hain ki main to giradhar ke ghar jati hoon. giradhar mera sachcha premi hai. use dekhate hi usake roop se main lubdh ho jati hoon. rat hote hi main usake ghar jati hoon aur subah hote hi vahan se uthakar ghar vapas ati hoon. din-rat usi ke sng khelati hoon. main har prakar se unako prasann rakhane ka prayas karati hoon. jo vah pahanane ko deta hai vahi pahanati hoon. jo khane ko deta hai vahi khati hoon, meri usaki purani prit hai. usake bina ek pal bhi nahin raha jata. vah jahan bithata hai, vahin baithati hoon. vah mujhe bechana bhi chahe to main chupachap bik jaoongi. he prabhu giradharanagar! tum par main bar-bar bali jati hoon.

amrit dinh banay
mira magan bhee hari ke gun gay.
sanp pitara rana bhejyon, mira hath diya jay.
nhay dhoy jab dekhan lagi, saligaram gee pay.
jahar ka pyala rana bhejya, amrit dinh banay.
nyah dhoy jab pivan lagi, ho amar anchay.
sool sej rana ne bheji, dijyo, mira sulay.
sanjh bhee mira sovan lagi, mano phool bichhay.
mira re prabhu sada sahaee, rakhe bighan hatay.
bhajan bhav men mast bolati, giradhar pai bali jay॥

bhavarth

mira hari ke gun gati huee magan ho rahi hai. rana ne sanp ki pitari bhijavaee thi aur lane vale ne jakar mira ke hathon men thama di. naha-dhokar jab vah pitari kholakar dekhane lagi to use pitari se shaligram ki prapti huee. rana ne jahar ka pyala bheja aur bataya ki amrit hai. naha-dhokar jab usane use pi liya to mano sachamuch amrit pikar vah amar ho gee. rana ne shoolon ki sej bhejakar kaha ki is par mira ko sulana. sanjh ko mira us par soee to use aisa laga mano vah phoolon ki sej par soee ho. prabhu mira ki sadaiv sahayata karate hain aur usake vighanen ko talate rahate hain. mira nishchit hokar bhajan-bhav men magan hokar dolati phirati hai aur giradhar par bali-bali jati hai.

nasadin jooo bat
jogiya ji nisadin jooo bat.
panv n chalai pnth doohelo; ada aughat ghat.
nagar ai jogi ras gaya re, mo man prit n pai.
main bholi bholapan kinho, rakhyau nahin bilamai.
jogiya koon jovat boho din bitya, ajahoon ayo nahin.
birah bujhavan antari avo, tapan lagi tan mahin.
kai to jogi jag men nahin, ker bisari moi.
kani karoon kit jaoonri sajani nain gumayo roi.
arati tera antari mere, avo apani janni.
mira vyakul birahini re, tum bini talaphat prani॥

bhavarth

prabhu ke prem men mira virahini ban chuki hai. vah hamesha apane priyatam nndalal ki rah dekha karati hai. mere jogiya ji, main rat-din nirntar tumhari bat johati hoon. prem ki dagar badi dushkar hai, is ade aur snkare path par kadam rakhana bade jokhim ka kam hai. nagar men jakar jogi aisa ram gaya hai ki sudh-budh kho baitha aur mere man men prit ki thah ka anuman nahin laga saka. main bholi thi aur bholapan hi karati rahi, isalie to main use prem men phans n saki. jogi ji, mere antar men jo virahagni sulag rahi hai, use bujhane ko ao. mera sara sharir tap raha hai. mujhe to lagata hai ki jogi jag men kahin kho gaya hai, ya usane mujhe bhoola diya hai. rat-din ro-rokar mainne to apani ankhon ko hi kharab kar liya hai. mera antar tumhari chahat men tadap raha hai, mujhe apana manakar a jao. mira kahati hai ki main tumhare darshan pane ko vyakul virahini ho rahi hoon. tum jaldi an milo pritam, tumhare bina mere pran tadapate hain.

murali kar lakut leoon
gohanen gupal phiroon, aisi avat man men.
avalokan barij badan, bibas bhee tan men.
murali kar lakut leoon, pit basan dharoon.
kachhi gop bhesh mukat, godhan sng charoon.
ham bhee gulapham lata, brindavan raina.
pashu pnchhi marakat muni, shravan sunat bainan.
gurujan kathin kani kasaun ri kahie.
mira prabhu giradhar mili aise hi rahie॥

bhavarth

mira kahati hai ki mere man men aisa vichar ata hai ki sadaiv gopal ke sath-sath ghoomoon -phiroon. usaka kamal jaisa mukhada dekh karake mera tan vivash ho jata hai. ji karata hai ki hath men murali v chhadi loon aur pile vastr dharan karoon. phir gop ka vesh banakar aur sir par mukut dharakar godhan (guon) ke sath vicharati phiroon. is kalpana se mira itana vimugdh hoti hai ki use pratit hota hai, vah to vrindavan ki dhool ban gee hai aur yahan ke pashu, pakshi, vanar v muniyon ki vani apane kanon men sun rahi hai. gurujanon ki badi kathor maryadaen hain, main to apane man ki bat unako bata nahin sakati. mira kahati hai ki he prabhu, he mere giradhar! meri jaisi kalpana hai, usi prakar mujhase milakar rahie.

lok kahen mira bhee babari
koee kachhu kaho re rng lagyo, rng lagyo bhram bhagyo.
lok kahai mira bhee babari, bhram dooni ne khagyo.
koee kahai rng lagyo.
mira sadhan men yoon ram baithi, jyoon goodadi men tago.
sone men suhago.
mira sooti apane bhavan men, sataguru ap jagagyo.
gyani guru ap jagagyo.

bhavarth

krishn ke prem men magan mira kahati hai ki koee kuchh bhi kahata rahe, main to shyam ke rng men rng gee. usaki prit ka gahara rng mujhe lag gaya hai aur mere sare bhram door ho ge hain. log kahate hain ki mira bavari ho gee hai, yah duniya ka bhram hai. koee kahata hai ki mira ko shyam ka rng lag gaya hai. vah sadhuon men jakar yon ram gee hai jaise gudadi men dhaga samahit hota hai ya jaise sone men suhaga. mira kahati hai ki mujhe shyam ke rng ka kahan gyan tha. main to apane bhavan men nidramagn thi ki sataguru svayn akar mujhe jaga ge. guru ki kripa se hi main shyam ki prit men rng gee aur mere sare bhram bhag ge.

ban-ban bich phiroon ri
karanan suni syam meri.
main to hoee rahi cheri teri.
darasan karan bhee bavari birah bitha tan gheri.
tere karan jogan hoongi nagr bich pheri.
kunj sab heri heri.
ang bhabhoot gale mrigh chhala, yo tan bhasam karoon ri.
ajahoon n milya, ram abinasi, ban ban bich phiroon ri.
rooon nit teri-teri.
jan mira koon giradhar miliya, du:kh metan sukh bheri.
room room sata bhee ur men, miti gee phera pheri.
rahoon charanani tari cheri॥

bhavarth

krishn ki virahagn men doobi mira kati hai - he shyam! meri karun pukar suno, main to teri sada-sada ki dasi hoon. tera darshan pane ko pagal huee jati hoon aur virah ki vedana ne mere tan ko gher liya hai. tere karan main jogan ban gee hoon aur nagar-nagar men bhatakati phirati hoon. sare kunjon men tumhen khoj rahi hoon. ang-ang men bhabhoot aur gale men mrigachhala dal li hai. is prakar tera yah tan bhasm kar rahi hoon. aj bhi mujhe ram avinashi nahin mila. main van-van men usako dhoondhati mari-mari phir rahi hoon aur use ter-ter kar nity ro rahi hoon. jab mira ko giradhar mila, sukh dene vale ne sare du:kh mita die. rom-rom v hriday shant pad ge hain aur main bar-bar jine-marane ke mayajal se mukt ho gee hoon. ab tumhari yah dasi sada tumhare charanon tale rahegi.

had himalan garan
satabadi harichanda raja, dom ghar niran bharan.
panch pandu ri rani drupata, had himalan garan.
jag kiyan bali len indrasan, janyan patal karan
mira re prabhu giradharanagar, bikharoo abhrit karan॥

bhavarth

bhagy ka likha atal hai, ise nahin tala ja sakata. yah bhagy ke likhe ka hi phal hai ki satyavadi raja harishchndr ko dom ke ghar pani bharane ki chakari karani padi thi. panch pandavon ki rani draupadi ko himalay par jakar apana sharir galana pada tha. bali ne indrasan par adhikar jamane ke lie ygy kiya tha, kintu bhagy ke likhe ne use patal men ja pataka. mira ke prabhu to giradharanagar hain. vahi bhagyavidhata hain, unhin ki ichchha se vish bhi amrit ban jata hai.

charan kamal par vari
avat mori galiyan men giradhari.
main to chhup gee laj ki mari.
kusumal pag kesariya jama, oopar phool hajari.
mukut oopar chhatr biraje, kundal ki chhabi nyari.
kesari chir darayaee ko lengo, oopar angiya bhari.
avat dekhi kisan murari, chhip gee radha pyari.
mor mukut manohar sohai, nathani ki chhabi nyari.
gal motin ki mal biraje, charan kamal balihari.
oobhi radha pyari araj karat hai, sunaje kisan murari.
mira re prabhu giradharanagar, charan kamal par vari॥

bhavarth

giradhari ko apani gali men ate dekha to laj ki mari main chhip gee. unake sir par lal rng ki pagadi thi, tan par kesariya vastr aur oopar sahastr dalon ke pushp. mukut ke oopar chhatr virajaman tha aur kundalon ki chhavi nyari. radha ne kesariya rng ki angiya pahan rakhi thi. pyari radha ne kishan murari ko ate dekha to chhip gee. unake mathe par mor-mukut saj raha tha aur nathani ki chhavi nyari thi. gale men motiyon ki mala viraj rahi thi. main unake charanakamalon par balihari jati hoon. radha pyari khadi vinati karati hai ki kishan murari, meri bat sunakar jao. mira kahati hai ki mere prabhu to giradharanagar hain, unake charanakamalon par vari-vari jati hoon.

nena ban padi
ali ri mhare nena ban padi.
chitt chadhi mhare madhuri moorat, hivada ani gadhi.
kab ri thadi pnth niharan, apane bhavan khadi.
atakyan pran sanvaro, pyaro, jivan moor jadi.
mira giradhar hath bikani, lok kahyan bigadi॥

bhavarth

mira kahati hain ki sakhi ri, mere nainon ko to sadaiv manamohan ki moorat niharane ki adat pad gee hai. mere chitt par usaki madhur moorat aisi chadh gee hai ki kisi aur ki sudh hi nahin rahati. hriday men is manamohak moorat ki nok hamesha gadi rahati hai. phir isamen kisi aur ki smriti kaise sama sakati hai. apane bhavan men khadi kab se main path nihar rahi hoon. mere pran usi sanvale, pyare manamohan men atake hue hain. vahi mere jivan ka mool hai. mira kahati hai ki main to giradhar ke hathon bik chuki hoon aur log kahate phirate hain ki main bigad gee hoon.

baithi kadam ki dari
aj anari le gayo sari, baithi kadam ki dari.
mhare gale padyo giradhari, he may, aj anari.
main jal jamuna bharan gee thi, a gayo krishn marari.
le gayo sari anari mhari, jal men oobhi udhari.
sakhi saini meri hnsat hai, hnsi hnsi de mohin tari.
sas buri ar nanad hathili, lari lari de mohin gari.
mira re prabhu giradharanagar, charan kamal ki bari.

bhavarth

krishn prem men birahini bani mira yahan apani kalpana men gopi ban jati hai aur apani man se kah rahi hai ki kadnb ki dal par chhipakar baitha natakhat nagar aj meri sadi le gaya. aj to natakhat giradhari mere pichhe pad gaya. jab main yamuna men jal bharane gee thi, vahan krishn murari pahunch gaya. natakhat meri sadi le gaya aur main jal men nirvastr khadi rahi. meri halat dekhakar meri sakhiyan hns-hns kar mujh par taliyan baja rahi thin. meri sas buri aur nanad hathili hai, ve ladati-jhagadati aur mujhe galiyan deti hain. mira ke prabhu giradharanagar hain, main unake charanakamalon men vari-vari jati hoon.

bhag hamara jaga re
ab kooo kachhu kaho dil laga re.
jaki priti lagi lalan se, knchan mila suhaga re.
hnsa ki prakriti hnsa jane, ka jane mar kaga re.
tan bhi laga, man bhi laga, jyoon babhan gal dhaga re.
mira re prabhu giradharanagar, bhag hamara jaga re॥

bhavarth

krishn ke prem men bhavavibhor hokar mira kahati hai ki main apane vash men nahin, ab koee kuchh bhi kahata rahe, mera dil to manamohan se laga hai. jisaki prit manamohan se lag jati hai usaka jivan sone par suhaga jaisa hota hai. vah kitana ahladit hota hai, isaka anubhav sirph vahi kar sakata hai, koee any nahin. hns ki prakriti sirph hns hi jan sakata hai, bechara kaua kya jane! mainne to krishn priti men tan-man yon laga diya hai jaise brahman ke gale men janeoo. mira kahati hai ki mere prabhu to giradharanagar hain. unase priti karake mere bhagy jag ge.

amar bel boee
ab to mera ram nam doosara n koee॥
mata chhodi pita chhode chhode saga bhaee.
sadhu sng baith baith lok laj khoee॥
satn dekh daud aee, jagath dekh roee.
prem ansu dar dar, amar bel boee॥
marag men tarag mile, snt ram doee.
snt sada shish rakhoon, ram hriday hoee॥
ant men se tnt kadhayo, pichhe rahi soee.
rane bhejya vish ka pyala, pivat mast hoee॥
ab to bat phail gee, janai sab koee.
das mira lal giradhar, honi ho so hoee॥

bhavarth

mira ke liye bhagavath prem se badhakar kuchh nahin tha. bhagavanh ko pane ke liye mira ne sarvasv tyag kar diya. man-bap, pati, sage-snbndhi sabako chhodakar vah bhagavanh ki sharan men a gee. vah kahati hai ki jag men mera hari ke siva aur koee apana nahin hai. guru ki kripa aur snton ke satsng se mainne lok-laj tyag di hai. ab men sansarik mayajal se mukti pa gee hoon.

man nahin mani har
main to teri saran padi re raman, jyoon jane jyoon tar.
adasath tirath bhrami bhrami ayo, man nahin mani har॥
ya jag men koee nahin apanan, suniyau stravan murar.
mira dasi ram bharose, jam ka phnd nivar॥

bhavarth

giradhari! lakhon ygy aur sabhi tirth karane ke bad bhi mera man mere vash men nahin hai. ab main tumhari sharan men aee hoon. mujhe is bhavasagar se par karo. is jagath ke sabhi bndhan jhoothe hain. yahan koee bhi apana nahin hai. mujhe to sirph tumhara hi asara hai.

dookhan lage nain
daras bin dookhan lage nain.
jab se tum bichhude more prabhu ji, kabahu n payo chain.
shabd sunat meri chhatiyan knpai, mithe lage bain.
ek takataki pnth niharoon, bhee chh-masi rain.
virah vitha kasoon kahoon sajani, bah gee karavat ain.
mira re prabhu kab re miloge, du:kh metan sukh den॥

bhavarth

hari darshan ki pyasi mira apani virah vedana prakat karate hue kahati hai ki apake viyog men mujhe ek pal bhi chain nahin milata. ek-ek rat chhah-chhah mah ke saman bitati hai. apake viyog men main is tarah tadap rahi hoon jaise mere hriday par tikshn talavar chal rahi hai. mira prabhu se jaldi milane ki vinati karati hai taki du:kh ka nivaran ho aur sachche sukh ki prapti ho.

banh gahe ki laj
ab so nibhayan saregi, banh gahe ki laj॥
samarath saran tumhari saiyan, sarab sudharan kaj॥
bhav sagar snsar aparabal, ja men tum ho jahaj॥
niradharan adhar jagath guru, tum bin hoy akaj॥
jug-jug bhir hari bhaktan ki dino moksh samaj॥
mira saran gahi charanan ki, laj rakho maharaj॥

bhavarth

hari ka nam japate hue saty ki nauka hi snsar roopi sagar se par karati hai. mira kahati hai, main bhi eeshvar ke charanon men hoon jisake smaran matr se hi sab kary poore ho jate hain. bhakton ke du:kh door karane vale sanvarie mira ki bhi laj rakhana.

bedo lagajyo par
mero bedo lagajyo par prabhu ji main araj karoon chhai.
ya bhav men main bahut du:kh payo, snsa sog nivar.
asht karam ki talab lagi hai, door karo du:kh bhar.
yo snsar sab bahyo jat hai, lakh chaurasi ri dhar.
mira re prabhu giradharanagar, avagaman nivar॥

bhavarth

jagath ke mithyasvaroop se bhalibhanti parichit mira avagaman ke chakr se mukt hona chahati hai. vah kahati hai ki he prabhu ji! main vinati karati hoon ki mera uddhar kar do. mere bede ko us par laga do. is snsar se mujhe virakti ho gee hai. yahan main bahut du:kh pa rahi hoon. chitt sadaiv shnkaon v shokon se ghira rahata hai. in sabaka tum hi nivaran kar sakate ho. snsar men rahi to bas asht karmo ki talab lagi rahegi aur moh-maya se kabhi chhutakara nahin mil sakega. mere is du:kh ke bhar ko tum door kar sakate ho. yah sara snsar chaurasi lakh yoniyon ki dharaon men bahata chala ja raha hai arthath bar-bar vibhinn yoniyon men janm lekar avagaman ke chakravyooh men phnsa hua hai. he mira ke prabhu giradharanagar! mera uddhar karo, taki mere avagaman ka silasila hi samapt ho jae.

bhajana bina nar phika
ali mhano lagan brindavan nikan.
ghar-ghar tulati thakar poojan, darasan govind ji kan.
niramal nir bahya jamanan man, bhojan doodh dahin kan.
ratan singhasan ap birajyan, mugat dharya tulasi kan.
kunjan-kunjan phirya sanvara, sabad sunya murali kan.
mira re prabhu giradharanagar, bhajan bina nar phikan॥

bhavarth

krishn se antarng prem ke karan mirabaee ka man vrindavan men rama rahata tha. vah kahati hai ki meri sakhi, mujhe vrindavan ki shobha badi pyari lagati hai. vahan ghar-ghar men tulasi se thakuraji ki pooja hoti hai aur kan-kan men govindaji ke darshan hote hain. yamuna men nirmal jal bahata hai aur sab doodh-dahi ka bhojan karate hain. svayn mera shyam rath‍‌n sinhasan par virajata hai aur usake sir par tulasi mukut hai. vahan mera sanvariya kunj-kunj men vicharata hai aur murali ka svar sunaee deta hai. he mira ke prabhu giradharanagar! sach to yah hai ki bhajan ke bina nar ka jivan nirarthak hai.

main saran hoon teri
hari bin koon gati meri.
tum mere pratipal kahiyai, main ravari cheri.
adi ant nit nanv tero, hiya men pheri.
beri beri pukari kahoon, prabhu arati hai teri.
yau snsar vikar sagar, bich men gheri.
nav phati pal bandho, boodat he beri.
birahani pivaki bat jovai, rakhliyau neri.
dasi mira ram ratat hai, main saran hoon teri॥

bhavarth

bhagavanh ke bina srishti ki kalpana bhi vyarth hai. mira kahati hai ki ri ke bina meri any kaun-si gati hai? tumhin mere pratipalak kahalate ho aur main tumhari dasi. adi se ant tak tumhara hi nam hriday men bar-bar leti hoon. main tumase nirntar pukar-pukar kar kahati hoon ki he prabhu! tumhare darshanon ki tivr lalasa hai.. akar meri sudh lo. yah snsar aur kuchh nahin hai, keval dukhon aur kashton ka sagar hai aur main isake bich ghiri huee hoon. meri nav toot-phoot gee hai. he prabhu jaldi se pal bandho, varana isake doobane men der nahin hai. main virahini apane piya ki bat joh rahi hoon. kripaya karake mujhe apane pas hi rakh lo. yah mira dasi sadaiv ram ka nam ratati hai. svayn ko tumhare charanon men saunp diya hai, meri sudh lo, prabhu.

thari saranan asyan ri
pag bandh ghungharayan nachyari.
log kahyan mira babari, sasu kahyan kulanasi ri.
vish ro pyalo rana bhejyan, pivan mira hansan ri.
tan man varyan hari charanaman darasan pyasyan ri.
mira re prabhu giradharanagar, thari saranan asyan ri॥

bhavarth

main pairon men ghungharoo bandhakar nach rahi hoon. yah dekhakar mira kahati hai ki-log kahate hain ki mira bavali ho gee hai aur sas kahati hai ki main kul kalnkini hoon. rana to itane kshubdh hue ki vish ka pyala hi bhej diya aur mira ne use hnsate-hnsate pi liya. mainne apana tan-man hari par var diya hai, usake darshan se mujhe amrit ki prapti hoti hai. he mira ke prabhu giradharanagar! main tumhare charanon men a padi hoon. logon ke ji men jo ae kahate rahen.

koee n kare prit
rameeya mere tohi soon lagi neh.
lagi prit jin todai re bala, adhikau kijai neh.
jai hoon aisi janati re bala, prit kiyan dush hoy.
nagar dhndhoro pherati re, prit karo karo mat koy.
shir n shaje ari re, moorash n kijai mint.
shin tata shin sitala re, shin bairi shin mint.
prit karai te babara re, kari todai te kroor.
prit nibhavan dal ke shabhan, te koee birala soor.
tam gajagiri kaun choontaraure, ham balu ki bhit.
ab to myan kaise banai re, poorab janam ki prit.
ekai thano ropiya re, ik anbo ik bool.
bakau ras nikau lagai re, baki bhagai sool.
jyoon doogar ka bahala re, yoon ochha tana saneh.
bahata beta utavala re, vahaiji ve to latak batave chheh.
ayo sanvan bhadava re, bolan laga mor.
mira koon harijan milya re, le gaya pavan jhakor॥

bhavarth

ramaiya, meri prit tum se hi lagi hai. yah jo prit lagi hai, ise todana mat balki mujhase adhik neh karana. yadi main pahale janati ki prit karane se du:kh hota hai to main nagar-nagar men dhindhora pitava deti ki koee prit karane ki bhool n kare. khir ko ari se nahin khaya jata. moorkh se mitrata karane ki bhool nahin karani chahie. moorkh kshan men hi thnda pad jata hai aur kshan men hi garm. vah kshan men dushman banata hai aur kshan men hi mit. prit karane vala pagal hota hai. prem nibhata hai, aisa soorama virala hi hota hai. tum majaboot chabootar ho to main baloo ki kamazor bhit (divar). ab to kuchh nahin ho sakata. mere pritam, yah poorvajanm ki prit hai. am v babool ka ped asapas ropa jae to bhi unaka svabhav nahin badalata. am ke phal mithe honge aur babool ke ped men kante hi ugenge. jis prakar oonchaee se girane vala jal shuroo men to tivrata se bahata hai, phir mnd pad jata hai, usi prakar tana hua sneh bhi ochha hota hai. yah pahale to utavalapan dikhata hai, kintu jaldi usaka utsah khatm ho jata hai. bhado-savan ka mahina a gaya hai, aur mor bolane lage hain. mira ko to hari jan mil gaya, jo mujhe pavan ke jhonke ki bhanti udakar le gaya. [1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. mirabaee (hindi) rajasthani. abhigaman tithi: 17 march, 2013.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah